Luk 15
15
Terrta dø bat't kï nãi
(Oo Mat 18:12 teen 14)
1Ngétaa lambo kï kaya deg tube ndøtïn kï ro Jejut kad kï n'oon dø ta loa. 2Parisïg kï ngéndoo mberkïnda nyurïn ta anan: De'n ndïn hø kaya deg kï ront, ndï sanya sed nat.
3Jeju eld terrta 'nten an: 4De mad kusït ne, îla aw kï batg þu, na kïða kudt nãi a ne, a nya kïdøjikïða gidaijikïða'n non kam mut, na aw sah go bat'n nãi nõ mbã kad ngaha kamtã al a? 5Lon ngah ye, a una gaa bøgïnt kï ronel. 6Lon tee þe a ne, kun namïng kïmad þeng kï nat eld an: I ðan ronel sem, kïta m'ngah bat lom kan nãi nõ. 7M'ndï m'elsï titbe tø la a ðan ne ronel dõ dørãt dø ngeðamajalt kïkïða'n tørr ndïn ye, tøi deg kïdenesew kï døjikïða gidaijikïða îgïn geen tørrïn ndid al.
Terrta dø gursï handt kï nãi
8Ke dekïdë kïða tø îla aw kï gursï hand kïndaa kïlah, na kïkïða nãi a ne, a ndah horr lambat, a tïsa kam kuj, saht kï rotîn mbã ngah al a? 9Lon ngah a ne, kun namïng kïmad þeng kï nat eld an: I ðan ronel sem kïta m'ngah nar hand lom kïndaa'n nãi nõ. 10Titbe m'ndï m'elsï. Malaikag lo Luwah a ðan ne ronel dø ngeðamajalt kïkïða'n tørrndin.
Terrta dø ngont kï nãi
11Jeju el tø an: De mad a kï nganïn kïdïngãg joo. 12Kïdu el bøwïn an: Bøwm adïm gaj nyag loi în a tel nyanduba lom. Bøwd kegd nyamajg lon. 13Gog go ndøt kï tëbe ngona kïdu kaw nyag lon tube kï nat, na aw mbah døþet kï sãi. Nu la tïndah nyag lon tî kø lo ða kayat ye. 14Lon tïndah nyag tube tî kø woi ye, þoo kïbo so døningt'n non ad mba girr so kam ndot. 15Aw nïma kï de mad kï døningt'n non, îtø laa gawgt kad ul boorg. 16Ngon'n non nyur õa, ad nda kamïnt kï n'sa kand mat'n boorg ða san nõ, na de kï ada goto.
17Na lon kuma gang woi ye, el an: Ngan ngékïla lo bøwïm în bãi ndïn kï nyasa kï to mbuj, na mî tã m'ad þoo ndï tølïm. 18M'a m'þai m'aw ro bøwïmt m'ela m'an: bøwïm m'ða majal kï ndoor Luwah kï kï ndoori tø. 19Na m'asï kad i kunïm ngoni gog al ta, kï i telïm tit kïkïða ku ngan ngékïlagt loi.
20Þai dõ aw ro bøwïnt. Na lon i sãi þaitø ye. Bøwa ooa, ta õ kama, ad la ngød ørr, aw so køat, njutaa. 21Ngona ela an: Bøwm m'ða majal kï ndoor Luwah kï nõit tø; m'asï kad i kunïm ngoni gog al. 22Na bøwa el þerg lon an: I teen kï kub kïmaj tøi, kï dõt, i lana, i lan ngon ninga jiat kï markop njat. 23I ðen kï ngon mang kï to mbulmbul kaa nõ, i jan køa, kï san ho, kï ðan ne ronel. 24Kïtø ngonïm'n ndïn oi, na tel kumkajir, nãi tø la m'ngaha ye. Mban girr ða ronel.
25Na ngon derra i kam ndøøt. Lon ndï ðe, nãi nderrbe kad tee þe ye, oo dø ndï kød kï kund, kï ndøm. 26Kun kïkïða ku þergt kï ront, ndïjea girr nyag'n non. 27Þer'n non ela an: Ngonkõi ðe la bøwi ja kø ngon mang kïbo mbulmbul kaa nõ, kïta ngaha kï lapia kari.
28Na ngon derra ða wong, ndig kand kuju al; bøwa tee gøra kad and. 29Na tur bøwïn an: Oo þalg ngãibe m'ndï m'ða kïla m'adi, m'tøi dø mberkïndag loi nja kïða al, na adïm ngon bîya kad m'ðan ronel kï nammg nja kïða al. 30Na lon ngoni'n ndïn în sanyamajg loi sed kaya dekïdëg ðe a ne, i ja kø ngon mang kï to mbulmbul kaa nõ ada. 31Na bøwa ela an: Ngonïm, î sem nat kïndøgndøgbe, nyag lom tube în loi. 32Na sumba kad kï ða ronel kï kamnda kïta ngonkõi'n ndïn oi, la tel kumkajir ye; nãi la kï ngaha tø ye.
Currently Selected:
Luk 15: MB80
Highlight
Share
Copy
Want to have your highlights saved across all your devices? Sign up or sign in
BIBLE MBAÏ © 1980 Alliance Biblique du Tchad.
Luk 15
15
Terrta dø bat't kï nãi
(Oo Mat 18:12 teen 14)
1Ngétaa lambo kï kaya deg tube ndøtïn kï ro Jejut kad kï n'oon dø ta loa. 2Parisïg kï ngéndoo mberkïnda nyurïn ta anan: De'n ndïn hø kaya deg kï ront, ndï sanya sed nat.
3Jeju eld terrta 'nten an: 4De mad kusït ne, îla aw kï batg þu, na kïða kudt nãi a ne, a nya kïdøjikïða gidaijikïða'n non kam mut, na aw sah go bat'n nãi nõ mbã kad ngaha kamtã al a? 5Lon ngah ye, a una gaa bøgïnt kï ronel. 6Lon tee þe a ne, kun namïng kïmad þeng kï nat eld an: I ðan ronel sem, kïta m'ngah bat lom kan nãi nõ. 7M'ndï m'elsï titbe tø la a ðan ne ronel dõ dørãt dø ngeðamajalt kïkïða'n tørr ndïn ye, tøi deg kïdenesew kï døjikïða gidaijikïða îgïn geen tørrïn ndid al.
Terrta dø gursï handt kï nãi
8Ke dekïdë kïða tø îla aw kï gursï hand kïndaa kïlah, na kïkïða nãi a ne, a ndah horr lambat, a tïsa kam kuj, saht kï rotîn mbã ngah al a? 9Lon ngah a ne, kun namïng kïmad þeng kï nat eld an: I ðan ronel sem kïta m'ngah nar hand lom kïndaa'n nãi nõ. 10Titbe m'ndï m'elsï. Malaikag lo Luwah a ðan ne ronel dø ngeðamajalt kïkïða'n tørrndin.
Terrta dø ngont kï nãi
11Jeju el tø an: De mad a kï nganïn kïdïngãg joo. 12Kïdu el bøwïn an: Bøwm adïm gaj nyag loi în a tel nyanduba lom. Bøwd kegd nyamajg lon. 13Gog go ndøt kï tëbe ngona kïdu kaw nyag lon tube kï nat, na aw mbah døþet kï sãi. Nu la tïndah nyag lon tî kø lo ða kayat ye. 14Lon tïndah nyag tube tî kø woi ye, þoo kïbo so døningt'n non ad mba girr so kam ndot. 15Aw nïma kï de mad kï døningt'n non, îtø laa gawgt kad ul boorg. 16Ngon'n non nyur õa, ad nda kamïnt kï n'sa kand mat'n boorg ða san nõ, na de kï ada goto.
17Na lon kuma gang woi ye, el an: Ngan ngékïla lo bøwïm în bãi ndïn kï nyasa kï to mbuj, na mî tã m'ad þoo ndï tølïm. 18M'a m'þai m'aw ro bøwïmt m'ela m'an: bøwïm m'ða majal kï ndoor Luwah kï kï ndoori tø. 19Na m'asï kad i kunïm ngoni gog al ta, kï i telïm tit kïkïða ku ngan ngékïlagt loi.
20Þai dõ aw ro bøwïnt. Na lon i sãi þaitø ye. Bøwa ooa, ta õ kama, ad la ngød ørr, aw so køat, njutaa. 21Ngona ela an: Bøwm m'ða majal kï ndoor Luwah kï nõit tø; m'asï kad i kunïm ngoni gog al. 22Na bøwa el þerg lon an: I teen kï kub kïmaj tøi, kï dõt, i lana, i lan ngon ninga jiat kï markop njat. 23I ðen kï ngon mang kï to mbulmbul kaa nõ, i jan køa, kï san ho, kï ðan ne ronel. 24Kïtø ngonïm'n ndïn oi, na tel kumkajir, nãi tø la m'ngaha ye. Mban girr ða ronel.
25Na ngon derra i kam ndøøt. Lon ndï ðe, nãi nderrbe kad tee þe ye, oo dø ndï kød kï kund, kï ndøm. 26Kun kïkïða ku þergt kï ront, ndïjea girr nyag'n non. 27Þer'n non ela an: Ngonkõi ðe la bøwi ja kø ngon mang kïbo mbulmbul kaa nõ, kïta ngaha kï lapia kari.
28Na ngon derra ða wong, ndig kand kuju al; bøwa tee gøra kad and. 29Na tur bøwïn an: Oo þalg ngãibe m'ndï m'ða kïla m'adi, m'tøi dø mberkïndag loi nja kïða al, na adïm ngon bîya kad m'ðan ronel kï nammg nja kïða al. 30Na lon ngoni'n ndïn în sanyamajg loi sed kaya dekïdëg ðe a ne, i ja kø ngon mang kï to mbulmbul kaa nõ ada. 31Na bøwa ela an: Ngonïm, î sem nat kïndøgndøgbe, nyag lom tube în loi. 32Na sumba kad kï ða ronel kï kamnda kïta ngonkõi'n ndïn oi, la tel kumkajir ye; nãi la kï ngaha tø ye.
Currently Selected:
:
Highlight
Share
Copy
Want to have your highlights saved across all your devices? Sign up or sign in
BIBLE MBAÏ © 1980 Alliance Biblique du Tchad.