2 Corintios 2
2
1Chan'eesa táchiỹi ỹiuel da' sa 'te 'ami ỹitaxa sec'atalo da' 'ami seda'alo ga' naquicoxo. 2Qá'a da' 'ami saquicoqte't, qana'chi ¿jái'chogamaxa ỹa'uo ga' ỹamaic? Na'chi'amíite' 'me 'ami saquicoqtet'ape. 3Chan'eesa 'ami samaxalo ca'li jaso' ỹidíise, qá'a sa siỹamaxaden da' 'ami sec'atalo da' qaidi jaỹim 'auaquicoqchichii, da' taichaqái'me jaỹim 'auañimii ga' ñitónaxac. Chan'eesa jaỹim saỹáteeta da' 'uootaxa jaỹim mátac, qana'chi nataq'en ỹima da' 'ami madet'ape. 4Qá'a cana'le s'étetac jaso' ỹidíise, qana'chi ỹátaqta let'ádaic da' séeta qataxa 'uo da' ỹaquicoxo, cha ỹivíd'a da' ñoỹíitac. Qaláxasa sa sidíñi so'me, da' qaidi 'ami ỹaquicoqte't, qaláxasa 'chi sétaaque da' 'auaỹáchiñii da' ỹátaqta let'ádaic da' ỹoqopi'chi da' 'oñíita.
Da' nichoxodénataguec ga'me 'uo ga' lesamaxataxac
5Qaláxasa qomle 'uo ga' ỹí'et ga' naquicoxo, qana'chi ga'me sa na'chaỹiméta da' jaỹim ỹaquicoqtet. Qá'a nataq'en ỹima da' 'oñíita, sa 'te jec da' 'ami ỹaquicoqte't. Senaac da' “sa 'te jec da' 'ami ỹaquicoqte't,” qaidi qaỹa ga' ỹágueegue da' sega'me 'uo ga' sa sodínaac. 6'Ami joca'li 'av'íchii so' 'ademáxaquii da' 'alapaqáiñi da' ne'uaxánaguec ga'me siỹaxaua, da'me 'av'íchii na'chi nalótañi. 7Chan'eesa naỹi n'óota da' jaldáta da' 'auchoxodíñii ga'me, qataxa 'au'añaqchichii. Qaidi sa 'te qolái'sac da' laquicoxo, qana'chi qaỹa da' naquitaxac. 8Chan'eesa ỹitaxa 'ami ñachoxodénoovlo da' ỹitaxa 'aualoxóñiiỹa da' 'adichoxodénataxanaxaquii ga'me. 9Cana'le 'ami sedénaqtenalo jaso'me ỹidíise, qana'chi ỹima da' nedetalégue da'me dójo'. Qana'chi 'ami sedénaqtenalo jaso'me, qá'a sétaaque da' 'chi 'ami s'iỹe'n, da' qaidi saỹáten da' 'eesa da' 'aualaqaiỹeta naa'me ỹapaxaguenataxanaxaco. 10Chan'eesa naỹi ga'me 'ami sóxote 'auchoxodíñii ỹasouaxat da' 'uo ga' lesamaxataxac, qana'chi nataq'en jaỹim sichoxoden ga'me, qá'a ga'me jaỹim sichoxoden ỹasouaxat da' 'oñíita. Qana'chi da'me ỹauáachiỹi qasen so' Cristo, 11qaidi so' qadó'o paiỹac Satanás qaỹa 'te ga' liiuo da' senqáta, qá'a qo'mi sóxote saỹátena' naua' loico.
So' Pablo sa maỹíñi qa'en ca'li huét'a di' Troas
12Ca'li ñivíta di' noic Troas da' qaidi s'axat da' n'aqtaguec so' Cristo, huá'a di'me, 'eesa da'me ỹátaqta jaỹim qoỹ'ouátet'eguet da' s'onataxanot so' qadesaliaxanec. 13Qaláxasa jañi' ỹiquidiaqte ỹátaqta qaỹa 'te ga' lama' ỹasouaxat da' sa ñauá'ne' so' ỹaqáỹa Tito. Chan'eesa ñichoxoteguet di'me siỹaxadipi da' ñic'áta jen' 'aléua Macedonia.
So' Cristo qo'mi 'uañaxaiqa qa'e'n
14Chan'eesa sanaxam da' qantónaxac ñi'me Dios jiñi'me chiỹoqóchiỹi qa'en so' Cristo Jesús da' qo'mi 'uañaxaiqa, qataxa qo'mi 'en chiỹoqochiilo da' qoỹaỹáten da' n'aqtaguec so'me. Da'me 'ená'am ga'me 'ónaxaic naitáỹaxac 'me huaỹoxoolóo'te ỹiméda naua' 'ale'u. 15Qá'a qo'mi senqá'am da' laitáỹaxac ga'me nichínataxanaxat 'me ỹanot ñi' Dios so' Cristo, qataxa ỹátaqta huaỹoxóneegue da' laitáỹaxac, ỹivídai'ỹa jen'me sóxote nec'alaqtac qataxa jen'me maliaxa huetaavlo naa'me lesómaxaco. 16Qaláxasa jen'me maliaxa huetaavlo naua' lesómaxaco, qana'chi da'me sega'me nichínataxanaxat, qana'chi da' laitáỹaxac 'ená'am ga' neleuaxat. Qaláxasa jen'me sóxote nec'aléegue, qana'chi da'me 'ená'am qa'en ga'me jama na' laita 'me chiỹaqapíỹi da' nec'alaxa. Qana'chi ¿jái'chogamaxa ỹaqanatet da' nalá'uo da'me n'onataxanaxac? 17Qaláxasa qo'mi sa sega'me qo'mi menaxaiqa da' semenaqat'ape naua' l'aqtaqa ñi'me Dios, da' 'uootaxa senqá'am na' jalcote 'me 'chi ỹasáxadiñi naua' n'aqtaqa. Jaldáta da' ỹátaqta qo'mi 'eesoda da' s'aqtaxanqátac, qana'chi qo'mi ỹaỹáte'n ñi'me Dios. Qá'a mai'chi qo'mi lamaxa's, qataxa qo'mi lelatáqa so' Cristo.
Currently Selected:
2 Corintios 2: PLGNT93
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento Pilagá © Sociedades Bíblicas Unidas, 1993.
2 Corintios 2
2
1Chan'eesa táchiỹi ỹiuel da' sa 'te 'ami ỹitaxa sec'atalo da' 'ami seda'alo ga' naquicoxo. 2Qá'a da' 'ami saquicoqte't, qana'chi ¿jái'chogamaxa ỹa'uo ga' ỹamaic? Na'chi'amíite' 'me 'ami saquicoqtet'ape. 3Chan'eesa 'ami samaxalo ca'li jaso' ỹidíise, qá'a sa siỹamaxaden da' 'ami sec'atalo da' qaidi jaỹim 'auaquicoqchichii, da' taichaqái'me jaỹim 'auañimii ga' ñitónaxac. Chan'eesa jaỹim saỹáteeta da' 'uootaxa jaỹim mátac, qana'chi nataq'en ỹima da' 'ami madet'ape. 4Qá'a cana'le s'étetac jaso' ỹidíise, qana'chi ỹátaqta let'ádaic da' séeta qataxa 'uo da' ỹaquicoxo, cha ỹivíd'a da' ñoỹíitac. Qaláxasa sa sidíñi so'me, da' qaidi 'ami ỹaquicoqte't, qaláxasa 'chi sétaaque da' 'auaỹáchiñii da' ỹátaqta let'ádaic da' ỹoqopi'chi da' 'oñíita.
Da' nichoxodénataguec ga'me 'uo ga' lesamaxataxac
5Qaláxasa qomle 'uo ga' ỹí'et ga' naquicoxo, qana'chi ga'me sa na'chaỹiméta da' jaỹim ỹaquicoqtet. Qá'a nataq'en ỹima da' 'oñíita, sa 'te jec da' 'ami ỹaquicoqte't. Senaac da' “sa 'te jec da' 'ami ỹaquicoqte't,” qaidi qaỹa ga' ỹágueegue da' sega'me 'uo ga' sa sodínaac. 6'Ami joca'li 'av'íchii so' 'ademáxaquii da' 'alapaqáiñi da' ne'uaxánaguec ga'me siỹaxaua, da'me 'av'íchii na'chi nalótañi. 7Chan'eesa naỹi n'óota da' jaldáta da' 'auchoxodíñii ga'me, qataxa 'au'añaqchichii. Qaidi sa 'te qolái'sac da' laquicoxo, qana'chi qaỹa da' naquitaxac. 8Chan'eesa ỹitaxa 'ami ñachoxodénoovlo da' ỹitaxa 'aualoxóñiiỹa da' 'adichoxodénataxanaxaquii ga'me. 9Cana'le 'ami sedénaqtenalo jaso'me ỹidíise, qana'chi ỹima da' nedetalégue da'me dójo'. Qana'chi 'ami sedénaqtenalo jaso'me, qá'a sétaaque da' 'chi 'ami s'iỹe'n, da' qaidi saỹáten da' 'eesa da' 'aualaqaiỹeta naa'me ỹapaxaguenataxanaxaco. 10Chan'eesa naỹi ga'me 'ami sóxote 'auchoxodíñii ỹasouaxat da' 'uo ga' lesamaxataxac, qana'chi nataq'en jaỹim sichoxoden ga'me, qá'a ga'me jaỹim sichoxoden ỹasouaxat da' 'oñíita. Qana'chi da'me ỹauáachiỹi qasen so' Cristo, 11qaidi so' qadó'o paiỹac Satanás qaỹa 'te ga' liiuo da' senqáta, qá'a qo'mi sóxote saỹátena' naua' loico.
So' Pablo sa maỹíñi qa'en ca'li huét'a di' Troas
12Ca'li ñivíta di' noic Troas da' qaidi s'axat da' n'aqtaguec so' Cristo, huá'a di'me, 'eesa da'me ỹátaqta jaỹim qoỹ'ouátet'eguet da' s'onataxanot so' qadesaliaxanec. 13Qaláxasa jañi' ỹiquidiaqte ỹátaqta qaỹa 'te ga' lama' ỹasouaxat da' sa ñauá'ne' so' ỹaqáỹa Tito. Chan'eesa ñichoxoteguet di'me siỹaxadipi da' ñic'áta jen' 'aléua Macedonia.
So' Cristo qo'mi 'uañaxaiqa qa'e'n
14Chan'eesa sanaxam da' qantónaxac ñi'me Dios jiñi'me chiỹoqóchiỹi qa'en so' Cristo Jesús da' qo'mi 'uañaxaiqa, qataxa qo'mi 'en chiỹoqochiilo da' qoỹaỹáten da' n'aqtaguec so'me. Da'me 'ená'am ga'me 'ónaxaic naitáỹaxac 'me huaỹoxoolóo'te ỹiméda naua' 'ale'u. 15Qá'a qo'mi senqá'am da' laitáỹaxac ga'me nichínataxanaxat 'me ỹanot ñi' Dios so' Cristo, qataxa ỹátaqta huaỹoxóneegue da' laitáỹaxac, ỹivídai'ỹa jen'me sóxote nec'alaqtac qataxa jen'me maliaxa huetaavlo naa'me lesómaxaco. 16Qaláxasa jen'me maliaxa huetaavlo naua' lesómaxaco, qana'chi da'me sega'me nichínataxanaxat, qana'chi da' laitáỹaxac 'ená'am ga' neleuaxat. Qaláxasa jen'me sóxote nec'aléegue, qana'chi da'me 'ená'am qa'en ga'me jama na' laita 'me chiỹaqapíỹi da' nec'alaxa. Qana'chi ¿jái'chogamaxa ỹaqanatet da' nalá'uo da'me n'onataxanaxac? 17Qaláxasa qo'mi sa sega'me qo'mi menaxaiqa da' semenaqat'ape naua' l'aqtaqa ñi'me Dios, da' 'uootaxa senqá'am na' jalcote 'me 'chi ỹasáxadiñi naua' n'aqtaqa. Jaldáta da' ỹátaqta qo'mi 'eesoda da' s'aqtaxanqátac, qana'chi qo'mi ỹaỹáte'n ñi'me Dios. Qá'a mai'chi qo'mi lamaxa's, qataxa qo'mi lelatáqa so' Cristo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento Pilagá © Sociedades Bíblicas Unidas, 1993.