Matius Bukuk Kitab doh tentang ilok?
Bukuk Kitab doh tentang ilok?
Bukuk Matius doh bukuk Kitab rik mulak nòm Perènhod Pay. Matius natekèd bukuk Kitab doh bok napèrnéh chare perènhod Allah manah tòp hòj nabelakuk: Matius nateꞌèl senaray mèn kenëh yak dòt bej Yèsus, supaye èlèkh Rik Nak nabeꞌasal nòm waris Abraham, yak dòt bej kaum Israꞌèl rik mulak, bok nòm waris Rajak Daud keꞌjèk. Tehad gerèk Allah napèrhod èn kelòj Kitab Perènhod Manah, Mèsias, Rajak rik Allah napèrhod, hòj nalãj ma bumi.
Tapik Kerajaꞌan Allah nak tok samak ma kerajaꞌan èn duniak doh. Yèsus, Rajak rik Paléng Rayak, tok nabelalay tapik nòm hup rik rendah Rik Nak nataw bok najadik Sènꞌòy rik nakèrdakh namtulong ma sènꞌòy gèhnih. Dak Rik Nak nabetènglèkh ma hèhoh Eh supaye mugos gerèk nak keꞌjèk, nachal, “Chok rik nachèn namjadik rayak èn nyob mestik najadik gerèk kuli bok nakèrdakh namtulong ma sènꞌòy gèhnih.” Matius natulis keꞌjèk tenènglèkh Yèsus rik paléng terkenal, bil Rik Nak naꞌòj ma tangkòl bok nabetènglèkh ma sènꞌòy jajéh tentang Kerajaꞌan Allah.
Yèsus naꞌor ma mèn hèhoh Eh mupèꞌtak ma Tuhan, “Kandék kiꞌas Hãk hamlãj hamjadik Rajak, dak nènchèn Hãk nambelakuk èn bumi bok gerèk èn sorga.” Dak èn bukuk Matius doh, èk ènéh hal nak hòj natekèd nabelakuk. Èn mulak bukuk doh, Allah natèrjal kenëh Yèsus nak “Imanuèl,” rik bemaksod “Tuhan mok samak èk.” Dak èn sèj-sòj bukuk doh, Yèsus naꞌor hèhoh-hèhoh Eh muwèk bok mutènglèkh ma kenèmbek kaum èn bumi supaye muhoh ma Yèsus. Bok Yèsus napèrhod, “Yék selaluk mok samak nyob, sampéy ma sèj-sòj bilok.”
Ilok rik nabelakuk èn Bukuk Matius
Senaray yak dòt bej Yèsus Kristus ròb nèsyos Eh 1:1—2:23
Yohanès Pembaptis natabéh sènꞌòy jajéh untok nèjlãj Yèsus 3:1-12
Yohanès nabaptis ma Yèsus dak Iblis natarèk ma Yèsus èn pantil gurun 3:13—4:11
Yèsus nateꞌèl kèrjak Eh, nabetènglèkh Gah Allah bok natulong ma sènꞌòy 4:12—18:35
Yèsus nachèb-chib nòm tèk Galiliya ma kote Yèrusalèm 19:1—20:34
Yèsus nalòy ma kote Yèrusalèm dak umkèrbes ma Rik Nak 21:1—27:66
Yèsus nawòg nòm kènbes Eh, napèrnéh rik Eh ma sènꞌòy, dak naꞌor mèn hèhoh Eh muwèk ma kenèmbek kaum èn duniak 28:1-20
Currently Selected:
Matius Bukuk Kitab doh tentang ilok?: KKT
Highlight
Share
Copy
Want to have your highlights saved across all your devices? Sign up or sign in
© 2025 Wycliffe Bible Translators, Inc.