Luk 13
13
Sumba kad deg tørrïn ndid
1Kaglot'n non deg madg ðen ørrïn hoita 'nten Jeju anan: Pilat tøl deg kï Galilet lon ndï lan ne kadkari adïn Luwah. 2Jeju turd an: Oo a anan deg kï døning Galile'n non în ngéðamajal tøi ndeg deg kï døning Galilet tube la oin ne kø titbe yo? 3Ã ã, m'ndi m'elsï: Îla i tørrïn ndisï al a ne, a oin kø tube titbe tø. 4Ke deg kïkïlah gidaijoo'n non îgïn kuj kï ngal kïdõ kï Siloet so dødt tøld ye, oo a anan în deg kïmajal, gïrra i dødt kï tøi deg tube ngendï þebo Jerusalemt e? 5M'ndï m'elsï: Ãã, na îla i tørrïn ndisï al a ne, a oin kø tube tø ho.
Terrta dø kag mbaiþoodt kï kanda goto
6Jeju eld terrta 'nten an: De mad ad høn kag mbaiþood kam ndøøt lon; la ðe sah kanda tit, na ngah al. 7Kamla el ngengom ndøø an: Oo, þal mïta la m'ðe m'sah kand kag mbaiþood'n ðan, na m'ngah al; i gaa kø, kïtøði ða utïn døning kï ndang kari a? 8Ngengom ndøø tura an: Bïraþe i nyàa þalt'n ðan þaitø ad m'ur nang gug nja, na mu þirþit't. 9I titbe la, nëbe kïnõt a and maj, na îla and al a ne, a i gaa i laa kø.
Jeju yoot dekïdë mad ndø taakòt
10Jeju ndï ndoo deg kam kuj kawnat mad lo juipg kï ndø taakò. 11Dekïdë mad ndï nõ, ndil kïmajal i kamat; ndaa tõt þal kïlah gidaijijoo, ad gøkï ngãibe, asï sïra ron kï dõ al. 12Lon Jeju ooa ye, kuna an: Dekïdë i yoot dø mõit loi. 13Nda jin døat, tentenbe dekïdë sira ron kï dõ, ad øsïgon Luwah. 14Na kïbo kï kuj kawnat lo juipg þawong, kïta yoot'n Jeju yoot de kï ndø taakò ye, ad el deg koosïg an: Ndø kïkïbojidet ton nõ'n sumba kad deg ðan kïla kamt; kam ndøgt'n non i ðen ad yootsïn, na kï ndø taakò al. 15Na Bïraþe tura an: În ngéndookumdeg; dekïðen kusït la hã tut mang lon ke korro lon dø belat a sia ad ãi man kï ndø taakò al a? 16Dekïdë'n ndïn, în i ngon Abraham'n sitan døa þal kïlah gidaijijoo ten ye, kad m'tuta dø mõit 'nten kï ndø taakò ale? 17Lon ða eltag'n non þaitø ye, ro ngéndoorag søld tube. Koosïdeg tube rod neld dø nyagt kïmajmaj tube'n Jeju ndï ða.
Terrta dø kum mutardt
(Oo Mat 13:31 teen 33; Mrk 4:30 teen 32)
18El tø an: Kõþe lo Luwah taan na kï ði a? Kï ði m'a m'øjan a? 19I tit kum mutard. De mad un dub kam ndøøt lon. Kum nya þa tøg, tel kag kïbo, ad yelg kïdõ høn londïd døjiagt. 20Tel elta mad tø an: Kï ði m'dan kõþe lo Luwah a? 21I titberrkasï'n dekïdë mad un bur kï nduj kï tørr ngo nya mïta mbã ad berrkasï asï nduj kï loi tube.
Ta nyandoo lo Jeju dø tabit kand koþet lo Luwah
(Oo Mat 7:13 teen 14,21 teen 23; 8:11 teen 12)
22Jeju ndï aw, a tøi kï goþebog kï nganþeg a ndoo deg, awïn kï nont þebo Jerusalemt. 23De mad ndïjea ta an: Bïraþe îgïn ndï ajïn ye în tëbe e? Jeju turd an: 24I lan rosï kï nat kad andïn tabit't kï ngunïn kïta m'ndï m'elsï, deg ngãibe a ndigïn kï n'andïnt, na a asïn al. 25Lon ngeþe þai woi, ut tabit, na i ðan tïga i mbã girr ga tabit, anan kï Bïraþe tee adsï. A tursï an: M'ger ko lo'n i þaint al. 26Kamla a i mbã girr kel kan: kï sa ho, kï j'ãi sei nat, na i ndoo deg dø ðobt loj ho. 27Na a el an: M'ndï m'elsï m'ger ko lo'n i þaint al. I tørrïn rosï romt kø în ngéðanya kïgoðobat al. 28Nu la a i nont kï døngang ye, lon oon Abraham kï Isaak kï Jakob kï ngékelta kï ta Luwaht tube kam kõþet lo Luwah, na in kïþeg kï døsï lasïn kï tïga. 29Deg a ðen ko loþakàdt kï ko lo kud kàdt, kï ko døø kï ko þoodo a ndïn ta nyasat kam kõþet lo Luwah. 30Oon tø, kï døboit a telïn deg kïdasa, na deg kïdasa a telïn deg kï døboit.
Deg kï Jerusalem oon dø ta lo Jeju al
(Oo Mat 23:34 teen 39)
31Kaglot'n non parisï madg awïn ro Jejut elïna anan: I tee nëbe kø, aw kïta Herod Antipas ndig tøli. 32Jeju eld an: Awïn elïn de kï ngegool deg tit tal'n non. Þone kï loti, m'ndï m'tuþa ndilg kïmajal kø, m'ndï m'yoot deg, na dø ndøt kïkõmïta a ne, m'a m'tøl kõn kïla lom. 33Kari, na m'a m'aw kete þone kï loti, kï loti kï nu tø. Kïtø i root al kad ngekelta kïta Luwaht oi tïga na sumba kad oi kam þebo Jerusalemt tã. 34A Jerusalem, Jerusalem ngetøl ngékelta kï ta Luwaht, ngékelta kïta Luwaht'n land kï rosït, na i ndï i tïlad kï mbal. Nja bãi m'ndig kï m'kaw ngani kï nat tit'n kïnja ndï kawïn nganïn kï girr bøgïnt na i ndigïn al. 35Kam kuj losï a todïla; m'ndï m'elsï kï ndïm tø. Labekïnõt a oomïn gog al ta, mbã kaglo asï, lon a anan: Ngemajkurr la i în ndï ðe kam tø Bïraþet.
Currently Selected:
Luk 13: MB80
Highlight
Share
Copy
Want to have your highlights saved across all your devices? Sign up or sign in
BIBLE MBAÏ © 1980 Alliance Biblique du Tchad.
