Ageun 38

1 # 2 Ika 4:8. Kosodi kapaarasia kanun, konyou Yuda kama ejaas ikeinacan, koloma mama ejai Edulamit, ekekiror Kira. 2#Age 34:2; 1 Siit 2:3. Koany Yuda kanen apese naka Ekanaanit ekekiror Sua; koyana ŋes, koloma mama ejai, 3#Mar 26:19. Kopotuu, kidou ikoku yenitelepat; komaik ekekiror Er. 4#Age 46:12. Kopotuu bobo, kidou ikoku yenitelepat; komaik ekekiror Onan. 5#Mar 26:20. Kidou bobo da ikoku yenitelepat, komaik ekekiror Sela; ajai Cesib, nakidounio ŋes, 6#Age 24:4. Komanyak Yuda Er ekekiyai aberu, ekekiror Tamar. 7#Age 46:12; 1 Siit 2:3. Arono Er, ekiyai loka Yuda, kakonyen nuka EJAKAIT; koar EJAKAIT ŋes. 8#Mat 22:24. Kotema Yuda Onan atiar, “Koloma mama ejai aberu naka onacekon, kikonak ŋes kwape kibusakinitor onace loka lokatwan, kodumak onacekon aur.” 9#Ikis 25:6. Kojen Onan ebe mam aur emaikinio nake; kosodi nakelomaria mama ejai aberu naka onaceke, kobukonori kwap, kinyek ainakin onaceke aur. 10#Mar 26:19. Akirot ŋin nakiswamai arono kakonyen nuka EJAKAIT: koar ŋes da. 11#Rus 1:13; Leb 22:13. Kosodi kotema Yuda Tamar aberu naka okokuke atiar, “Kosal irai apuserut kotogo loka papakon, aitodol neepolooror Sela okokuka”; naarai kotema atiar, “Kinye ŋes da atwanare, kwape kikeinacan.” Kolot Tamar kiboienenei kotogo loka papake.

12 # 2 Sam 13:39. Kotuboros apaarasia kotwana aberu naka Yuda akoku naka Sua; kosub Yuda asuban, kosodi kolot mama ejaas ikekatubok ajulo nuka amerekekin koTimuna, ŋes ka ekepapero Kira Edulamit. 13#Yos 15:10,57. Kolimokinai Tamar atiar, “Koany, papaakon elosi Timuna aitub ajulo nuka amerekekin.” 14#Awa 7:12; Age 38:11,26. Kolaca inapen luka eipuseruneke, kimuko ekereet, kimukor kegoe kiboikin orute loka Enaim, loejai orot loelosi Timuna; naarai abu koany ebe apoloor Sela, komam einakina airumakin kaŋes. 15Keanyu Yuda ŋes, koomite ebe nadote; naarai kimukorit akekonyen. 16Kopaa korot neejai, kotema atiar, “Ikatuan, kenainait, kiyu kaloma mama ijai.” Naarai mam ajeni ebe ŋes aberu naka okokuke, Kotema atiar, “Kiinakini con inyo, arai kilom mama ajai?” 17#Esk 16:33. Kotema atiar, “Kejukakini ikalol yenika akinei kosipan.” Kotema atiar, “Kititini eoŋ inyo aitodol neijukunia?” 18#Age 38:25. Kotema atiar, “Aititiŋet anyoin kainakini?” Kotema atiar, “Egilutukon ka aunokon, ka ebela loejai akanikon.” Koinak ŋes, koloma mama ejai, kopotik ŋes, 19#Age 38:14. Konyou kolot, kolaca ekegoe lokimukos, konap inapen luka eipuserune.

20Kijuka Yuda ikalol yenika akinei kakan naka epaperoke Edulamit, ainyakunia aititiŋet kakan naka aberu: konye mam abu kodum ŋes. 21Kinit tuna luka aibois naka aberu atiar, “Anibo nadote nalem ejai Enaim ariri naka erot?” Kotemasi atiar, “Emamei lem nadote kane.” 22Kobono mama ejai Yuda, kotema atiar, “Mam abu kadum ŋes, ido ebalasi ituŋa luka aibois ebe, ‘Emamei lem nadote kane.’’’ 23Kotema Yuda atiar, “Kenyeisi koyanaa, kinyein aisurum oni ileic; koany, ejuka ikalol yen, mam jo idumunit ŋes.”

24 # Tub 19:2; Leb 21:9; Ikis 22:21. Kosodi ketuboros ilapio kwaka iuni, kolimokinai Yuda ebe, “Erai Tamar aberu naka okokukon naadote; ido koany, epotie akoik naka adoteu.” Kotema Yuda atiar, “Kitolomut ŋes, kicweai.” 25#Age 37:32. Nakitolomasi ŋes, kiyakik papaake atiar, “Ekiliokit elopet iboro lu, ŋes kapotikini.” Kotema atiar, “Kenainait, kojen lukanai lu, egilut, ka auno, ka ebela.” 26#1 Sam 24:17; Age 38:14; Yob 34:31. Kocam Yuda kes, kotema atiar, “Ketelekaa eoŋ karaut naedolit, naarai mam abu kainak ŋes Sela okokuka.” Mam bobo abu kojenu ŋes.

27Kosodi, kedol apak naka aidoun, koany, kojaas imwatok kakoikike. 28Kosodi keapu aidoun kitolom idiope akan; kitin akesidon koenik eusi lokareŋan akan, kinera atiar, “Yen ŋes esiau alomun.” 29Kosodi nakinyaka akan, koany, kolomu onaceke; kotema atiar, “Kanukinyo icilunori ijo kanukon?” ŋes kemaikinere ekekiror Peres. #38:29 Peres Apol ouke Acilun. 30Kokau kolom onaceke, loejai eusi lokarenan akanike; komaik ekekiror Sera.

Currently Selected:

Ageun 38: AOV1961

Highlight

Copy