Luk 19

Ta lo Jeju kï Jaka

1Jeju and kam þebo Jerikot tøit kï njan dõ. 2De mad ndï nõ, tøa i Jaka; i bïradø ngétirrdønyag, i ngenya tø. 3De'n non a sah kï n'oo Jeju, ke i nõ a? Na asï al kïta i de kï gøj, na deg koosïg în nõ. 4Taa ne, ãi kete, al dõ kag mbaiþoodt mad kad kï n'oo Jeju, a tøi kï ðob'n non. 5Lon Jeju tee lot'n non ye, oo lo kï dõ ela an: Jaka i ða kanangbe i ðisï. Kari na m'a m'ndï þe loi þone. 6Jaka ða kï dõt, hø Jeju kï ront. 7Deg tube'n oon nya 'nten ye, nyurïn ta anan: Aw hø lo ro det kï ngeðamajal. 8Na Jaka ða nõ Bïraþet el an: Bïraþe oo m'a m'ad gaj nyamajg lom ngéndog; îla m'taa nya ði lo de mad kï lo goolt a ne, m'a m'tel m'ada kïðang døt nja søø. 9Jeju ela an: Þone kaj and kam kujt'n ðan, kïta de'n ðan i ngon Abraham ho. 10Kïtø Ngon de ðe kï'n sah nya kï nãi kï n'aja tø.

Terrta dø nar l'ørt

(Oo Mat 25:14 teen 30)

11Kamla lon deg ndï oon dø nyag 'nten þaitø ye, Jeju eld terrta mad døt, kïta în nderrbe kï þebo Jerusalem, na deg oon anan kõþe lo Luwah a tee høi tentenbe. 12Kïtø 'nten el an: De mad kï ngon ngeþe aw mbah dø þet mad kï sãi kad kï ndana ngart, na kï n'tel. 13Kun þerg lon kïlah kï ront ad'd nar l'ør kïða kïða, na eld an: I ðan ne gat mbã m'tel. 14Na deg lo ngon ngeþe'n non ndïgïna al, ad lan kïla goat anan: Kï ndig kad õþe døjt al. 15Na lon ndana ngart woi ye, tel ðe gog, el kad kunïn þerg'n non îgïn ad'd nar, ad kï n'oo nya kï ngahn døt lo ða gat't. 16Kï dasa ðe nõat el an: Bïraþe nar l'ør loi tee nar l'ør kïlah døt. 17Ngea ela an: Mersi, î þer kïmaj; kïta i ngeðanya kïro dø nyat kï tëbe, m'a m'adi õþe dø þet kïlah. 18Kï ngekõjoo ðe ela an: Nar l'ør loi tee nar l'ør mi døt. 19Ngea ela an: Î tø õþe dø þet mi. 20Kïmad ðe an: Bïraþe, oo gursï l'ør loi, m'ndom kï ta kub, m'yaro yuk. 21M'þool kïta î de kï ngang ngãi i ndï un nya kï i nda al, i ndï i ja nya kï i dub al. 22Ngea tura an: Kï ta kï tait la m'a m'gangïn ta døit ye, î þer kïmajal. I ger mî kï ngang ngãi, m'a m'un nya kï m'nda al, m'am ja nya kï m'dub al. 23Kïtøði awïn kï nar lom dam nart al a? Kïtøkad lon m'tel m'ðe a ne, m'taa kï mana døt al a? 24Kamla ngea el deg'n ðan lot'n non, an: I taan nar l'ør'n non jiat, adïn de'n ndï kï nar kïlah. 25Deg'n non elïna anan: Bïraþe de'n non ndï kï nar l'ør kïlah ale? 26Ngeþerg el an: M'ndï m'elsï dekïðen kï ndï kï nya a ne, a adïna døt, na de kï nya loa goto a ne, mbã nyan ndïn a taan jiat kø. 27Na madngétamg'n non, în ndigïn kad m'õþe dødt al ye, i ðen sed i tølïnd nëbe nõmt.

Deg ðan ronel dø kand Jeju þebø Jerusalemt

(Oo Mat 21:1 teen 11; Mrk 11:1 teen 11; Jã 12:12 teen 19)

28Jeju elta 'nten kamla a ndia nõ degt kad kï n'aw þebo Jerusalemt. 29Lon tee nderrbe kï þet kï Betpaje, kï þe Betani kad mbalbot kï a kunïna Mbalbo kag birgt ye, Jeju la ngéndoog lon joo, 30an: Awïn kam ngon þet'n ða nõsït nõ. Lon a andïn kam þet a ne, a i ngahn ngon korro kï dø, în de þai døat nja kïða al þaitø. I tutïn na i ðen sia. 31Na îla de mad ndïjesï an: Kïtøði i ða i tutïn na ne a ne; a i elïna titbe: Bïraþe gea. 32Ngéndoog'n Jeju lad ye awïn, ngahn korro tit'n elïn nõ. 33Ða tutïn korro þaitø la ngéag elïnd anan: I kïtøði i ða i tutïn ne ngon korro a? 34Turïn anan Bïraþe gea. 35Ørrïn ngon korro ðen ne ro Jejut, ün kubg lod døat, adïn Jeju ndïdøt. 36Lon ndï aw ye, deg najïn kubg dø ðobt. 37Lon ðe nderrbe kï þebo Jerusalem, ad i lon ðob ðisït kï ber dø mbalbo birgt ye, koosï ngéndoog loa tube, mbã girr ða ronel a ndubïn Luwah kï ndid kïbo kïta kïlag kï yaya'n Jeju ða ad oon nõ, 38anan: Ngemajkurr la i Ngar kï ngeðe kam tø Bïraþet ye. Lapia kï kam dørãt dõ, køsïgon kï dø Luwaht kam lot kï tøi tøi kï dõ.

39Parisï madg ku degt elïn Jeju anan: Ngendoo deg i ndáng ngéndoog loi.

40Jeju tur an: M'elsï ke îgïn non nyan tad kaa ne mbalg a kon.

Ta õ kam Jeju ad nõ kïta tuj kï a tee dø þebo Jerusalemt

41Lon Jeju ðe tee nderrbe kï þebo Jerusalem ye, la kumïn dø þet, kamla ørr kï nõt an: 42Maj kad gerïn nyag'n sumba kad ngendït ðan kad lapia ton'tit. Na tajigla în kïyaro kumsït. 43Kïtø ndøg a þa son sei lon madngétaig a urrïn þe gugïn ne døi, a utïn kï kamt a ngomïn døi kïbøg lo kï ðen, 44a øsï lain, døningt kï deg kï kamit be, a nyan mbal mad dø mbalt mad kamit al. A ðan titbe kïta i ger dø nãh'n Luwah ðe geni tit al.

Jeju aw kam kuj ndub Luwaht

(Oo Mat 21:10 teen 16; Mrk 11:15 teen 18; Jã 2:13 teen 17)

45Jeju and kam kuj ndub Luwaht, mbagirr tuþa îgïn ndï ðawïn nya, kï îgïn ndï ndugon nya tit. 46El an: Ndangïn kam Maktubt anan: Kuj lom i kuj ndub Luwah. Na i telïna bulo to þogg kï ngékumðob. 47Ndï ndoo deg kam kuj ndub Luwaht kïndøbagbe. Na ngéjamosïkadkari kï kïbog, kï ngéndang Maktubg lo juipg sah'n kï'n tølïna kø, 48na ngahn ðob ða al kïta deg tube ndï ngoona keðëngë kad n'oon dø ta loa.

Currently Selected:

Luk 19: MB80

Highlight

Copy