Lucas 8
8
So' ỹauodipi 'me lecochítapega so' Jesús
1Qana'chi joca'li ma'le qaỹa'ague dójo', qana'chi so' Jesús quétaỹi na' noicpi qataxa na' noicpiolec da' d'aqtaxáatac, ỹ'axátetapeguem da' 'ónaxaic qadipí'ic 'me ỹ'axat da' ñi' Dios ỹilo'ogue ỹimata'a'téna. Náictapee'to saua' doce lapaxaguenataqa. 2Nataq'en 'uo so' náictapegue' ỹauodipi 'me latadíñisepi joca'li ỹ'odáiỹi so' lé'ecpi qataxa jen'me ỹodapecachi leleuaxa. Qaa'le huétauo' jaso' María 'me qoỹimatá'ac Magdala lase, jaso'me chiỹaqaỹi joca'lio' so'me siete lé'ec nataqtáqaicpi, 3nataq'en jaso' Juana 'me loua so' lenaxat Chuza, jeso'me ỹilotalégue ga' l'acháqa' so' Herodes. Qataxa huétauo jaso' Susana, nataq'en jalcote so' laỹi ỹauodipi 'me lecochítapega da' ỹasaxáuo na' loxosetpi.
Qodaloqtenaxana ga' janaxanaxaic
(Mateo 13.1-9; Marcos 4.1-9)
4Huá'a, qana'chi jalcote na' janac, chiỹaqapee'ualo naua' noiqa da' qodec'atenaxana so' Jesús. Qana'chi joca'li ma'le jalcote so' dasótaaue, qana'chi detaxáaue, qaláxasa 'uo so' daloqtenaxana. 'Enaaco':
5—'Uo so' siỹaxaua jec da' danaxan, ỹaañi jaso' lañiise jala. Qana'chi joca'li danaxáatac, qana'chi jaso' ỹaañi 'uo jaso' talégue so' lai jeso'me naq'aic. Qana'chi jaso'me qopiỹi, qataxa janac na' máỹo', qana'chi ỹalic jaso' peta. 6Qataxa jaso' laqáỹa nepeta talégue so' sa nó'in 'aléua ỹalcapíỹi na' qa'. Qana'chi jaso'me peta joca'li naséguem, qana'chi daqaxaỹáñi ỹasouaxat da' qaỹa ga' lapiágaxanaxa na' 'aléua. 7Jaso' laqáỹa peta qaa'le talégue so'me 'uo jan' ỹaxat, qana'chi jaso'me sa naséguem ỹasouaxat da' nacásee'megue jan' ỹaxat. 8Qataxa jaso' laqáỹa peta talégue so' ỹátaqta 'ónaxaic 'aléua. Qana'chi joca'li naséguem, qana'chi ỹátaqta saqalóta jan' jala. 'Uo na' cien jan' jala joca'li qonaqat.
Qana'chi joca'li ỹim da' l'aqtac so' Jesús, qana'chi ỹátaqta necosaxaden, 'enaaco':
—'Ami qomle 'auaỹáchiñii da' 'anaquiáxanaxaquii, qaláxasa 'ónaxaic da' 'anaquiáxañiichiiñi.
Da'me náỹi jen'me qodaloqtenaxáatapegapi
(Mateo 13.10-17; Marcos 4.10-12)
9Qana'chi so' lapaxaguenatacpi ỹinatétaco' so'me da' jái'chogamaxa 'éeta ga' náỹi dójo' naloqtenaxanaxat. 10Qana'chi so'me 'enaaco':
—Ñi'me Dios 'ami 'me ỹaỹátenaxanaxanque jen'me sa di'ỹoq lasoxoc da' l'onataxanaxac. Qaláxasa jen'me laỹi qaa'le sauót'ai ỹaloqtenaxanaxat da' setaxáaue, tetoqo' jen'me da' dec'atenaxáatac, qaa'le 'ená'am da' sa ỹauanaac, qataxa da' demachíỹaac, qaláxasa sa ỹaỹáten ga'me qoỹ'axat.
So' Jesús ỹ'axat da' náỹi so'me daloqtenaxáatapega janaxanaxaic
(Mateo 13.18-23; Marcos 4.13-20)
11Qana'chi naqaida da' náỹi jeso'me saloqtenaxáatapega, 'enaaco': Jaso' peta náỹi da' qoỹ'axátetac da'me l'aqtac ñi' Dios. 12Jaso'me peta 'me talégue so' lai so' naq'aic, qaa'le náỹi ga' siỹaxaua 'me naquiáxatac. Qaláxasa janac jeso'me paiỹac 'me qadó'o, qana'chi deuootáxanec jeso'me n'aqtac 'me huétaỹi jañi' liquidiaqte, qaidi sa d'amaqtenataxan qa'en, qana'chi sa 'te da' nec'aléegue. 13Qataxa jaso'me peta 'me talégue so' 'aléua 'me ỹalcapíỹi na' qa', qaa'le náỹi ga' siỹaxaua 'me naquiáxatapega da' n'aqtac, qaláxasa 'uo da' netónaxac. Qaláxasa qaỹa ga' ỹátaqta 'uo ga' lepata' da' n'aqtac. 'Chi cadá'ac da' d'amaqtenataxan, qaláxasa da' nivitot ga' napiinaguec, qana'chi ỹaxanéegue da' n'aqtac. 14Qana'chi jaso'me peta 'me talégue jeso'me 'aléua 'me 'uo jan' ỹaxat, qaa'le náỹi ga' siỹaxaua 'me naquiáxatapega da' n'aqtac. Ỹim, qana'chi jec, qaỹat'ague, qana'chi qoỹapadeelégue da' n'aqtac ỹasouaxat da' loqochoxo jen'me huetalégue jen' 'aléua, qataxa da'me nesaliaxa, qataxa da'me loqopichidíỹaxac ỹima jen' chaqáina sa nó'in. Qana'chi qaỹa 'te jaláỹaxac da' n'aqtac. 15Qaláxasa jaso'me peta 'me talégue so'me 'ónaxaic 'aléua, qaa'le náỹi ga' siỹaxaua 'me 'ónaxai jaga' liquidiaqte, qataxa leuóteta da' naquiáxan, qataxa ỹí'et da' n'aqtac, qataxa quetelégue. Sa 'te da' qoséegue, qataxa ỹátaqta 'uo da' jaláỹaxac.
Qodaloqtenaxana jaso' coỹadáxanaqte
(Marcos 4.21-25)
16Qaỹa ga' ỹitétooue jaga' lecoỹadáxanaqte, ỹimat, qaa'le 'uootaxa ỹapadeelégue, 'uootaxa ỹano'ot na' p'áñi ga' l'ochaxala'. Na'chidáta da' ỹanaséguem, chan'eesa da' 'uo ga' nenoxoneuo, qaa'le ỹ'oqotelégue. 17Qá'a qaỹa da' 'uo ga' qoỹoxotétapiiñi da' 'uootaxa sa 'te qomle da' sa qoỹauana. Qataxa qaỹa 'te ga' sa di'ỹoq da' 'uootaxa sa qoỹaỹáten qomle, 'uootaxa da' sa qoỹic'aten.
18Qalaxaso'chi ỹátaqta 'anaquiáxañiichiiñi, qá'a ga'me 'uo ga' huet'ot, qaa'le qonchíỹaxateegue ga' qoỹanem; qaláxasa ga'me qaỹa ga' huet'ot, qaa'le qonóuo', ỹivi' da' qodeuootáxanec ga'tai'me 'eetapecoomaxa da' huet'otolec.
Jaso' lat'e qataxa saua' laqáỹa' so' Jesús
(Mateo 12.46-50; Marcos 3.31-35)
19Qana'chi jaso' lat'e qataxa saua' laqáỹa' so' Jesús ỹivídede'uo ga' huét'a jeso'me, qaláxasa sa qoỹañoxot da' qoỹivíde'uo jeso'me ỹasouaxat da' ỹátaqta jalcote na' siỹaxadipi. 20Qana'chi 'uo so' d'aqtaxanem so' Jesús, 'enaaco':
—Jada 'adat'e qataxa daua' 'adaqáỹa' p'ádeegue, sétaaque da' 'am qonauá'ne'.
21Qaláxasa jeso'me 'enaaco':
—Ga'me naquiáxanalo naua' l'aqtaqa ñi'me Dios qataxa ỹátaqta ỹ'e't, qana'chaga jaga' ỹat'e qataxa gaua' ỹaqáỹa'.
So' Jesús v'iiỹet qa'en so' laỹat qataxa so' lepáxa so' noxop
(Mateo 8.23-27; Marcos 4.35-41)
22Joca'li 'uo so' nolo', qana'chi so' Jesús huenóchiinỹi jaso' licota, liquiáxa'u saua' lapaxaguenataqa. Qana'chi 'enapegalo, 'enaaco':
—Ỹáxa qolaq, sapágaxa'ta di' lasego jan' peróna.
Ỹi'm, qana'chi jéque'. 23Qana'chi joca'li ma'le p'áidinỹi jaso' peróna, qana'chi so' Jesús d'ochítac. Ỹim, qana'chi nepeláxateta jaso' peróna da' 'uo so' laỹat let'ádaic, qana'chi cha ỹivíde'ta da' ỹáachiinỹi jaso' licota so' noxop qataxa ma'le sétaaque da' damolíñi. 24Qana'chi qoỹic'áta so' Jesús da' qonoqotoxon. Qana'chi qoỹíitapega, qoỹinaaco':
—'Am paxaguenataxanaxaic, ỹamtaa'le sétaaque da' qadamolíñi.
Qana'chi jeso'me Jesús ñíseguem da' nelaxa jeso' laỹat qataxa so' lepáxa jeso' noxop, qana'chi v'iiỹeta qataxa ỹipaquet'egue da' tóchiiñi. 25Ỹim, qana'chi 'enapegalo saua' lapaxaguenataqa, 'enaaco':
—¿Jái'chogamaxa taiỹi ga' 'adip'iỹáxaquii?
Qaláxasa jesaa'me ỹátaqta 'uo da' loqolánaqa', qataxa ỹátaqta 'uo da' ỹ'aalátrapeec. Qana'chi ñi' 'oonolec ỹinatétac ñi' laqáỹa, 'enaaco':
—¿Jái'cho' da'me dójo' siỹaxaua? da' ỹaqanatet da' 'enapéga so' laỹat qataxa so' noxop, qana'chi ỹala'.
So' Gadara lé'ec 'me 'uo so' lé'ec nataqtáqaic
(Mateo 8.28-34; Marcos 5.1-20)
26Qana'chi joca'li ma'le ỹivídede'ta di' 'aléua 'me lenaxat Gadara di'me hua'ata di' lasego jaso' peróna 'me nalot'eta di' 'aléua lenaxat Galilea. 27Qana'chi joca'li ỹivíta so' Jesús di'me 'aléua, qana'chi janaco' so' siỹaxaua 'me chiỹaqáaue di'me noic. Jeso'me siỹaxaua jalcote na' huó'e da' 'uo so' lé'ec nataqtáqaicpi paiỹagodipi. Sa 'te da' ỹaadíñi naua' louo, qataxa sa 'te da' náaue ga' 'emec. Na'chidáta da' huétapegooue so' napa'lpi. 28Jeso'me joca'li ỹilá'a so' Jesús, qana'chi ỹisocoto naua' liliictel, qana'chi ỹ'alaq, 'enaaco':
—¿Tá'nooqo'chi da' jaỹim 'auenóxotetac, 'am Jesús 'me 'am lec'óxot ñi'me Dios 'me p'asáiỹi? 'Am ñachoxodenot naỹi sa 'te qomle da' 'aua'uo da' ñi'queténaxac.
29'Enaaco' jeso'me, qá'a so' Jesús ỹamaqátapeegue jeso'me né'ec nataqtáqaic paiỹac da' cá'ai jeso'me siỹaxaua. Qá'a naale sa lec'óxotolec da' natot qa'en jeso'me siỹaxaua jeso'me né'ec. Qana'chi na' siỹaxadipi n'eláxatetañi so'me da' qoỹicoñida't saua' loua' qataxa saua' lichil qaidi sa dedaỹapiỹe't. Qaláxasa na'chi 'ená'am ỹip'iaxachiỹi, qana'chi jeso' né'ec ỹ'iinaxanée'ga so' totelégue 'aléua. 30Qana'chi jeso' Jesús ỹinato', 'enaaco':
—¿Jái'chi ga'me 'adenaxat?
Qana'chi jeso'me 'enaaco':
—Jaỹim ỹinaxat Jalcote.
'Enaac dójo', qá'a ỹátaqta jalcote jeso'me lé'ec nataqtáqaicpi paiỹagodipi. 31Qana'chi jeso'me lé'ecpi nachoxodeetapecot so' Jesús da' 'ená'te da' ỹamaxá'ña ga' ne'uaxánaqa' na'me 'itaxalóxoicpi. 32Qataxa 'uo jaso' jalcote coochipi de'quétac, netalégue jeso' qasoxonaxa, qana'chi jeso'me né'ec nataqtáqaic nachoxodéetac da' qoỹaséet'em da' táaue jaso'me coochipi. Qana'chi so' Jesús ỹaséet'em jeso'me da' táaue. 33Qana'chi jeso'me né'ecpi cá'ai jeso'me siỹaxaua, qana'chi táaue jaso'me coochipi. Qana'chi ỹima jaso'me naqalcapégaxasom chiỹoqotelégue so' comadáxa, qana'chi taỹapíinỹi jaso' peróna, qana'chi ỹima 'ouaxai.
34Qana'chi jeso'me ỹilotalégue jaso' coochipi joca'li ỹauáachiỹi dójo' 'éeta jaso'me, qana'chi ỹacháxañi, ỹátaqta dó'i. Ỹim, qana'chi d'aqtaxanem jen' nétaaue so' noic qataxa jen'me netalégue na' n'ónaxa. 35Qana'chi ỹima jen' siỹaxadipi dec'atenaxanée'ga ga'me huá'ña dójo'. Qana'chi joca'li qoỹivíta ga' huét'a so' Jesús, qaama'le qoỹilalégue so'me siỹaxaua 'me chiỹaqáaue jeso'me né'ec nataqtáqaicpi paiỹagodipi. Jeso'me ñíchiiñi net'oto saua' lichil so'me Jesús, ỹaatrañi saua' louo, qataxa sóxote da' netouen. Qana'chi ỹátaqta 'uo da' noqolánaxa. 36Qana'chi ỹima so'me ỹauáachiỹi da' 'éeta jeso'me siỹaxaua, qana'chi d'aqtaxáatac, ỹ'axátetac da' 'éeta joca'li qonataden jeso'me siỹaxaua 'me 'uo so' lé'ec nataqtáqaicpi. 37Qana'chi ỹima na' siỹaxadipi 'me l'acháqa' di' Gadara nachoxodeetapecot jeso'me Jesús da' cá'ai di'me ỹasouaxat da' ỹátaqta sa lec'óxotolec da' loqolánaxa. Qana'chi so' Jesús ỹitaxa huenóchiinỹi jaso' licota, qana'chi jec. 38Qaláxasa so' siỹaxaua 'me chiỹaqaỹi so' né'ecpi, qana'chi nachoxodeetapecot so'me Jesús da' naseet'eguet da' náicapegue'. Qaláxasa so'me Jesús ỹamaxalégue da' qapiỹáñi. Qana'chi 'enapego', 'enaaco':
39—'Av'iỹílaxa qomle ga' 'ad'acháqa'. Ỹim, qana'chi 'au'axat ỹima jen'me 'am ỹ'étec ñi'me Dios.
Qana'chi so' siỹaxaua jec, qana'chi d'aqtaxanóoue ỹima so' noic da'me ỹ'étec so' Jesús jeso'me.
Jaso' lec'oqte so' Jairo qataxa jaso' ỹauo 'me ỹipoteuó'o so' lapoto so' Jesús
(Mateo 9.18-26; Marcos 5.21-43)
40Qana'chi joca'li ma'le n'iỹílaxadeta so' lasego jaso' peróna so' Jesús, qana'chi joca'li nivíta, qana'chi so' siỹaxadipi ỹátaqta mátac, qá'a ỹima so'me ỹiuatet'aguet so'me. 41Huá'a, qana'chi janac so' siỹaxaua lenaxat Jairo. Jeso'me nasoxola' ga'me lemáxaqui na' judiopi. Jeso'me siỹaxaua ỹisocoto naua' liliictel so' Jesús, qana'chi nachoxodeetapecot da' ỹic'áta ga' l'acháqa'. 42Qá'a jeso'me 'uo jaso' 'oonole lec'oqte. Jaso'me sóxote ỹivitalo saua' doce 'uóidi; jaso'me sóxote ma'le ỹileetapiỹe't. Qana'chi joca'li jec so' Jesús, qana'chi ỹátaqta jalcote na' ỹic'átetapegue', cha ỹivíde'ta da' qoỹipataxa't.
43Jeso'me siỹaxadipi huétauo jaso' 'oonole ỹauo leuaxai. Jaso'me doce 'uóidi da' ne'queténaxac da' naquétac jan' letauo'. Jaso'me sóxote ỹiméteegue 'ená'uac jeso'me loxotpi, ỹasouaxat da' ỹiseetéetac na' tadénataxanaxaicpi, qaláxasa qaỹa ga' ỹañoxot da' nataden da' leleuaxa jaso'me. 44Qana'chi jaso'me nichíi'uo so' Jesús jena' lóvi', qana'chi ỹipoteuó'o so' lai so' lapoto. Huá'a, qana'chi v'iiỹet jaso' letauo' 'me naquétac.
45Qana'chi jeso'me Jesús denataxan, 'enaaco':
—¿Jái'chi ga'me jaỹim ỹipoteuó'o?
Qaláxasa qaỹa 'te ga' ỹ'ateguet. Qana'chi so' Pedro qataxa so' laỹi 'enaaco':
—'Am 'me 'am paxaguenataxanaxaic, na' siỹaxadipi ỹima 'am ỹipataxa't, qataxa saqaỹátaq ga' 'am qoỹipataxague. ¿Tóoqo'chi da' 'auenataxáatac, 'onétojo': “¿Jái'chi ga'me jaỹim ỹipoteuó'o?”
46Qaláxasa so' Jesús 'enaaco':
—'Ai', 'uo ga' jaỹim ỹipoteuó'o, qá'a jaỹim ñanomt'eguet da' 'uo ga' ñataden da' sedolégue da'me ỹ'añaxac.
47Qana'chi jaso' ỹauo joca'li ỹilá'a da' ma'le ỹ'aqalégue jeda'me 'éeta, qana'chi ỹic'áta so' Jesús, ỹátaqta devíloxol. Qana'chi ỹisocoto naua' liliictel, qana'chi d'aqtaxanem so'me da' 'éeta tó'chiqaale ỹipoteuó'o jeso'me, qataxa da' 'éeta joca'li v'iiỹet jaso' letauo'. Qana'chi ỹima so'me siỹaxadipi naquiáxachiỹi jaso'me. 48Qana'chi so' Jesús 'enapego' jaso' ỹauo, 'enaaco':
—'Am ỹaqaỹole, naỹi maale 'ademéegue, qá'a 'au'amaqténataxan. 'Aue, 'oc, qaỹa 'te 'uo.
49Qana'chi joca'li maliaxa detaqátac so' Jesús, qana'chi 'uo jeso' nóvi' siỹaxaua chiỹaqá'a ga' l'acháqa' so' Jairo 'me nasoxola' jega'me lemáxaqui na' judiopi. Qana'chi d'aqtaxanem jeso'me, 'enaaco':
—Jadi' 'ac'oqte sóxote ỹileu. Tó'chiqaale 'ená'te qomle da' 'audáxanapiỹe't na' paxaguenataxanaxaic.
50Qana'chi so'me Jesús joca'li demachíchiỹi dójo', qana'chi 'enapego' so' Jairo, 'enaaco':
—'Ena't qomle da' 'auó'i. Na'chidáta da' 'au'amaqténataxan, qaidi jaga' 'ac'oqte ỹañoxot da' nec'aléegue.
51Qana'chi joca'li ỹivíd'a so' 'emec, qana'chi qaỹa ga' nasenguet da' liquiáxauauo jeso'me, na'chisóta so' Pedro, qataxa so' Jacobo, qataxa so' Juan, qataxa saua' let'al jaso' nootole. 52Qataxa ỹima so' siỹaxadipi noỹíitaỹi qataxa n'alqátapiiñi ỹasouaxat jaso'me. Qaláxasa so' Jesús 'enaaco':
—'Ena't qomle da' 'anoỹiñii. Jadi' nootole sa ỹileu. Jadi'me 'chi d'ochítac.
53Qaama'te qoỹi'uéetac jeso'me, qá'a qoỹaỹáten da' sóxote ỹileu jaso'me. 54Qana'chi jeso'me Jesús ỹacona na' louaq, 'enapego' jaso'me, ỹátaqta n'áaloxodenec da' l'aqtac, 'enaaco':
—'Am nootole, 'am senapéga, 'oñíseguem qomle.
55Qana'chi jaso'me n'iỹílaq da' lec'alaxa, qana'chi pasá'a da' ñíseguem. Qana'chi so' Jesús damaxasoxolégue da' qoỹanem ga' jaloq. 56Qana'chi saua' let'al ỹátaqta ỹ'aalátrapeec. Qaa'le so' Jesús 'enapegalo da' qaỹa ga' d'aqtaxaatem da'me dójo' qodíuapiỹi.
Currently Selected:
Lucas 8: PLGNT93
Highlight
Share
Copy
Want to have your highlights saved across all your devices? Sign up or sign in
Nuevo Testamento Pilagá © Sociedades Bíblicas Unidas, 1993.
Lucas 8
8
So' ỹauodipi 'me lecochítapega so' Jesús
1Qana'chi joca'li ma'le qaỹa'ague dójo', qana'chi so' Jesús quétaỹi na' noicpi qataxa na' noicpiolec da' d'aqtaxáatac, ỹ'axátetapeguem da' 'ónaxaic qadipí'ic 'me ỹ'axat da' ñi' Dios ỹilo'ogue ỹimata'a'téna. Náictapee'to saua' doce lapaxaguenataqa. 2Nataq'en 'uo so' náictapegue' ỹauodipi 'me latadíñisepi joca'li ỹ'odáiỹi so' lé'ecpi qataxa jen'me ỹodapecachi leleuaxa. Qaa'le huétauo' jaso' María 'me qoỹimatá'ac Magdala lase, jaso'me chiỹaqaỹi joca'lio' so'me siete lé'ec nataqtáqaicpi, 3nataq'en jaso' Juana 'me loua so' lenaxat Chuza, jeso'me ỹilotalégue ga' l'acháqa' so' Herodes. Qataxa huétauo jaso' Susana, nataq'en jalcote so' laỹi ỹauodipi 'me lecochítapega da' ỹasaxáuo na' loxosetpi.
Qodaloqtenaxana ga' janaxanaxaic
(Mateo 13.1-9; Marcos 4.1-9)
4Huá'a, qana'chi jalcote na' janac, chiỹaqapee'ualo naua' noiqa da' qodec'atenaxana so' Jesús. Qana'chi joca'li ma'le jalcote so' dasótaaue, qana'chi detaxáaue, qaláxasa 'uo so' daloqtenaxana. 'Enaaco':
5—'Uo so' siỹaxaua jec da' danaxan, ỹaañi jaso' lañiise jala. Qana'chi joca'li danaxáatac, qana'chi jaso' ỹaañi 'uo jaso' talégue so' lai jeso'me naq'aic. Qana'chi jaso'me qopiỹi, qataxa janac na' máỹo', qana'chi ỹalic jaso' peta. 6Qataxa jaso' laqáỹa nepeta talégue so' sa nó'in 'aléua ỹalcapíỹi na' qa'. Qana'chi jaso'me peta joca'li naséguem, qana'chi daqaxaỹáñi ỹasouaxat da' qaỹa ga' lapiágaxanaxa na' 'aléua. 7Jaso' laqáỹa peta qaa'le talégue so'me 'uo jan' ỹaxat, qana'chi jaso'me sa naséguem ỹasouaxat da' nacásee'megue jan' ỹaxat. 8Qataxa jaso' laqáỹa peta talégue so' ỹátaqta 'ónaxaic 'aléua. Qana'chi joca'li naséguem, qana'chi ỹátaqta saqalóta jan' jala. 'Uo na' cien jan' jala joca'li qonaqat.
Qana'chi joca'li ỹim da' l'aqtac so' Jesús, qana'chi ỹátaqta necosaxaden, 'enaaco':
—'Ami qomle 'auaỹáchiñii da' 'anaquiáxanaxaquii, qaláxasa 'ónaxaic da' 'anaquiáxañiichiiñi.
Da'me náỹi jen'me qodaloqtenaxáatapegapi
(Mateo 13.10-17; Marcos 4.10-12)
9Qana'chi so' lapaxaguenatacpi ỹinatétaco' so'me da' jái'chogamaxa 'éeta ga' náỹi dójo' naloqtenaxanaxat. 10Qana'chi so'me 'enaaco':
—Ñi'me Dios 'ami 'me ỹaỹátenaxanaxanque jen'me sa di'ỹoq lasoxoc da' l'onataxanaxac. Qaláxasa jen'me laỹi qaa'le sauót'ai ỹaloqtenaxanaxat da' setaxáaue, tetoqo' jen'me da' dec'atenaxáatac, qaa'le 'ená'am da' sa ỹauanaac, qataxa da' demachíỹaac, qaláxasa sa ỹaỹáten ga'me qoỹ'axat.
So' Jesús ỹ'axat da' náỹi so'me daloqtenaxáatapega janaxanaxaic
(Mateo 13.18-23; Marcos 4.13-20)
11Qana'chi naqaida da' náỹi jeso'me saloqtenaxáatapega, 'enaaco': Jaso' peta náỹi da' qoỹ'axátetac da'me l'aqtac ñi' Dios. 12Jaso'me peta 'me talégue so' lai so' naq'aic, qaa'le náỹi ga' siỹaxaua 'me naquiáxatac. Qaláxasa janac jeso'me paiỹac 'me qadó'o, qana'chi deuootáxanec jeso'me n'aqtac 'me huétaỹi jañi' liquidiaqte, qaidi sa d'amaqtenataxan qa'en, qana'chi sa 'te da' nec'aléegue. 13Qataxa jaso'me peta 'me talégue so' 'aléua 'me ỹalcapíỹi na' qa', qaa'le náỹi ga' siỹaxaua 'me naquiáxatapega da' n'aqtac, qaláxasa 'uo da' netónaxac. Qaláxasa qaỹa ga' ỹátaqta 'uo ga' lepata' da' n'aqtac. 'Chi cadá'ac da' d'amaqtenataxan, qaláxasa da' nivitot ga' napiinaguec, qana'chi ỹaxanéegue da' n'aqtac. 14Qana'chi jaso'me peta 'me talégue jeso'me 'aléua 'me 'uo jan' ỹaxat, qaa'le náỹi ga' siỹaxaua 'me naquiáxatapega da' n'aqtac. Ỹim, qana'chi jec, qaỹat'ague, qana'chi qoỹapadeelégue da' n'aqtac ỹasouaxat da' loqochoxo jen'me huetalégue jen' 'aléua, qataxa da'me nesaliaxa, qataxa da'me loqopichidíỹaxac ỹima jen' chaqáina sa nó'in. Qana'chi qaỹa 'te jaláỹaxac da' n'aqtac. 15Qaláxasa jaso'me peta 'me talégue so'me 'ónaxaic 'aléua, qaa'le náỹi ga' siỹaxaua 'me 'ónaxai jaga' liquidiaqte, qataxa leuóteta da' naquiáxan, qataxa ỹí'et da' n'aqtac, qataxa quetelégue. Sa 'te da' qoséegue, qataxa ỹátaqta 'uo da' jaláỹaxac.
Qodaloqtenaxana jaso' coỹadáxanaqte
(Marcos 4.21-25)
16Qaỹa ga' ỹitétooue jaga' lecoỹadáxanaqte, ỹimat, qaa'le 'uootaxa ỹapadeelégue, 'uootaxa ỹano'ot na' p'áñi ga' l'ochaxala'. Na'chidáta da' ỹanaséguem, chan'eesa da' 'uo ga' nenoxoneuo, qaa'le ỹ'oqotelégue. 17Qá'a qaỹa da' 'uo ga' qoỹoxotétapiiñi da' 'uootaxa sa 'te qomle da' sa qoỹauana. Qataxa qaỹa 'te ga' sa di'ỹoq da' 'uootaxa sa qoỹaỹáten qomle, 'uootaxa da' sa qoỹic'aten.
18Qalaxaso'chi ỹátaqta 'anaquiáxañiichiiñi, qá'a ga'me 'uo ga' huet'ot, qaa'le qonchíỹaxateegue ga' qoỹanem; qaláxasa ga'me qaỹa ga' huet'ot, qaa'le qonóuo', ỹivi' da' qodeuootáxanec ga'tai'me 'eetapecoomaxa da' huet'otolec.
Jaso' lat'e qataxa saua' laqáỹa' so' Jesús
(Mateo 12.46-50; Marcos 3.31-35)
19Qana'chi jaso' lat'e qataxa saua' laqáỹa' so' Jesús ỹivídede'uo ga' huét'a jeso'me, qaláxasa sa qoỹañoxot da' qoỹivíde'uo jeso'me ỹasouaxat da' ỹátaqta jalcote na' siỹaxadipi. 20Qana'chi 'uo so' d'aqtaxanem so' Jesús, 'enaaco':
—Jada 'adat'e qataxa daua' 'adaqáỹa' p'ádeegue, sétaaque da' 'am qonauá'ne'.
21Qaláxasa jeso'me 'enaaco':
—Ga'me naquiáxanalo naua' l'aqtaqa ñi'me Dios qataxa ỹátaqta ỹ'e't, qana'chaga jaga' ỹat'e qataxa gaua' ỹaqáỹa'.
So' Jesús v'iiỹet qa'en so' laỹat qataxa so' lepáxa so' noxop
(Mateo 8.23-27; Marcos 4.35-41)
22Joca'li 'uo so' nolo', qana'chi so' Jesús huenóchiinỹi jaso' licota, liquiáxa'u saua' lapaxaguenataqa. Qana'chi 'enapegalo, 'enaaco':
—Ỹáxa qolaq, sapágaxa'ta di' lasego jan' peróna.
Ỹi'm, qana'chi jéque'. 23Qana'chi joca'li ma'le p'áidinỹi jaso' peróna, qana'chi so' Jesús d'ochítac. Ỹim, qana'chi nepeláxateta jaso' peróna da' 'uo so' laỹat let'ádaic, qana'chi cha ỹivíde'ta da' ỹáachiinỹi jaso' licota so' noxop qataxa ma'le sétaaque da' damolíñi. 24Qana'chi qoỹic'áta so' Jesús da' qonoqotoxon. Qana'chi qoỹíitapega, qoỹinaaco':
—'Am paxaguenataxanaxaic, ỹamtaa'le sétaaque da' qadamolíñi.
Qana'chi jeso'me Jesús ñíseguem da' nelaxa jeso' laỹat qataxa so' lepáxa jeso' noxop, qana'chi v'iiỹeta qataxa ỹipaquet'egue da' tóchiiñi. 25Ỹim, qana'chi 'enapegalo saua' lapaxaguenataqa, 'enaaco':
—¿Jái'chogamaxa taiỹi ga' 'adip'iỹáxaquii?
Qaláxasa jesaa'me ỹátaqta 'uo da' loqolánaqa', qataxa ỹátaqta 'uo da' ỹ'aalátrapeec. Qana'chi ñi' 'oonolec ỹinatétac ñi' laqáỹa, 'enaaco':
—¿Jái'cho' da'me dójo' siỹaxaua? da' ỹaqanatet da' 'enapéga so' laỹat qataxa so' noxop, qana'chi ỹala'.
So' Gadara lé'ec 'me 'uo so' lé'ec nataqtáqaic
(Mateo 8.28-34; Marcos 5.1-20)
26Qana'chi joca'li ma'le ỹivídede'ta di' 'aléua 'me lenaxat Gadara di'me hua'ata di' lasego jaso' peróna 'me nalot'eta di' 'aléua lenaxat Galilea. 27Qana'chi joca'li ỹivíta so' Jesús di'me 'aléua, qana'chi janaco' so' siỹaxaua 'me chiỹaqáaue di'me noic. Jeso'me siỹaxaua jalcote na' huó'e da' 'uo so' lé'ec nataqtáqaicpi paiỹagodipi. Sa 'te da' ỹaadíñi naua' louo, qataxa sa 'te da' náaue ga' 'emec. Na'chidáta da' huétapegooue so' napa'lpi. 28Jeso'me joca'li ỹilá'a so' Jesús, qana'chi ỹisocoto naua' liliictel, qana'chi ỹ'alaq, 'enaaco':
—¿Tá'nooqo'chi da' jaỹim 'auenóxotetac, 'am Jesús 'me 'am lec'óxot ñi'me Dios 'me p'asáiỹi? 'Am ñachoxodenot naỹi sa 'te qomle da' 'aua'uo da' ñi'queténaxac.
29'Enaaco' jeso'me, qá'a so' Jesús ỹamaqátapeegue jeso'me né'ec nataqtáqaic paiỹac da' cá'ai jeso'me siỹaxaua. Qá'a naale sa lec'óxotolec da' natot qa'en jeso'me siỹaxaua jeso'me né'ec. Qana'chi na' siỹaxadipi n'eláxatetañi so'me da' qoỹicoñida't saua' loua' qataxa saua' lichil qaidi sa dedaỹapiỹe't. Qaláxasa na'chi 'ená'am ỹip'iaxachiỹi, qana'chi jeso' né'ec ỹ'iinaxanée'ga so' totelégue 'aléua. 30Qana'chi jeso' Jesús ỹinato', 'enaaco':
—¿Jái'chi ga'me 'adenaxat?
Qana'chi jeso'me 'enaaco':
—Jaỹim ỹinaxat Jalcote.
'Enaac dójo', qá'a ỹátaqta jalcote jeso'me lé'ec nataqtáqaicpi paiỹagodipi. 31Qana'chi jeso'me lé'ecpi nachoxodeetapecot so' Jesús da' 'ená'te da' ỹamaxá'ña ga' ne'uaxánaqa' na'me 'itaxalóxoicpi. 32Qataxa 'uo jaso' jalcote coochipi de'quétac, netalégue jeso' qasoxonaxa, qana'chi jeso'me né'ec nataqtáqaic nachoxodéetac da' qoỹaséet'em da' táaue jaso'me coochipi. Qana'chi so' Jesús ỹaséet'em jeso'me da' táaue. 33Qana'chi jeso'me né'ecpi cá'ai jeso'me siỹaxaua, qana'chi táaue jaso'me coochipi. Qana'chi ỹima jaso'me naqalcapégaxasom chiỹoqotelégue so' comadáxa, qana'chi taỹapíinỹi jaso' peróna, qana'chi ỹima 'ouaxai.
34Qana'chi jeso'me ỹilotalégue jaso' coochipi joca'li ỹauáachiỹi dójo' 'éeta jaso'me, qana'chi ỹacháxañi, ỹátaqta dó'i. Ỹim, qana'chi d'aqtaxanem jen' nétaaue so' noic qataxa jen'me netalégue na' n'ónaxa. 35Qana'chi ỹima jen' siỹaxadipi dec'atenaxanée'ga ga'me huá'ña dójo'. Qana'chi joca'li qoỹivíta ga' huét'a so' Jesús, qaama'le qoỹilalégue so'me siỹaxaua 'me chiỹaqáaue jeso'me né'ec nataqtáqaicpi paiỹagodipi. Jeso'me ñíchiiñi net'oto saua' lichil so'me Jesús, ỹaatrañi saua' louo, qataxa sóxote da' netouen. Qana'chi ỹátaqta 'uo da' noqolánaxa. 36Qana'chi ỹima so'me ỹauáachiỹi da' 'éeta jeso'me siỹaxaua, qana'chi d'aqtaxáatac, ỹ'axátetac da' 'éeta joca'li qonataden jeso'me siỹaxaua 'me 'uo so' lé'ec nataqtáqaicpi. 37Qana'chi ỹima na' siỹaxadipi 'me l'acháqa' di' Gadara nachoxodeetapecot jeso'me Jesús da' cá'ai di'me ỹasouaxat da' ỹátaqta sa lec'óxotolec da' loqolánaxa. Qana'chi so' Jesús ỹitaxa huenóchiinỹi jaso' licota, qana'chi jec. 38Qaláxasa so' siỹaxaua 'me chiỹaqaỹi so' né'ecpi, qana'chi nachoxodeetapecot so'me Jesús da' naseet'eguet da' náicapegue'. Qaláxasa so'me Jesús ỹamaxalégue da' qapiỹáñi. Qana'chi 'enapego', 'enaaco':
39—'Av'iỹílaxa qomle ga' 'ad'acháqa'. Ỹim, qana'chi 'au'axat ỹima jen'me 'am ỹ'étec ñi'me Dios.
Qana'chi so' siỹaxaua jec, qana'chi d'aqtaxanóoue ỹima so' noic da'me ỹ'étec so' Jesús jeso'me.
Jaso' lec'oqte so' Jairo qataxa jaso' ỹauo 'me ỹipoteuó'o so' lapoto so' Jesús
(Mateo 9.18-26; Marcos 5.21-43)
40Qana'chi joca'li ma'le n'iỹílaxadeta so' lasego jaso' peróna so' Jesús, qana'chi joca'li nivíta, qana'chi so' siỹaxadipi ỹátaqta mátac, qá'a ỹima so'me ỹiuatet'aguet so'me. 41Huá'a, qana'chi janac so' siỹaxaua lenaxat Jairo. Jeso'me nasoxola' ga'me lemáxaqui na' judiopi. Jeso'me siỹaxaua ỹisocoto naua' liliictel so' Jesús, qana'chi nachoxodeetapecot da' ỹic'áta ga' l'acháqa'. 42Qá'a jeso'me 'uo jaso' 'oonole lec'oqte. Jaso'me sóxote ỹivitalo saua' doce 'uóidi; jaso'me sóxote ma'le ỹileetapiỹe't. Qana'chi joca'li jec so' Jesús, qana'chi ỹátaqta jalcote na' ỹic'átetapegue', cha ỹivíde'ta da' qoỹipataxa't.
43Jeso'me siỹaxadipi huétauo jaso' 'oonole ỹauo leuaxai. Jaso'me doce 'uóidi da' ne'queténaxac da' naquétac jan' letauo'. Jaso'me sóxote ỹiméteegue 'ená'uac jeso'me loxotpi, ỹasouaxat da' ỹiseetéetac na' tadénataxanaxaicpi, qaláxasa qaỹa ga' ỹañoxot da' nataden da' leleuaxa jaso'me. 44Qana'chi jaso'me nichíi'uo so' Jesús jena' lóvi', qana'chi ỹipoteuó'o so' lai so' lapoto. Huá'a, qana'chi v'iiỹet jaso' letauo' 'me naquétac.
45Qana'chi jeso'me Jesús denataxan, 'enaaco':
—¿Jái'chi ga'me jaỹim ỹipoteuó'o?
Qaláxasa qaỹa 'te ga' ỹ'ateguet. Qana'chi so' Pedro qataxa so' laỹi 'enaaco':
—'Am 'me 'am paxaguenataxanaxaic, na' siỹaxadipi ỹima 'am ỹipataxa't, qataxa saqaỹátaq ga' 'am qoỹipataxague. ¿Tóoqo'chi da' 'auenataxáatac, 'onétojo': “¿Jái'chi ga'me jaỹim ỹipoteuó'o?”
46Qaláxasa so' Jesús 'enaaco':
—'Ai', 'uo ga' jaỹim ỹipoteuó'o, qá'a jaỹim ñanomt'eguet da' 'uo ga' ñataden da' sedolégue da'me ỹ'añaxac.
47Qana'chi jaso' ỹauo joca'li ỹilá'a da' ma'le ỹ'aqalégue jeda'me 'éeta, qana'chi ỹic'áta so' Jesús, ỹátaqta devíloxol. Qana'chi ỹisocoto naua' liliictel, qana'chi d'aqtaxanem so'me da' 'éeta tó'chiqaale ỹipoteuó'o jeso'me, qataxa da' 'éeta joca'li v'iiỹet jaso' letauo'. Qana'chi ỹima so'me siỹaxadipi naquiáxachiỹi jaso'me. 48Qana'chi so' Jesús 'enapego' jaso' ỹauo, 'enaaco':
—'Am ỹaqaỹole, naỹi maale 'ademéegue, qá'a 'au'amaqténataxan. 'Aue, 'oc, qaỹa 'te 'uo.
49Qana'chi joca'li maliaxa detaqátac so' Jesús, qana'chi 'uo jeso' nóvi' siỹaxaua chiỹaqá'a ga' l'acháqa' so' Jairo 'me nasoxola' jega'me lemáxaqui na' judiopi. Qana'chi d'aqtaxanem jeso'me, 'enaaco':
—Jadi' 'ac'oqte sóxote ỹileu. Tó'chiqaale 'ená'te qomle da' 'audáxanapiỹe't na' paxaguenataxanaxaic.
50Qana'chi so'me Jesús joca'li demachíchiỹi dójo', qana'chi 'enapego' so' Jairo, 'enaaco':
—'Ena't qomle da' 'auó'i. Na'chidáta da' 'au'amaqténataxan, qaidi jaga' 'ac'oqte ỹañoxot da' nec'aléegue.
51Qana'chi joca'li ỹivíd'a so' 'emec, qana'chi qaỹa ga' nasenguet da' liquiáxauauo jeso'me, na'chisóta so' Pedro, qataxa so' Jacobo, qataxa so' Juan, qataxa saua' let'al jaso' nootole. 52Qataxa ỹima so' siỹaxadipi noỹíitaỹi qataxa n'alqátapiiñi ỹasouaxat jaso'me. Qaláxasa so' Jesús 'enaaco':
—'Ena't qomle da' 'anoỹiñii. Jadi' nootole sa ỹileu. Jadi'me 'chi d'ochítac.
53Qaama'te qoỹi'uéetac jeso'me, qá'a qoỹaỹáten da' sóxote ỹileu jaso'me. 54Qana'chi jeso'me Jesús ỹacona na' louaq, 'enapego' jaso'me, ỹátaqta n'áaloxodenec da' l'aqtac, 'enaaco':
—'Am nootole, 'am senapéga, 'oñíseguem qomle.
55Qana'chi jaso'me n'iỹílaq da' lec'alaxa, qana'chi pasá'a da' ñíseguem. Qana'chi so' Jesús damaxasoxolégue da' qoỹanem ga' jaloq. 56Qana'chi saua' let'al ỹátaqta ỹ'aalátrapeec. Qaa'le so' Jesús 'enapegalo da' qaỹa ga' d'aqtaxaatem da'me dójo' qodíuapiỹi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Nuevo Testamento Pilagá © Sociedades Bíblicas Unidas, 1993.