2 Corintios 13
13
Na' naqátaxacpi qataxa da' p'áteegue nip'iỹénataxanaxac
1Qomle 'ami sivitalo, qaama'le ỹivi't tres da' 'ami s'iỹílaxalo da' 'ami sesapchiỹalo. Ỹima qomle na' nesamaxataxac qoỹ'axat da' d'aqtaxa'n gaua' dos 'uootaxa tres siỹaxa'u. Naqaida da' 'enapega't naua' nidii's l'aqtaqa ñi' Dios. 2Jen'me 'uo ga' lesamaxataxac josii'chi qataxa ỹima jen'me laỹi, naỹi da' jaỹim qaỹá'a, qaláxasa ỹitaxa s'iỹilaxalégue da' ỹaqátaxac, 'me 'ená'am so'me ca'li 'ami souetaavlo. Qaláxasa 'ami ñichoxotet'alo, senaac: qomle ỹivíta da' ỹitaxa 'ami sec'atalo, qana'chi qaỹa 'te qomle ga' sichoxodenalégue. 3Huá'a qomle, qana'chi 'anauañíi'ỹi' ga'me 'anmichíitaaque 'me jaỹim di'ỹoxom da' na'chiso so' Cristo 'me jaỹim ỹosáxanaxaatac. Qataxa so' Cristo sa 'te qaỹa da' l'añaxac da' 'uo ga' 'ami 'eet'eque, jaldáta da' so'me ỹaloxon da' lañoqtaxanaxac da' 'ami huetaavlo. 4'Eesa da' sega'me qaỹa 'te l'añaxac so'me joca'li qoỹip'enaséguem, qaláxasa so'me nichaachiỹi da' lañoqtaxanaxac ñi'me Dios. Chan'eesa nataq'en qo'mi ñiuánaqa'uo da'me loláuaxa. Qaláxasa da' soqotaqáta'uo so'me, qana'chi qo'mi nichaatetaỹilo da' lañoqtaxanaxac ñi' Dios, da' qaidi saqanatetaq da' 'ami seloxolóo'te.
5Mai'chi 'an'iiñiila't qomle, qaidi 'auaỹáchiñiita qomle da' 'uootaxa 'eesa da' 'uo ga' 'adip'iỹáxaquii. Qaláxasa maliaxa 'an'iiñiila't qomle. ¿Sa 'te 'auaỹáchiñiỹo' da' so' Jesucristo 'ami huet'aita, lamá'a da' sa 'te 'chi 'anqovíñiitapeela't? 6Qaláxasa quiliisaxa da' maliaxa 'auaỹáchiñiita da' qo'mi sa 'te da' 'chi qo'mi qovínaxanaxaiqa. 7Qataxa ñitamnaqátapecot ñi' Dios, da' qaidi 'ami sa 'te da' 'av'íchii ga' sa nó'in. Sa 'te sétaaque da' qo'mi di'ỹoxoma ga' qaniỹamaxadénataguec, jaldáta da' sétaaque da' 'ami 'av'íchii ga' ỹiỹamqáchiiñi, temaqaidi da' sega'me sa 'te da' 'eesa ga'me s'axátaq. 8Qá'a qo'mi sa 'te sañoxotaq taa'le ñasoỹaqá'ai ga'me 'eesa nasoxoc, jaldáta da' ỹicochaxa. 9Chan'eesa ỹátaqta qo'mi madet'ape naale qaỹa 'te ga' qad'añaxac, qataxa lamá'a da' 'ami 'uañaxaiqa. Ỹa qolqat'ot da' qantamnaxac, qaidi ỹátaqta da' 'adalóichiiñi. 10'Ami sedénaqtenalo jan' ỹidíise naỹi, qaidi qomle ỹivíta da' 'ami sec'atalo, qana'chi sa 'te s'euoxonot da' sedolégue da' sen da' jaỹim ỹanem so' qadesaliaxanec, da' qaidi 'ami 'anchíquiitaseguem, qataxa sa 'te da' 'ami noláidiñi.
11Naỹi 'ami ỹaqáỹa', ỹátaqta 'ónaxaic qomle da' 'adadíquiaxaquii. Ỹátaqta 'aupaquiỹápegue' qomle da' nalóchiiñi da' 'anchaalataxaquii, qataxa 'ami madet'ape, qataxa 'oonolec ga' 'adeenataxaquii, qataxa 'ami laquétrapiiñi. Qaidi 'ami huet'aita ñi' Dios 'me chiỹoqo'ot da' n'emáxac qataxa da' nesóxodic. 12Ñi' 'oonolec qomle da' 'oñíita nec'ouoq ga' laqáỹa da' nip'iỹí'ne', ỹátaqta 'anchoxodiñiiỹa't. 13Ỹima na' qadaỹi 'me qadip'iỹáxau'pi 'ami ỹamaxalo da' lip'iỹénataxanaxac.
14Qataxa 'auacoñiiỹet qomle da' l'ágaxanataxanaxac so' qadesaliaxanec Jesucristo qataxa da' loqopi'chi ñi' Dios, qataxa 'auacoñiiỹet so' Espíritu Santo da' 'ami huet'aita. Já'a, na'chi naq'áita dójo'.
Currently Selected:
2 Corintios 13: PLGNT93
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento Pilagá © Sociedades Bíblicas Unidas, 1993.
2 Corintios 13
13
Na' naqátaxacpi qataxa da' p'áteegue nip'iỹénataxanaxac
1Qomle 'ami sivitalo, qaama'le ỹivi't tres da' 'ami s'iỹílaxalo da' 'ami sesapchiỹalo. Ỹima qomle na' nesamaxataxac qoỹ'axat da' d'aqtaxa'n gaua' dos 'uootaxa tres siỹaxa'u. Naqaida da' 'enapega't naua' nidii's l'aqtaqa ñi' Dios. 2Jen'me 'uo ga' lesamaxataxac josii'chi qataxa ỹima jen'me laỹi, naỹi da' jaỹim qaỹá'a, qaláxasa ỹitaxa s'iỹilaxalégue da' ỹaqátaxac, 'me 'ená'am so'me ca'li 'ami souetaavlo. Qaláxasa 'ami ñichoxotet'alo, senaac: qomle ỹivíta da' ỹitaxa 'ami sec'atalo, qana'chi qaỹa 'te qomle ga' sichoxodenalégue. 3Huá'a qomle, qana'chi 'anauañíi'ỹi' ga'me 'anmichíitaaque 'me jaỹim di'ỹoxom da' na'chiso so' Cristo 'me jaỹim ỹosáxanaxaatac. Qataxa so' Cristo sa 'te qaỹa da' l'añaxac da' 'uo ga' 'ami 'eet'eque, jaldáta da' so'me ỹaloxon da' lañoqtaxanaxac da' 'ami huetaavlo. 4'Eesa da' sega'me qaỹa 'te l'añaxac so'me joca'li qoỹip'enaséguem, qaláxasa so'me nichaachiỹi da' lañoqtaxanaxac ñi'me Dios. Chan'eesa nataq'en qo'mi ñiuánaqa'uo da'me loláuaxa. Qaláxasa da' soqotaqáta'uo so'me, qana'chi qo'mi nichaatetaỹilo da' lañoqtaxanaxac ñi' Dios, da' qaidi saqanatetaq da' 'ami seloxolóo'te.
5Mai'chi 'an'iiñiila't qomle, qaidi 'auaỹáchiñiita qomle da' 'uootaxa 'eesa da' 'uo ga' 'adip'iỹáxaquii. Qaláxasa maliaxa 'an'iiñiila't qomle. ¿Sa 'te 'auaỹáchiñiỹo' da' so' Jesucristo 'ami huet'aita, lamá'a da' sa 'te 'chi 'anqovíñiitapeela't? 6Qaláxasa quiliisaxa da' maliaxa 'auaỹáchiñiita da' qo'mi sa 'te da' 'chi qo'mi qovínaxanaxaiqa. 7Qataxa ñitamnaqátapecot ñi' Dios, da' qaidi 'ami sa 'te da' 'av'íchii ga' sa nó'in. Sa 'te sétaaque da' qo'mi di'ỹoxoma ga' qaniỹamaxadénataguec, jaldáta da' sétaaque da' 'ami 'av'íchii ga' ỹiỹamqáchiiñi, temaqaidi da' sega'me sa 'te da' 'eesa ga'me s'axátaq. 8Qá'a qo'mi sa 'te sañoxotaq taa'le ñasoỹaqá'ai ga'me 'eesa nasoxoc, jaldáta da' ỹicochaxa. 9Chan'eesa ỹátaqta qo'mi madet'ape naale qaỹa 'te ga' qad'añaxac, qataxa lamá'a da' 'ami 'uañaxaiqa. Ỹa qolqat'ot da' qantamnaxac, qaidi ỹátaqta da' 'adalóichiiñi. 10'Ami sedénaqtenalo jan' ỹidíise naỹi, qaidi qomle ỹivíta da' 'ami sec'atalo, qana'chi sa 'te s'euoxonot da' sedolégue da' sen da' jaỹim ỹanem so' qadesaliaxanec, da' qaidi 'ami 'anchíquiitaseguem, qataxa sa 'te da' 'ami noláidiñi.
11Naỹi 'ami ỹaqáỹa', ỹátaqta 'ónaxaic qomle da' 'adadíquiaxaquii. Ỹátaqta 'aupaquiỹápegue' qomle da' nalóchiiñi da' 'anchaalataxaquii, qataxa 'ami madet'ape, qataxa 'oonolec ga' 'adeenataxaquii, qataxa 'ami laquétrapiiñi. Qaidi 'ami huet'aita ñi' Dios 'me chiỹoqo'ot da' n'emáxac qataxa da' nesóxodic. 12Ñi' 'oonolec qomle da' 'oñíita nec'ouoq ga' laqáỹa da' nip'iỹí'ne', ỹátaqta 'anchoxodiñiiỹa't. 13Ỹima na' qadaỹi 'me qadip'iỹáxau'pi 'ami ỹamaxalo da' lip'iỹénataxanaxac.
14Qataxa 'auacoñiiỹet qomle da' l'ágaxanataxanaxac so' qadesaliaxanec Jesucristo qataxa da' loqopi'chi ñi' Dios, qataxa 'auacoñiiỹet so' Espíritu Santo da' 'ami huet'aita. Já'a, na'chi naq'áita dójo'.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento Pilagá © Sociedades Bíblicas Unidas, 1993.