2 Corintios 12
12
Da' lauanáxanaxac qataxa da' qoỹaloxóna so' Pablo
1Ỹátaqta qaỹa 'te ga' lauéguec ga' siỹaxaua da' mai'chi ni'ỹoxodéetapeela't. Qaláxasa na'chi 'ená'am jaỹim s'axat na' ỹauanáxanaxacpi qataxa jen'me jaỹim ỹaloxóna so' qadesaliaxanec. 2Jaỹim saateton so' siỹaxaua 'me ỹ'amaqten so' Cristo. So'me ma'le ỹivi't naỹi naua' catorce 'uóidi da' qoỹaueegue di' p'ásaseguem piỹem. Sa 'te saỹáten da' cásee'megue na' ló'oquiaxac ca'li qoỹauec, 'uootaxa ga' 'éeta. Qaláxasa ñi'me Dios 'me ỹaỹáten. 3Qaláxasa jaỹim saỹáteeta da' qoỹauec so'me siỹaxaua, temaqaidi da'me ỹimáseguem joca'li so'me siỹaxaua, 'uootaxa sa ỹimáseguem. Da'me sa 'te saỹáten, qaláxasa na'chiñíta ñi'me Dios 'me ỹaỹáten. 4So'me qoỹaueegue joca'li da' piỹem da'me l'acháqa' na' nec'alaqtacpi. Joca'li hua'ague da'me, qana'chi demachiỹalo saua' n'aqtaqa 'me sa qodemachiỹapegalo, 'me qaỹa 'te qoỹasenema da' dosiilo ga' 'chi siỹaxaua. 5Jaỹim ñ'amaqten taa'le da' sená'am so'me siỹaxaua, qaláxasa jaỹim sa 'te da' mai'chi ñi'ỹoxodeela't. Jaldáta da' ñi'ỹoxodínỹi ga'me ỹí'et da' qaỹa 'te ga' ỹ'añaxac. 6Temaqaidi da' 'uootaxa ñiỹamaxadéetapeela't, qaláxasa sa 'te da' sa ỹiỹamaxañi, qá'a jaldáta 'eesa da'me s'axátetac. Qaláxasa jaỹim sa 'te séet'ec da'me, qaidi qaỹa 'te ga' ỹagaqtenéegue da' lec'atenaxanaxac da' séeta, 'uootaxa da' demachítapega da' ỹitaxaỹaxac.
7Da'me jaỹim qoỹaloxóna ỹátaqta qaỹa 'te ga' 'ená'am da' li'ỹoxodic. Qaláxasa da' qaidi sa 'te da' ñ'amaqtéetapiỹi, qana'chi jaỹim qoỹanem da' naỹaliaxa, 'ená'am jaga' ỹaxat 'me ỹisóctaaue na' ỹapat. Naqaiso so' lamaxasec so' qadó'o paiỹac Satanás da' sa 'te jaỹim ỹiỹamaxataac. 8Chan'eesa tres da' siỹaxanot so' qadesaliaxanec da' jaỹim neuótec da'me. 9Qaláxasa so'me jaỹim 'enapéga, 'enaac: “Da'me ỹoqopi'chi sóxote 'am huet'asop, qaỹa 'te ga' 'auéetaaque laqáỹa. Qá'a da' ỹañoqtaxanaxac di'ỹoxom ga' siỹaxaua 'me qaỹa 'te ga' l'añaxac.” Chan'eesa ỹátaqta jaỹim mátac da' qaỹa 'te ga' ỹ'añaxac, qaidi di'ỹoxom jaỹim da' lañoqtaxanaxac so' Cristo da' jaỹim nichaatétaỹi. 10Chan'eesa ỹátaqta jaỹim mátac da' 'uootaxa qaỹa 'te ga' ỹ'añaxac, 'uootaxa da' jaỹim qoỹisouéetac, 'uootaxa da' 'uo ga' ỹovic, 'uootaxa da' jaỹim qoỹicáatac, 'uootaxa da' 'uo ga' ỹaqalaic, sasoilégue so' Cristo. Qá'a da' ỹátaqta ỹágueegue da' qaỹa 'te ga' ỹ'añaxac, qaláxasa lamá'asa da' ỹ'añaxac.
So' Pablo ỹátaqta sa maỹíñi ỹasouaxat so' 'amaqténataxanaxaicpi 'me néta'ña di' Corinto
11Jaỹim sená'am ga' jaláxaic ỹasouaxat da' mai'chi ñagaqten, qaláxasa 'ami 'me jaỹim 'audáxañiita't. Qamaale na'chi'ami toqo' 'me jaỹim 'avi'ỹoxodíñiitac, qá'a saỹáteeta da' sa 'te jaỹim napacalégue jen'me 'oquíitapegue'pi 'me 'enapeela't p'asáiỹi napacalégue jen'me lamaxa'spi so' Jesús, temaqaidi da'me qaỹa 'te ga' ñisáaque. 12Qá'a 'eesa ñiuenguet da' ỹ'onataxanaxac so'me 'ami souetaavlo, qataxa jen'me n'anecpi, qataxa jen'me sa qoỹauanápiỹipi, qataxa na' ỹa'uo da' n'aalaxa, naqáina 'me ỹichoxot da' ỹátaqta da' 'eesa da' jaỹim lamaxasec so' Jesús. 13Qá'a sa 'te 'ami senapegalo da' 'uootaxa sa 'te 'oñí'ỹam qasen jen'me 'amaqténataxanaxaicpi laỹi, jaldáta da' mai'chi jaỹim ñachiỹoxola't qaỹa 'te da' 'uo ga' jaỹim ỹimetapeelégue da' 'oñíita. Qana'chi ¡jaỹim 'auchoxodíñii qomle ỹasouaxat da' sega'me 'ami s'ota'n!
14Naỹi sóxote da' ñiỹamaxatétac da' ỹitaxa 'ami s'iỹílaxalo, qana'chi ỹivi't tres qomle da' 'ami sesapchiỹalo, qaláxasa qaỹa 'te qomle ga' jaỹim ỹimetapeelégue da' 'oñíita. Qá'a jaỹim sa 'te ỹimitaisec ga'me 'ami huet'asopa, qá'a na'chi'ami 'me 'ami sec'atalo. Qá'a ga'me net'a 'me na'chiga ga' laỹon jaga' lemena da' qaidi talégue ga'me lec'óxot, qana'chi sa 'te naqaiga ga'me nec'óxot da' daỹonaxaalégue ga'me let'a. 15Na'chi jaỹim ỹátaqta ñisapatetelégue da' sematéteuo na' mai'chi jaỹim huet'ot, qataxa ỹivíd'a da' mai'chi ỹ'añaxac, da' qaidi ỹiỹamaxañi da' 'anchaalataxaquii. Temaqaidi da' 'uootaxa nichíctaseguem da' 'ami ñoqopitalo, qaláxasa na'chi 'ená'am da' nichíctaseguem da' sa 'te jaỹim 'anqopichíiỹa.
16Qataxa 'uo na' ỹaỹáteeta 'ami da' qaỹa 'te ga' jaỹim lecochiỹapéga, qaláxasa na'chi 'ená'am qoỹinapii'ỹa da' sa ñaqaláa'te' da' 'ami ñapogóxo't. 17¿Qo'li 'uo jogamaxa 'oonolec saua' siỹaxa'u da' 'ami samaxalo da' qaidi 'ami ỹoqovi'n? 18Ca'li siỹaxanot so' Tito da' qaidi 'ami desapchiỹalo, qataxa 'uo so' qadaqáỹa laqáỹa 'me samaxague. ¿Qo'li 'ami ỹoqovi'n josomaxa Tito ca'li? ¿Qo'li sa 'eesa jodamaxa nateet'a't da' qadasoxoc, qataxa nateet'a't da' qadeenataxac?
19'Uootaxa ¿'ami 'anp'itáxañiitapega jodamaxa qo'mi senqaac da'me, da' 'ami ñoqolguétaqtapee'to? 'Axai', sa 'te 'éeta. Jaldáta da' qo'mi ỹaỹáteete' ñi'me Dios naỹi da' qo'mi ỹosáxanaxa'n so' Cristo. Qana'chi ỹima da'me s'étaq, 'ami ỹaqai'ỹolqa, da'me náaue da' qaidi 'anqaloxodíitaseguem. 20Qá'a 'uo da' ỹitelaxa da' 'uootaxa jaỹim 'ami sivitalo, qana'chi sa 'te táchiỹi ga'me sóxote da' tátapiỹi di' ỹiuel da' 'ami ñauaa'to, qataxa da' 'ami nataq'en sa 'te táchiỹi ga'me sóxote tátapiỹi di' 'adevílii da' jaỹim 'anauañíi'ỹi'. Qá'a jaỹim 'uo da' ỹoqolánaxa da' 'uootaxa 'ami huetañiilo ga' cotaxac, p'aguénaxac, nalemataic, ỹotaxac, chínataxanaxaic, nivídaqtaxanaxac, jágaqtenaxac, qataxa qaỹa 'te ga' naỹamqa'. 21Qataxa ỹátaqta 'uo da' ỹitelaxa da' qomle 'ami sesapchiỹalo, qana'chi ñi' ỹit'a Dios ỹátaqta 'en 'uo da' ỹipecóxo da' 'oñíita, qataxa da' ỹátaqta let'ádaic da' ñoinaxac ỹasouaxat da' jalcote na' sóxote da' qaỹa'ague da' ỹauotapiỹi naua' loico da' 'ami, qataxa sa 'te ỹaxadéegue naua' ỹisepaxanaqte't, qataxa da'me nequeséeguetaxa, qataxa jen'me noqopi'chi 'me qodícapeegue.
Currently Selected:
2 Corintios 12: PLGNT93
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento Pilagá © Sociedades Bíblicas Unidas, 1993.
2 Corintios 12
12
Da' lauanáxanaxac qataxa da' qoỹaloxóna so' Pablo
1Ỹátaqta qaỹa 'te ga' lauéguec ga' siỹaxaua da' mai'chi ni'ỹoxodéetapeela't. Qaláxasa na'chi 'ená'am jaỹim s'axat na' ỹauanáxanaxacpi qataxa jen'me jaỹim ỹaloxóna so' qadesaliaxanec. 2Jaỹim saateton so' siỹaxaua 'me ỹ'amaqten so' Cristo. So'me ma'le ỹivi't naỹi naua' catorce 'uóidi da' qoỹaueegue di' p'ásaseguem piỹem. Sa 'te saỹáten da' cásee'megue na' ló'oquiaxac ca'li qoỹauec, 'uootaxa ga' 'éeta. Qaláxasa ñi'me Dios 'me ỹaỹáten. 3Qaláxasa jaỹim saỹáteeta da' qoỹauec so'me siỹaxaua, temaqaidi da'me ỹimáseguem joca'li so'me siỹaxaua, 'uootaxa sa ỹimáseguem. Da'me sa 'te saỹáten, qaláxasa na'chiñíta ñi'me Dios 'me ỹaỹáten. 4So'me qoỹaueegue joca'li da' piỹem da'me l'acháqa' na' nec'alaqtacpi. Joca'li hua'ague da'me, qana'chi demachiỹalo saua' n'aqtaqa 'me sa qodemachiỹapegalo, 'me qaỹa 'te qoỹasenema da' dosiilo ga' 'chi siỹaxaua. 5Jaỹim ñ'amaqten taa'le da' sená'am so'me siỹaxaua, qaláxasa jaỹim sa 'te da' mai'chi ñi'ỹoxodeela't. Jaldáta da' ñi'ỹoxodínỹi ga'me ỹí'et da' qaỹa 'te ga' ỹ'añaxac. 6Temaqaidi da' 'uootaxa ñiỹamaxadéetapeela't, qaláxasa sa 'te da' sa ỹiỹamaxañi, qá'a jaldáta 'eesa da'me s'axátetac. Qaláxasa jaỹim sa 'te séet'ec da'me, qaidi qaỹa 'te ga' ỹagaqtenéegue da' lec'atenaxanaxac da' séeta, 'uootaxa da' demachítapega da' ỹitaxaỹaxac.
7Da'me jaỹim qoỹaloxóna ỹátaqta qaỹa 'te ga' 'ená'am da' li'ỹoxodic. Qaláxasa da' qaidi sa 'te da' ñ'amaqtéetapiỹi, qana'chi jaỹim qoỹanem da' naỹaliaxa, 'ená'am jaga' ỹaxat 'me ỹisóctaaue na' ỹapat. Naqaiso so' lamaxasec so' qadó'o paiỹac Satanás da' sa 'te jaỹim ỹiỹamaxataac. 8Chan'eesa tres da' siỹaxanot so' qadesaliaxanec da' jaỹim neuótec da'me. 9Qaláxasa so'me jaỹim 'enapéga, 'enaac: “Da'me ỹoqopi'chi sóxote 'am huet'asop, qaỹa 'te ga' 'auéetaaque laqáỹa. Qá'a da' ỹañoqtaxanaxac di'ỹoxom ga' siỹaxaua 'me qaỹa 'te ga' l'añaxac.” Chan'eesa ỹátaqta jaỹim mátac da' qaỹa 'te ga' ỹ'añaxac, qaidi di'ỹoxom jaỹim da' lañoqtaxanaxac so' Cristo da' jaỹim nichaatétaỹi. 10Chan'eesa ỹátaqta jaỹim mátac da' 'uootaxa qaỹa 'te ga' ỹ'añaxac, 'uootaxa da' jaỹim qoỹisouéetac, 'uootaxa da' 'uo ga' ỹovic, 'uootaxa da' jaỹim qoỹicáatac, 'uootaxa da' 'uo ga' ỹaqalaic, sasoilégue so' Cristo. Qá'a da' ỹátaqta ỹágueegue da' qaỹa 'te ga' ỹ'añaxac, qaláxasa lamá'asa da' ỹ'añaxac.
So' Pablo ỹátaqta sa maỹíñi ỹasouaxat so' 'amaqténataxanaxaicpi 'me néta'ña di' Corinto
11Jaỹim sená'am ga' jaláxaic ỹasouaxat da' mai'chi ñagaqten, qaláxasa 'ami 'me jaỹim 'audáxañiita't. Qamaale na'chi'ami toqo' 'me jaỹim 'avi'ỹoxodíñiitac, qá'a saỹáteeta da' sa 'te jaỹim napacalégue jen'me 'oquíitapegue'pi 'me 'enapeela't p'asáiỹi napacalégue jen'me lamaxa'spi so' Jesús, temaqaidi da'me qaỹa 'te ga' ñisáaque. 12Qá'a 'eesa ñiuenguet da' ỹ'onataxanaxac so'me 'ami souetaavlo, qataxa jen'me n'anecpi, qataxa jen'me sa qoỹauanápiỹipi, qataxa na' ỹa'uo da' n'aalaxa, naqáina 'me ỹichoxot da' ỹátaqta da' 'eesa da' jaỹim lamaxasec so' Jesús. 13Qá'a sa 'te 'ami senapegalo da' 'uootaxa sa 'te 'oñí'ỹam qasen jen'me 'amaqténataxanaxaicpi laỹi, jaldáta da' mai'chi jaỹim ñachiỹoxola't qaỹa 'te da' 'uo ga' jaỹim ỹimetapeelégue da' 'oñíita. Qana'chi ¡jaỹim 'auchoxodíñii qomle ỹasouaxat da' sega'me 'ami s'ota'n!
14Naỹi sóxote da' ñiỹamaxatétac da' ỹitaxa 'ami s'iỹílaxalo, qana'chi ỹivi't tres qomle da' 'ami sesapchiỹalo, qaláxasa qaỹa 'te qomle ga' jaỹim ỹimetapeelégue da' 'oñíita. Qá'a jaỹim sa 'te ỹimitaisec ga'me 'ami huet'asopa, qá'a na'chi'ami 'me 'ami sec'atalo. Qá'a ga'me net'a 'me na'chiga ga' laỹon jaga' lemena da' qaidi talégue ga'me lec'óxot, qana'chi sa 'te naqaiga ga'me nec'óxot da' daỹonaxaalégue ga'me let'a. 15Na'chi jaỹim ỹátaqta ñisapatetelégue da' sematéteuo na' mai'chi jaỹim huet'ot, qataxa ỹivíd'a da' mai'chi ỹ'añaxac, da' qaidi ỹiỹamaxañi da' 'anchaalataxaquii. Temaqaidi da' 'uootaxa nichíctaseguem da' 'ami ñoqopitalo, qaláxasa na'chi 'ená'am da' nichíctaseguem da' sa 'te jaỹim 'anqopichíiỹa.
16Qataxa 'uo na' ỹaỹáteeta 'ami da' qaỹa 'te ga' jaỹim lecochiỹapéga, qaláxasa na'chi 'ená'am qoỹinapii'ỹa da' sa ñaqaláa'te' da' 'ami ñapogóxo't. 17¿Qo'li 'uo jogamaxa 'oonolec saua' siỹaxa'u da' 'ami samaxalo da' qaidi 'ami ỹoqovi'n? 18Ca'li siỹaxanot so' Tito da' qaidi 'ami desapchiỹalo, qataxa 'uo so' qadaqáỹa laqáỹa 'me samaxague. ¿Qo'li 'ami ỹoqovi'n josomaxa Tito ca'li? ¿Qo'li sa 'eesa jodamaxa nateet'a't da' qadasoxoc, qataxa nateet'a't da' qadeenataxac?
19'Uootaxa ¿'ami 'anp'itáxañiitapega jodamaxa qo'mi senqaac da'me, da' 'ami ñoqolguétaqtapee'to? 'Axai', sa 'te 'éeta. Jaldáta da' qo'mi ỹaỹáteete' ñi'me Dios naỹi da' qo'mi ỹosáxanaxa'n so' Cristo. Qana'chi ỹima da'me s'étaq, 'ami ỹaqai'ỹolqa, da'me náaue da' qaidi 'anqaloxodíitaseguem. 20Qá'a 'uo da' ỹitelaxa da' 'uootaxa jaỹim 'ami sivitalo, qana'chi sa 'te táchiỹi ga'me sóxote da' tátapiỹi di' ỹiuel da' 'ami ñauaa'to, qataxa da' 'ami nataq'en sa 'te táchiỹi ga'me sóxote tátapiỹi di' 'adevílii da' jaỹim 'anauañíi'ỹi'. Qá'a jaỹim 'uo da' ỹoqolánaxa da' 'uootaxa 'ami huetañiilo ga' cotaxac, p'aguénaxac, nalemataic, ỹotaxac, chínataxanaxaic, nivídaqtaxanaxac, jágaqtenaxac, qataxa qaỹa 'te ga' naỹamqa'. 21Qataxa ỹátaqta 'uo da' ỹitelaxa da' qomle 'ami sesapchiỹalo, qana'chi ñi' ỹit'a Dios ỹátaqta 'en 'uo da' ỹipecóxo da' 'oñíita, qataxa da' ỹátaqta let'ádaic da' ñoinaxac ỹasouaxat da' jalcote na' sóxote da' qaỹa'ague da' ỹauotapiỹi naua' loico da' 'ami, qataxa sa 'te ỹaxadéegue naua' ỹisepaxanaqte't, qataxa da'me nequeséeguetaxa, qataxa jen'me noqopi'chi 'me qodícapeegue.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento Pilagá © Sociedades Bíblicas Unidas, 1993.