Knk 3
3
Moot mad ngah lapia kam tø Jejut
1Ndø mad, Pierr kï Jã ndï awïn kam kuj ndub Luwaht kï kàd kïmïta kï losøle kïta kelta kï Luwah. 2Nderrbe kï tabit kuj ndub Luwaht'n a kunïna Tabit kïmaj dum, de mad i moot kï teen kam kont, ndït nõ kï ndøg tube. A unïn na awïn sia ndana tabit kuj ndub Luwaht kad kø nya deg'n a ðen kï n'andïn kam kuj ndub Luwaht. 3Lon de kï moot oo Pierr kï Jã ndï ða kï n'andïn kam kuj ndub Luwaht ye, ndïjed nar. 4Pierr kï Jã ndan kumd kï døat, Pierr ela an: Ooj so.
5De'n non nda kumïn dødt ndã. 6Pierr ela an: Mî kï nar, ke l'ør kad m'adi al, na nya'n mîn kam jimt kad m'adi laten: Kam tø Jeju Krist kï Najaret't i þai dõ, i þaning.
7Pierr hø jia ko kõa, una kï dõ. Tajigt njaa kï popo njaa ngangïn kongkong. De kï moot þai rat, ða dõ, yaþood ndia. 8And nat kï Pierr kï Jã kam kuj ndub Luwaht, a ndia ho, a ud kïditalg ho, kamla øsï pa ndubïn Luwah ye. 9Deg tube oon de kï moot'n non a ndia ho, a ndub Luwah ho. 10Deg gerïn kad i de'n a ndï ber tabit't kïmaj dum lo kuj ndub Luwah, kïta kø nya. Ta yad biw kï dum bit ad þoolïn, kïta nya'n ða nya nõ.
Pierr elta lo Krist deg kam kuj ndub Luwaht
11De'n non nyàgo Pierr kï Jã al, ta ya koosïdeg biw, ad deg kawïn na kï rodt kam bulot kï a kunïna bulo lo Salomõ. 12Lon Pierr oo nya 'nten ye, elta deg an: În deg kï Israelt, kïtøði nya 'nten yasïn a? Kïtøði tø hã i ða i ndan ne kumsï ndã kïdøjt tit i kï tøg loj, ke i nya ðaj kïgo lo Luwaht hã kï ðan de'n ðan j'ada þaning a? 13Luwah lo Abraham, kï Isaak kï Jakob, Luwah lo bøwjg ad tøko þer kïla lon Jeju. În kïþe kï døsï i lana ji madngétagt i mbetïna nõ Pilat't lon ørrïn takïgang kø døat. 14I mbetïn Ngekunjðang kï Ngeðadeneséw, na i ndïjen Pilat kad nya de kï ngetøl deg dõ adsï. 15Titbe, i tølïn ngekad deg kumkajir, na Luwah ada þai ku ngékoit. Jî ngémanaj dø nyat 'nten. 16Tajigla i kïtakul tøg, kï kam tø Jejut la de'n ðan yootïn, ad i ða oona tube nõsït ne ye.
17Na ngankom, m'ger maj, i ðan nya 'nten kïgo dait kïkanj ger girra nat kï mbaiþeg losï, i tølïn Jeju. 18Na Luwah tølkon nya'n eltaa kete kïta ngékelta kï tant an: Kari na Krist a dai yon kï kõ ngãi. 19Kïtø 'nten kï i tørrïn ndisï, na kï i telïn kï ro Bïraþet kad kï børr majalg losï. 20Kïtøkad Bïraþe adsïn kaglo taakò, ad a la kï Jeju Krist'n hã køta kad i Krist kete kïtatøsï. 21Na tajigla taa, Krist ndï ngoo dørãt mbã kaglo'n hã nyag tube a tel ndand kï kij gog. Maði nu la Luwah elta 'nten kïta ngékelta kï tant. 22Moij el an: Bïraþe Luwah losï a þai kï ngékelta kï tant titïm be, a i nelïn mbisï kï roat, a oon dø nyag tube'n a elsï. 23Dekïðen a nel mbin oon dø ta lo ngekelta kï ta Luwaht'n non al ye, a i ku degt lom al, na a nuj kø. 24Ngékelta kï ta Luwaht'n elïn ta, þai dø Samuelt nu kï îgïn utïn goa, elïn ta kete dø nyagt'n ða nya kam ndøgt 'nten. 25În taa, în ngan ngékõndubag lo ngékelta kï ta Luwaht'n non ho, kï ngékõnduba kunkø'n Luwah un ad bøwsïg lon el Abraham an: Kam kohit la girrdeg kïdangdang tube kï døningt a ngahn majkurrt ye.
26I kïtatøsï la Luwah þain kï ngon ngekïla ho na laa kï døsït kad njang døsï, kad ad dekïðen mbet majal kï ða lon kø.
Currently Selected:
Knk 3: MB80
Highlight
Share
Copy
Want to have your highlights saved across all your devices? Sign up or sign in
BIBLE MBAÏ © 1980 Alliance Biblique du Tchad.
