Matayo 1

Eꞌyo soti nzezà Yesu Kristo awo vɨɨ

(Luka 3:23-38)

1ꞌDɨ̀vɨɨ adí Yesu ꞌba pale omvele Kristo opɨ Daudi yɨla drʉ ɨngale aꞌbí Iburahimu awo vɨɨ alɨa vɨɨ drìa vɨɨ ɨ.

2Iburahimu ti Isaka ɨ,

Isaka ti Yakobo ɨ,

Yakobo ti Yuda ɨnɨ adrípí anzɨ ɨbe,

3Yuda ti Perezi ɨnɨ Zara be, ayoa Tamarɨ ɨ,

Perezi ti Hezironi ɨ,

Hezironi ti Ramu ɨ,

4Ramu ti Aminadabu ɨ,

Aminadabu ti Nasoni ɨ,

Nasoni ti Salimoni ɨ

5Salimoni ti Boazi ɨ, ayopi nɨ Rahabu ɨ,

Boazi ti Obedi ɨ, ayopi nɨ Rutu ɨ,

Obedi ti Yese ɨ,

6díká Yese ti Opɨ Daudi ɨ.

Daudi ti Sulumani ɨ, ayopi nɨ ndráá Uria izípí ɨ.

7Sulumani ti Rehoboamu ɨ,

Rehoboamu ti Abiya ɨ,

Abiya ti Asa ɨ.

8Asa ti, Yehosafati ɨ,

Yehosafati ti Yoramu ɨ,

Yoramu ti Uzia ɨ

9Uzia ti Yotamu ɨ,

Yotamu ti Ahazi ɨ,

Ahazi ti Hezekia i.

10Hezekia ti Manese ɨ,

Manese ti Amoni ɨ,

Amoni ti Yosia ɨ,

11díká Yosia ti Yekonia ɨnɨ adrípí alóo ɨbe ndráánɨ́ ɨnɨ nɨ mbʉjʉ ovʉjʉ júrúú drʉ àꞌdí yɨ̀ Babulonia vɨɨ yɨ̀.

12Ɨnɨ nɨ mbʉjʉ ovʉjʉ Babulonia ꞌba vɨɨ butia,

Yekonia ti Sialiteli ɨ,

Sialiteli ti Zerubabeli ɨ.

13Zerubabeli ti Abiudi ɨ,

Abiudi ti Eliakimu ɨ,

Eliakimu ti Azori ɨ.

14Azori ti zadoki ɨ,

Sadoki ti Akimu ɨ,

Akimu ti Eliudi ɨ.

15Eliudi ti Eliaza ɨ,

Eliaza ti Matani ɨ,

Matani ti Yakobo,

16Yakobo ti Yusufu ovʉle Mariamu Yesu Kristo ayopi drʉ vɨɨ Onyɨ́pɨ ɨ.

17Ànɨyɨ̀, ɨꞌdojʉ aꞌbí Iburahimu yɨ̀, cajʉ Daudi yɨ̀ vɨɨ ɨnɨ kàlàfe mudrí drìa su. Ɨngajʉ iwú Daudi ngarè yɨ̀ cajʉ kpere sawà ɨnɨ nɨ ovʉjʉ àngʉ̀ júrú drʉ Babulonia vɨɨ yɨ̀, àꞌbianzɨ kàlàfe mudrí drìa su, díká ɨngajʉ iwú ɨnɨ nɨ ovʉjʉ Babulonia vɨɨ yɨ̀ cajʉ kpere Yesu Kristo yɨ̀, ɨnɨ kàlàfe mudrí drìa su.

Òsitaa Yesu Kristo awo vɨɨ

18Tèvɨ́nɨ òsita Yesu Kristo awo vɨɨ ꞌonɨ nónɨ: Mariamu ovʉle ayopi drʉ vɨɨ ndráá àtí ànɨ ru Yusufu be, te dèèngà ɨ̀cɨ́ɨ́ ànɨ kʉ, Mariamu isú mva òkpo Orɨndɨ Àlátárá awo vɨɨ yɨ̀. 19Te onyípi Yusufu nɨ ovʉle ꞌbarʉʉ eꞌyo drɨ́á Orɨ nɨ lèle vɨɨ ꞌole vɨɨ ɨ vɨɨ yɨ̀ àloo ɨ̀rɨ nɨ lèle Mariamu yɨ́ drìnza fèle òꞌbɨ mulia kʉ vɨɨ yɨ̀, iga eꞌyo nɨ asíá lèjʉ Mariamu nɨ gàjʉ títí drʉ.

20Te ɨ̀rɨ nɨ lèrɨa eꞌyo ꞌdɨ̀vɨɨ ꞌorɨa, malaika Opɨ awo vɨɨ aloo ɨ̀ꞌdanɨ ɨ̀rɨ́ yɨ́ léti orobɨ alɨa yɨ̀ díká ꞌyo ɨ̀rɨ́ yɨ́ kɨ́nɨ̀, “Daudi mvápi Yusufu lá, mɨ ꞌo òrì Mariamu nɨ rujʉ izí drʉ kʉ àrɨ̀yɨ̀kʉ mva ɨ̀rɨ alɨa naa ɨ̀rɨ òkpo Orɨndi Àlátárá drʉ vɨɨ awo yɨ̀. 21Ɨ̀rɨ ngaa agúámvá òsi ɨ, díká mɨ ngaa rúa ꞌda Yesu ɨ, àrɨ̀yɨ̀kʉ ɨ̀rɨnɨ mule ꞌba nɨ awo vɨɨ ɨnɨ òpale ɨ̀zatà alɨa vɨɨ yɨ̀.”

22Eꞌyo ꞌdɨ̀vɨɨ ꞌó ànɨ fèjʉ eꞌyo ndráánɨ́ Yehova nɨ azílé ꞌba eꞌyo ondrílé vɨɨ ɨnɨ tia vɨɨ ɨ̀rɨ ca nɨ kara kòꞌbò benì, 23kɨ́nɨ̀ “Àmɨ ndré ngà àlɨrɨa nɨ ngaa mva isúu ra díká ɨ̀rɨ ngaa agúámvá òsi ɨ, ꞌba ngaa rúa ꞌdaa Imanueli ɨ”#Isaya 7:14 ꞌdɨ̀vɨɨ ɨkɨ́a “Orɨ nɨ àma be.”

24Ànɨyɨ̀ Yusufu nga oꞌdúa vɨɨ yɨ̀, o eꞌyo ꞌdɨ̀vɨɨ kòꞌbò malaika Yehova awo vɨɨ nɨ ꞌyole vɨ́nɨ díká jɨ Mariamu nɨ àkúá izí drʉ ra. 25Te Yusufu awɨɨ la izí ndee be kʉ kpere ɨrɨ nɨ mva agúá òsiria. ꞌDa mva ndee rúa Yesu ɨ.

Currently Selected:

Matayo 1: MADI-URL

Highlight

Copy