Knk 7
7
1Bïra ngejamosï kadkari ndïje Etien an: Nyag'n deg elïn kï døit ye i je e?
2Etien tura an: Ngankom kï bøwïmg, i nelïn mbisï oon ne dø ta lom. Luwah kï Ngetøko tee høi kï ro bøwj Abrahamt lon în døning Harãt al þaitø. 3Luwah el an: I nya þe kooji kï noojig, na aw døningt kï þet'n m'a m'øji. 4Taa ne, Abraham nya døning Kalde, na aw nda þe Harãt. Go koi Bøw Abrahamt, Luwah ada þai Harãt ðe ndï døningt kï i ndïnt tajigne. 5Nõbe, Luwah ada nyanduba mad kamt al bat, ke ngon gaj lo kï të. Na Luwah un kø'n kad n'a n'ad døning'n non nganag go koiat. Na Abraham ngah ngon al þaitø. 6Luwah el an: Ngan nganig a ndïn þe mbaht, nõbe a telïn þerg, deg a dan kumd ndo þal þu søø. 7Na Luwah el an: M'a m'gangta dø girrdegt'n ðand þert nõ, kamla a teen kam þeþert nõ kad aw øsïn død ber nõmt lot'n non. 8Got gog Luwah un køn ad Abraham. Nyakøj i gáj kïja. Titbe Abraham ja ngonïn kïdïngã Isaak gáj go ndøt kï kõ jijoo. Isaak ja gáj ngonïn kïdïngã Jakob tø ho, Jakob ooj ngan'g kïlah gidaijoo, jad gáj, în bïrabøw Israelag.
9Bøwjg jangïn kï ngonkõd Jojep, ad høna ðawïna ad tel þer Ejipt't. Na Luwah i nat sia, 10ug ørra kam nyagt kï toto 'nten døat tube, ada ngah majkurr takum Paraõt kï ngar kï døning Ejipt't, ad Paraõ ada i kïbo dø nyagt lo kï ngékïþe lon. 11Kamla þo so døning Ejipt't kïtaagbe, kï kam døning Kanaat tø. Deg ngãibe ngahn kõ ngãi, ad bøwjg tø ngahn nya sa al. 12Na lon Jakob oo hoi nyako kï to mbuj døning Ejipt't ye, la bøwjg kad awïn kaw kïdasa. 13Na lon tel awïn kïkõjoo ye, Jojep ad ngankõag gerïna. Ad Paraõ ger noojag tø. 14Got gog Jojep lago bøwïnt kï ngékïþe lo bøwïn. Deg tube'n ðen døning Ejipt't asïn dø tanãimïta gidaimi. 15Jakob aw døning Ejipt't, oit nõbe, bøwjg kaa ne oint nobe. 16Ad unïn nînd awïn ne Sikemt duwïn kam þe nînt'n Abraham ndugo kï nar ji ngan Hamørt kï Sikem.
17Lon kaglo kad Luwah tølkon kunkø'n un ad Abraham ðe nderrbe ye, girrdeg loj bïlan kï døtdøt kam døning Ejipt't. 18Kamla ngar mad mba girr kõþe døning Ejipt't. Ngar'n non ger Jojep al. 19Ngar'n non gool deg loj, ða nyakïto kï bøwjg ad lan ngandg kø kad oin. 20Kaglot'n non oojïn Moij, i ngon kïdïngã kï basa ngãi. Tona nah mïta kam kujt lo bøwa. 21Kamla ngéag lana kø, ad ngon Paraõ kïdë una toa tit ngon kamïn be. 22Moij ndoo goosï ger nya lo deg kï Ejipt't, i de kï aw kï tøg ngãi kam takelïnt ho, kam nyaðant ho.
23Na lon þala asï døsøø ye, ðe døat kad aw oo ngankõn Israelag. 24Taa ne, oo de mad kï Ejipt't ða ða nyakïto kï de kï Israelt. Moij ðe ganga døat, na nda ngïra dø det'n ða ða sia nya kïta nõ, tøl Ejiptia'n non. 25Moij oo an: ngankõn a gerïn kad i Luwah la ndï ajd kïtakulïn ye, na Israelag gerïn nya 'nten al. 26Loti got, Moij ndød Israelag joo ða ðøøn na, Moij gørd kï awïn kï na kï ta al, na kï lan nooj nat. Eld an: Nammg, în ngankõnag, kïtøði i ða i ðan ne nyakïto kï na a?
27Na în hã ða þa tøg dø ngonkõt ye, øsï Moij kï gog, kamla ela an: Nõ ndai døjt kad î ngegangta kujt a? 28I ndig kï i tølïm tit'n i tølïn de kï Ejipt't taagbe yo?
29Lon Moij oo dø tag'n non ye, ãi aw ndï þe mbaht kam døning Madiat. Nõ be, ooj ngan kï dingãg joo.
30Lon þal døsøø asï woi ye, malaika lo Bïraþe tee høi kï roat kam ndõ horrt kï õ du ngart kam dïlalot kï dø mbalt kï Horeb. 31Lon Moij oo nya 'nten ye, ta yaa biw, ad ndøt kï ro ngart kad'n nøla køri køri kï n'oo. Taa ne, ndi Bïraþe ela an: 32Mî Bïraþe Luwah lo Bøwig, Luwah lo Abraham, Isaak, kï Jakob. Þool ða Moij ngãi ad ndad yat't, asï kïre kamïn koon lo ye gog al.
33Bïraþe ela an: Ørr sa loi njait kø. Kïtø lon i ðat i døning kïjaþat. 34Kïtø m'oo daiyog lo girrdeg lom kam døning Ejipt't, m'oo dø tõ ðusï ðusï loa. M'ðisï kad m'tee sed kø kam þeþert, na tajigla m'ndï m'lai, aw kam døning Ejipt't.
35Moij kïkïða kan deg mbetïna anan: Nõ ndai ngekõþe kï ngegangta kujt a? Ye Moij kïkïða'n non la Luwah tel laa kad ørr nõ deg lon tee sed kam þe þert. 36I Moij la ørr nõ ngan Israelg tee sed kam døning Ejipt't kï tïga. Ða nyag kï yaya kï nyakøjg døning Ejipt't, kam bahbot kï kïrre, kï kam dïlalot þal døsøø. 37I Moij tø la el Israelag an: Luwah a la kï ngekelta kï tant, a þai ku ngankõt tit mî be.
38Lon ngan Israel kawïn na dïlalot ye, Moij i dandt, ða mbïna malaikat'n ða elta dø mbalbot.
39Na bøwjg mbetïn tel rod go Moijt, øsïna kï gog, adïn ngarkamd i kï Ejipt't gog. 40Elïn Aarõ anan: I ða luwahg mad adj kad ndian nõjt, kïta kï ger nya'n ða Moij'n tee sej kø kam Ejipt't nõ al. 41Taa ne ðan ngon mang mad, na ðe lan kadkari adïn yo'n non, na ðan ronel dø kïlaða jidt. 42Na Luwah tur gidïn ad'd, nyad ad øsïn død ber hile ne yo kïmë koosïg kï dørãt tit'n ndangïn ne maktubt lo ngékelta kï ta Luwaht anan: Î deg kï Israelt, asï þal døsøø kam dïlalot ye, i mî la i lan dãg kïjakø kï kadkarig admïn yo?
43Jag. Kïtø i ton kuj kub lo yo Molok, kï kïmë yo Ropã, în yog'n i ðand kï jisï kad i øsïn døsï ber nõdt.
Kïtø 'nten m'a m'aw sesï þert sãi gid þe Babilont nu.
44Maði kam dïlalot, bøwjg awïn kï kujkub ndødna kï Luwah, kuj'n maktub kunkø lo Luwah i kamt, Moij ngekelta kï ta Luwaht ða tit'n Luwah daan kad ða kïgo køjt'n Luwah øja. 45Got gog, bøwjg ngahn kuj kub ndï Luwah'n non kokïro bøwdgt, andïn ne nat kï Jojue, kaglot'n taan ne døning ji girrdegt kïdangdang'n Luwah tuþad nõdt. Kujkub ndï Luwah'n non to nõ mbã kaglot lo Dabid. 46Dabid ngah maj takum Luwaht lo Jakob, køa kad'n ða kuj kïtakad Luwah lo Jakob ndït. 47Na i Salomõ la ða kuj'n non ad Luwah ye 48Na Luwah kï ngetøi tøi taa ne, kï ger ndï kam kujgt kï ða kï ji de al, tit'n ngekelta kï ta Luwaht elïn an:
49Dørã i pong kõþe lom,
døning i komber nda njam.
Kuj ði a i ða admïn a? Kel Bïraþe;
ke lo kï ðen tø hã m'am ndït a?
50Nyag'n non tube m'ðad kï jim ale?
51Etien el ngégangta lo juipg an: În deg kï ngéngïra kï gosï, ngarkamsï kï mbisï în kï kut mbukï dø tat lo Luwah, i ndï i taanðøø Ndil kïkunjðang kïndøgndøg tit'n þøwsïg ða ne maði ye, în tø i ðan titbe ho. 52Ngekelta kï ta Luwaht kïðen hã bøwsïg dan kuma ndo al a? Tølïn îgïn lan mber hoi ðe lo de kïdenesew. Na tajigla îng tø la i lana ji degt ho i tølïna ho ye. 53I taan mberkïnda lo Luwah kïtakul malaikag, na i telïn rosï got al.
Koi Etien
54Lon deg kï ngégangta ku juipgt oon dø tag 'nten ye, þan wong ngãi, ad dõn ngangd kïta kumd il kirir dø Etient. 55Na Etien þakot kï Ndil kïkunjðang, ad nda kumïn ða oo lo kï dørãt ye, oo kunj Luwah kïða ngereng ho, oo Jeju ða dõ dø jikõ Luwaht ho. 56Etien el an: M'oo dørã tee tan, ad Ngon de ða dõ dø jikõ Luwaht.
57Taa ne, deg oon dø ta 'nten, þa kon bang, udïn wi kï ndid kïbobe, kamla utïn mbid. Got hurïn rukï, son døat ta kïðabe. 58Ørrïn Etien ten sia gid þet, tïlana kï mbal. Ngémanajg nyan kubg lod ji basat mad kï tøa i Sool. 59Lon ða tïlan Etien kï mbal ye, Etien ða elta kï Luwah an: Bïraþe Jeju i taa ndil'm.
60Kamla øsï gojïn ber, na ko kï ndin kïbo an: Bïraþe i nyàgo majalg lod kø.
Go tat 'nten ye Etien oi.
Currently Selected:
Knk 7: MB80
Highlight
Share
Copy
Want to have your highlights saved across all your devices? Sign up or sign in
BIBLE MBAÏ © 1980 Alliance Biblique du Tchad.
Knk 7
7
1Bïra ngejamosï kadkari ndïje Etien an: Nyag'n deg elïn kï døit ye i je e?
2Etien tura an: Ngankom kï bøwïmg, i nelïn mbisï oon ne dø ta lom. Luwah kï Ngetøko tee høi kï ro bøwj Abrahamt lon în døning Harãt al þaitø. 3Luwah el an: I nya þe kooji kï noojig, na aw døningt kï þet'n m'a m'øji. 4Taa ne, Abraham nya døning Kalde, na aw nda þe Harãt. Go koi Bøw Abrahamt, Luwah ada þai Harãt ðe ndï døningt kï i ndïnt tajigne. 5Nõbe, Luwah ada nyanduba mad kamt al bat, ke ngon gaj lo kï të. Na Luwah un kø'n kad n'a n'ad døning'n non nganag go koiat. Na Abraham ngah ngon al þaitø. 6Luwah el an: Ngan nganig a ndïn þe mbaht, nõbe a telïn þerg, deg a dan kumd ndo þal þu søø. 7Na Luwah el an: M'a m'gangta dø girrdegt'n ðand þert nõ, kamla a teen kam þeþert nõ kad aw øsïn død ber nõmt lot'n non. 8Got gog Luwah un køn ad Abraham. Nyakøj i gáj kïja. Titbe Abraham ja ngonïn kïdïngã Isaak gáj go ndøt kï kõ jijoo. Isaak ja gáj ngonïn kïdïngã Jakob tø ho, Jakob ooj ngan'g kïlah gidaijoo, jad gáj, în bïrabøw Israelag.
9Bøwjg jangïn kï ngonkõd Jojep, ad høna ðawïna ad tel þer Ejipt't. Na Luwah i nat sia, 10ug ørra kam nyagt kï toto 'nten døat tube, ada ngah majkurr takum Paraõt kï ngar kï døning Ejipt't, ad Paraõ ada i kïbo dø nyagt lo kï ngékïþe lon. 11Kamla þo so døning Ejipt't kïtaagbe, kï kam døning Kanaat tø. Deg ngãibe ngahn kõ ngãi, ad bøwjg tø ngahn nya sa al. 12Na lon Jakob oo hoi nyako kï to mbuj døning Ejipt't ye, la bøwjg kad awïn kaw kïdasa. 13Na lon tel awïn kïkõjoo ye, Jojep ad ngankõag gerïna. Ad Paraõ ger noojag tø. 14Got gog Jojep lago bøwïnt kï ngékïþe lo bøwïn. Deg tube'n ðen døning Ejipt't asïn dø tanãimïta gidaimi. 15Jakob aw døning Ejipt't, oit nõbe, bøwjg kaa ne oint nobe. 16Ad unïn nînd awïn ne Sikemt duwïn kam þe nînt'n Abraham ndugo kï nar ji ngan Hamørt kï Sikem.
17Lon kaglo kad Luwah tølkon kunkø'n un ad Abraham ðe nderrbe ye, girrdeg loj bïlan kï døtdøt kam døning Ejipt't. 18Kamla ngar mad mba girr kõþe døning Ejipt't. Ngar'n non ger Jojep al. 19Ngar'n non gool deg loj, ða nyakïto kï bøwjg ad lan ngandg kø kad oin. 20Kaglot'n non oojïn Moij, i ngon kïdïngã kï basa ngãi. Tona nah mïta kam kujt lo bøwa. 21Kamla ngéag lana kø, ad ngon Paraõ kïdë una toa tit ngon kamïn be. 22Moij ndoo goosï ger nya lo deg kï Ejipt't, i de kï aw kï tøg ngãi kam takelïnt ho, kam nyaðant ho.
23Na lon þala asï døsøø ye, ðe døat kad aw oo ngankõn Israelag. 24Taa ne, oo de mad kï Ejipt't ða ða nyakïto kï de kï Israelt. Moij ðe ganga døat, na nda ngïra dø det'n ða ða sia nya kïta nõ, tøl Ejiptia'n non. 25Moij oo an: ngankõn a gerïn kad i Luwah la ndï ajd kïtakulïn ye, na Israelag gerïn nya 'nten al. 26Loti got, Moij ndød Israelag joo ða ðøøn na, Moij gørd kï awïn kï na kï ta al, na kï lan nooj nat. Eld an: Nammg, în ngankõnag, kïtøði i ða i ðan ne nyakïto kï na a?
27Na în hã ða þa tøg dø ngonkõt ye, øsï Moij kï gog, kamla ela an: Nõ ndai døjt kad î ngegangta kujt a? 28I ndig kï i tølïm tit'n i tølïn de kï Ejipt't taagbe yo?
29Lon Moij oo dø tag'n non ye, ãi aw ndï þe mbaht kam døning Madiat. Nõ be, ooj ngan kï dingãg joo.
30Lon þal døsøø asï woi ye, malaika lo Bïraþe tee høi kï roat kam ndõ horrt kï õ du ngart kam dïlalot kï dø mbalt kï Horeb. 31Lon Moij oo nya 'nten ye, ta yaa biw, ad ndøt kï ro ngart kad'n nøla køri køri kï n'oo. Taa ne, ndi Bïraþe ela an: 32Mî Bïraþe Luwah lo Bøwig, Luwah lo Abraham, Isaak, kï Jakob. Þool ða Moij ngãi ad ndad yat't, asï kïre kamïn koon lo ye gog al.
33Bïraþe ela an: Ørr sa loi njait kø. Kïtø lon i ðat i døning kïjaþat. 34Kïtø m'oo daiyog lo girrdeg lom kam døning Ejipt't, m'oo dø tõ ðusï ðusï loa. M'ðisï kad m'tee sed kø kam þeþert, na tajigla m'ndï m'lai, aw kam døning Ejipt't.
35Moij kïkïða kan deg mbetïna anan: Nõ ndai ngekõþe kï ngegangta kujt a? Ye Moij kïkïða'n non la Luwah tel laa kad ørr nõ deg lon tee sed kam þe þert. 36I Moij la ørr nõ ngan Israelg tee sed kam døning Ejipt't kï tïga. Ða nyag kï yaya kï nyakøjg døning Ejipt't, kam bahbot kï kïrre, kï kam dïlalot þal døsøø. 37I Moij tø la el Israelag an: Luwah a la kï ngekelta kï tant, a þai ku ngankõt tit mî be.
38Lon ngan Israel kawïn na dïlalot ye, Moij i dandt, ða mbïna malaikat'n ða elta dø mbalbot.
39Na bøwjg mbetïn tel rod go Moijt, øsïna kï gog, adïn ngarkamd i kï Ejipt't gog. 40Elïn Aarõ anan: I ða luwahg mad adj kad ndian nõjt, kïta kï ger nya'n ða Moij'n tee sej kø kam Ejipt't nõ al. 41Taa ne ðan ngon mang mad, na ðe lan kadkari adïn yo'n non, na ðan ronel dø kïlaða jidt. 42Na Luwah tur gidïn ad'd, nyad ad øsïn død ber hile ne yo kïmë koosïg kï dørãt tit'n ndangïn ne maktubt lo ngékelta kï ta Luwaht anan: Î deg kï Israelt, asï þal døsøø kam dïlalot ye, i mî la i lan dãg kïjakø kï kadkarig admïn yo?
43Jag. Kïtø i ton kuj kub lo yo Molok, kï kïmë yo Ropã, în yog'n i ðand kï jisï kad i øsïn døsï ber nõdt.
Kïtø 'nten m'a m'aw sesï þert sãi gid þe Babilont nu.
44Maði kam dïlalot, bøwjg awïn kï kujkub ndødna kï Luwah, kuj'n maktub kunkø lo Luwah i kamt, Moij ngekelta kï ta Luwaht ða tit'n Luwah daan kad ða kïgo køjt'n Luwah øja. 45Got gog, bøwjg ngahn kuj kub ndï Luwah'n non kokïro bøwdgt, andïn ne nat kï Jojue, kaglot'n taan ne døning ji girrdegt kïdangdang'n Luwah tuþad nõdt. Kujkub ndï Luwah'n non to nõ mbã kaglot lo Dabid. 46Dabid ngah maj takum Luwaht lo Jakob, køa kad'n ða kuj kïtakad Luwah lo Jakob ndït. 47Na i Salomõ la ða kuj'n non ad Luwah ye 48Na Luwah kï ngetøi tøi taa ne, kï ger ndï kam kujgt kï ða kï ji de al, tit'n ngekelta kï ta Luwaht elïn an:
49Dørã i pong kõþe lom,
døning i komber nda njam.
Kuj ði a i ða admïn a? Kel Bïraþe;
ke lo kï ðen tø hã m'am ndït a?
50Nyag'n non tube m'ðad kï jim ale?
51Etien el ngégangta lo juipg an: În deg kï ngéngïra kï gosï, ngarkamsï kï mbisï în kï kut mbukï dø tat lo Luwah, i ndï i taanðøø Ndil kïkunjðang kïndøgndøg tit'n þøwsïg ða ne maði ye, în tø i ðan titbe ho. 52Ngekelta kï ta Luwaht kïðen hã bøwsïg dan kuma ndo al a? Tølïn îgïn lan mber hoi ðe lo de kïdenesew. Na tajigla îng tø la i lana ji degt ho i tølïna ho ye. 53I taan mberkïnda lo Luwah kïtakul malaikag, na i telïn rosï got al.
Koi Etien
54Lon deg kï ngégangta ku juipgt oon dø tag 'nten ye, þan wong ngãi, ad dõn ngangd kïta kumd il kirir dø Etient. 55Na Etien þakot kï Ndil kïkunjðang, ad nda kumïn ða oo lo kï dørãt ye, oo kunj Luwah kïða ngereng ho, oo Jeju ða dõ dø jikõ Luwaht ho. 56Etien el an: M'oo dørã tee tan, ad Ngon de ða dõ dø jikõ Luwaht.
57Taa ne, deg oon dø ta 'nten, þa kon bang, udïn wi kï ndid kïbobe, kamla utïn mbid. Got hurïn rukï, son døat ta kïðabe. 58Ørrïn Etien ten sia gid þet, tïlana kï mbal. Ngémanajg nyan kubg lod ji basat mad kï tøa i Sool. 59Lon ða tïlan Etien kï mbal ye, Etien ða elta kï Luwah an: Bïraþe Jeju i taa ndil'm.
60Kamla øsï gojïn ber, na ko kï ndin kïbo an: Bïraþe i nyàgo majalg lod kø.
Go tat 'nten ye Etien oi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
BIBLE MBAÏ © 1980 Alliance Biblique du Tchad.