2 Corintios 7
7
1Chan'eesa 'ami ñauotaxa'u ỹaqai'ỹolqa, naqaida 'me qo'mi qoỹ'axátet'ama. Qana'chi qaỹa 'te qomle ga' ỹisepaxanaqtet da' qadó'oquiaxac qataxa so' qo'mi ỹiuoxona'pe qadiquí'i ỹima na' desepaxanaqtaxan. Jaldáta da' sepagaqpegue' qomle da' qo'mi huosóte', qá'a souqátaaue da' soqochaxa ñi'me Dios.
Joca'li ma'le ỹaxadéegue naua' loico so' Corinto lé'ecpi
2¡Píiỹa, ỹa 'auauóỹaaque qomle ga' qadedáqa' naua' 'adiquidiaqtéldii'! Qá'a qaỹa 'te ga' se'quemaqtetaq qataxa da' ñ'áxataq qataxa da' soqovínaq. 3Da'me senqaac sa 'te da' qaidi 'uo ga' qadasouaqtac da' 'oñíita, qá'a sóxote ỹim ca'li da' senaac da' 'ami ỹátaqta 'aneuáñiỹa'uo jañi' ỹiquidiaqte, da' qaidi 'ami ỹic'alaxa'u qataxa da' 'ami ỹileuaxa'u. 4Na'chi ỹátaqta jalcote da' ñaquitaxac qataxa da' ỹamaic ỹasouaxat da' 'oñíita. Temaqaidi da' souqátanỹi ỹima jen'me qane'queténaxacpi, qaláxasa nedot'a't da' ỹ'añaxac qataxa jaỹim saqáchiỹi da' ỹamaic.
5Chiỹoqót'a so' ñivítaxa di' Macedonia, qana'chi maliaxa qaỹa 'te ga' qanmataqa'. Jaldáta da' souqátanỹi ỹima jen'me qancotaxacpi, na' nep'aỹáiỹi na' qanqueuógaxanataguec, qataxa tema'le liỹilo naua' qadai'li. 6Qaláxasa ñi'me Dios 'me ỹ'añaqtétac ga'me qaỹa 'te l'añaxac, jiñi'me qo'mi ỹ'añaqteteque da' livídaxac so' Tito; 7qataxa sa jaldáta da' livídaxac so'me, qá'a so'me ỹátaqta 'uo da' l'añaxac ỹasouaxat da' 'oñíita. Qá'a so'me qo'mi ỹ'axátetapeema da' ỹátaqta 'uo da' 'audiáqai'ỹaguet da' jaỹim 'anauañíi'ỹi', qataxa qo'mi ỹ'axátetapeema da'me 'adaquicoqoi qataxa da' ỹátaqta 'uo da' 'adepagaxadíquii jaỹim. Qana'chi naqaida 'me ỹátaqta nichíỹaxateegue da'me ỹamaic.
8Temaqaidi da' jaso' ỹidíise 'me 'ami sedénaqtenalo ca'li da' 'ami ỹaquicoqte't, qaláxasa sa ỹitaxa seenata. Qá'a taa'le sóxote da' saỹáten da' 'ami ỹaquicoqte't, qana'chi da' 'uootaxa seenata, qaláxasa sa loguéegue. 9Qana'chi naỹi ỹátaqta 'uo da' ỹamaic, qaláxasa sa 'te ỹasouaxat da'me 'auaquicóita. Qá'a ỹasouaxat da'me 'adaquicoqoi, da'me 'en 'oquí'ỹai naua' 'adoicódii'. Qá'a 'anapogáxadiñiiỹet da' 'adaquicoqoi 'me ỹiỹamaxadéeta ñi' Dios, qana'chi qaỹa 'te ga' sega'me sasouaxataq da' 'oñíita. 10Qá'a da'me naquicoxo 'me ỹiỹamaxadéeta ñi'me Dios, da'me ỹ'éte'uo da' qoỹaxadíñi naua' noico, qana'chi náaue da' nec'alaxa. Qana'chi qaỹa 'te taa'le qocapéguem. Qaláxasa da' laquicoxo na' sa d'amaqténataxan, jeda'me náaue da' neleuaxa. 11'Ami da' 'ausichiỹiỹet so' 'adaquicoqoi 'me ỹiỹamaxaden ñi' Dios, qana'chi ¡ỹa 'auc'achiñii naỹi da'me náaue! Da'me ỹ'éte'uo da' sa 'te 'au'aidíñiitac, qataxa 'au'axáchii da' náaue da'me 'av'íchii, qataxa 'ami ỹalemaqtaqte't, qataxa ỹa'uo da' 'adoqolánaqai. Ỹim, qana'chi 'uo da' 'adidiáxasoxoquii da' jaỹim 'anauañíi'ỹi'. Huá'a, qaama'le quelégue da' 'adevílii da' 'auauóỹaaque ga' ne'uaxánaguec ga'me ỹa'uo ga' sa nó'in. Qana'chi ỹima da'me di'ỹoq qa'en da' 'ami qaỹa 'te ga' 'adesamaxataxaquii. 12Qá'a, ca'li sedétapeelégue jaso' ỹide, qana'chi sa 'te da' 'eesa'me da' ỹeenataxac da' 'uootaxa tatapiỹi ỹiuel ga'me siỹaxaua 'me ỹa'uo da' sa nó'in, 'uootaxa ga'me 'uo ga' qoỹ'étec. Na'chidáta da' sétaaque da' qaidi 'auaỹáchiñii da'me 'adoouoqoi ỹasouaxat da' senqáta. Da'me ỹaỹáteeta ñi'me Dios. 13Chan'eesa qo'mi ỹátaqta 'uo da' qan'añaqtaguec.
Qaláxasa sa jaldáta da'me qan'añaqtaguec 'me saconaxaguet. Qá'a ca'li ñauanáxai' so' Tito, qana'chi lamá'asa da' qadamaic, ỹasouaxat so'me da' ỹátaqta mátac, qá'a ỹátaqta ỹima da' 'oñíita da' 'alcochíiỹa so'me, da' qaidi qaỹa 'te ga' taỹapiỹi lauel. 14Qaỹa 'te ga' ỹ'alóxo ca'li séetapega so' Tito da' ỹátaqta jaỹim mátac ỹasouaxat da' 'oñíita. Jaldáta da' ỹima jen'me 'ami s'axataxama ỹátaqta 'eesa. Naq'áita ca'li senqátapega so' Tito ỹátaqta 'eesa da' qo'mi madet'ape ỹasouaxat da' 'oñíita. 15Qana'chi so'me ỹátaqta ỹágueegue da' loqopi'chi da' 'oñíita da' tachiỹi lauel da' 'oñíit'ec da' 'aualaqaiỹet, qataxa da' 'adoqochoqoi joca'li 'auacoñiiỹet, qataxa 'uo da' 'adoqolánaqai. 16Jaỹim mátac, ỹasouaxat da' ỹátaqta 'uo da' ñaquitaxac da' 'oñíita.
Currently Selected:
2 Corintios 7: PLGNT93
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento Pilagá © Sociedades Bíblicas Unidas, 1993.
2 Corintios 7
7
1Chan'eesa 'ami ñauotaxa'u ỹaqai'ỹolqa, naqaida 'me qo'mi qoỹ'axátet'ama. Qana'chi qaỹa 'te qomle ga' ỹisepaxanaqtet da' qadó'oquiaxac qataxa so' qo'mi ỹiuoxona'pe qadiquí'i ỹima na' desepaxanaqtaxan. Jaldáta da' sepagaqpegue' qomle da' qo'mi huosóte', qá'a souqátaaue da' soqochaxa ñi'me Dios.
Joca'li ma'le ỹaxadéegue naua' loico so' Corinto lé'ecpi
2¡Píiỹa, ỹa 'auauóỹaaque qomle ga' qadedáqa' naua' 'adiquidiaqtéldii'! Qá'a qaỹa 'te ga' se'quemaqtetaq qataxa da' ñ'áxataq qataxa da' soqovínaq. 3Da'me senqaac sa 'te da' qaidi 'uo ga' qadasouaqtac da' 'oñíita, qá'a sóxote ỹim ca'li da' senaac da' 'ami ỹátaqta 'aneuáñiỹa'uo jañi' ỹiquidiaqte, da' qaidi 'ami ỹic'alaxa'u qataxa da' 'ami ỹileuaxa'u. 4Na'chi ỹátaqta jalcote da' ñaquitaxac qataxa da' ỹamaic ỹasouaxat da' 'oñíita. Temaqaidi da' souqátanỹi ỹima jen'me qane'queténaxacpi, qaláxasa nedot'a't da' ỹ'añaxac qataxa jaỹim saqáchiỹi da' ỹamaic.
5Chiỹoqót'a so' ñivítaxa di' Macedonia, qana'chi maliaxa qaỹa 'te ga' qanmataqa'. Jaldáta da' souqátanỹi ỹima jen'me qancotaxacpi, na' nep'aỹáiỹi na' qanqueuógaxanataguec, qataxa tema'le liỹilo naua' qadai'li. 6Qaláxasa ñi'me Dios 'me ỹ'añaqtétac ga'me qaỹa 'te l'añaxac, jiñi'me qo'mi ỹ'añaqteteque da' livídaxac so' Tito; 7qataxa sa jaldáta da' livídaxac so'me, qá'a so'me ỹátaqta 'uo da' l'añaxac ỹasouaxat da' 'oñíita. Qá'a so'me qo'mi ỹ'axátetapeema da' ỹátaqta 'uo da' 'audiáqai'ỹaguet da' jaỹim 'anauañíi'ỹi', qataxa qo'mi ỹ'axátetapeema da'me 'adaquicoqoi qataxa da' ỹátaqta 'uo da' 'adepagaxadíquii jaỹim. Qana'chi naqaida 'me ỹátaqta nichíỹaxateegue da'me ỹamaic.
8Temaqaidi da' jaso' ỹidíise 'me 'ami sedénaqtenalo ca'li da' 'ami ỹaquicoqte't, qaláxasa sa ỹitaxa seenata. Qá'a taa'le sóxote da' saỹáten da' 'ami ỹaquicoqte't, qana'chi da' 'uootaxa seenata, qaláxasa sa loguéegue. 9Qana'chi naỹi ỹátaqta 'uo da' ỹamaic, qaláxasa sa 'te ỹasouaxat da'me 'auaquicóita. Qá'a ỹasouaxat da'me 'adaquicoqoi, da'me 'en 'oquí'ỹai naua' 'adoicódii'. Qá'a 'anapogáxadiñiiỹet da' 'adaquicoqoi 'me ỹiỹamaxadéeta ñi' Dios, qana'chi qaỹa 'te ga' sega'me sasouaxataq da' 'oñíita. 10Qá'a da'me naquicoxo 'me ỹiỹamaxadéeta ñi'me Dios, da'me ỹ'éte'uo da' qoỹaxadíñi naua' noico, qana'chi náaue da' nec'alaxa. Qana'chi qaỹa 'te taa'le qocapéguem. Qaláxasa da' laquicoxo na' sa d'amaqténataxan, jeda'me náaue da' neleuaxa. 11'Ami da' 'ausichiỹiỹet so' 'adaquicoqoi 'me ỹiỹamaxaden ñi' Dios, qana'chi ¡ỹa 'auc'achiñii naỹi da'me náaue! Da'me ỹ'éte'uo da' sa 'te 'au'aidíñiitac, qataxa 'au'axáchii da' náaue da'me 'av'íchii, qataxa 'ami ỹalemaqtaqte't, qataxa ỹa'uo da' 'adoqolánaqai. Ỹim, qana'chi 'uo da' 'adidiáxasoxoquii da' jaỹim 'anauañíi'ỹi'. Huá'a, qaama'le quelégue da' 'adevílii da' 'auauóỹaaque ga' ne'uaxánaguec ga'me ỹa'uo ga' sa nó'in. Qana'chi ỹima da'me di'ỹoq qa'en da' 'ami qaỹa 'te ga' 'adesamaxataxaquii. 12Qá'a, ca'li sedétapeelégue jaso' ỹide, qana'chi sa 'te da' 'eesa'me da' ỹeenataxac da' 'uootaxa tatapiỹi ỹiuel ga'me siỹaxaua 'me ỹa'uo da' sa nó'in, 'uootaxa ga'me 'uo ga' qoỹ'étec. Na'chidáta da' sétaaque da' qaidi 'auaỹáchiñii da'me 'adoouoqoi ỹasouaxat da' senqáta. Da'me ỹaỹáteeta ñi'me Dios. 13Chan'eesa qo'mi ỹátaqta 'uo da' qan'añaqtaguec.
Qaláxasa sa jaldáta da'me qan'añaqtaguec 'me saconaxaguet. Qá'a ca'li ñauanáxai' so' Tito, qana'chi lamá'asa da' qadamaic, ỹasouaxat so'me da' ỹátaqta mátac, qá'a ỹátaqta ỹima da' 'oñíita da' 'alcochíiỹa so'me, da' qaidi qaỹa 'te ga' taỹapiỹi lauel. 14Qaỹa 'te ga' ỹ'alóxo ca'li séetapega so' Tito da' ỹátaqta jaỹim mátac ỹasouaxat da' 'oñíita. Jaldáta da' ỹima jen'me 'ami s'axataxama ỹátaqta 'eesa. Naq'áita ca'li senqátapega so' Tito ỹátaqta 'eesa da' qo'mi madet'ape ỹasouaxat da' 'oñíita. 15Qana'chi so'me ỹátaqta ỹágueegue da' loqopi'chi da' 'oñíita da' tachiỹi lauel da' 'oñíit'ec da' 'aualaqaiỹet, qataxa da' 'adoqochoqoi joca'li 'auacoñiiỹet, qataxa 'uo da' 'adoqolánaqai. 16Jaỹim mátac, ỹasouaxat da' ỹátaqta 'uo da' ñaquitaxac da' 'oñíita.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento Pilagá © Sociedades Bíblicas Unidas, 1993.