2 कुरिन्थियो 2
2
1इण वास्तै म्हैं म्हारै मन में ठान लियौ हो की वळै थौरे खनै उदास करणै नीं आऊं। 2क्यूंकै जे म्हैं थांनै उदास करूं, तो म्हनै खुस करणैवाळौ कुण होवैला? कैवल थै इज जिणौनै म्हैं उदास करूं। 3अर म्हैं आहीज बात थांनै इण वास्तै लिखी ही, की कठैई ऐड़ौ नीं हो, की म्हारै आवण पे जिण ऊं म्हनै आंणंद मिलनौ चाहीजै, म्हैं उणौ ऊं उदास होऊं। क्यूंकै म्हनै थां सगळौ ऊपर इण बात रौ भरोसौ है, की जिकौ म्हारौ आंणंद है, वोहीज थां सगळौ रौ आंणंद है। 4काळजै रै कस्ट अर कलेस रै खातर रो-रोयनै म्हैं थांनै चिठ्ठी लिखी ही, इण वास्तै कोनीं, की थांनै दुखी करूं पण इण वास्तै की थै उण घणै परैम नै जांण लौ, जिकौ म्हनै थौरे ऊं है।
पापी नै माफ करौ
5अर जे किणी नै दुख दियौ है, तो उणै म्हनै इज कोनीं बल्कि कीं-कीं थां सगळौ नै दुख दियौ है। म्हैं उणरै साथै घणी कठोरता नीं करतौ 6ऐड़ै मिनख रै लियै ओ डंड जिकौ थां विसवासी भाइयो में ऊं घणै जणौ दियौ, घणौ है। 7इण वास्तै इण ऊं ओ भलौ है की उणरौ अपराध माफ करौ। अर तसली दो, नीं हो की ऐड़ौ मिनख उदासी में डूब जावै। 8इण खातर म्हैं थांरै ऊं विणती करूं हूं, की उणनै अपणै परैम रौ सबूत दो। 9क्यूंकै म्हैं इण वास्तै भी लिख्यौ हो, की थांनै परख लूं, की थै म्हारी सगळी बातां नै मांनणै रै लियै तैयार हो, की कोनीं। 10जिणरौ थै कीं माफ करौ हो उणनै म्हैं भी माफ करूं हूं, क्यूंकै म्हैं भी जिकौ कीं माफ किया है, जे किया है, तो थौरे खातर मसीह में होयनै माफ किया है, 11की सैतान रौ म्हौ ऊपर दाव नीं चलै। क्यूंकै म्हौ उणरी चाल ऊं अजांण कोनीं।
त्रोआस में पौलुस री उदासी
12 #
प्रेरि 20:1
जद म्हैं मसीह रौ सुभ संदेस सुणाणै त्रोआस आयौ, तद परभु नै म्हारै वास्तै एक द्धार खोल दियौ। 13पण उठै म्हैं अपणै भाई तीतुस नै नीं पायो। इण वास्तै म्हारै काळजै में सानति नीं मिळी, अर पछै उणौ ऊं विदा होयनै म्हैं मकिदुनिया परदेस चाल दियौ।
14पण परमेसर रौ धन्यवाद हो, जिकौ मसीह में हमेसां म्हौ नै जय रै तैंवार में लियै फिरै है, अर अपणै ग्यांन री सुगंध म्हौरै जरियै हरैक जगा फैलावे है। 15क्यूंकै म्हौ परमेसर रै नजीक उद्धार पावणवाळौ, अर नास होवणवाळौ, दोनूं रै लियै मसीह री सुगंध हो। 16जिकौ नास हो रिया है, उणरै लियै म्हौ मौत री घातक बदबू, अर उद्धार हासल करता जा रिया मिनखौ रै लियै जीवन री प्राणदायी सुगंध है। पण इण बातां रै लायक कुण है? 17म्हौ उण सगळौ रै ज्यूं कोनीं, जिकौ परमेसर रै वचन में अपणै फायदे रै लियै मिलावट करै है। पण साचै मन ऊं, अर परमेसर री तरफ ऊं परमेसर नै हाजिर जांणनै मसीह में बोलो हो।
Currently Selected:
2 कुरिन्थियो 2: RWR
Highlight
Copy
Compare
Share
Want to have your highlights saved across all your devices? Sign up or sign in
© NLCI CC BY-NC-ND 4.0