Ageun 27

1 # Age 48:10; 1 Sam 3:2; Lim 12:3. Kosodi kanen, kemoion Isaak, kowariwarete da akekonye, komam epedori aanyun, konyarau Esau okokuke Iosodit, kotema atiar, “Ikakoku.” Kobala ebe, “Eoŋ lo.” 2#Awa 27:1; Yak 4:14. Kotema atiar, “Koany, amoion eoŋ, mam ajeni apaaran naatwania. 3#Age 25:27,28. Aso kwana kenainait, kitin lumeias, ekonieoe, ka akonikabwa, kolot ais, komejak imejauna; 4#Age 48:9,15; 49:28; Ikis 33:1; Bur 11:20. Kitemok akiriŋ naejijim, kwape akotor, koinu, kanyam; kasodi kelipak jo arereŋ eroko eoŋ ketwana.”

5Kiira Rebeka nueneras Isaak kaEsau ikekoku. Kolot Esau ais amejaun imejauna, ka ayaun da. 6Kolimok Rebeka Yakob ikekoku ebe, “Koany, apup papakon elimokini onacekon Esau ebe, 7‘Koinunai imeiauna kitemok akiriŋ naejijim, kanyam, kelipak jo arereŋ kakonyen nuka EJAKAIT eroko eoŋ ketwana.’ 8#Age 27:13. Aso ikakoku, kiira ekaporoto kwape ejaatar ŋun nukeeorakini. 9Kolot kwana osipan loka akinei, koinu ikaalei iarei luejok; etemokini eoŋ da kes araun akiriŋ naejijimikini papakon, kwape ekotor: 10#Age 48:15. Iinari ijo papakon, konyam, kosodi kilipak jo arereŋ eroko ketwana.” 11#Age 25:25. Kotema Yakob totoke Rebeka atiar, “Koany, erai onaeeka Esau etuŋanan loecekit, konye arurut eoŋ. 12#Age 27:22; 9:25; Ikis 27:18. Elemuni papaka kararapana, araun eoŋ da ekeŋalan kamake; kasodi ailamakinio kwabo mere aisirerenio.’ 13#Age 43:9; 1 Sam 25:24; 2 Sam 14:9; Mat 27:25. Kotema totoke atiar, “Kabeik eoŋ akoniilamakinio, ikakoku; na bon, kiira ekaporoto, ape koomikinai.” 14#Age 27:4,9. Kolot, koom, koinu totoke: kitemok totoke akiriŋ naeiiiim, kwape akotor papake. 15#Age 27:27. Kolem Rebeka inapen luejok luka Esau ekiyaike, luajaas kaŋes togo, kitanap nul Yakob okokuke lodidi: 16Kitanapanak imukulen luka ikaalei akaninike, omurisiŋike da nearurut. 17Koinak okokuke Yakob akiriŋ naejijim ka inyamat luetemokinit akaninike.

18Kobu neejai papake, kotema atiar, “Ipapa.” Kobala ebe, “Eoŋ lo; iŋai bo ijo, ikakoku?” 19#1 Ika 13:18; 14:2; Isa 28:15; Sek 13:4. Kotema Yakob papake atiar, “Eoŋ Esau ekiyaikon; ido eswama kwape ibu kieorakinia; kenainait, konyou, kiboikin, konyam imejaunaka, kosodi kilipak eoŋ arereŋ.’ 20#Any 20:7. Kotema Isaak okokuke atiar, “Ikonakini ai isunyari adumun kwaŋin, ikakoku?” Kobala ebe, “Naarai EJAKAIT Ekonideke ŋes ketusunyaari.” 21#Age 27:12. Kobala Isaak Yakob ebe, “Kenainait kikunyu, kararapana, ikakoku, arai kito ijo ikakoku Esau eut cut, arai mere.” 22Kikunyak Yakob neejai Isaak papake; korarapana, kiner ebe, “Eporoto erai eporoto loka Yakob, konye do akanin eraas akanin nuka Esau.” 23#Age 27:16. Mam abu komisiik, naarai acekitos akaninike, kwape kakanin nuka onaeeke Esau: kosodi ailipakin arereŋ. 24#Rom 3:7,8; Pes 4:25. Kotema atiar, “Ŋoŋ ikokuka Esau eut?” Kosodi ebe, “Eoŋ lopelo.” 25Kotema atiar, “Kisukunyikinai, kanyam imejauna yenika ikokuka, kasodi kelipak arereŋ.” Kisukunyik neejai, konyam: koinu ajon da, komat, 26Kosodi Isaak papake kotema ŋes atiar, “Ikakoku, kikunyu do, konu eoŋ.” 27#Kos 14:6; Eko 2:13; Bur 6:7. Kikunyak konu: kinu elos loka anapitoke, kilipak arereŋ, kotema atiar,

“Koany, elos loka ikokuka

Esubit bala aures naka emanikor Ioisirerenit EJAKAIT:

28 # Bur 11:20; Ikis 33:13,28; 2 Sam 1:21; Mar 18:12; Sab 65:9; Sek 9:17. Ido koinanakini Edeke jo akopyo nuepote kokuju,

Ka amio naka akwap,

Akima ka ajon nuipu:

29 # Age 9:25; 12:3; 49:8; Mar 24:9. Kijaanakinete jo ituŋa,

Kokukonokinos jo atekerin:

Koyaite ikoniinaean,

Kokukonokinos jo odwe luka totokon:

Kilamanakinete yenikilami jo,

Ido kisirereŋenenete yenikilipakini jo arereŋ.”

30Kosodi kanen, nepedauni Isaak ailipakin Yakob arereŋ, korai Yakob da anyoun ŋipeŋin kaneejai papake Isaak, kobonuni do Esau onaeeke kotoma amej. 31#Age 27:4. Kipo ŋesi da akiriŋ naeiijim koinu papake; kotema papake atiar, “Ipapa konyou ca bo, konyam imejauna yenika okokukon, kosodi kilipak arereŋ.” 32Isaak papake kotema ŋes atiar, “Iŋai bo ijo?” Kotema atiar, “Eoŋ ikonikoku yenikiyai, Esau.” 33#Age 28:3,4; Mar 23:20; Pes 1:3; Rom 11:29. Komaran Isaak noi noi, kotema atiar, “Aso iŋai bo nol lokemejauni imejauna kainu: anyam eoŋ kere eroko ijo kebuno, kasodi ailipakin arereŋ? Eebo, isirerenio ŋes da.” 34#Bur 12:17. Kiira Esau akiro nuka papake, kikiliar aimony noi, kiutie, kobala papake ebe, “Okwe ipapa, kilipakinai eoŋ da arereŋ, eoŋ da, ba.” 35#1 Ses 4:6. Kotema atiar, “Abu onacekon kobu iŋalai, ido kidemak arerenukon.” 36#Age 25:29-34. Kotema atiar, “Mam aponi komaikinai ejok ekekiror Yakob? Naarai alomaki nukan irwan nu kere aarei; abukadema apolouka; ido koany, natikwana da kadema akareren.” Kotema atiar, “Mam kideikinit eoŋ da adiorerene” 37#2 Sam 8:14. Koboŋok Isaak kotema Esau atiar, “Koany, adakak ŋes ayait jo, ainak da iinacanake kere mama ejai aijaanakin; ido esimii ŋes akima ka aion, aso anyoika nukasubakini jo ikakoku?” 38#Bur 12:17. Kotema Esau papake atiar, “Ejai jo arereŋ adiopet bon ipapa? Okwe ipapa, kilipakinai eoŋ da arereŋ, eoŋ da ba.” Kodelo Esau, komony.

39 # Bur 11:20. Isaak papake Koboŋok ŋes ebe,

“Koany, eraun etogokon loka amio naka akwap,

ido loka akopyo nuepote kotoma akuj kokuju; #Bur 11:20.

40 # Age 25:23; 36:8; 2 Ika 8:20; 2 Sam 8:14; Oba 1:18-20. Ido ijarenenei kanuka ekilenikon,

Ŋaanakini da onacekon;

Kosodi ejaun nailakakinor,

Ilakilakaari ajookot komurisinikon.”

41 # Age 37:4; 50:3; Oba 1:10; 1 Yok 3:12. Kosac Esau Yakob kanuka arereŋ naelipakin ŋes papake. Kotema Esau kotauke atiar, “Eapiete apaarasia nuka aimony papaka; kasodi aiar onaceka Yakob.” 42#Sab 64:5. Kolimokinai Rebeka akiro nuka Esau okokuke lokapolon; kijuka, konyarau Yakob okokuke lodidi, kotema atiar, “Koany, onacekon Esau, toma akirokon, italakaara naarai inerunit aiar joo 43#Age 11:31. Aso kwana, okokuka, kiira ekaporoto; konyou, koker Karan mama ejai Laban onaceka; 44Kiboioror kaŋes apaarasia adis aitodol neinonaror adedeŋ naka onacekon; 45Aitodol neinoŋaror anyunyura naka onacekon, kimurwokis da nuiswamak ŋes; ŋes ejukunia anyaraun jo kaŋina; kanukinyo tikademarere eoŋ yes kere kotoma apaaran adiopet?”

46 # Age 24:3; 26:35; 28:8. Kotema Rebeka Isaak atiar, “Apas aijaraka kanuka apesur nuka Ket: arai kemany Yakob da aberu kotoma apesur nuka Ket, nuesubitos bala ŋun. Kotoma apesuru nuka akwap kana, iŋarakinete akaijar biai?”

Currently Selected:

Ageun 27: AOV1961

Highlight

Copy