Filipenses 2
2
So' Cristo qoỹanaỹi da' p'asáiỹi, qá'a sa n'amaqten
1Chan'eesa so' Cristo da' 'ami ỹ'añaqte't, qataxa da' 'ami madet'ape qa'e'n da' loqopi'chi so'me, qataxa da' 'ami huet'asopa so' lepaqal, qataxa da' 'auaatetoñii da' noqopi'chidíỹaxac qataxa da' nichoxodénataxanaxac, 2n'óota qomle da' 'auauóỹaaque ga' ỹamaic. Ỹátaqta qaỹa 'te ga' niỹoqótai'ỹa da' 'oñíita. 'Oonolec ga' 'ansóxoñiitaỹi nesóxodic, qataxa 'oonolec ga' 'adeenataxaquii qataxa ga'me 'oquíitapegue'. 3Qataxa 'ená'te qomle da' 'chi 'uo ga' 'anaquichíitaaque da' 'uo ga' 'av'íchii, 'uootaxa da' 'ami jágaqtenaxaiqa. Jaldáta da' sa 'te 'ami ỹ'oxodénaxaiqa, qataxa 'ená'te 'uo ga' ni'ỹoxodeelégue ga' laqáỹa da' 'enapeela't da' p'asáiỹi. 4Qataxa 'ená'te 'uo qomle ga' sétaaque da' cha'li n'atela't. Jaldáta nataq'en da' ga'me ỹiỹamaxatelégue ga'me laqáỹa.
5Qataxa 'oñíit'em qomle da' lasoxoc da' leenataxac so' Cristo Jesús. 6Qá'a so'me temaqaidi joca'li da' 'ená'am da' lasoxoc ñi' qan'étoqo't, qaláxasa sa ỹiga da' 'ená'am da' lasoxoc ñi'me. 7Jaldato' joca'li ỹim da' niỹíñi da' 'ená'am 'chi siỹaxaua, qana'chi ỹacona da' lasoxoc ga' 'chi namaxasec, qana'chi ỹacha'ague lai ỹima da'me lasoxoc 'me 'ená'am ñi' qan'étoqo't. 8Qataxa ca'li ma'le ỹáatañi da' lasoxoc ga' 'chi siỹaxaua, qana'chi ỹacona da' sa 'te nagaqten. Qá'a ỹasouaxat da' laláxadic, qana'chi cha ỹivíd'a da' nalaataguec, temaqaidi da'me ỹí'et da' n'alóxo da'me leleuaxa joca'li qoỹip'enaỹi jaso' nesodooso. 9Chan'eesa ñi'me Dios ỹanem so'me da' p'asáiỹi, qataxa da'me lenaxat napacalégue ỹima jen' laỹi 'me 'uo da' 'enec, 10qaidi ỹima da' qodemachíỹa da' lenaxat so' Jesús, qana'chi ỹisóidiñi naua' liliictel ỹima jen'me huet'ot di' piỹem, qataxa jen'me huetalégue jen' 'aléua, qataxa na' huet'ot jen' 'aléua, 11qaidi nataq'en ỹima qoỹ'axat da' ỹátaqta 'eesa so' Jesucristo na'chiso so' qadesaliaxanec, qana'chi qoỹi'ỹoxoden ñi' qadet'a Dios.
Jen'me quétapegue' so' Cristo 'ená'am jaga' lecoỹadaqte na' siỹaxadipi
12Chan'eesa 'ami ỹaqai'ỹolqa, qá'a 'ami jalchi'ena da' jaỹim 'auqochíiỹa da' 'ami sonetaavlo, naỹi da' jaỹim qaỹá'a, qaláxasa n'óota qomle da' ỹágueegue da' jaỹim 'auqochíiỹa. Ỹátaqta 'au'onataxañiilégue qomle da' 'adec'alaxaquii, qataxa 'ená'te da' sega'me 'anipíchiitapeela't, qataxa ỹátaqta 'uo da' 'adoqolánaqai. 13Qá'a ñi'me Dios na'chiñi ñi' 'ami ỹanema ga'me ỹiỹamqáchiiñi 'me 'oñíitapeec, qataxa 'ami lecochiỹalo da' maliaxa 'aumachii ỹima. Da'me dójo' mai'chi chiỹoqot'ot ñi'me.
14Ỹima ga'me 'av'íchii, qaláxasa sa 'te 'ami sáxaiqa, qataxa da' 'auapichiitapega't, 15qaidi sa 'te 'uo ga' ỹilalégue da' 'adóiqui, qataxa ga' 'adesamaxataxaquii. Jaldáta da' ñi' Dios 'ami lec'óqo'te, 'ami ỹoqovíchiilo da' 'ovíitanỹi na' qalhuaxaicpi qataxa loicoló'olpi. Qana'chi 'ami 'edoovlo da' 'aucoỹadiilégue jen'me, 'oñí'ỹam jaga' huaqchiñi da' ỹicoỹadelégue na' n'álaxa, 16da' 'uootaxa 'au'axáchiima naua' n'aqtaqa 'me nec'alaxaqui'. Qaidi qomle n'iỹílaq so' Cristo, qana'chi ỹátaqta jaỹim mátac ỹasouaxat da' 'oñíita, qá'a saỹáteeta da' sa 'te ỹisamaxáỹi da' ñaqalégoxosoxoc qataxa da' ỹ'onataxanaxac. 17Qataxa temaqaidi da'me qoỹaconé'uo da' mai'chi ỹalémaxaset ỹ'óiỹaxac da' 'uootaxa qoỹic'oi, da' qaidi qoỹalectenóoue jaga' 'ad'ágaxanaqchii 'me 'auañiỹot ñi' Dios, ỹasouaxat da'me 'adip'iỹáxaquii, qaláxasa jaỹim mátac. Nataq'en 'ami ñitauánaxa'u da'me ỹamaic. 18N'óota qomle nataq'en 'ami madet'ape, qataxa ñitauánaqchiỹi da'me qadamaic.
So' Timoteo qataxa so' Epafrodito
19Qomle ñi' qadesaliaxanec Jesús da' 'uootaxa na'chiñi chiỹoqóchiỹi, qana'chi sa huaỹáloq qomle da' 'ami samaxalo ñi' Timoteo, da' qaidi 'ami nauaa'to, qaidi 'uo da' ỹamaic qomle 'ami saỹáte'n. 20Qá'a qaỹa 'te ga' laqáỹa da' selá'a da' ỹátaqta 'ená'am da' ỹeenataxac, jalñíta ñi'me. Qataxa ñi'me ỹátaqta 'ami leenataqa'te. 21Qá'a ỹima jen'me laỹi 'chi 'uo ga'me naquitétaaque, sa 'te ỹí'et ga'me 'éetapeec so' Cristo Jesús. 22Qaláxasa 'ami sóxote 'auaỹáchiñii da' 'éeta n'óota lasoxoc so' Timoteo, qataxa da' jaỹim lecochítapega da' s'axátaqtac da' n'aqtac, qataxa so'me 'ená'am ga' nec'óxot da' lecochiỹa ga' let'a. 23Chan'eesa qom'chi saỹáten gama'chi qoỹiichiic, qana'chi sa huaỹáloq da' 'ami samaxalo ñi'me, da' qaidi 'ami nauaa'to, 24temaqaidi da'me jaỹim 'uo da' ỹip'iỹáxac so' qadesaliaxanec da' sa ñiỹáloxoden qomle da' 'ami sec'atalo.
25Qaláxasa nataq'en n'óota taa'le 'uáiñi da' 'ami samaxalo ñi' qadaqáỹa Epafrodito, ñi'me ỹicochaxaua da'me qad'onataxanaxac qataxa da' qanaqaliitaxac, ñi'me mai'chi jaỹim 'anamaqáiỹa ca'li da' qaidi neuálaxai'to naua' ỹiuénaqa. 26Qá'a ñi'me ỹátaqta jalcote da'me lidiáxa da' 'ami nauaa'to ỹima da' 'oñíita. Qataxa nataq'en 'uo da' 'éeta, ỹasouaxat da' 'ami 'aup'iquiilégue da' ỹilhuaac. 27'Eesa da'me dójo' da' ỹilhuaac, tema'le jenaa da' ỹileu. Qaláxasa ñi'me Dios 'uo da' lichoxodénataxanaxac ñi'me. Qaláxasa sa jalñíta ñi'me da' ỹichoxoden, qá'a nataq'en jaỹim, da' qaidi sa 'te huosá'isa ga'me ỹaquicoxo da' 'ená'am naỹi. 28Chan'eesa ỹátaqta 'uo da' ỹidiáxa da' 'ami samaxalo ñi'me, qaidi ỹátaqta 'ami madet'ape qomle ỹitaxa 'anauañí'ỹi', qataxa qaidi jaỹim sa 'te ỹágueegue da' ỹaquicoxo. 29Ỹátaqta sa nalóta 'aviñii qomle ga' 'antónaxaquii da' 'auacoñiiỹet ñi'me, qá'a mai'chi qad'amaqténataxanaxauai so' qadesaliaxanec, qataxa na'chi 'eeta't qomle da' ỹátaqta 'auauochíỹic ga' 'ená'am ñi'me. 30Qá'a ñi'me tema'le ỹileu ca'li, ỹasouaxat da' d'onataxaatapecot so' Cristo. Qataxa ỹátaqta te'me ỹaneguet da' lichic da' l'óiỹaxac, da' qaidi jaỹim lecochaxanaxanec ga'me 'ami sa 'te da' jaỹim 'alcochaxanaxañíỹic, ỹasouaxat da' 'ami qaỹa'alo.
Currently Selected:
Filipenses 2: PLGNT93
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento Pilagá © Sociedades Bíblicas Unidas, 1993.
Filipenses 2
2
So' Cristo qoỹanaỹi da' p'asáiỹi, qá'a sa n'amaqten
1Chan'eesa so' Cristo da' 'ami ỹ'añaqte't, qataxa da' 'ami madet'ape qa'e'n da' loqopi'chi so'me, qataxa da' 'ami huet'asopa so' lepaqal, qataxa da' 'auaatetoñii da' noqopi'chidíỹaxac qataxa da' nichoxodénataxanaxac, 2n'óota qomle da' 'auauóỹaaque ga' ỹamaic. Ỹátaqta qaỹa 'te ga' niỹoqótai'ỹa da' 'oñíita. 'Oonolec ga' 'ansóxoñiitaỹi nesóxodic, qataxa 'oonolec ga' 'adeenataxaquii qataxa ga'me 'oquíitapegue'. 3Qataxa 'ená'te qomle da' 'chi 'uo ga' 'anaquichíitaaque da' 'uo ga' 'av'íchii, 'uootaxa da' 'ami jágaqtenaxaiqa. Jaldáta da' sa 'te 'ami ỹ'oxodénaxaiqa, qataxa 'ená'te 'uo ga' ni'ỹoxodeelégue ga' laqáỹa da' 'enapeela't da' p'asáiỹi. 4Qataxa 'ená'te 'uo qomle ga' sétaaque da' cha'li n'atela't. Jaldáta nataq'en da' ga'me ỹiỹamaxatelégue ga'me laqáỹa.
5Qataxa 'oñíit'em qomle da' lasoxoc da' leenataxac so' Cristo Jesús. 6Qá'a so'me temaqaidi joca'li da' 'ená'am da' lasoxoc ñi' qan'étoqo't, qaláxasa sa ỹiga da' 'ená'am da' lasoxoc ñi'me. 7Jaldato' joca'li ỹim da' niỹíñi da' 'ená'am 'chi siỹaxaua, qana'chi ỹacona da' lasoxoc ga' 'chi namaxasec, qana'chi ỹacha'ague lai ỹima da'me lasoxoc 'me 'ená'am ñi' qan'étoqo't. 8Qataxa ca'li ma'le ỹáatañi da' lasoxoc ga' 'chi siỹaxaua, qana'chi ỹacona da' sa 'te nagaqten. Qá'a ỹasouaxat da' laláxadic, qana'chi cha ỹivíd'a da' nalaataguec, temaqaidi da'me ỹí'et da' n'alóxo da'me leleuaxa joca'li qoỹip'enaỹi jaso' nesodooso. 9Chan'eesa ñi'me Dios ỹanem so'me da' p'asáiỹi, qataxa da'me lenaxat napacalégue ỹima jen' laỹi 'me 'uo da' 'enec, 10qaidi ỹima da' qodemachíỹa da' lenaxat so' Jesús, qana'chi ỹisóidiñi naua' liliictel ỹima jen'me huet'ot di' piỹem, qataxa jen'me huetalégue jen' 'aléua, qataxa na' huet'ot jen' 'aléua, 11qaidi nataq'en ỹima qoỹ'axat da' ỹátaqta 'eesa so' Jesucristo na'chiso so' qadesaliaxanec, qana'chi qoỹi'ỹoxoden ñi' qadet'a Dios.
Jen'me quétapegue' so' Cristo 'ená'am jaga' lecoỹadaqte na' siỹaxadipi
12Chan'eesa 'ami ỹaqai'ỹolqa, qá'a 'ami jalchi'ena da' jaỹim 'auqochíiỹa da' 'ami sonetaavlo, naỹi da' jaỹim qaỹá'a, qaláxasa n'óota qomle da' ỹágueegue da' jaỹim 'auqochíiỹa. Ỹátaqta 'au'onataxañiilégue qomle da' 'adec'alaxaquii, qataxa 'ená'te da' sega'me 'anipíchiitapeela't, qataxa ỹátaqta 'uo da' 'adoqolánaqai. 13Qá'a ñi'me Dios na'chiñi ñi' 'ami ỹanema ga'me ỹiỹamqáchiiñi 'me 'oñíitapeec, qataxa 'ami lecochiỹalo da' maliaxa 'aumachii ỹima. Da'me dójo' mai'chi chiỹoqot'ot ñi'me.
14Ỹima ga'me 'av'íchii, qaláxasa sa 'te 'ami sáxaiqa, qataxa da' 'auapichiitapega't, 15qaidi sa 'te 'uo ga' ỹilalégue da' 'adóiqui, qataxa ga' 'adesamaxataxaquii. Jaldáta da' ñi' Dios 'ami lec'óqo'te, 'ami ỹoqovíchiilo da' 'ovíitanỹi na' qalhuaxaicpi qataxa loicoló'olpi. Qana'chi 'ami 'edoovlo da' 'aucoỹadiilégue jen'me, 'oñí'ỹam jaga' huaqchiñi da' ỹicoỹadelégue na' n'álaxa, 16da' 'uootaxa 'au'axáchiima naua' n'aqtaqa 'me nec'alaxaqui'. Qaidi qomle n'iỹílaq so' Cristo, qana'chi ỹátaqta jaỹim mátac ỹasouaxat da' 'oñíita, qá'a saỹáteeta da' sa 'te ỹisamaxáỹi da' ñaqalégoxosoxoc qataxa da' ỹ'onataxanaxac. 17Qataxa temaqaidi da'me qoỹaconé'uo da' mai'chi ỹalémaxaset ỹ'óiỹaxac da' 'uootaxa qoỹic'oi, da' qaidi qoỹalectenóoue jaga' 'ad'ágaxanaqchii 'me 'auañiỹot ñi' Dios, ỹasouaxat da'me 'adip'iỹáxaquii, qaláxasa jaỹim mátac. Nataq'en 'ami ñitauánaxa'u da'me ỹamaic. 18N'óota qomle nataq'en 'ami madet'ape, qataxa ñitauánaqchiỹi da'me qadamaic.
So' Timoteo qataxa so' Epafrodito
19Qomle ñi' qadesaliaxanec Jesús da' 'uootaxa na'chiñi chiỹoqóchiỹi, qana'chi sa huaỹáloq qomle da' 'ami samaxalo ñi' Timoteo, da' qaidi 'ami nauaa'to, qaidi 'uo da' ỹamaic qomle 'ami saỹáte'n. 20Qá'a qaỹa 'te ga' laqáỹa da' selá'a da' ỹátaqta 'ená'am da' ỹeenataxac, jalñíta ñi'me. Qataxa ñi'me ỹátaqta 'ami leenataqa'te. 21Qá'a ỹima jen'me laỹi 'chi 'uo ga'me naquitétaaque, sa 'te ỹí'et ga'me 'éetapeec so' Cristo Jesús. 22Qaláxasa 'ami sóxote 'auaỹáchiñii da' 'éeta n'óota lasoxoc so' Timoteo, qataxa da' jaỹim lecochítapega da' s'axátaqtac da' n'aqtac, qataxa so'me 'ená'am ga' nec'óxot da' lecochiỹa ga' let'a. 23Chan'eesa qom'chi saỹáten gama'chi qoỹiichiic, qana'chi sa huaỹáloq da' 'ami samaxalo ñi'me, da' qaidi 'ami nauaa'to, 24temaqaidi da'me jaỹim 'uo da' ỹip'iỹáxac so' qadesaliaxanec da' sa ñiỹáloxoden qomle da' 'ami sec'atalo.
25Qaláxasa nataq'en n'óota taa'le 'uáiñi da' 'ami samaxalo ñi' qadaqáỹa Epafrodito, ñi'me ỹicochaxaua da'me qad'onataxanaxac qataxa da' qanaqaliitaxac, ñi'me mai'chi jaỹim 'anamaqáiỹa ca'li da' qaidi neuálaxai'to naua' ỹiuénaqa. 26Qá'a ñi'me ỹátaqta jalcote da'me lidiáxa da' 'ami nauaa'to ỹima da' 'oñíita. Qataxa nataq'en 'uo da' 'éeta, ỹasouaxat da' 'ami 'aup'iquiilégue da' ỹilhuaac. 27'Eesa da'me dójo' da' ỹilhuaac, tema'le jenaa da' ỹileu. Qaláxasa ñi'me Dios 'uo da' lichoxodénataxanaxac ñi'me. Qaláxasa sa jalñíta ñi'me da' ỹichoxoden, qá'a nataq'en jaỹim, da' qaidi sa 'te huosá'isa ga'me ỹaquicoxo da' 'ená'am naỹi. 28Chan'eesa ỹátaqta 'uo da' ỹidiáxa da' 'ami samaxalo ñi'me, qaidi ỹátaqta 'ami madet'ape qomle ỹitaxa 'anauañí'ỹi', qataxa qaidi jaỹim sa 'te ỹágueegue da' ỹaquicoxo. 29Ỹátaqta sa nalóta 'aviñii qomle ga' 'antónaxaquii da' 'auacoñiiỹet ñi'me, qá'a mai'chi qad'amaqténataxanaxauai so' qadesaliaxanec, qataxa na'chi 'eeta't qomle da' ỹátaqta 'auauochíỹic ga' 'ená'am ñi'me. 30Qá'a ñi'me tema'le ỹileu ca'li, ỹasouaxat da' d'onataxaatapecot so' Cristo. Qataxa ỹátaqta te'me ỹaneguet da' lichic da' l'óiỹaxac, da' qaidi jaỹim lecochaxanaxanec ga'me 'ami sa 'te da' jaỹim 'alcochaxanaxañíỹic, ỹasouaxat da' 'ami qaỹa'alo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento Pilagá © Sociedades Bíblicas Unidas, 1993.