2 Corintios 3
3
Da' n'aqtaguec da' dálaxaic ỹamaxataxac
1Da' qo'mi senqaac dójo', qana'chi ¿'anp'itáxañiitapega da' jodamaxa qo'mi ỹitaxa da' sétaaque da' ñi'ỹoxodénaqtapeela't? ¿'Uootaxa da' 'ami sanáxama jaga' nede 'me qanpatáxasoxolate? ¿'Uootaxa da' 'ami siỹaxanaxaavlo da' 'av'íchii jaga' qad'onataxanaxac lemalate, da' qaidi sadénaxataq jen'me ỹ'étetac dójo'? 2'Axai', sa naq'áita. Qá'a 'ami 'me na'chi 'oñí'ỹam jaga'me qad'onataxanaxalate 'me seuénaqtaaque. 'Oñí'ỹam jan'me nidíise da' qoỹidetalóo'te naua' qadiquidiaqtel, da' qaidi ỹima na' siỹaxadipi ỹaateton qataxa da' ỹitaxaỹaxanaxan. 3'Ami 'me 'oñí'ỹam jaga' nede 'me ỹátaqta mai'chi lidíise so' Cristo, ỹim, qana'chi qo'mi sanaxáỹi. Jaga'me nede 'me sa 'te 'chi nedáxanaqte ga'me qoỹidolégue, qá'a na'chiso so'me lepaqal ñi' Dios 'me nec'alétaiỹi so' dedáxan. Jaga' nede 'me sa 'ená'am da' ledáxat da' qoỹidelégue ga' qa', qá'a na'chána jan' liquidiaqte na' siỹaxadipi.
4Qana'chi ỹátaqta saỹátenaq dójo', chiỹoqóchiỹi so' Cristo da' qadip'iỹáxac ñi' Dios. 5Sa 'te da' mai'chi ñachiỹoxosoxola't da' sauoqo qad'añaxac da' 'uo ga' s'étaq, na'chidáta da' ỹima na' s'étaq na'chi chiỹaqaỹi ñi' Dios. 6Qá'a ñi'me 'me qo'mi ỹ'éteeta da' 'en qadalá'uo da' s'onataxanaxauó'o da'me dálaxaic ỹamaxataxac 'me sa 'ená'am da' qoỹalaxaguet ga' 'chi nidíisec, qá'a da'me naqaida da' dálaxaic nec'alaxa 'me chiỹoqo'ot so' lepaqal ñi' Dios. Na' naqátaxacpi 'me qoỹidétañi, jen'me ỹí'et da' nalaataguec ga' siỹaxaua, qaláxasa so' lepaqal ñi' Dios ỹan da' nec'alaxa.
7Jénjo' naqátaxacpi 'me chiỹoqo'ot so' Moisés, jen'me qoỹidelégue so' qa', qataxa ỹátaqta let'ádaic joca'li na' lauaq. Chan'eesa na' Israel lec'oqtepi sa ỹañoxot da' ỹilóoue na' latáxasoxoc so' Moisés, qá'a na' latáxasoxoc so'me ỹátaqta let'ádaic na' lauaq. Qaláxasa so'me nauaq nichíctañi joca'li, cha ỹivíd'a da' 'om. Qaláxasa joca'li qonacot so'me naqátaxacpi 'me ỹí'et da' neleuaxa, qana'chi qaỹa 'te ga' 'ená'am da' li'ỹoxodic, 8qana'chi ¡'éeta toqoo'chi da' sa p'asáiỹi da' li'ỹoxodic da'me n'aqtac 'me qo'mi neda'alo so' Espíritu Santo! 9Qana'chi jen'me naqátaxacpi 'me ỹí'et ga'me qane'uaxánaguec, da' ỹátaqta 'uo da' li'ỹoxodic, qana'chi ¡táalia'chi toqo' taa'le da' sa ỹágueego' da' li'ỹoxodic da' l'aqtac ñi'me Dios 'me ỹ'axatema qo'mi da' ma'le qaỹa ga' qadesamaxataxac! 10Qá'a jen'me naqátaxacpi 'me ỹátaqta 'uo joca'li da' li'ỹoxodic, qaláxasa naỹi sa 'ená'am da'me 'me ỹátaqta ỹágueegue da' li'ỹoxodic. 11Chan'eesa da' 'uo da' li'ỹoxodic joca'li da'me sa 'te loguéegue, qana'chi 'ená'am ỹágueegue da' li'ỹoxodic da'me qaỹa 'te ga' loiquiaqa'.
12Qá'a ỹátaqta 'uo da' qanaquitaxac, qana'chi qaỹa 'te ga' qo'mi nequepaxateeta da' s'aqtaxanaq. 13Na'chi sa senqá'am so' Moisés da' ỹa'uo so' latáxasoxoc lápo', qaidi na' Israel lec'óqo'tepi sa 'te ỹauañíỹi da' tat'a't da' 'om so'me nauaq 'me sa 'te loguéegue. 14Qaláxasa so' siỹaxadipi qaỹa joca'li ga' laatetonaxanaxac. Qá'a cha ỹivídet'aguet naỹi, da' ỹivíta da' qoỹosáxanaxan so' 'uáichiiñi ỹamaxataxac, qana'chi naqaiso ỹitaxa so'me nequepaqtaxanaxat dequepaqtaxan da' qaỹa 'te ga' qoỹaỹáten. Qá'a jeso'me nequepaxanaxat sa qonaqat, qá'a na'chisóta so' Cristo 'me ỹañoxot da' naqat. 15Cha ỹivíde'ta naỹi da' ỹivíta da' qoỹosáxanaxa'n naua' lidii's so' Moisés, qana'chi 'uo so' sega'me nequepaqtaxanaxat 'me nequepaxatetalégue da' naatetonaxanaxac. 16Qaláxasa ga' siỹaxaua da' 'uootaxa 'equegue so' qadesaliaxanec, qana'chi qonaqat so'me nequepaqtaxanaxat. 17Qá'a so'me qadesaliaxanec na'chiso so'me lepaqal ñi'me Dios, chan'eesa ga'me huet'ague so' lepaqal so' qadesaliaxanec, qana'chi huét'a da' huosóchiiñi. 18Chan'eesa ỹima da' senqáta sóxote qaỹa so'me lapadénaqa'te naua' qadatáxasoxoco, qana'chi senqá'am jaga' talnaxai 'me lauáqanỹi qa'en da' li'ỹoxodic so' Cristo, qataxa na'chi ñichíỹaqat'aguet da' senqá'am so' Cristo, qá'a da'me li'ỹoxodic so'me na'chiqo'mi nichíỹaxatetraseguem. Naqaida da' 'éeta so' qadesaliaxanec 'me naqaiso so' lepaqal ñi'me Dios.
Currently Selected:
2 Corintios 3: PLGNT93
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento Pilagá © Sociedades Bíblicas Unidas, 1993.
2 Corintios 3
3
Da' n'aqtaguec da' dálaxaic ỹamaxataxac
1Da' qo'mi senqaac dójo', qana'chi ¿'anp'itáxañiitapega da' jodamaxa qo'mi ỹitaxa da' sétaaque da' ñi'ỹoxodénaqtapeela't? ¿'Uootaxa da' 'ami sanáxama jaga' nede 'me qanpatáxasoxolate? ¿'Uootaxa da' 'ami siỹaxanaxaavlo da' 'av'íchii jaga' qad'onataxanaxac lemalate, da' qaidi sadénaxataq jen'me ỹ'étetac dójo'? 2'Axai', sa naq'áita. Qá'a 'ami 'me na'chi 'oñí'ỹam jaga'me qad'onataxanaxalate 'me seuénaqtaaque. 'Oñí'ỹam jan'me nidíise da' qoỹidetalóo'te naua' qadiquidiaqtel, da' qaidi ỹima na' siỹaxadipi ỹaateton qataxa da' ỹitaxaỹaxanaxan. 3'Ami 'me 'oñí'ỹam jaga' nede 'me ỹátaqta mai'chi lidíise so' Cristo, ỹim, qana'chi qo'mi sanaxáỹi. Jaga'me nede 'me sa 'te 'chi nedáxanaqte ga'me qoỹidolégue, qá'a na'chiso so'me lepaqal ñi' Dios 'me nec'alétaiỹi so' dedáxan. Jaga' nede 'me sa 'ená'am da' ledáxat da' qoỹidelégue ga' qa', qá'a na'chána jan' liquidiaqte na' siỹaxadipi.
4Qana'chi ỹátaqta saỹátenaq dójo', chiỹoqóchiỹi so' Cristo da' qadip'iỹáxac ñi' Dios. 5Sa 'te da' mai'chi ñachiỹoxosoxola't da' sauoqo qad'añaxac da' 'uo ga' s'étaq, na'chidáta da' ỹima na' s'étaq na'chi chiỹaqaỹi ñi' Dios. 6Qá'a ñi'me 'me qo'mi ỹ'éteeta da' 'en qadalá'uo da' s'onataxanaxauó'o da'me dálaxaic ỹamaxataxac 'me sa 'ená'am da' qoỹalaxaguet ga' 'chi nidíisec, qá'a da'me naqaida da' dálaxaic nec'alaxa 'me chiỹoqo'ot so' lepaqal ñi' Dios. Na' naqátaxacpi 'me qoỹidétañi, jen'me ỹí'et da' nalaataguec ga' siỹaxaua, qaláxasa so' lepaqal ñi' Dios ỹan da' nec'alaxa.
7Jénjo' naqátaxacpi 'me chiỹoqo'ot so' Moisés, jen'me qoỹidelégue so' qa', qataxa ỹátaqta let'ádaic joca'li na' lauaq. Chan'eesa na' Israel lec'oqtepi sa ỹañoxot da' ỹilóoue na' latáxasoxoc so' Moisés, qá'a na' latáxasoxoc so'me ỹátaqta let'ádaic na' lauaq. Qaláxasa so'me nauaq nichíctañi joca'li, cha ỹivíd'a da' 'om. Qaláxasa joca'li qonacot so'me naqátaxacpi 'me ỹí'et da' neleuaxa, qana'chi qaỹa 'te ga' 'ená'am da' li'ỹoxodic, 8qana'chi ¡'éeta toqoo'chi da' sa p'asáiỹi da' li'ỹoxodic da'me n'aqtac 'me qo'mi neda'alo so' Espíritu Santo! 9Qana'chi jen'me naqátaxacpi 'me ỹí'et ga'me qane'uaxánaguec, da' ỹátaqta 'uo da' li'ỹoxodic, qana'chi ¡táalia'chi toqo' taa'le da' sa ỹágueego' da' li'ỹoxodic da' l'aqtac ñi'me Dios 'me ỹ'axatema qo'mi da' ma'le qaỹa ga' qadesamaxataxac! 10Qá'a jen'me naqátaxacpi 'me ỹátaqta 'uo joca'li da' li'ỹoxodic, qaláxasa naỹi sa 'ená'am da'me 'me ỹátaqta ỹágueegue da' li'ỹoxodic. 11Chan'eesa da' 'uo da' li'ỹoxodic joca'li da'me sa 'te loguéegue, qana'chi 'ená'am ỹágueegue da' li'ỹoxodic da'me qaỹa 'te ga' loiquiaqa'.
12Qá'a ỹátaqta 'uo da' qanaquitaxac, qana'chi qaỹa 'te ga' qo'mi nequepaxateeta da' s'aqtaxanaq. 13Na'chi sa senqá'am so' Moisés da' ỹa'uo so' latáxasoxoc lápo', qaidi na' Israel lec'óqo'tepi sa 'te ỹauañíỹi da' tat'a't da' 'om so'me nauaq 'me sa 'te loguéegue. 14Qaláxasa so' siỹaxadipi qaỹa joca'li ga' laatetonaxanaxac. Qá'a cha ỹivídet'aguet naỹi, da' ỹivíta da' qoỹosáxanaxan so' 'uáichiiñi ỹamaxataxac, qana'chi naqaiso ỹitaxa so'me nequepaqtaxanaxat dequepaqtaxan da' qaỹa 'te ga' qoỹaỹáten. Qá'a jeso'me nequepaxanaxat sa qonaqat, qá'a na'chisóta so' Cristo 'me ỹañoxot da' naqat. 15Cha ỹivíde'ta naỹi da' ỹivíta da' qoỹosáxanaxa'n naua' lidii's so' Moisés, qana'chi 'uo so' sega'me nequepaqtaxanaxat 'me nequepaxatetalégue da' naatetonaxanaxac. 16Qaláxasa ga' siỹaxaua da' 'uootaxa 'equegue so' qadesaliaxanec, qana'chi qonaqat so'me nequepaqtaxanaxat. 17Qá'a so'me qadesaliaxanec na'chiso so'me lepaqal ñi'me Dios, chan'eesa ga'me huet'ague so' lepaqal so' qadesaliaxanec, qana'chi huét'a da' huosóchiiñi. 18Chan'eesa ỹima da' senqáta sóxote qaỹa so'me lapadénaqa'te naua' qadatáxasoxoco, qana'chi senqá'am jaga' talnaxai 'me lauáqanỹi qa'en da' li'ỹoxodic so' Cristo, qataxa na'chi ñichíỹaqat'aguet da' senqá'am so' Cristo, qá'a da'me li'ỹoxodic so'me na'chiqo'mi nichíỹaxatetraseguem. Naqaida da' 'éeta so' qadesaliaxanec 'me naqaiso so' lepaqal ñi'me Dios.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento Pilagá © Sociedades Bíblicas Unidas, 1993.