Luk 16
16
Terrta dø ngørøkïlat kïmajal
1Jeju el ngéndoog lon an: Tag maði de mad kï ngenya ndï nõ. De'n non aw kï ngørøkïla. Deg unïn dø ngørøkïla ro ngeat dø nujt'n ndï nuj nya ngah loa. 2Ngea kuna kï ront, ndïjea, ke girr ta kï n'oo døat i ði a? Ela kï dan kørr kïla koogo nyag kï jiat, kïta asï ndï kam kïla ngørøkïlat gog al ta. 3Ngørøkïla el kamïnt an: Ka m'ða ði a? Ngeem a tuþam kam kïla koogo nyagt kø; m'oo tøgïm kï m'am ndøøn al. M'ndï m'ða rosøl kad m'kø nya. 4El an: M'ger nya kï m'am ða kïtakad lon ørrïmïn kam kïla koogo nyagt a ne, kï m'ngah deg'n a hømïn kï rodt kam kujt lod. 5Kun ngégirrag lo ngen kïða kïða kï ront, el kïdasa an: Gïrra lo ngeem kï døit i bãi a? 6Kï dasa tur an: Ku yib þu. Ngørøkïla ela an: I ndï ber kanangbe un maktub loi i ndangt dømi. 7Kamla ndïje kïmad an: Î tø gïrra kï døit i bãi a? De'n non tur an: Kamnyako þu, ngørøkïla ela an: un maktub gïrra loi i ndangt døjijoo. 8Bïraþe lo ngørøkïla kï ngeða nya kïdenesew al'n non hita kïta ða kumtøg, kïta deg kï kaglot'nðan awïn kï kumtøg tøin ngan kunjg. 9Jeju el tø an: M'ndï m'elsï, maj kad i høn namg kïtatøsï kïtakul nyamajg kï døningt, kïtakad lon nyag'n non goton jisït a ne, deg'n non a høsïn kï rodt kï lo kam ndigt kï to mbãkïnõt. 10De kï ngeðanya kïro kam nyat kï tëbe, a i de kïro kam nyagt kïbo, na de kï ngeðanya kïdenesew al kam nyat kï tëbe a ne, a i ngeða nya kïdenesew al kam nyat kïbo ho.
11Kïtø 'nten îla în ngeða nya kïro al dø nyamajgt kï gootal a ne, nõ a la nyag kïrota jisït a? 12Na îla în ngeðanya kïro dø nyat'n i lo de mad al a ne, nõ a adsï nyag'n i losï a? 13Ngekoogokuj asï ða þer lo bïraþeg joo al; a mbet kïkïða, na a tar kïmad, ke a hø kïkïða, na a kid kïmad. În tø asïn ða þer lo Luwah kï nyamajgt tu al.
Ta madg'n Jeju el
(Oo Mat 11:12 teen 13; 5:31 teen 32; Mrk 10:11 teen 12)
14Parisïg tø, în ngétar nar oon dø tag'n non tube na telïn Jeju nya got. 15Jeju eld an: I ndï ðan rosï tit deg kïdenesew nõ degt, na Luwah ger ngarkamsï þet, kïta nya'n deg ndï tøin na ye, a i nya kï kid nõ Luwaht. 16Mberkïnda lo Moij kï tag kïndang lo ngékelta kï ta Luwaht ton mbã kaglot lo Jã kï ngeða baptem deg. Kaglot'non la mbã tajigla kï ndï kï la mber hoita kïmaj lo kõþe Luwah na dekïðen sah lo kandt kï lo ngetøgt. 17Kïtø õ al kad dørã kï døning tøin kø, tøi kad ngon merke kï du tëbe kïða kam mberkïndat to kïkanj tøl kona. 18Dekïðen'n tuþa nën, na taa kïðang a ne, ndï ðaa ngaw ta ða, na în taa dekïdë'n ngawa tuþa a ne, i ngaw la ndï ðaa ta ða ho ye.
Ta lo de kï ngenya, kï Lajarr
19Tag maði de mad kï ngenya ndï nõ a la kub kï kïðe worwor kï lin kï søl lomlom a oo maj ron, a sanya kïmaj maj kïndøgndøg. 20Ngendø mad ndï nõ tø tøa i Lajar, doobaig ðoosïn roa. A to ber ta kujt lo de kï ngenya. 21Þoo ðaa ngãi ad ndig kï n'sa bud nyag'n ndï tuson dø tablet lo ngenya'n non. Bisïg ðen ða tonïn ta doobaig kï roat. 22Na ngendo ðe oi, malaikag unïn na kï dõ awïn sia kad Abrahamt. Ngenya ðe oi ho ad duwna. 23Ngenya aw kam lot kï koo. Nyakïto ndï ðaa, un kumïn kï dõ oon Abraham kï sãi nu kï Lajar kadat. 24Un ndin kï dõ kon an: Bøwm Abraham, oo kum kïlo to ndot. I la Lajar ad la ta kon jin kam mant sølïn ndom kïta m'ngah kõ ngãi kam horrt 'nten. 25Na Abraham el an: Ngonïm ad kami gah dø, lon i ndïn kï døi dõ þaitø ye, i ngah nyamajg, na Lajarr taa ne, ngah kõ ngãi, na tajigla ngah sølkam, na î taa ne, nya kïta ndï ðai. 26Kï tøi nyag'n non tube hoolþe kïwo kïþing to kïnajt sesï kïtakad îgïn ndig gangïn ko nëbe kï n'awïn kïrosït a ne, ke ko nu kï n'ðen kï rojt a ne, a asïn al. 27Ngenya el an: M'køi Bøwm, kï i la Lajarr kï ro ngékïþet lo bøwïm. 28Kïtø m'aw kï ngankom mi, kad ug eld ta dø nyagt'n non, kïtakad în tø ðen lo kõt kï ngãi 'nten al. 29Na Abraham el an: Ngankõig ndïn kï Moij kï ngékelta kï ta Luwaht nõ, kad oon døta lod. 30Na ngenya el an: Ãã Bøwm Abraham, na îla de mad þai ku ngékoit aw rodt a ne, a tørrïn ndid. 31Abraham el an: Îla oon døta lo Moij kï ngékelta kï ta Luwaht al a ne, ke de mad þai ku ngékoit kaa ne, a adïn dum død al.
Currently Selected:
Luk 16: MB80
Highlight
Share
Copy
Want to have your highlights saved across all your devices? Sign up or sign in
BIBLE MBAÏ © 1980 Alliance Biblique du Tchad.
Luk 16
16
Terrta dø ngørøkïlat kïmajal
1Jeju el ngéndoog lon an: Tag maði de mad kï ngenya ndï nõ. De'n non aw kï ngørøkïla. Deg unïn dø ngørøkïla ro ngeat dø nujt'n ndï nuj nya ngah loa. 2Ngea kuna kï ront, ndïjea, ke girr ta kï n'oo døat i ði a? Ela kï dan kørr kïla koogo nyag kï jiat, kïta asï ndï kam kïla ngørøkïlat gog al ta. 3Ngørøkïla el kamïnt an: Ka m'ða ði a? Ngeem a tuþam kam kïla koogo nyagt kø; m'oo tøgïm kï m'am ndøøn al. M'ndï m'ða rosøl kad m'kø nya. 4El an: M'ger nya kï m'am ða kïtakad lon ørrïmïn kam kïla koogo nyagt a ne, kï m'ngah deg'n a hømïn kï rodt kam kujt lod. 5Kun ngégirrag lo ngen kïða kïða kï ront, el kïdasa an: Gïrra lo ngeem kï døit i bãi a? 6Kï dasa tur an: Ku yib þu. Ngørøkïla ela an: I ndï ber kanangbe un maktub loi i ndangt dømi. 7Kamla ndïje kïmad an: Î tø gïrra kï døit i bãi a? De'n non tur an: Kamnyako þu, ngørøkïla ela an: un maktub gïrra loi i ndangt døjijoo. 8Bïraþe lo ngørøkïla kï ngeða nya kïdenesew al'n non hita kïta ða kumtøg, kïta deg kï kaglot'nðan awïn kï kumtøg tøin ngan kunjg. 9Jeju el tø an: M'ndï m'elsï, maj kad i høn namg kïtatøsï kïtakul nyamajg kï døningt, kïtakad lon nyag'n non goton jisït a ne, deg'n non a høsïn kï rodt kï lo kam ndigt kï to mbãkïnõt. 10De kï ngeðanya kïro kam nyat kï tëbe, a i de kïro kam nyagt kïbo, na de kï ngeðanya kïdenesew al kam nyat kï tëbe a ne, a i ngeða nya kïdenesew al kam nyat kïbo ho.
11Kïtø 'nten îla în ngeða nya kïro al dø nyamajgt kï gootal a ne, nõ a la nyag kïrota jisït a? 12Na îla în ngeðanya kïro dø nyat'n i lo de mad al a ne, nõ a adsï nyag'n i losï a? 13Ngekoogokuj asï ða þer lo bïraþeg joo al; a mbet kïkïða, na a tar kïmad, ke a hø kïkïða, na a kid kïmad. În tø asïn ða þer lo Luwah kï nyamajgt tu al.
Ta madg'n Jeju el
(Oo Mat 11:12 teen 13; 5:31 teen 32; Mrk 10:11 teen 12)
14Parisïg tø, în ngétar nar oon dø tag'n non tube na telïn Jeju nya got. 15Jeju eld an: I ndï ðan rosï tit deg kïdenesew nõ degt, na Luwah ger ngarkamsï þet, kïta nya'n deg ndï tøin na ye, a i nya kï kid nõ Luwaht. 16Mberkïnda lo Moij kï tag kïndang lo ngékelta kï ta Luwaht ton mbã kaglot lo Jã kï ngeða baptem deg. Kaglot'non la mbã tajigla kï ndï kï la mber hoita kïmaj lo kõþe Luwah na dekïðen sah lo kandt kï lo ngetøgt. 17Kïtø õ al kad dørã kï døning tøin kø, tøi kad ngon merke kï du tëbe kïða kam mberkïndat to kïkanj tøl kona. 18Dekïðen'n tuþa nën, na taa kïðang a ne, ndï ðaa ngaw ta ða, na în taa dekïdë'n ngawa tuþa a ne, i ngaw la ndï ðaa ta ða ho ye.
Ta lo de kï ngenya, kï Lajarr
19Tag maði de mad kï ngenya ndï nõ a la kub kï kïðe worwor kï lin kï søl lomlom a oo maj ron, a sanya kïmaj maj kïndøgndøg. 20Ngendø mad ndï nõ tø tøa i Lajar, doobaig ðoosïn roa. A to ber ta kujt lo de kï ngenya. 21Þoo ðaa ngãi ad ndig kï n'sa bud nyag'n ndï tuson dø tablet lo ngenya'n non. Bisïg ðen ða tonïn ta doobaig kï roat. 22Na ngendo ðe oi, malaikag unïn na kï dõ awïn sia kad Abrahamt. Ngenya ðe oi ho ad duwna. 23Ngenya aw kam lot kï koo. Nyakïto ndï ðaa, un kumïn kï dõ oon Abraham kï sãi nu kï Lajar kadat. 24Un ndin kï dõ kon an: Bøwm Abraham, oo kum kïlo to ndot. I la Lajar ad la ta kon jin kam mant sølïn ndom kïta m'ngah kõ ngãi kam horrt 'nten. 25Na Abraham el an: Ngonïm ad kami gah dø, lon i ndïn kï døi dõ þaitø ye, i ngah nyamajg, na Lajarr taa ne, ngah kõ ngãi, na tajigla ngah sølkam, na î taa ne, nya kïta ndï ðai. 26Kï tøi nyag'n non tube hoolþe kïwo kïþing to kïnajt sesï kïtakad îgïn ndig gangïn ko nëbe kï n'awïn kïrosït a ne, ke ko nu kï n'ðen kï rojt a ne, a asïn al. 27Ngenya el an: M'køi Bøwm, kï i la Lajarr kï ro ngékïþet lo bøwïm. 28Kïtø m'aw kï ngankom mi, kad ug eld ta dø nyagt'n non, kïtakad în tø ðen lo kõt kï ngãi 'nten al. 29Na Abraham el an: Ngankõig ndïn kï Moij kï ngékelta kï ta Luwaht nõ, kad oon døta lod. 30Na ngenya el an: Ãã Bøwm Abraham, na îla de mad þai ku ngékoit aw rodt a ne, a tørrïn ndid. 31Abraham el an: Îla oon døta lo Moij kï ngékelta kï ta Luwaht al a ne, ke de mad þai ku ngékoit kaa ne, a adïn dum død al.
Currently Selected:
:
Highlight
Share
Copy
Want to have your highlights saved across all your devices? Sign up or sign in
BIBLE MBAÏ © 1980 Alliance Biblique du Tchad.