Ageun 16

1 # Tub 13:2; Luk 1:7; Gal 4:24. Sarai, aberu naka Aburam mam aurikinit ŋes idwe; kejai ŋes abulesit, Amisiriat, ekekiror Kagar. 2#Age 30:2. Kotema Sarai Aburam atiar, “Koany, abu EJAKAIT kesimik eoŋ aur, kenainait, koloma ijo neejai akabulesit; elemuni kadum idwe kama ejai.” Kiira Aburam eporoto loka Sarai. 3Kedaunit Aburam ikar itomon iboie kakwap naka Kanaan, abu Sarai aberu naka Aburam koyana Kagar, Amisiriat, akebulesit, koinak ŋes Aburam okilenike araun akeberu. 4#Awa 30:23. Koloma ŋesi neejai Kagar, kopotuu; keanyu ŋin ebe apotuu, komen do tataake kakonyeke. 5#Any 5:21. Kotema Sarai Aburam atiar, “Akamenio kojai neijai ijo; abu kainak akabulesit atorobukon, ido nakeanyunia ŋesi ebe apotuu, kamen eoŋ kakonyeke. Kotub EJAKAIT akiro eoŋ ka jo.” 6Konye Aburam kotema Sarai atiar, “Koany, ejai akonibulesit akanikon; kiswamak ŋes nuedolito kakonyekon.” Kisiejanakini Sarai ŋes kagogon, kosi kakonyeneke.

7 # Age 25:18. Emalaika loka EJAKAIT kodumak ŋes okicoi loka akipi kamodiŋ, ekicoi loejai orot ilosi Sur. 8Kotema atiar, “Kagar, abulesit naka Sarai, kibuni kai? Ido ilosi ai?” Kotema atiar, “Asii eoŋ kakonyen nuka tataaka Sarai.” 9#Pes 6:5-9. Kotema emalaika loka EJAKAIT ŋes atiar, “Koboŋo neejai tataakon, kononokikinite ŋes.” 10#Age 22:15-18; Mal 3:1; Age 25:12. Kotema emalaika loka EJAKAIT ŋes atiar, “Esupui noi akoniwur, komam imarunos kanuka aipues.” 11#Any 2:23,24. Kotema emalaika loka EJAKAIT ŋes atiar, “Koany, ipotuu ijo, idouni rwaru ikoku yenitelepat, imaikini ekekiror Isimael, #16:11 Isimael Apolouke Epupi Edeke. naarai abu EJAKAIT kopup akoniiticanio. 12#Age 25:18. Eraun ŋesi bala etuko kotuna, esurokini akekan ŋinituŋanan, ido akan naka ŋinituŋanan esurokini ŋes; iboienenei ŋesi kaneejaas ikekinacan kere.” 13#Sab 139:1-12. Komaik ekiror loka EJAKAIT lokineras kaŋes ebe, “Irai ijo Edeke loitei”: ebe da, “Aseseni kereka eoŋ ŋol loketei kane da?” 14Ŋes kemaikinere ekicoi Beer-Iakai-roi; #16:14 Beer-lakai-roi Apolouke Ekicoi loka Ekajaran loketei eoŋ. koany, ejai kidin ka Kades ka Bared.

15 # Gal 4:22. Kourik Kagar Aburam ikoku yenitelepat; komaik Aburam ikekoku yenaurier Kagar ekekiror Isimael. 16Kodaunite Aburam ikar akaisakany kauni ka lukanykape naaurikinia Kagar Aburam Isimael.

Currently Selected:

Ageun 16: AOV1961

Highlight

Copy