Filipenses 3
3
Da' 'ónaxaic nasoxoc 'me ỹátaqta 'eesa
1Naỹi 'ami ỹaqai'ỹolqa, 'antóñiit'ac qomle so' qadesaliaxanec. Jaỹim sa 'te taa'le sapiná'a da' s'iỹílaqtalégue da'me sóxote da' sidíñi ca'li, qá'a da'me ỹátaqta 'adivínqui. 2Ma'chaxa, 'avichiỹa'aguet qomle na' 'ená'am na' lasoxoc na' pioxodipi, qataxa ỹ'étet'ape naua' sa n'oi'n, qataxa ỹicháqtac jen' nó'oc. 3Qá'a jen'me qoỹa'uo n'anaxaset na' ló'oc 'me ỹátaqta 'eesa, na'chiqo'mi 'me chiỹoqóchiilo so' Espíritu Santo da' ñitamnaqtapecot ñi' Dios, qataxa ỹátaqta qo'mi madet'ape, qá'a da' qo'mi lalémaxase'te so' Cristo Jesús. Qataxa sa 'te sip'iỹáq'a ga'me 'chi ỹ'oqóchiỹi 'ónaxaic noiquiaxac. 4Temaqaidi da' jaỹim nataq'en sañoxot da' 'uo ga' sequétapega jen'me da' sep'étapega, qá'a qaỹa 'te ga' jaỹim napacalégue da' ỹip'iỹáxac joca'li ỹima jen'me. 5Qá'a jaỹim joca'li ma'le sovi't saua' ocho noloqo'te da' jaỹim ñiỹíñi, qana'chi qoỹa'uo so' ñ'anaxaset, qá'a jaỹim sachíỹaqaaue na' Israel lé'ecpi, sachíỹaqaaue na' lec'óqo'tepi so' Benjamín, naua' ỹ'aqtaqa 'ena'ama saua' ỹit'al hebreo lase'. Da' ỹasoxoc jaỹim fariseo lé'ec da' sequet'eelo naua' naqátaxaco 'me chiỹoqo'to so' Moisés. 6Da'me lasoxoc da' qondáqtapega ga' naqáỹa, jaỹim secáatac joca'li na' ỹ'amaqten so' Cristo. Qaa'le da' lasoxoc da' qodictelóo'te naua' 'enapegalo naua' naqátaxaco, ỹátaqta qaỹa 'te ñipatenalégue. 7Qaláxasa ỹima jénjo' 'me ỹátaqta 'uo na' 'enec qasen ca'li, naỹi 'ená'am qasen da' qaỹa 'te ga' náaue, ỹasouaxat so' Cristo. 8Nataq'en sa nalnáate' náajo', qá'a ỹima da' seenata ga'me te'me saqanatet, qana'chi ỹima seguem, qá'a sa 'te ỹóvi' qasen da' ñaloqteneguet da' 'éeta da' saateton so' Cristo Jesús 'me ỹisaliaxanec. Qá'a ỹasouaxat so' Cristo, qana'chi ỹima sepetelaxaguet, qataxa 'ená'am qasen da' 'chi lasoỹíñi, qá'a sétaaque da' ỹimataxanaxat so' Cristo, 9qataxa qaidi ỹátaqta soqotéta'uo so'me. Da'me dójo' sa 'te sachíỹoxotaỹi da' 'ónaxaic ỹasoxoc qá'a da' salaxaguet na' laqátaxacpi so' Moisés, jaldáta da' 'ónaxaic nasoxoc 'me ỹanem ñi' Dios ga'me ỹ'amaqten so' Cristo. Dójo' 'ónaxaic nasoxoc 'me chiỹaqaỹi da' nip'iỹáxac. 10Qá'a jaỹim sétaaque da' saateton so' Cristo qataxa da' lañoqtaxanaxac ca'li nec'aliséguem qoỹin da' chiỹaqáaue ga'me napa'lpi, qataxa da' ñiuána'uo da' ne'queténaxac, cha ỹivíd'a da' sená'am so'me da' seleu. 11Qá'a 'uo da' ñaquitaxac da' salequétaaue qomle ỹitaxa qonec'alaxadiséguem ỹima na' napa'lpi.
Da' 'añaxataxac qaidi qoỹivíta ga' naloqtenec
12Jaỹim sa 'te da' 'uootaxa séetapega sóxote da' ñaqachiñi ỹima na' s'axátetac, 'uootaxa da' sóxote nalóchiiñi da' ỹasoxoc. Qaláxasa jaỹim sepaquéta, 'uo da' ñaquitaxac da' maliaxa sevíta da'me ỹa'uo ñiỹáxanaguec joca'li so' Cristo Jesús. 13'Ami ỹaqáỹa', sa séetapega taa'le sóxote ỹima da' ñaqachiñi dójo'. Jaldáta da' jaỹim sepeteláq'ai ỹima na' ỹíilata', qana'chi ỹátaqta ñ'añaxat da' qaidi sevíta ga'me sequét'ai, 14qaidi sevíta ga' naloqtenec qataxa ga'me qoỹ'axátetac ga'me ỹa'uo da' qaniỹáxanaguec ñi'me Dios 'me net'ague da' piỹem, ỹasouaxat da' soqotaqáta'uo so' Cristo Jesús.
15Chan'eesa ỹima da' senqáta 'me sóxote nalóchiiñi da' qadip'iỹáxac, n'óota qomle na'chi 'eeta't da' qadeenataxac. Qaláxasa qomle 'uo ga' 'adeenataxaquii laqáỹa, qana'chi ñi' Dios nataq'en 'ami ỹaỹátenaxanaxanque da'me dójo'. 16Da'me senaac n'óota da' na'chida 'me qadeenataxat qomle, qataxa ỹátaqta nateet'eguet da' qadasoxoc da'me sóxote 'me ñaqataxañi.
17'Ami ỹaqai'ỹolqa, n'óota qomle ỹátaqta 'oquíit'egue da' 'ónaxaic ỹasoxoc, qataxa nataq'en 'auaỹátaxadiñiita jen'me quet'egue da' 'ónaxaic nasoxoc 'me 'ami sapaxaguenaxaque. 18Sóxote da' qauáiỹaac da' 'ami senapegalo, qaláxasa naỹi ỹitaxa ñoỹiitalóo'te da' s'iỹílaxalégue da' 'ami senapegalo, qá'a ỹátaqta jalcote jen'me di'ỹoq da' nauténa da' leleuaxa so' Cristo ca'li qoỹip'enaỹi jaso' sodooso. 19Qomle ỹivíta ga'me loiquiaqa' jen'me siỹaxadipi, qaama'le qonoláxachiñi. Qá'a jen'me 'chi d'onataxaatapecot da' lamanaxanaxa da' lapáchiỹaxac, qataxa ni'ỹoxodéetapiỹi jen'me ỹ'étec táxa da'me lepecóxo, qataxa ỹisamaq da' leenataqa'te naa'me huedalégue jen' 'aléua. 20Qaláxasa qo'mi qad'acháqa' di' piỹem, qataxa seuataqátaaque da' n'iỹílaq so' qadec'alaxaqui 'me qadesaliaxanec Jesucristo qomle chiỹoxogue da' piỹem. 21Jeso'me nadálaxat qomle da' qadapáchiỹaxac 'me taỹá'a da' ỹileu, da' qaidi 'ená'am qa'en da'me lapáchiỹaxac 'me 'ónaxaic. Naqaida qomle da'me lañoqtaxanaxac da' ỹilo'ogue ỹimata'a'téna da' d'onataxana.
Currently Selected:
Filipenses 3: PLGNT93
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento Pilagá © Sociedades Bíblicas Unidas, 1993.
Filipenses 3
3
Da' 'ónaxaic nasoxoc 'me ỹátaqta 'eesa
1Naỹi 'ami ỹaqai'ỹolqa, 'antóñiit'ac qomle so' qadesaliaxanec. Jaỹim sa 'te taa'le sapiná'a da' s'iỹílaqtalégue da'me sóxote da' sidíñi ca'li, qá'a da'me ỹátaqta 'adivínqui. 2Ma'chaxa, 'avichiỹa'aguet qomle na' 'ená'am na' lasoxoc na' pioxodipi, qataxa ỹ'étet'ape naua' sa n'oi'n, qataxa ỹicháqtac jen' nó'oc. 3Qá'a jen'me qoỹa'uo n'anaxaset na' ló'oc 'me ỹátaqta 'eesa, na'chiqo'mi 'me chiỹoqóchiilo so' Espíritu Santo da' ñitamnaqtapecot ñi' Dios, qataxa ỹátaqta qo'mi madet'ape, qá'a da' qo'mi lalémaxase'te so' Cristo Jesús. Qataxa sa 'te sip'iỹáq'a ga'me 'chi ỹ'oqóchiỹi 'ónaxaic noiquiaxac. 4Temaqaidi da' jaỹim nataq'en sañoxot da' 'uo ga' sequétapega jen'me da' sep'étapega, qá'a qaỹa 'te ga' jaỹim napacalégue da' ỹip'iỹáxac joca'li ỹima jen'me. 5Qá'a jaỹim joca'li ma'le sovi't saua' ocho noloqo'te da' jaỹim ñiỹíñi, qana'chi qoỹa'uo so' ñ'anaxaset, qá'a jaỹim sachíỹaqaaue na' Israel lé'ecpi, sachíỹaqaaue na' lec'óqo'tepi so' Benjamín, naua' ỹ'aqtaqa 'ena'ama saua' ỹit'al hebreo lase'. Da' ỹasoxoc jaỹim fariseo lé'ec da' sequet'eelo naua' naqátaxaco 'me chiỹoqo'to so' Moisés. 6Da'me lasoxoc da' qondáqtapega ga' naqáỹa, jaỹim secáatac joca'li na' ỹ'amaqten so' Cristo. Qaa'le da' lasoxoc da' qodictelóo'te naua' 'enapegalo naua' naqátaxaco, ỹátaqta qaỹa 'te ñipatenalégue. 7Qaláxasa ỹima jénjo' 'me ỹátaqta 'uo na' 'enec qasen ca'li, naỹi 'ená'am qasen da' qaỹa 'te ga' náaue, ỹasouaxat so' Cristo. 8Nataq'en sa nalnáate' náajo', qá'a ỹima da' seenata ga'me te'me saqanatet, qana'chi ỹima seguem, qá'a sa 'te ỹóvi' qasen da' ñaloqteneguet da' 'éeta da' saateton so' Cristo Jesús 'me ỹisaliaxanec. Qá'a ỹasouaxat so' Cristo, qana'chi ỹima sepetelaxaguet, qataxa 'ená'am qasen da' 'chi lasoỹíñi, qá'a sétaaque da' ỹimataxanaxat so' Cristo, 9qataxa qaidi ỹátaqta soqotéta'uo so'me. Da'me dójo' sa 'te sachíỹoxotaỹi da' 'ónaxaic ỹasoxoc qá'a da' salaxaguet na' laqátaxacpi so' Moisés, jaldáta da' 'ónaxaic nasoxoc 'me ỹanem ñi' Dios ga'me ỹ'amaqten so' Cristo. Dójo' 'ónaxaic nasoxoc 'me chiỹaqaỹi da' nip'iỹáxac. 10Qá'a jaỹim sétaaque da' saateton so' Cristo qataxa da' lañoqtaxanaxac ca'li nec'aliséguem qoỹin da' chiỹaqáaue ga'me napa'lpi, qataxa da' ñiuána'uo da' ne'queténaxac, cha ỹivíd'a da' sená'am so'me da' seleu. 11Qá'a 'uo da' ñaquitaxac da' salequétaaue qomle ỹitaxa qonec'alaxadiséguem ỹima na' napa'lpi.
Da' 'añaxataxac qaidi qoỹivíta ga' naloqtenec
12Jaỹim sa 'te da' 'uootaxa séetapega sóxote da' ñaqachiñi ỹima na' s'axátetac, 'uootaxa da' sóxote nalóchiiñi da' ỹasoxoc. Qaláxasa jaỹim sepaquéta, 'uo da' ñaquitaxac da' maliaxa sevíta da'me ỹa'uo ñiỹáxanaguec joca'li so' Cristo Jesús. 13'Ami ỹaqáỹa', sa séetapega taa'le sóxote ỹima da' ñaqachiñi dójo'. Jaldáta da' jaỹim sepeteláq'ai ỹima na' ỹíilata', qana'chi ỹátaqta ñ'añaxat da' qaidi sevíta ga'me sequét'ai, 14qaidi sevíta ga' naloqtenec qataxa ga'me qoỹ'axátetac ga'me ỹa'uo da' qaniỹáxanaguec ñi'me Dios 'me net'ague da' piỹem, ỹasouaxat da' soqotaqáta'uo so' Cristo Jesús.
15Chan'eesa ỹima da' senqáta 'me sóxote nalóchiiñi da' qadip'iỹáxac, n'óota qomle na'chi 'eeta't da' qadeenataxac. Qaláxasa qomle 'uo ga' 'adeenataxaquii laqáỹa, qana'chi ñi' Dios nataq'en 'ami ỹaỹátenaxanaxanque da'me dójo'. 16Da'me senaac n'óota da' na'chida 'me qadeenataxat qomle, qataxa ỹátaqta nateet'eguet da' qadasoxoc da'me sóxote 'me ñaqataxañi.
17'Ami ỹaqai'ỹolqa, n'óota qomle ỹátaqta 'oquíit'egue da' 'ónaxaic ỹasoxoc, qataxa nataq'en 'auaỹátaxadiñiita jen'me quet'egue da' 'ónaxaic nasoxoc 'me 'ami sapaxaguenaxaque. 18Sóxote da' qauáiỹaac da' 'ami senapegalo, qaláxasa naỹi ỹitaxa ñoỹiitalóo'te da' s'iỹílaxalégue da' 'ami senapegalo, qá'a ỹátaqta jalcote jen'me di'ỹoq da' nauténa da' leleuaxa so' Cristo ca'li qoỹip'enaỹi jaso' sodooso. 19Qomle ỹivíta ga'me loiquiaqa' jen'me siỹaxadipi, qaama'le qonoláxachiñi. Qá'a jen'me 'chi d'onataxaatapecot da' lamanaxanaxa da' lapáchiỹaxac, qataxa ni'ỹoxodéetapiỹi jen'me ỹ'étec táxa da'me lepecóxo, qataxa ỹisamaq da' leenataqa'te naa'me huedalégue jen' 'aléua. 20Qaláxasa qo'mi qad'acháqa' di' piỹem, qataxa seuataqátaaque da' n'iỹílaq so' qadec'alaxaqui 'me qadesaliaxanec Jesucristo qomle chiỹoxogue da' piỹem. 21Jeso'me nadálaxat qomle da' qadapáchiỹaxac 'me taỹá'a da' ỹileu, da' qaidi 'ená'am qa'en da'me lapáchiỹaxac 'me 'ónaxaic. Naqaida qomle da'me lañoqtaxanaxac da' ỹilo'ogue ỹimata'a'téna da' d'onataxana.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento Pilagá © Sociedades Bíblicas Unidas, 1993.