Efesios 4
4
So' Espíritu Santo qo'mi ỹapotena't
1Chan'eesa jaỹim, 'me jaỹim qoỹicoñideta't ỹasouaxat so' Cristo, naỹi 'ami ñachoxodénoovlo da' ỹátaqta 'oquiit'egue qomle da' lasoxoc ga'me Dios ỹiỹáxana, da' nataq'en 'ená'am da' 'oñíita. 2Qataxa 'ansóxodiñiila't qataxa 'ami choxodénataxanaxaiqa, qataxa 'ami pogáxadenaxaiqa, qataxa ñi' 'oonolec da' 'oñíita ỹátaqta ỹichoxoden ga' laqáỹa da' 'uo gamachaqaiga. 3Qataxa 'anchilíiỹa da' na'chi 'eeta't da' huaqatapega't da' 'oñíita, qaidi so' Espíritu Santo 'ami ỹapotena't, ỹachiỹoxotaỹi qa'en da' n'emáxac. 4Qá'a 'oonolec da' nó'oquiaxac, qataxa 'oonolec so' Espíritu Santo. Qá'a ñi' Dios 'ami ỹiỹáxanalo ca'li, da' qaidi 'oonolec qa'en da' 'anaquitaxaquii. 5Qataxa 'oonolec so' qadesaliaxanec, qataxa 'oonolec da' qadip'iỹáxac qataxa da' qanachiláxac. 6Qataxa 'oonolec ñi'me Dios 'me qadema qadet'a. Ñi'me ỹimata'a'téna, qataxa d'onataxanoovlo ỹima da' qo'mi, qataxa ỹima qo'mi huetaavlo.
7Qaláxasa ñi' 'oonolec da' qo'mi qoỹanem ga' nesetaxat, qoỹin nalot'aguet ga'me táchiỹi ga' l'onataxanaxac 'me ỹanem so' Cristo. 8Qá'a naa'me nidii's l'aqtaqa ñi' Dios 'eet'oi:
So'me taiỹi da' piỹem, qana'chi ỹauec ỹima so' lecoñitaisecpi.
Ỹim, qana'chi ỹanem ga' nesetaxat jen' siỹaxadipi.
9Qana'chi ¿jái'chogamaxa 'éeta ga'me náaue da'me n'aqtac 'me 'eet'oi: “taiỹi da' piỹem?” Da'me náaue da' so'me ỹi'uáuaxañi joca'li da' nec'áchi'ña jen' 'aléua 'me ỹátaqta qaỹá'ña. 10So'me nec'áchi'ña jen' 'aléua, naqaiso joca'li so'me taiỹi da' piỹem da' qaidi ỹimata'a'téna. 11Ỹim, qana'chi ỹanem ga' nesetaxat ñi' 'oonolec siỹaxaua. Qana'chi 'uo na' lamaxa'spi jeso'me, qataxa 'uo na' letaxaỹáxanaxanecpi qa'en ñi' Dios, qataxa 'uo qa'en na' ỹ'axat da' n'aqtac 'me nec'alaxaqui, qataxa 'uo na' lasoxola' qa'en na' 'amaqténataxanaxaicpi, qataxa na' paxaguenataxanaxaicpi. 12Naqaida 'me 'éet'ec josii'chi ỹaqátaxañi da' ladic qa'en na' lalémaxasetpi, qaidi ñi' 'oonolec ỹí'et ga' l'onataxanaxac, da' qaidi nichíctaseguem da' l'óiỹaxac so' Cristo, 13cha ỹivíde'ta da' ỹima na' 'amaqténataxanaxaicpi ỹátaqta nalot'a't da' lip'iỹáxac qataxa da' laatetonaxanaxac da' ỹaateton so' lec'óxot ñi'me Dios. Huá'a, qana'chi senqá'am ga'me ỹátaqta siỹaxaua ỹi, qá'a ỹátaqta semataqa'a't da' liaxa so' Cristo. 14Qana'chi sa senqá'am qomle ga' nootolec 'me qaỹa 'te ga' laqalaic da' qoỹasáxañi, qataxa 'chi ỹiliot na' sega'me laỹat 'me naqáina na' ỹaqá'a napaxaguenataxanaxacpi. Huá'a, qana'chi ỹisamaxata'aguet na' siỹaxadipi 'me sa naqaláa'te' da' loqovínaxanaxac 'me sétaaque da' qo'mi ỹisómaxan'ape. 15Jaldato' da' naua' qad'aqtaqa ỹátaqta 'eesoda, qataxa qo'mi sóxodaiqa, qataxa ỹátaqta nichíctaseguem da' 'ónaxaic qadasoxoc, qá'a soqotaqáta'uo so' Cristo 'me naqaiso so' laqaic da'me nó'oquiaxac. 16Naqaiso so' Cristo so'me ỹátaqta nalóqchiiñi qataxa ỹoqoda't qa'en ỹima da'me nó'oquiaxac 'me nesoquet'a't. Chan'eesa ñi' 'oonolec jen'me nesoquet'a'tpi, da' ỹátaqta ỹiỹamqáchiiñi da' lasoxoc, qana'chi ỹima jen'me ñáxatet'a't qataxa nichíctaseguem, ỹasouaxat da' noqopi'chi.
Da' dálaxaic l'óiỹaxac na' quétapegue' so' Cristo
17Qá'a jaỹim soqotéta'uo so' qadesaliaxanec, chan'eesa 'ami senapegalo qataxa 'ami saqatalo da' 'ená'te 'oñí'ỹam da' lasoxoc jen'me sa ỹaateton ñi'me Dios 'me quétapee'to naa'me leenataxaco 'me qaỹa 'te laso'víỹaxa'j, 18qataxa da' laatetonaxanaxa'j sega'me huétaaue na' n'álaxa. Jen'me sa huet'ot da' n'óiỹaxac 'me chiỹoqo'ot ñi' Dios, qá'a qaỹa 'te ga' ỹaỹátenaac, ỹasouaxat da' ỹátaqta sa ndamchiilo naua' liquidiaqtel. 19Qataxa jen'me ỹátaqta ỹima'a't da' daqat so' lepecóxo, qana'chi nañaneeta naua' l'etaxalóxoco. Qataxa noqopita da' ỹí'et ỹima na' ỹodapecachi 'me desepaxanaqtaxan.
20Qaláxasa 'ami sa 'anapaxaguénataguiquii dójo' ca'li 'oquíitapegue' so' Cristo, 21lamá'asa ỹátaqta 'eesa da' 'auanómi'ỹa da' n'aqtaguec so'me, qataxa da' 'ami qoỹapaxaguenque da'me 'eesa nasoxoc 'me chiỹoqo'ot so' Jesús. 22Chan'eesa da'me toisec 'adasoxoquii joca'li, da'me n'óota da' ỹátaqta 'aviimỹíiỹi. Qá'a da'me taỹá'a da' qonoláxachiñi, qataxa ỹátaqta quíchiỹi da' noqovínaguec ỹasouaxat jen'me sa nó'in 'éetapeecpi. 23Qataxa 'ami ỹiuen da' ỹátaqta da' qonadálaxat da' 'adaviliỹáxaquii qataxa da' 'adeenataxaquii. 24Qataxa 'auaiñíiñi da' dálaxaic n'óiỹaxac 'me mai'chi chiỹoqóchiỹi da' l'onataxanaxac ñi' Dios 'me ỹaloxon da' ỹátaqta 'ónaxaic nasoxoc qataxa huesóta.
25Chan'eesa naỹi ma'le sa 'anasaqáỹiiỹi ga' noqovínaxanaxac. Ñi' 'oonolec da' 'oñíita 'eesa ga' 'enaac da' dosápegue' ga' laqáỹa, qá'a ỹima da' senqáta soqotaxauó'o so' 'oonolec nó'oquiaxac.
26Qomle 'uootaxa da' 'aualematai, qaláxasa 'ená'te 'auauóỹi ga' 'adasouaxasíchii. Qataxa da'me 'adalematáiquii sa 'te cóoue ỹima ga'me nolo', 27'ená'te qomle da' 'auóỹaaque ga' liiuo so' paiỹac qadó'o.
28Ga'me chi'ena decachítac, n'óota qomle da' ỹaxañi da' lecacháxac. Jaldáta da' d'onataxan, ỹacoolégue ga' l'onatac, qaidi ỹañoxot da' lecochiỹa ga'me 'uo da' louenaxanaxa.
29Qataxa 'ená'te taa'le sa n'oi'n naua' 'ad'aqtaqádii'. Jaldato' da' 'an'ónaxachii' naua' 'oñiỹapegalo, qaidi nichíctaseguem qataxa 'uo da' netónaxac ga'me 'ami naquiáxatapegalo. 30Qataxa 'ená'te 'aviñii daquicóta so' Espíritu Santo 'me chiỹoqo'ot ñi'me Dios. Qá'a so'me naqaiso so'me 'ami ỹ'aneque da' ỹátaqta 'ami lalémaxase'te ñi'me, cha ỹivíde'ta ga' nolo' qomle 'ami ỹanema ñi'me ga'me ỹátaqta nalóchiiñi 'adec'alqai.
31Chan'eesa ỹima qomle 'axañíiñi da' 'uo ga' dalematátapega ga' laqáỹa, 'uootaxa da' niquiỹátapega, 'uootaxa da' 'uo ga' necosaxadeetapeelégue ga' laqáỹa, 'uootaxa ỹisouéetac, qataxa ỹima jen'me sa nó'inpi. 32Na'chidato' da' 'ansóxodiñiita't, qataxa choxodénataxanaxaiqa, ñi' 'oonolec ỹátaqta ỹichoxoden ga' laqáỹa da' 'uo ga' lesamaxataxac, qaidi 'oñí'ỹam ñi'me Dios da' ỹachiỹoxochíchiỹi so' Cristo da' 'ami ỹichoxode'n.
Currently Selected:
Efesios 4: PLGNT93
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento Pilagá © Sociedades Bíblicas Unidas, 1993.
Efesios 4
4
So' Espíritu Santo qo'mi ỹapotena't
1Chan'eesa jaỹim, 'me jaỹim qoỹicoñideta't ỹasouaxat so' Cristo, naỹi 'ami ñachoxodénoovlo da' ỹátaqta 'oquiit'egue qomle da' lasoxoc ga'me Dios ỹiỹáxana, da' nataq'en 'ená'am da' 'oñíita. 2Qataxa 'ansóxodiñiila't qataxa 'ami choxodénataxanaxaiqa, qataxa 'ami pogáxadenaxaiqa, qataxa ñi' 'oonolec da' 'oñíita ỹátaqta ỹichoxoden ga' laqáỹa da' 'uo gamachaqaiga. 3Qataxa 'anchilíiỹa da' na'chi 'eeta't da' huaqatapega't da' 'oñíita, qaidi so' Espíritu Santo 'ami ỹapotena't, ỹachiỹoxotaỹi qa'en da' n'emáxac. 4Qá'a 'oonolec da' nó'oquiaxac, qataxa 'oonolec so' Espíritu Santo. Qá'a ñi' Dios 'ami ỹiỹáxanalo ca'li, da' qaidi 'oonolec qa'en da' 'anaquitaxaquii. 5Qataxa 'oonolec so' qadesaliaxanec, qataxa 'oonolec da' qadip'iỹáxac qataxa da' qanachiláxac. 6Qataxa 'oonolec ñi'me Dios 'me qadema qadet'a. Ñi'me ỹimata'a'téna, qataxa d'onataxanoovlo ỹima da' qo'mi, qataxa ỹima qo'mi huetaavlo.
7Qaláxasa ñi' 'oonolec da' qo'mi qoỹanem ga' nesetaxat, qoỹin nalot'aguet ga'me táchiỹi ga' l'onataxanaxac 'me ỹanem so' Cristo. 8Qá'a naa'me nidii's l'aqtaqa ñi' Dios 'eet'oi:
So'me taiỹi da' piỹem, qana'chi ỹauec ỹima so' lecoñitaisecpi.
Ỹim, qana'chi ỹanem ga' nesetaxat jen' siỹaxadipi.
9Qana'chi ¿jái'chogamaxa 'éeta ga'me náaue da'me n'aqtac 'me 'eet'oi: “taiỹi da' piỹem?” Da'me náaue da' so'me ỹi'uáuaxañi joca'li da' nec'áchi'ña jen' 'aléua 'me ỹátaqta qaỹá'ña. 10So'me nec'áchi'ña jen' 'aléua, naqaiso joca'li so'me taiỹi da' piỹem da' qaidi ỹimata'a'téna. 11Ỹim, qana'chi ỹanem ga' nesetaxat ñi' 'oonolec siỹaxaua. Qana'chi 'uo na' lamaxa'spi jeso'me, qataxa 'uo na' letaxaỹáxanaxanecpi qa'en ñi' Dios, qataxa 'uo qa'en na' ỹ'axat da' n'aqtac 'me nec'alaxaqui, qataxa 'uo na' lasoxola' qa'en na' 'amaqténataxanaxaicpi, qataxa na' paxaguenataxanaxaicpi. 12Naqaida 'me 'éet'ec josii'chi ỹaqátaxañi da' ladic qa'en na' lalémaxasetpi, qaidi ñi' 'oonolec ỹí'et ga' l'onataxanaxac, da' qaidi nichíctaseguem da' l'óiỹaxac so' Cristo, 13cha ỹivíde'ta da' ỹima na' 'amaqténataxanaxaicpi ỹátaqta nalot'a't da' lip'iỹáxac qataxa da' laatetonaxanaxac da' ỹaateton so' lec'óxot ñi'me Dios. Huá'a, qana'chi senqá'am ga'me ỹátaqta siỹaxaua ỹi, qá'a ỹátaqta semataqa'a't da' liaxa so' Cristo. 14Qana'chi sa senqá'am qomle ga' nootolec 'me qaỹa 'te ga' laqalaic da' qoỹasáxañi, qataxa 'chi ỹiliot na' sega'me laỹat 'me naqáina na' ỹaqá'a napaxaguenataxanaxacpi. Huá'a, qana'chi ỹisamaxata'aguet na' siỹaxadipi 'me sa naqaláa'te' da' loqovínaxanaxac 'me sétaaque da' qo'mi ỹisómaxan'ape. 15Jaldato' da' naua' qad'aqtaqa ỹátaqta 'eesoda, qataxa qo'mi sóxodaiqa, qataxa ỹátaqta nichíctaseguem da' 'ónaxaic qadasoxoc, qá'a soqotaqáta'uo so' Cristo 'me naqaiso so' laqaic da'me nó'oquiaxac. 16Naqaiso so' Cristo so'me ỹátaqta nalóqchiiñi qataxa ỹoqoda't qa'en ỹima da'me nó'oquiaxac 'me nesoquet'a't. Chan'eesa ñi' 'oonolec jen'me nesoquet'a'tpi, da' ỹátaqta ỹiỹamqáchiiñi da' lasoxoc, qana'chi ỹima jen'me ñáxatet'a't qataxa nichíctaseguem, ỹasouaxat da' noqopi'chi.
Da' dálaxaic l'óiỹaxac na' quétapegue' so' Cristo
17Qá'a jaỹim soqotéta'uo so' qadesaliaxanec, chan'eesa 'ami senapegalo qataxa 'ami saqatalo da' 'ená'te 'oñí'ỹam da' lasoxoc jen'me sa ỹaateton ñi'me Dios 'me quétapee'to naa'me leenataxaco 'me qaỹa 'te laso'víỹaxa'j, 18qataxa da' laatetonaxanaxa'j sega'me huétaaue na' n'álaxa. Jen'me sa huet'ot da' n'óiỹaxac 'me chiỹoqo'ot ñi' Dios, qá'a qaỹa 'te ga' ỹaỹátenaac, ỹasouaxat da' ỹátaqta sa ndamchiilo naua' liquidiaqtel. 19Qataxa jen'me ỹátaqta ỹima'a't da' daqat so' lepecóxo, qana'chi nañaneeta naua' l'etaxalóxoco. Qataxa noqopita da' ỹí'et ỹima na' ỹodapecachi 'me desepaxanaqtaxan.
20Qaláxasa 'ami sa 'anapaxaguénataguiquii dójo' ca'li 'oquíitapegue' so' Cristo, 21lamá'asa ỹátaqta 'eesa da' 'auanómi'ỹa da' n'aqtaguec so'me, qataxa da' 'ami qoỹapaxaguenque da'me 'eesa nasoxoc 'me chiỹoqo'ot so' Jesús. 22Chan'eesa da'me toisec 'adasoxoquii joca'li, da'me n'óota da' ỹátaqta 'aviimỹíiỹi. Qá'a da'me taỹá'a da' qonoláxachiñi, qataxa ỹátaqta quíchiỹi da' noqovínaguec ỹasouaxat jen'me sa nó'in 'éetapeecpi. 23Qataxa 'ami ỹiuen da' ỹátaqta da' qonadálaxat da' 'adaviliỹáxaquii qataxa da' 'adeenataxaquii. 24Qataxa 'auaiñíiñi da' dálaxaic n'óiỹaxac 'me mai'chi chiỹoqóchiỹi da' l'onataxanaxac ñi' Dios 'me ỹaloxon da' ỹátaqta 'ónaxaic nasoxoc qataxa huesóta.
25Chan'eesa naỹi ma'le sa 'anasaqáỹiiỹi ga' noqovínaxanaxac. Ñi' 'oonolec da' 'oñíita 'eesa ga' 'enaac da' dosápegue' ga' laqáỹa, qá'a ỹima da' senqáta soqotaxauó'o so' 'oonolec nó'oquiaxac.
26Qomle 'uootaxa da' 'aualematai, qaláxasa 'ená'te 'auauóỹi ga' 'adasouaxasíchii. Qataxa da'me 'adalematáiquii sa 'te cóoue ỹima ga'me nolo', 27'ená'te qomle da' 'auóỹaaque ga' liiuo so' paiỹac qadó'o.
28Ga'me chi'ena decachítac, n'óota qomle da' ỹaxañi da' lecacháxac. Jaldáta da' d'onataxan, ỹacoolégue ga' l'onatac, qaidi ỹañoxot da' lecochiỹa ga'me 'uo da' louenaxanaxa.
29Qataxa 'ená'te taa'le sa n'oi'n naua' 'ad'aqtaqádii'. Jaldato' da' 'an'ónaxachii' naua' 'oñiỹapegalo, qaidi nichíctaseguem qataxa 'uo da' netónaxac ga'me 'ami naquiáxatapegalo. 30Qataxa 'ená'te 'aviñii daquicóta so' Espíritu Santo 'me chiỹoqo'ot ñi'me Dios. Qá'a so'me naqaiso so'me 'ami ỹ'aneque da' ỹátaqta 'ami lalémaxase'te ñi'me, cha ỹivíde'ta ga' nolo' qomle 'ami ỹanema ñi'me ga'me ỹátaqta nalóchiiñi 'adec'alqai.
31Chan'eesa ỹima qomle 'axañíiñi da' 'uo ga' dalematátapega ga' laqáỹa, 'uootaxa da' niquiỹátapega, 'uootaxa da' 'uo ga' necosaxadeetapeelégue ga' laqáỹa, 'uootaxa ỹisouéetac, qataxa ỹima jen'me sa nó'inpi. 32Na'chidato' da' 'ansóxodiñiita't, qataxa choxodénataxanaxaiqa, ñi' 'oonolec ỹátaqta ỹichoxoden ga' laqáỹa da' 'uo ga' lesamaxataxac, qaidi 'oñí'ỹam ñi'me Dios da' ỹachiỹoxochíchiỹi so' Cristo da' 'ami ỹichoxode'n.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento Pilagá © Sociedades Bíblicas Unidas, 1993.