Efesios 3
3
So' Pablo qoỹipataxalégue da' ỹ'axátem da' n'aqtac na'me sa judiopi
1Jaỹim Pablo, naqaida 'me 'uo da' jaỹim ñitaméetac. Jaỹim qoỹicoñideta't ỹasouaxat so' Cristo Jesús da' sasoilégue, qaláxasa da'me náaue da' qaidi 'aviỹamqáichiiñi 'ami 'me sa 'te 'ami judío lase'. 2Qá'a sóxote da' ma'le 'auaỹáchiñii da' 'éeta ñi' Dios mai'chi chiỹoxotaỹi da' lichoxodénataxanaxac da' jaỹim ỹipataxalégue dójo' ỹ'onataxanaxac, da' qaidi 'ami 'adiỹamqáichiiñi. 3Qá'a ñi'me Dios ỹaloxon da' lasoxoc da' lapaxañi josii'chi 'me sa 'te di'ỹaxa da' jaỹim ỹanómaxanaxana. Da'me sóxote da' sidíñi da' sa 'eesa'me da' s'axat. 4Qomle 'autaxaỹaxañii, qana'chi 'ami 'auaỹáchiñii da' jaỹim ỹátaqta saatetóota da'me sa 'te di'ỹaxa lasoxoc 'me chiỹoqo'ot so' Cristo. 5Da'me nasoxoc 'me sa 'te di'ỹaxa qaỹa 'te joca'li ga' qoỹaỹátenaxanaxanec saa'me 'ua'u 'uóidi. Qaláxasa naỹi ñi'me Dios ỹachiỹoxotaỹi so' lepaqal da' ỹanómaxanaxanec jen'me ỹiỹotái'ỹa 'me lamaxa'spi so' Jesús qataxa jen' letaxaỹáxanaxanecpi. 6Dójo' nasoxoc 'me sa di'ỹaxa 'enaac: Chiỹoqóchiỹi qomle da' n'aqtac 'me nec'alaxaqui da' jen' sa judiopi ỹaconeguet ga'me ỹaloxóotac ñi' Dios da' 'ená'am qoỹin na' judiopi. Jen'me nataq'en neuána'uo da' ló'oquiaxac so' Cristo, qataxa nataq'en neuána'uo da'me ỹaloxóotac ñi'me Dios 'me chiỹoqóchiỹi qa'en so' Cristo Jesús.
7Jaỹim ỹátaqta sa ñauapeela't. Qaláxasa jaỹim qoỹanaỹi da' qaidi s'axat jeda'me n'aqtac, qana'chi jeda'me ỹ'onataxanaxac chiỹaqaỹi da' lañoqtaxanaxac ñi' Dios. 8Qá'a jaỹim ỹátaqta qaỹa 'te ga' ñisáaque, sa 'te da' ñapacalégue ga'me qaỹa 'te nesáaque na'me lalémaxasetpi ñi' Dios. Qaláxasa ñi'me jaỹim ỹanaỹi dójo' ñitónaxac da' qaidi s'axátem jen' sa judío lé'ecpi da' 'ónaxaic qadipí'ic 'me ỹ'axat da'me sa qoỹañoxot da' qonaloqten lesaliaxa so' Cristo. 9Qataxa ñi'me 'me l'onatac ỹimaquéna, jiñi'me jaỹim ỹipataxalégue da' qaidi s'axátem ỹima jen' siỹaxadipi da' lasoxoc da'me sa di'ỹoq 'me lapaxañi josii'chi saa'me 'uáudeegue 'uóidi. 10Naqaida qoỹíit'ec, qaidi chiỹaqaỹi qoỹin na' 'amaqténataxanaxaicpi da' ỹima jen' dañoqtaxanacpi qataxa jen'me damaxasóxonacpi 'me huet'ot na' piỹem, jen'me ỹaỹáten naỹi ỹima jen' ỹodapecachi laỹátenaxanaxacpi ñi'me Dios. 11Da'me ỹí'et ñi' Dios, jeda'me nateet'eguet da' jalchi'ena leenataxac josii'chi 'me chiỹoqóchiỹi so' qadesaliaxanec Jesucristo da' ỹí'et. 12Chan'eesa so' Cristo naqaiso so' chiỹoqóchiỹi da' 'uo da' qo'mi huesóchidiñi da' senoxonaxauó'o ñi'me Dios, qá'a 'uo da' qadip'iỹáxac so'me. 13Chan'eesa jaỹim 'ami saqatalo da' sa 'te 'ami liitapiilo naua' 'adai'lídii', ỹasouaxat da' jaỹim 'uo da' ñi'queténaxac ỹasouaxat da' 'ami sasoilóo'te, qá'a jeda'me náaue da' qaidi 'ami ỹ'oxodáchi.
Da' loqopi'chi so' Cristo
14Naqaida 'me 'uo da' jaỹim sesóidiñi naua' ỹiliictel da' ñitamenot ñi'me let'a so' qadesaliaxanec Jesucristo, 15ñi'me chiỹoqo'ot na' lenaxat jen'me ỹodapecachi naỹipi 'me netalégue jen' 'aléua qataxa jen'me lamaxa'spi 'me net'ot di' piỹem. 16Qataxa siỹaxaatapecot ñi' qadet'a Dios, da' qaidi chiỹoxochíchiỹi da'me qaỹa 'te 'ená'am lesaliaxa da' qo'mi ỹanema da' lañoqtaxanaxac, qataxa n'añaxac, chiỹaqaỹi so' lepaqal da' ỹanaavlo naua' 'adai'lídii'. 17Qataxa siỹaxaatapecot ñi' qadet'a da' qaidi so' Cristo netaavlo naua' 'adiquidiaqtéldii', qá'a 'uo da' 'adip'iỹáxaquii so'me, qataxa qaidi 'ami ỹátaqta 'an'añaxachíỹic qataxa 'ansóquiita'uo da' nesóxodic, 18qaidi 'ami qataxa ỹima na' 'amaqténataxanaxaicpi laỹi 'auaỹáchiñiita di' lecaỹíñi qataxa di' jaloc, qataxa di' qaỹa'nỹi, qataxa di' jaloote da'me loqopi'chi so' Cristo. 19Qataxa siỹaxaatapecot ñi'me, da' qaidi 'ami ỹátaqta 'auaỹáchiñiita da'me noqopi'chi 'me ỹátaqta napacalégue ỹima na' qadaatetonaxanaxacpi, qaidi 'ami ỹátaqta 'ami saqachiilo da' lasoxoc ñi'me Dios.
20Chan'eesa naỹi, qoỹi'ỹoxoden qomle ñi'me Dios 'me ñoqtaxanaxaic 'me ỹáisaiỹi qa'en ga' qo'mi ỹanema jega'me siỹáxanaqaaque, 'uootaxa ga'me taỹi di' qadauel, da' chiỹoqóchiỹi qa'en da'me lañoqtaxanaxac 'me d'onataxanóoue da' qad'óiỹaxac. 21Chan'eesa ỹima qomle na' 'amaqténataxanaxaicpi ỹi'ỹoxoden ñi' Dios ỹasouaxat da' ỹoqotéta'uo so' Cristo. Jeda'me na'chi 'eeta't qomle da' qaỹa 'te ga' loiquiaqa'. Já'a, na'chi naq'áita dójo'.
Currently Selected:
Efesios 3: PLGNT93
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento Pilagá © Sociedades Bíblicas Unidas, 1993.
Efesios 3
3
So' Pablo qoỹipataxalégue da' ỹ'axátem da' n'aqtac na'me sa judiopi
1Jaỹim Pablo, naqaida 'me 'uo da' jaỹim ñitaméetac. Jaỹim qoỹicoñideta't ỹasouaxat so' Cristo Jesús da' sasoilégue, qaláxasa da'me náaue da' qaidi 'aviỹamqáichiiñi 'ami 'me sa 'te 'ami judío lase'. 2Qá'a sóxote da' ma'le 'auaỹáchiñii da' 'éeta ñi' Dios mai'chi chiỹoxotaỹi da' lichoxodénataxanaxac da' jaỹim ỹipataxalégue dójo' ỹ'onataxanaxac, da' qaidi 'ami 'adiỹamqáichiiñi. 3Qá'a ñi'me Dios ỹaloxon da' lasoxoc da' lapaxañi josii'chi 'me sa 'te di'ỹaxa da' jaỹim ỹanómaxanaxana. Da'me sóxote da' sidíñi da' sa 'eesa'me da' s'axat. 4Qomle 'autaxaỹaxañii, qana'chi 'ami 'auaỹáchiñii da' jaỹim ỹátaqta saatetóota da'me sa 'te di'ỹaxa lasoxoc 'me chiỹoqo'ot so' Cristo. 5Da'me nasoxoc 'me sa 'te di'ỹaxa qaỹa 'te joca'li ga' qoỹaỹátenaxanaxanec saa'me 'ua'u 'uóidi. Qaláxasa naỹi ñi'me Dios ỹachiỹoxotaỹi so' lepaqal da' ỹanómaxanaxanec jen'me ỹiỹotái'ỹa 'me lamaxa'spi so' Jesús qataxa jen' letaxaỹáxanaxanecpi. 6Dójo' nasoxoc 'me sa di'ỹaxa 'enaac: Chiỹoqóchiỹi qomle da' n'aqtac 'me nec'alaxaqui da' jen' sa judiopi ỹaconeguet ga'me ỹaloxóotac ñi' Dios da' 'ená'am qoỹin na' judiopi. Jen'me nataq'en neuána'uo da' ló'oquiaxac so' Cristo, qataxa nataq'en neuána'uo da'me ỹaloxóotac ñi'me Dios 'me chiỹoqóchiỹi qa'en so' Cristo Jesús.
7Jaỹim ỹátaqta sa ñauapeela't. Qaláxasa jaỹim qoỹanaỹi da' qaidi s'axat jeda'me n'aqtac, qana'chi jeda'me ỹ'onataxanaxac chiỹaqaỹi da' lañoqtaxanaxac ñi' Dios. 8Qá'a jaỹim ỹátaqta qaỹa 'te ga' ñisáaque, sa 'te da' ñapacalégue ga'me qaỹa 'te nesáaque na'me lalémaxasetpi ñi' Dios. Qaláxasa ñi'me jaỹim ỹanaỹi dójo' ñitónaxac da' qaidi s'axátem jen' sa judío lé'ecpi da' 'ónaxaic qadipí'ic 'me ỹ'axat da'me sa qoỹañoxot da' qonaloqten lesaliaxa so' Cristo. 9Qataxa ñi'me 'me l'onatac ỹimaquéna, jiñi'me jaỹim ỹipataxalégue da' qaidi s'axátem ỹima jen' siỹaxadipi da' lasoxoc da'me sa di'ỹoq 'me lapaxañi josii'chi saa'me 'uáudeegue 'uóidi. 10Naqaida qoỹíit'ec, qaidi chiỹaqaỹi qoỹin na' 'amaqténataxanaxaicpi da' ỹima jen' dañoqtaxanacpi qataxa jen'me damaxasóxonacpi 'me huet'ot na' piỹem, jen'me ỹaỹáten naỹi ỹima jen' ỹodapecachi laỹátenaxanaxacpi ñi'me Dios. 11Da'me ỹí'et ñi' Dios, jeda'me nateet'eguet da' jalchi'ena leenataxac josii'chi 'me chiỹoqóchiỹi so' qadesaliaxanec Jesucristo da' ỹí'et. 12Chan'eesa so' Cristo naqaiso so' chiỹoqóchiỹi da' 'uo da' qo'mi huesóchidiñi da' senoxonaxauó'o ñi'me Dios, qá'a 'uo da' qadip'iỹáxac so'me. 13Chan'eesa jaỹim 'ami saqatalo da' sa 'te 'ami liitapiilo naua' 'adai'lídii', ỹasouaxat da' jaỹim 'uo da' ñi'queténaxac ỹasouaxat da' 'ami sasoilóo'te, qá'a jeda'me náaue da' qaidi 'ami ỹ'oxodáchi.
Da' loqopi'chi so' Cristo
14Naqaida 'me 'uo da' jaỹim sesóidiñi naua' ỹiliictel da' ñitamenot ñi'me let'a so' qadesaliaxanec Jesucristo, 15ñi'me chiỹoqo'ot na' lenaxat jen'me ỹodapecachi naỹipi 'me netalégue jen' 'aléua qataxa jen'me lamaxa'spi 'me net'ot di' piỹem. 16Qataxa siỹaxaatapecot ñi' qadet'a Dios, da' qaidi chiỹoxochíchiỹi da'me qaỹa 'te 'ená'am lesaliaxa da' qo'mi ỹanema da' lañoqtaxanaxac, qataxa n'añaxac, chiỹaqaỹi so' lepaqal da' ỹanaavlo naua' 'adai'lídii'. 17Qataxa siỹaxaatapecot ñi' qadet'a da' qaidi so' Cristo netaavlo naua' 'adiquidiaqtéldii', qá'a 'uo da' 'adip'iỹáxaquii so'me, qataxa qaidi 'ami ỹátaqta 'an'añaxachíỹic qataxa 'ansóquiita'uo da' nesóxodic, 18qaidi 'ami qataxa ỹima na' 'amaqténataxanaxaicpi laỹi 'auaỹáchiñiita di' lecaỹíñi qataxa di' jaloc, qataxa di' qaỹa'nỹi, qataxa di' jaloote da'me loqopi'chi so' Cristo. 19Qataxa siỹaxaatapecot ñi'me, da' qaidi 'ami ỹátaqta 'auaỹáchiñiita da'me noqopi'chi 'me ỹátaqta napacalégue ỹima na' qadaatetonaxanaxacpi, qaidi 'ami ỹátaqta 'ami saqachiilo da' lasoxoc ñi'me Dios.
20Chan'eesa naỹi, qoỹi'ỹoxoden qomle ñi'me Dios 'me ñoqtaxanaxaic 'me ỹáisaiỹi qa'en ga' qo'mi ỹanema jega'me siỹáxanaqaaque, 'uootaxa ga'me taỹi di' qadauel, da' chiỹoqóchiỹi qa'en da'me lañoqtaxanaxac 'me d'onataxanóoue da' qad'óiỹaxac. 21Chan'eesa ỹima qomle na' 'amaqténataxanaxaicpi ỹi'ỹoxoden ñi' Dios ỹasouaxat da' ỹoqotéta'uo so' Cristo. Jeda'me na'chi 'eeta't qomle da' qaỹa 'te ga' loiquiaqa'. Já'a, na'chi naq'áita dójo'.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento Pilagá © Sociedades Bíblicas Unidas, 1993.