Ageun 43

1 # Age 12:10; 26:1; 41:57; 1 Ika 18:2; 2 Ika 8:1; Yer 52:6. Kodedenear ebeli kakwap. 2Kosodi kanen, kedaut ainyam akima kere nuaomete koMisiri, kotema kes papakec atiar, “Koloto bobo, kogwelut idisinyamat.” 3#Age 42:20; 44:23. Kobala Yuda ŋes ebe, “Abu etuŋanan kiyapoik sio cut, kobala ebe, ‘Mam ianyunete akakonyen dimikito ejai onacekus kayes.’ 4Arai ijukari onacekos kasio, kilosi agwelakin jo inyamat; 5Konye arai mam iiukari, mam kilosi: naarai abu etuŋanan kobala sio ebe, ‘Mam ianyunete akakonyen, dimikito ejai onacekus kayes.’’’ 6Kobala Isirael ebe, “Kanukinyo kiswamakiniata eoŋ erono kwaŋin, alimokin etuŋanan ebe ejai onacekus ece?” 7Kobalas ebe, “Abu etuŋanan je kinitinit sio kwape kiiaar, ido kwape eiaar cwokokek, kobala ebe, ‘Eroko papakus ejari? Ejai yes onaeekus ece?’ Kalimokis ŋes kwape ejaatar akiro ŋun; tikipedo biai ajenun ebe etemari atiar, ‘Koyaut onaeekus da’?” 8Kotema Yuda Isirael papake atiar, “Kijuka esapat keoŋ, kinyouni isio da kaloto: tetere kiiari, kenyeisi atwakare, isio ka jo, ka idwckosi ludidik. 9#Age 44:32; Plm 1:18,19. Araun eoŋ ekabwoiaranike: kitepeseni eoŋ kanuken; arai mam enyakunit mamakon, kebwaik kakonyenekon, kabeik eoŋ akirot apaarasia kere: 10Naarai kedim isio aitumor, abeit tikiibonu sek irwan nakiareit.”

11 # Age 32:20; 37:25; Awa 18:16; Yer 8:22; Esk 27:17. Kobala kes papakee Isirael ebe, “Arai do ikote nen, kiswamata kwanata; koyaata koborokus adisiraito nuka akwap nuitelekarito aiokis, koinakis etuŋanan ainakinet, ediomina, ka ediosik, ka luesaete, ka akinyet, ka emaido ka akunur: 12#Age 42:25,35. Koyaata da apesan aitemisio aarei kotoma akaninikus; koyaata bobo kakaninikus apesan nuenyakunio kaituke nuka ipukoikus; diat kinyakunio kanuka abuikin: 13Koyaata onaeekus da, konyout, kobonosi mama ejai etuŋanan, 14#1 Sam 14:6; 2 Sam 22:3,31; Yob 13:15; Sab 22:4; 34:8,22; Awa 28:5; Isa 57:13; Nak 1:7. Edeke Lokapedor koinak aitimio kakonyen nuka etuŋanan, kolaeak onaeekus je ka Benyamin. Eoŋ da arai katwania idweka, atwaniari.”

15Koyaata ituŋa ainakinet ŋin, koyaata apesan aitemisio aarei kakaninikee, ka Benyamin; konyout koloto Misiri, kobwaata kakonyen nuka Yosep. 16#Age 24:2; 39:4. Keanyu Yosep Benyamin ejai kakes, kotema ekeŋadan loka etogoke atiar, “Kitoloma ituŋa togo, kopuik, kitemonok; naarai kimori ituŋa ŋul keoŋ luka paaran.” 17Kiswama etuŋanan kwape kicorakinia Yosep; kitoloma etuŋanan ituŋa togo loka Yosep. 18Koyona ituŋa, naarai etolomar kes togo loka Yosep; kobalas ebe, “Kanuka apesan nukinyakanakinio opukoiwok ŋes kitolomunere nee; akodokod, kosodi akakakin oni, anatar araun ibulesinike, ka awokosigirian da.” 19Kikunyakis neejai ekeŋadan loka etogo loka Yosep, kinerata kaŋes kokek loka etogo. 20Kobalas ebe, “Okwe ejakait, abeit kipou kapotu nasodit agwel inyamat: 21#Age 42:27,35. Kosodi kanen, kiidol aibois naperot, kalaeasi ikosipukoi, ido koany, apesan nuka nolitunanan kojaas aituk naka epukoke, akosipesan da koriana ekeeetiai; kinyakunit bobo kakaninikosi. 22Ido kiyau aeepesan kakaninikosi agwelia inyamat: mam sio kijeni yenikibwaikini apesanakosi opukoikosi.” 23Kobala kes ebe, “Ainapakin koiai mama iiaas, sirikiyoŋa, Edekekus ido Edeke loka papakus, ŋes kiinakini abara kotoma opukoikus: aponi kainakin akusipesan.” Kitolomik kes Simeon. 24#Age 18:4; 24:32; Luk 7:44; Yok 13:5; 1 Tim 5:10. Kitoloma etuŋanan ituŋa togo loka Yosep, koinak kes akipi, kilotata akeeekeje: koinak akeeesigirian da inyamat. 25Kitemonokis ainakinet tetere kebu Yosep paaran; naarai apuput ebe enyamete atap kanen.

26 # Age 27:29; 33:6; Rus 2:10. Aso keboŋu Yosep ore, koinasi ŋes kotogo ainakinet naajai akaninikec, kisudedikinos ŋes, 27#Age 42:11-13. Kiŋit kes kwape ejaatar, kobala ebe, “Enale papakus, emoion loibalasi? Eroko ejari?” 28#Age 37:7,10; Awa 14:19. Kobalas ebe, “Eŋalei ebulesitikon papakosi, eroko eiari.” Kituluroto akecekwes, kokukumoto. 29#Age 35:17,18; 42:13. Kiteluo Yosep akekonye, koany onaeeke Benyamin, okoku loka totoke, kobala ebe, “Lo ŋes enooritikus loibalasi yesi?” Kobala ebe, “Edeke kosianik jo, ikakoku.” 30#1 Ika 3:26; Yer 31:20; Age 42:24; 2 Sam 18:33. Kiburak Yosep; naarai arieba noi eketau onaeeke; komo neemonyia; koloma agolake komony kanen. 31#Age 43:25. Kilot akonyen, kolom; kotik etau kobala ebe, “Kodutata inyamat.” 32#Age 46:34; Any 8:26. Kodutakinai ŋes bon, kes da bonik, ka Imisirian da luanyamenenete kaŋes, bonik: naarai mam Imisirian apedorete ainyam nepepe kIburanian; naarai arai nin naketal kama ejaas Imisirian. 33Kiboikinos kakonyeneke, ekiyai kwape ejaar akepolou, ka eŋoorit da kwape ejaar eiditeuke: koumokis ituŋa noi. 34#Age 45:22. Koodonok kes inyamat luajaas akonyeneke; konye aodokinet naka Benyamin kitelekarite nukee irwan akany. Komatata, kiyalamikinos kaŋes.

Currently Selected:

Ageun 43: AOV1961

Highlight

Copy