Ittẹwọr 10
10
Odem kw'efonamma cha Noa
1Ma wọ ode odem kw'efonamma cha Noa ch'ede Shẹm, ọmaana Ham, ttara Japhẹt. Wa va mba akk'abhakhi abhon ayok, k'ogbe kw'iwa asi p'achi ọyagbin akk'akka.
Ẹnọmma cha Japhẹt
2Va pa Japhẹt p'ijinọng wa bẹ ade:
Goma, ọmaana Magọg, ọmaana Madai, ọmaana Javan, ọmaana Tubal, ọmaana Mẹshẹk, ttara Tiras.
3Wa va p'ijinọng pa Goma ade:
Askenaz, ọmaana Riphat, ttara Togama.
4Va p'ijinọng pa Javan ade:
Elisha, ọmaana Tarshish, ọmaana Kitim, ttara Dodanim. 5Wa va pa va p'anọng mba, bọ iwa arukhi k'araanga akhaan-ọkhaan, an-abhaangi aruk k'orerek fabẹ, ka mfonamma sabẹ, ọmaana k'ibhon k'ibhon, anọng-ọnọng agbaak ebhon chabẹ. Ma wọ iwa ode ẹnọmma cha Japhẹt.
Ẹnọmma cha Ham
6Va pa Ham p'ijinọng bẹ ade:
Kush, ọmaana Ijip, ọmaana Put, ttara Kenaan.
7Kush ọn-ọbhakhi obhon:
Seba, ọmaana Havila, ọmaana Sabata, ọmaana Rama, ttara Sabateka.
Wa va pa Rama ade:
Sheba, ọmaana Dedan.
8Kush wọ iwa obiro ode otte kwa Nimrọd, kw'iwa ode okkenggitza kw'ideden k'ọyagbin. 9Nimrọd wa ode ọgbaajijaa kw'ideden k'itzitzikha s'Ọvaar Ibinọkpaabyi. Kwẹ kwọ osi bẹ am-aben bi, “Macha Nimrọd, kw'ode ogbaajijaa kw'ideden kw'Ibinọkpaabyi ọkk'ọwọbh ọnanga.” 10Ichedenmon s'iwa kẹ ọdabhi ẹvaar ide ibhon sa Babẹl, ọmaana Ẹrẹk, ọmaana Akad, ttara Kalnẹ. Ibhon nna biphyir wa s'iwobh k'okhubha kwa Shina. 11Ma kw'iwa on-obin ochina k'okhubha kw'Asiriya, otza osi ibhon sa Ninevẹ, ọmaana Rehobot-Ir, ọmaana Kala, 12ọmaana Resen, kw'owobh k'ottem kwa Ninevẹ, ttara odedenmon kwa Kala.
13Wa Ijip ọbhakhi obhon abaLud, ọmaana abAnam, ttara abaLehab, ọmaana abaNaphatu, 14ọmaana abaPatarus, ọmaana abaKasalu, ttara abaKaphatọr. AbaKasalu bọ iwa an-abira abhakhi abhon ẹkhọma cha Philistiya.
15Kenaan, kẹ wa ocheden obhon Sidọn, obiro obhon abaHet. 16Wa ngọma sa mfon ka Kenaan nde: abaJẹbus, ọmaana abAmọr, ọmaana abaGirgash, 17ọmaana abaHiv ọmaana Ak, ọmaana abaSin, 18ọmaana abAvad, ọmaana abaZẹma, ttara abaHamat.
Wa nnọmma nna biphyir sẹ mfon ka Kenaan, nnyaami 19Wa ẹkhọma cha Kenaan etzim maa epyiri Sidọn, ebir etzima ka Gẹra maa etzuma ka Gaza, ebir etzima echina ka Sodom, ọmaana Gomora, ọmaana Adama, ọmaana Zeboyim, maa apyiri ka Lasha.
20Ma wọ iwa ode ẹnọmma cha Ham, ka mfonamma sabẹ, ọmaana ka mmon sabẹ, ọmaana k'orerek fabẹ ttara k'ibhon sabẹ.
Ẹnọmma cha Shẹm
21Shẹm, kw'iwa Japhẹt otzori nnam, wa obhoni Ẹbẹr, ttara va p'Ẹbẹr obhoni biphyir.
22Wa Shẹm obiro obhon va adọdọk p'ade:
Ẹlam, ọmaana Ashur, ọmaana Arphaksad, ọmaana Lud, ttara Aram.
23Wa va p'Aram ọbhakhi obhon ade
Uz, ọmaana Hul, ọmaana Gẹta, ttara Mash.
24Arphaksad obhon
Shẹla, kw'obiro ọbhakhi obhon Ẹbẹr.
25Ẹbẹr, wa obhoni va p'ijinọng afa: Ocheden okpen
Pẹlẹg, kw'oyini, ẹbhaangi. K'ogbe kwẹ wọ kw'iwa anọng abhaangi k'ọyagbin, bẹ anyaami aruk k'ibe kpenamkpen; ọgbaanọkka kwa Pẹlẹg okpena Jọktan.
26Jọktan wa obhoni
Almodad, ọmaana Shẹlẹph, ọmaana Hazamavẹt, ọmaana Jẹra, 27ọmaana Hadoram, ọmaana Uzal, ọmaana Dikala, 28ọmaana Ọbal, ọmaana Abimayẹl, ọmaana Sheba, 29ọmaana Ophir, ọmaana Havila, ttara Jobab. Anọng mba biphyir wa bẹ ade va pa Jọktan.
30Wa ẹkhọma ch'anọng mba arukhi ẹttẹwọr ka Mẹsha maa achina ka Sẹphar, ka mgbegbeho sa nwobh k'okhubha kw'ewuchen em-eyin.
31Ma wọ iwa ode ẹnọmma cha Shẹm ka mfonamma sabẹ, ọmaana ka mmon sabẹ, ọmaana k'orerek fabẹ, ttara k'ibhon sabẹ.
32Ma wọ iwa ode mfonamma sa va pa Noa, atzor ka va pa va k'idibhon sabẹ. Wa ofon k'anọng mba, idibhon s'ọyagbin biphyir in-inyaami, k'ogbe kw'asi p'iwa achi ọyagbin akk'akka.
Currently Selected:
Ittẹwọr 10: mfo-latn
Highlight
Share
Copy
Want to have your highlights saved across all your devices? Sign up or sign in
©️2025 Luke Initiative for Scripture Translation
