2 Corintios 9
9
Jaso' netauánaxanaqte 'me qoỹamaxa so' n'amaqténataxanaxau'pi
1Da'me lasoxoc da' qoỹí'et jaga' netauánaxanaqte da' qaidi qolecochiỹa ga' qad'amaqténataxanaxaua Jerusalén lé'ecpi, da'me sa 'te ỹiuen da' sidíñi. 2Qá'a jaỹim sóxote da' saatetóota da' qaỹa 'te ga' 'aviquíitapega. Chan'eesa jaỹim ỹátaqta 'uo naale da' ỹi'ỹoxodénataxanaxac da' 'oñíita jen' souét'a Macedonia, da' 'ami 'me Acaya lase' da' chi'ena so' huó'e laqáỹa da' 'auauóitaaque jaga' 'adetauánaxanaqchii. Chan'eesa jalcote na'me l'acháqa' jen' Macedonia 'uo da' 'ami n'añaxata'alo ỹasouaxat da' 'adecochaxaquii. 3Qaláxasa na'chi 'ená'am jaỹim 'ami samaxalo saa'me qadaqáỹa', qaidi sa 'te da' ỹisamaxáỹi da' s'axátaqt'ape da'me 'ónaxaic da' 'av'íchiitac. Qataxa qaidi ỹipaquíchiỹi da' 'auqátaxañiita't da' 'adecochaxaquii 'me sóxote s'axátaqtac. 4Je'doomataxa qomle 'uo ga' ñáicapegue' jen'me l'acháqa' na' Macedonia, qana'chi 'ami ỹilolóo'te da' maliaxa qaỹa 'te 'anỹamaxataxaquii. Qana'chi ỹátaqta 'uo da' qad'alóxo qomle, qamaale na'chi'ami taa'le 'uo da' 'ad'alóqoi, qá'a 'ami 'me 'ami sip'iỹaqtalóo'te. 5Na'chida 'me 'uo da' táchiỹi ỹiuel da' seỹaxanoto saa'me qadaqáỹa', da' qaidi 'uáiñi da' 'ami desapchiỹalo saa'me, qataxa 'ami lecochiỹalo da' qaidi nalóiñi jaga'me 'adetauánaxanaqchii 'me 'au'axáchiitac joca'li, qataxa qaidi jaga'me 'adetauánaxanaqchii leuóteta da' 'uo, qaidi qoỹilá'a da' mai'chi 'ad'ágaxanaxaquii, qana'chi sa 'te sega'me 'ami samaxasoqtalóo'te.
6'Antovíñiit'ac qomle da'me senaac: Ga' sa léca ga' ỹaañi, qana'chi nataq'en sa léca ga' laqchiisec; qaláxasa ga' jalcote ga' ỹaañi, qana'chi nataq'en jalcote qomle ga' naqat. 7Chan'eesa ñi' 'oonolec ỹan ga'me laqchiisec ga'me táchiỹi jaga' liquidiaqte, qaláxasa sa 'te da' 'chi nachít'a, 'uootaxa da' 'chi qoỹamqatalégue, qá'a ñi'me Dios ỹátaqta ỹiỹamaxadéeta ga'me mátac da' dachítaqtaxan. 8Ñi'me Dios 'me p'asáiỹi da' 'en 'chi táteegue da' 'ami ỹanema na' chaqáina 'me 'adeuóoỹaxaquii, qaidi ỹima da' 'ami 'uo na' mai'chi 'adeuénquii, qataxa qaidi sa 'te 'uo ga' 'avíñiitaaque da' 'autauánaxañiỹot da' 'av'íchii ga' n'onataxanaxac ỹiỹamqáchiiñi. 9Qá'a naua' nidii's l'aqtaqa ñi' Dios ỹ'axa't ga' 'ónaxaic siỹaxaua, 'enaac:
Ga'me sa 'te huochidíỹaqaic da' ỹanỹi na' choxodaqpi,
qana'chi da'me ỹiỹamqáchiiñi l'onataxanaxac qana'chi qapiỹáiỹi jen'me.
10Ñi'me Dios, 'me naqaiñi ñi' ỹan jaga' peta qataxa ga'me nalic, jiñi'me 'ami ỹanema qomle ga' 'avíñiitaaque, da' qaidi 'auanaxañii, qataxa da' naséguem qa'en jaga'me 'adañiisii, qataxa ỹátaqta jalcote qa'en jan' jala, qana'chi da' naqataanaxac, jalcote ga'me náaue jen'me ỹiỹamqáchiiñi n'onataxanaxacpi, 11qaidi 'ami ỹima huet'asopa na' nesaliaxa, qataxa qaidi sa 'te da' 'auasematai. Ỹim, qana'chi qo'mi 'auamaqaiỹalo jaga' 'ad'ágaxanaqchii, qaidi ga' qadaỹi ỹaatapecot da' netónaxac ñi'me Dios. 12Qá'a da' sanaxam jaga' qad'ágaxanaqte ga' qadaỹi, qana'chi sa 'te jaldáta da' sanaxam ga'me ỹiuéetaaque. Nataq'en da' qo'mi s'étaxac da' jega'me ỹátaqta ỹaatapecot let'ádaic da' netónaxac ñi'me Dios. 13Jen'me ỹátaqta ỹi'ỹoxodéetac ñi'me Dios, qá'a da'me 'ad'ágaxanaxaquii di'ỹoq qa'en da' ỹátaqta 'aualaqaiỹet da' 'ónaxaic qadipí'ic 'me n'aqtaguec so' Cristo. Nataq'en 'uo da' li'ỹoxodénataxanaxac jen'me, qá'a ỹasouaxat jaga' 'ad'ágaxanaqchii 'me 'av'íchii da' 'auamaqáiỹa jen'me qataxa na' ỹima laỹi. 14Qataxa jen'me na'chi'ami netameetalóo'te, qá'a ỹátaqta jalcote da' loqopi'chi da' 'oñíita, qá'a ỹasouaxat let'ádaic da' 'ami ỹanema lichoxodénataxanaxac ñi' Dios. 15Qamaa'chitáxa naỹi, ¡Ñitónaqtapeec ñi' Dios, qá'a ñi'me ỹátaqta let'ádaic da' qo'mi ỹanema qan'achíquiaxac, jeda'me sa 'te sañoxotaq taa'le s'axátaq ga' náaue!
Currently Selected:
2 Corintios 9: PLGNT93
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento Pilagá © Sociedades Bíblicas Unidas, 1993.
2 Corintios 9
9
Jaso' netauánaxanaqte 'me qoỹamaxa so' n'amaqténataxanaxau'pi
1Da'me lasoxoc da' qoỹí'et jaga' netauánaxanaqte da' qaidi qolecochiỹa ga' qad'amaqténataxanaxaua Jerusalén lé'ecpi, da'me sa 'te ỹiuen da' sidíñi. 2Qá'a jaỹim sóxote da' saatetóota da' qaỹa 'te ga' 'aviquíitapega. Chan'eesa jaỹim ỹátaqta 'uo naale da' ỹi'ỹoxodénataxanaxac da' 'oñíita jen' souét'a Macedonia, da' 'ami 'me Acaya lase' da' chi'ena so' huó'e laqáỹa da' 'auauóitaaque jaga' 'adetauánaxanaqchii. Chan'eesa jalcote na'me l'acháqa' jen' Macedonia 'uo da' 'ami n'añaxata'alo ỹasouaxat da' 'adecochaxaquii. 3Qaláxasa na'chi 'ená'am jaỹim 'ami samaxalo saa'me qadaqáỹa', qaidi sa 'te da' ỹisamaxáỹi da' s'axátaqt'ape da'me 'ónaxaic da' 'av'íchiitac. Qataxa qaidi ỹipaquíchiỹi da' 'auqátaxañiita't da' 'adecochaxaquii 'me sóxote s'axátaqtac. 4Je'doomataxa qomle 'uo ga' ñáicapegue' jen'me l'acháqa' na' Macedonia, qana'chi 'ami ỹilolóo'te da' maliaxa qaỹa 'te 'anỹamaxataxaquii. Qana'chi ỹátaqta 'uo da' qad'alóxo qomle, qamaale na'chi'ami taa'le 'uo da' 'ad'alóqoi, qá'a 'ami 'me 'ami sip'iỹaqtalóo'te. 5Na'chida 'me 'uo da' táchiỹi ỹiuel da' seỹaxanoto saa'me qadaqáỹa', da' qaidi 'uáiñi da' 'ami desapchiỹalo saa'me, qataxa 'ami lecochiỹalo da' qaidi nalóiñi jaga'me 'adetauánaxanaqchii 'me 'au'axáchiitac joca'li, qataxa qaidi jaga'me 'adetauánaxanaqchii leuóteta da' 'uo, qaidi qoỹilá'a da' mai'chi 'ad'ágaxanaxaquii, qana'chi sa 'te sega'me 'ami samaxasoqtalóo'te.
6'Antovíñiit'ac qomle da'me senaac: Ga' sa léca ga' ỹaañi, qana'chi nataq'en sa léca ga' laqchiisec; qaláxasa ga' jalcote ga' ỹaañi, qana'chi nataq'en jalcote qomle ga' naqat. 7Chan'eesa ñi' 'oonolec ỹan ga'me laqchiisec ga'me táchiỹi jaga' liquidiaqte, qaláxasa sa 'te da' 'chi nachít'a, 'uootaxa da' 'chi qoỹamqatalégue, qá'a ñi'me Dios ỹátaqta ỹiỹamaxadéeta ga'me mátac da' dachítaqtaxan. 8Ñi'me Dios 'me p'asáiỹi da' 'en 'chi táteegue da' 'ami ỹanema na' chaqáina 'me 'adeuóoỹaxaquii, qaidi ỹima da' 'ami 'uo na' mai'chi 'adeuénquii, qataxa qaidi sa 'te 'uo ga' 'avíñiitaaque da' 'autauánaxañiỹot da' 'av'íchii ga' n'onataxanaxac ỹiỹamqáchiiñi. 9Qá'a naua' nidii's l'aqtaqa ñi' Dios ỹ'axa't ga' 'ónaxaic siỹaxaua, 'enaac:
Ga'me sa 'te huochidíỹaqaic da' ỹanỹi na' choxodaqpi,
qana'chi da'me ỹiỹamqáchiiñi l'onataxanaxac qana'chi qapiỹáiỹi jen'me.
10Ñi'me Dios, 'me naqaiñi ñi' ỹan jaga' peta qataxa ga'me nalic, jiñi'me 'ami ỹanema qomle ga' 'avíñiitaaque, da' qaidi 'auanaxañii, qataxa da' naséguem qa'en jaga'me 'adañiisii, qataxa ỹátaqta jalcote qa'en jan' jala, qana'chi da' naqataanaxac, jalcote ga'me náaue jen'me ỹiỹamqáchiiñi n'onataxanaxacpi, 11qaidi 'ami ỹima huet'asopa na' nesaliaxa, qataxa qaidi sa 'te da' 'auasematai. Ỹim, qana'chi qo'mi 'auamaqaiỹalo jaga' 'ad'ágaxanaqchii, qaidi ga' qadaỹi ỹaatapecot da' netónaxac ñi'me Dios. 12Qá'a da' sanaxam jaga' qad'ágaxanaqte ga' qadaỹi, qana'chi sa 'te jaldáta da' sanaxam ga'me ỹiuéetaaque. Nataq'en da' qo'mi s'étaxac da' jega'me ỹátaqta ỹaatapecot let'ádaic da' netónaxac ñi'me Dios. 13Jen'me ỹátaqta ỹi'ỹoxodéetac ñi'me Dios, qá'a da'me 'ad'ágaxanaxaquii di'ỹoq qa'en da' ỹátaqta 'aualaqaiỹet da' 'ónaxaic qadipí'ic 'me n'aqtaguec so' Cristo. Nataq'en 'uo da' li'ỹoxodénataxanaxac jen'me, qá'a ỹasouaxat jaga' 'ad'ágaxanaqchii 'me 'av'íchii da' 'auamaqáiỹa jen'me qataxa na' ỹima laỹi. 14Qataxa jen'me na'chi'ami netameetalóo'te, qá'a ỹátaqta jalcote da' loqopi'chi da' 'oñíita, qá'a ỹasouaxat let'ádaic da' 'ami ỹanema lichoxodénataxanaxac ñi' Dios. 15Qamaa'chitáxa naỹi, ¡Ñitónaqtapeec ñi' Dios, qá'a ñi'me ỹátaqta let'ádaic da' qo'mi ỹanema qan'achíquiaxac, jeda'me sa 'te sañoxotaq taa'le s'axátaq ga' náaue!
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento Pilagá © Sociedades Bíblicas Unidas, 1993.