2 Corintios 8
8
Da' 'éeta da' nachítaqtaxanaxac
1Naỹi 'ami qadaqáỹa', sétaaque da' 'ami s'axataxama da' 'éeta da' lichoxodénataxanaxac ñi'me Dios 'me ỹanem jen'me 'amaqténataxanaxaicpi 'me néta'ña na' 'aléua Macedonia. 2Temaqaidi da' ỹátaqta 'uo da' laqalaic jen'me ỹasouaxat da' napiinaguec, qaláxasa na'chi 'ená'am ỹátaqta mátac. Qataxa jen'me temaqaidi da' ỹátaqta choxodaq, qaláxasa ỹátaqta chítaqtaxanaxaicpi, 'ená'am da' saliaxanqapi. 3Jaỹim ỹátaqta sec'atéetac jen'me da' ỹátaqta 'uo da' lidiáxa da' detauánaxan. Ỹima ỹan na'me nalóta'uo, qataxa ỹátaqta ỹágueegue qa'en da' lachítaqtaxanaxac. 4Qataxa ỹátaqta qo'mi nachoxodéetapegoovlo da' semacháq'a da' nataq'en detauánaxan da' qoỹitauan ga' qadaỹi 'amaqténataxanaxaicpi Jerusalén lé'ecpi. 5Qataxa jen'me ỹivíd'a da' ỹí'et jen'me sa 'te taa'le tatapiỹi qadauel. Qá'a jen'me 'uáiñi da' nañanot so' qadesaliaxanec, ỹim, qataxa jec qo'mi. Da'me ỹátaqta chiỹoqo'ot ñi'me Dios. 6Chan'eesa qo'mi siỹáxanaqtapecot so' Tito, da' qaidi na'chi 'eeta't da' quet'ot qa'en da' 'oñíita da'me nachítaqtaxanaxac 'me sóxote joca'li da' ỹ'étetac ca'li 'ami netaavlo. 7Qá'a 'ami ỹima qaỹa 'te ga' 'anqaláachii'ỹi': 'uo da' 'adip'iỹáxaquii, qataxa sa 'anqaláachii'ỹi' da' 'adapaxaguenataxanaxaquii, qataxa 'uo da' 'adaatetonaxanaxaquii, qataxa da' 'an'añaxataxaquii, qataxa da' 'adoqopi'chii da' senqáta. Chan'eesa n'óota da' sa 'te qaỹa 'aviñii nataq'en da'me nachítaqtaxanaxac.
8Da'me senaac sa 'te da' ỹamaxasóxonaxac. Jaldáta da' sétaaque 'auaỹáchiñii da' n'añaxataxac ga'me 'adaqaỹai, qaidi qoỹilá'a da'me 'adoqopi'chii qomle da' 'uootaxa ỹátaqta 'eesa. 9Qá'a sóxote da' 'auaatetoñii da' lichoxodénataxanaxac so' qadesaliaxanec Jesucristo. Jeso'me ỹátaqta saliaxanec, qaláxasa ỹacona da' nachoxodec, ỹasouaxat da' loqopi'chi da' 'oñíita, qaidi 'ami saliaxanaqa, ỹasouaxat da' lachoxodec so'me.
10'Ami sanema da'me ỹiinataxac, qaidi qaỹa 'te 'uo da' 'oñíita. 'Ami so' huó'e laqáỹa sóxote da' 'av'íchiitac da'me. Qataxa sa na'chidáta da' 'av'íchiitac da'me, qá'a ỹátaqta 'uo da' 'adoouoqoi. 11Chan'eesa naỹi n'óota da' 'oquiiỹot da' 'av'íchii da'me, cha ỹivíd'a da' 'aumachii. Ỹátaqta 'oñíit'em da' 'adoouoxoquii so'me ỹímta da' 'auachítaqtaxañii, da' 'auañii jaga'me 'adalóita'uo. 12Qá'a ga'me siỹaxaua da' 'eesa da' leenataxac da' 'uo jaga' ỹaneuo, qana'chi ñi'me Dios ỹátaqta ỹiỹamaxadéeta jaga'me nalóta'uo da' ỹaneuo ga'me. Qá'a ñi'me sa 'te ỹiỹáxane'uo jaga' sa 'te qoỹauana.
13Da'me sa 'te naqaida da' 'uootaxa sétaaque da' 'ami choxodáchi ỹasouaxat da' 'autauáñii ga' 'adaqaỹai. 14Qá'a da'me náaue da' sétaaque da' ỹima qadalóchiiñi. Qá'a naỹi 'ami 'autauáñiỹic ga'me ỹiuéetaaque di'me 'adaỹii. Qana'chi qomle 'uo ga' nolo', qana'chi 'ami ỹitauanque ga'me 'avíñiitaaque. Qaidi ỹátaqta ỹima da' 'eet'a't qomle. 15Qá'a na'chi 'enaac naua' nidii's l'aqtaqa ñi'me Dios: “Ga'me jalcote ga' lapóñiisec, qana'chi qaỹa 'te ga' l'iỹóxot; qataxa ga'me sa léca ga' lapóñiisec, qaláxasa qaỹa 'te ga' ỹiuéetaaque.”
So' Tito qataxa saua' liquiáxa'u
16Qaláxasa sanem da' ñitónaxac ñi'me Dios, qá'a ñi'me ỹanem jañi' liquidiaqte so' Tito da' 'ená'am qa'en da' jaỹim da' ỹátaqta 'uo da' lidiáxa da' 'ami lecochiỹalo. 17Qá'a so'me ỹoqo'cha da'me ỹ'aqtac 'me sanem, qataxa so'me na'chi 'eeta't 'ami ỹidiáqat'alo, qana'chi naỹi mai'chi nachiỹoxola't so'me da' 'ami ỹic'atalo.
18Sa na'chisóta so' Tito. Nataq'en 'uo na' liquiáxaua 'me samaxasoq qadaqáỹa 'me ỹátaqta qoỹíitapega 'ónaxaic da' lasoxoc ỹima na' 'amaqténataxanaxaicpi jen'me souqát'a, ỹasouaxat da' ỹ'axátetac da' n'aqtac 'me nec'alaxaqui. 19Qataxa sa jaldáta da'me, qá'a ỹima na' 'amaqténataxanaxaicpi 'me qoỹilotelégue so'me qadaqáỹa, da' qaidi ñáigaqpegue', qataxa da' qaidi qo'mi lecochiỹalo da'me seloxogue nachítaqtaxanaxac 'me s'étaqtac da' qaidi ỹ'oxodaq qa'en ñi' qadesaliaxanec qataxa qoỹilá'a da'me 'an'añaxataxaquii. 20Qana'chi senqát'ec da'me, qá'a 'uo da' qadivitaxa da' 'uootaxa qo'mi qoỹinapegalo, ỹasouaxat jan' nachítaqtaxanaqte 'me ỹapónaqtapega't. 21Qá'a qo'mi sétaaque da' ỹiỹamqáchiiñi ga' s'étaq, qana'chi sa 'te jalñíta ñi' qadesaliaxanec da' sétaaque da' qo'mi ỹic'atéet'ape, na'chi 'ená'am ỹima na' siỹaxadipi.
22Saa'me sa na'chisáate'. Nataq'en 'uo so' qadamaxasec qadaqáỹa laqáỹa 'me qo'mi saỹátenaqta da' 'éeta da' letauánaxanaxac. Qana'chi naỹi lamá'asa ỹañodelégue da' letauánaxanaxac ỹasouaxat da' lepé'e da' 'oñíita. 23Qomle 'uo ga' nataxaalégue so' Tito, qana'chi 'au'axáchiim ga'me da' so' Tito mai'chi ỹicochaxaua, jaỹim lecochítapega da' 'ami neuálaxaitapee'to. Qataxa qomle qonataxaalóo'te saua' qadaqáỹa' laqáỹa', qana'chi 'au'axáchii' da' saa'me 'me lamaxa's jen'me 'amaqténataxanaxaicpi 'me l'acháqa' jen' sonéta'ña, qataxa saa'me ỹi'ỹoxodéetrac so' Cristo. 24Chan'eesa 'ami n'óota da' ỹátaqta 'aualoxóñiỹalo qomle saa'me da' 'adoqopi'chii, qaidi ỹaỹáteeta na' 'amaqténataxanaxaicpi jen' souét'a da' ỹátaqta qo'mi 'eesoda da' 'ami si'ỹoxodénaqt'ape.
Currently Selected:
2 Corintios 8: PLGNT93
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento Pilagá © Sociedades Bíblicas Unidas, 1993.
2 Corintios 8
8
Da' 'éeta da' nachítaqtaxanaxac
1Naỹi 'ami qadaqáỹa', sétaaque da' 'ami s'axataxama da' 'éeta da' lichoxodénataxanaxac ñi'me Dios 'me ỹanem jen'me 'amaqténataxanaxaicpi 'me néta'ña na' 'aléua Macedonia. 2Temaqaidi da' ỹátaqta 'uo da' laqalaic jen'me ỹasouaxat da' napiinaguec, qaláxasa na'chi 'ená'am ỹátaqta mátac. Qataxa jen'me temaqaidi da' ỹátaqta choxodaq, qaláxasa ỹátaqta chítaqtaxanaxaicpi, 'ená'am da' saliaxanqapi. 3Jaỹim ỹátaqta sec'atéetac jen'me da' ỹátaqta 'uo da' lidiáxa da' detauánaxan. Ỹima ỹan na'me nalóta'uo, qataxa ỹátaqta ỹágueegue qa'en da' lachítaqtaxanaxac. 4Qataxa ỹátaqta qo'mi nachoxodéetapegoovlo da' semacháq'a da' nataq'en detauánaxan da' qoỹitauan ga' qadaỹi 'amaqténataxanaxaicpi Jerusalén lé'ecpi. 5Qataxa jen'me ỹivíd'a da' ỹí'et jen'me sa 'te taa'le tatapiỹi qadauel. Qá'a jen'me 'uáiñi da' nañanot so' qadesaliaxanec, ỹim, qataxa jec qo'mi. Da'me ỹátaqta chiỹoqo'ot ñi'me Dios. 6Chan'eesa qo'mi siỹáxanaqtapecot so' Tito, da' qaidi na'chi 'eeta't da' quet'ot qa'en da' 'oñíita da'me nachítaqtaxanaxac 'me sóxote joca'li da' ỹ'étetac ca'li 'ami netaavlo. 7Qá'a 'ami ỹima qaỹa 'te ga' 'anqaláachii'ỹi': 'uo da' 'adip'iỹáxaquii, qataxa sa 'anqaláachii'ỹi' da' 'adapaxaguenataxanaxaquii, qataxa 'uo da' 'adaatetonaxanaxaquii, qataxa da' 'an'añaxataxaquii, qataxa da' 'adoqopi'chii da' senqáta. Chan'eesa n'óota da' sa 'te qaỹa 'aviñii nataq'en da'me nachítaqtaxanaxac.
8Da'me senaac sa 'te da' ỹamaxasóxonaxac. Jaldáta da' sétaaque 'auaỹáchiñii da' n'añaxataxac ga'me 'adaqaỹai, qaidi qoỹilá'a da'me 'adoqopi'chii qomle da' 'uootaxa ỹátaqta 'eesa. 9Qá'a sóxote da' 'auaatetoñii da' lichoxodénataxanaxac so' qadesaliaxanec Jesucristo. Jeso'me ỹátaqta saliaxanec, qaláxasa ỹacona da' nachoxodec, ỹasouaxat da' loqopi'chi da' 'oñíita, qaidi 'ami saliaxanaqa, ỹasouaxat da' lachoxodec so'me.
10'Ami sanema da'me ỹiinataxac, qaidi qaỹa 'te 'uo da' 'oñíita. 'Ami so' huó'e laqáỹa sóxote da' 'av'íchiitac da'me. Qataxa sa na'chidáta da' 'av'íchiitac da'me, qá'a ỹátaqta 'uo da' 'adoouoqoi. 11Chan'eesa naỹi n'óota da' 'oquiiỹot da' 'av'íchii da'me, cha ỹivíd'a da' 'aumachii. Ỹátaqta 'oñíit'em da' 'adoouoxoquii so'me ỹímta da' 'auachítaqtaxañii, da' 'auañii jaga'me 'adalóita'uo. 12Qá'a ga'me siỹaxaua da' 'eesa da' leenataxac da' 'uo jaga' ỹaneuo, qana'chi ñi'me Dios ỹátaqta ỹiỹamaxadéeta jaga'me nalóta'uo da' ỹaneuo ga'me. Qá'a ñi'me sa 'te ỹiỹáxane'uo jaga' sa 'te qoỹauana.
13Da'me sa 'te naqaida da' 'uootaxa sétaaque da' 'ami choxodáchi ỹasouaxat da' 'autauáñii ga' 'adaqaỹai. 14Qá'a da'me náaue da' sétaaque da' ỹima qadalóchiiñi. Qá'a naỹi 'ami 'autauáñiỹic ga'me ỹiuéetaaque di'me 'adaỹii. Qana'chi qomle 'uo ga' nolo', qana'chi 'ami ỹitauanque ga'me 'avíñiitaaque. Qaidi ỹátaqta ỹima da' 'eet'a't qomle. 15Qá'a na'chi 'enaac naua' nidii's l'aqtaqa ñi'me Dios: “Ga'me jalcote ga' lapóñiisec, qana'chi qaỹa 'te ga' l'iỹóxot; qataxa ga'me sa léca ga' lapóñiisec, qaláxasa qaỹa 'te ga' ỹiuéetaaque.”
So' Tito qataxa saua' liquiáxa'u
16Qaláxasa sanem da' ñitónaxac ñi'me Dios, qá'a ñi'me ỹanem jañi' liquidiaqte so' Tito da' 'ená'am qa'en da' jaỹim da' ỹátaqta 'uo da' lidiáxa da' 'ami lecochiỹalo. 17Qá'a so'me ỹoqo'cha da'me ỹ'aqtac 'me sanem, qataxa so'me na'chi 'eeta't 'ami ỹidiáqat'alo, qana'chi naỹi mai'chi nachiỹoxola't so'me da' 'ami ỹic'atalo.
18Sa na'chisóta so' Tito. Nataq'en 'uo na' liquiáxaua 'me samaxasoq qadaqáỹa 'me ỹátaqta qoỹíitapega 'ónaxaic da' lasoxoc ỹima na' 'amaqténataxanaxaicpi jen'me souqát'a, ỹasouaxat da' ỹ'axátetac da' n'aqtac 'me nec'alaxaqui. 19Qataxa sa jaldáta da'me, qá'a ỹima na' 'amaqténataxanaxaicpi 'me qoỹilotelégue so'me qadaqáỹa, da' qaidi ñáigaqpegue', qataxa da' qaidi qo'mi lecochiỹalo da'me seloxogue nachítaqtaxanaxac 'me s'étaqtac da' qaidi ỹ'oxodaq qa'en ñi' qadesaliaxanec qataxa qoỹilá'a da'me 'an'añaxataxaquii. 20Qana'chi senqát'ec da'me, qá'a 'uo da' qadivitaxa da' 'uootaxa qo'mi qoỹinapegalo, ỹasouaxat jan' nachítaqtaxanaqte 'me ỹapónaqtapega't. 21Qá'a qo'mi sétaaque da' ỹiỹamqáchiiñi ga' s'étaq, qana'chi sa 'te jalñíta ñi' qadesaliaxanec da' sétaaque da' qo'mi ỹic'atéet'ape, na'chi 'ená'am ỹima na' siỹaxadipi.
22Saa'me sa na'chisáate'. Nataq'en 'uo so' qadamaxasec qadaqáỹa laqáỹa 'me qo'mi saỹátenaqta da' 'éeta da' letauánaxanaxac. Qana'chi naỹi lamá'asa ỹañodelégue da' letauánaxanaxac ỹasouaxat da' lepé'e da' 'oñíita. 23Qomle 'uo ga' nataxaalégue so' Tito, qana'chi 'au'axáchiim ga'me da' so' Tito mai'chi ỹicochaxaua, jaỹim lecochítapega da' 'ami neuálaxaitapee'to. Qataxa qomle qonataxaalóo'te saua' qadaqáỹa' laqáỹa', qana'chi 'au'axáchii' da' saa'me 'me lamaxa's jen'me 'amaqténataxanaxaicpi 'me l'acháqa' jen' sonéta'ña, qataxa saa'me ỹi'ỹoxodéetrac so' Cristo. 24Chan'eesa 'ami n'óota da' ỹátaqta 'aualoxóñiỹalo qomle saa'me da' 'adoqopi'chii, qaidi ỹaỹáteeta na' 'amaqténataxanaxaicpi jen' souét'a da' ỹátaqta qo'mi 'eesoda da' 'ami si'ỹoxodénaqt'ape.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento Pilagá © Sociedades Bíblicas Unidas, 1993.