Luk 22
22
Kïbog lo juipg sahn ðob tøl Jeju
(Oo Mat 26:1 teen 16; Mrk 14:1 teen 16)
1Ða nah bïnã kïkanj berrkasï kï a kunïna Pakï i nderrbe. 2Ngéjamosïkadkari kïbog kï ngéndoo Maktubg sahn ðob kï'n tølïn Jeju, na ndï þoolïn deg.
Judas ndig la Jeju ji madngétaagt
(Oo Mat 26:14 teen 16; Mrk 14:10 teen 11)
3Judas'n tøa kïmad i Iskariot, i kïkïða ku ngéndoogt kïkïlah gidaijoo lo Jeju. Sitan and kamat. 4Titbe aw, øj ta kï ngéjamosïkadkari kïbog, kï bïradø ngéðøøg îgïn în ngéngom kuj ndub Luwah dø nyat'n n'an ða kad'n lan Jeju jidt. 5Deg'n non ðan ronel døt, unïn kød adïna anan: J'a j'adi nar.
6Judas ndig døt, aw sah ðob kad'n lan Jeju jidt kïkanj kad deg gerïn.
Jeju el ngéndoog lon kad ðan go Pakï
(Oo Mat 26:17 teen 29; Mrk 14:12 teen 25; 1 Kor 11:23 teen 29)
7Ndø ða nah bïnã kïkanj berrkasï ðe woi. Kari na a jan ngon bat Pakït ndøt'n non. 8Jeju la Pierr kï Jã an: Awïn, i ðan go Pakï kïtaj, kïtakad kï san.
9Elïna anan: Lo kïðen i ndig kad kï ðat a?
10Eld an: Oon maj. Lon a andïn kam þet ye, de mad a ndødsï, de'n non a to man kï þir. I ndulon goa mbã kï kam kujt'n a andt. 11A elïn ngekuj anan: Ngendoo deg ndïjei: Ke kuj mbahg'n m'a m'sa Pakït tit nat kï ngéndoog lom i ða a? 12A dasï kuj mad kïbo kï dõ, în ðan goa woi; nyag tube în kamt kïta ða nah Pakï.
13Awïn, a kï ngahn nyag tit'n eldïn ye be, ðan go Pakï tit nõbe.
Jeju la girr kawna'n tøa i mburr nam kïhø kï Bïraþe
(Oo Mat 26:26 teen 30; Mrk 14:22 teen 26; 1 Kor 11:23 teen 26)
14Lon døkàd asï woi ye, Jeju ndï ber ta nyasat sed ngombangkïlag. 15Eld an: M'gee ngãi kï m'sa Pakï 'nten nat sesï kamtã la kï m'dai yom kï kõ ye. 16Kïtø m'elsï m'a m'sa gog al ta, mbã kad gïrra kï jeje tee kam kõþet lo Luwah. 17Kamla Jeju taa kop, ða mersi Luwah, na eld an: I taan, 'nten i kegïn na kïnasït. 18Kïtø m'elsï, nëbekïnõt, m'a m'ãi man kand nduu gog al, mbã kõþe lo Luwah ðe kamtã. 19Kamla un bïnã ða mersi hø tet ad'd an: 'Nten i dãrom în adïn kïtasï. I ðan nya 'nten kad i nya ndahkamdøt. 20Titbe tø la un kop go nyasat, an: Kop 'nten i kij kunkø kam mosïmt, în i kï kü kø kïtasï. 21Na oon. Ji de'n a lam ji madngetagt i nat sem dø tablet. 22Kïtø rota Ngon de ndï aw lo koit tit'n Luwah ndan kete. Na beto lo de'n a laa ji madngétaagt. 23Kamla mbangirr ndïjen na kïnadt, ke nõ kudt a ða nya'n non.
Nõ i kïbo tøi
24Gakïna þai dan ngéndoogt lo Jeju kad n'oon ke nõ i kïbo tøi kudt. 25Jeju eld an: Ngarg lo girrdeg kïdangdang ndï õnbe dødt, awïn kï tøg dødt tø. Be kaa ne, ndï geen kad kunïnd ngeðamaj. 26Na în kï i ðan titbe al. De'n i kïbo tøi kusït a ne, kï i tit kï ngon kïdu be; de'n i bïradø a ne, i tit þer be. 27Kïtø nõ i kïbo tøi a? De kïbo tøi i de'n ndï ta nyasat e? Ke de'n ndï ða þer ada a? I de'n ndï ta nyasat ale? Na mî taa ne, mî dansït tit ngeða þer be. 28Îla i høn tøgsï ba sem kam nágt'n namïn a ne, 29mî tø, m'a m'adsï tøg kõþe tit kï Bøwm admïn tøg kõþe ye be ho. 30Kïtøkad a i san nya, a ãin dø tablet lom, kam kõþet lom, a i ndïn dø pong gangtagt kad i gangïn ta dø girr Israelgt kïkïlah gidaijoo.
Jeju elta kete an Pierr a maj ta gerïn
(Oo Mat 26:31 teen 35; Mrk 14:27 teen 31; Jã 13:36 teen 38)
31Simõ, Simõ, oo maj, sitan kø kï'n ngah ta ðob siasï tube tit'n de a sian kum nyako be. 32Na m'kø Luwah kïtai î Pierr, kïtakad kadkam loi du al. Î tø lon i tel kïromt a ne, sumba kad i ða kï ngankõig kad høntøgd bá. 33Pierr ela an: Bïraþe m'ða rom woi kï m'aw dangãit sei, ke koi kaa m'a moi sei. 34Jeju ela an: M'eli Pierr, þone kïnja a ko al þaitø a ne, a i maj ta gerïm nja mïta.
Ða goro kïta ðøø
35Jeju eld tø an: Lon m'lasï kïkanj ngong nar, kïkanj þøl, kïkanj sanja ye, nya mad nalsï a? Turïna anan: Kï nal nya mad al. 36Jeju eld an: Tajigtne de'n aw kï ngong nar a ne, ad un. Titbe tø ngeþøl kï un þøl lon jint ho, na de'n kiyaðøø loa goto a ne, kï ðaw kub lon kø ndugon kiyaðøø. 37Kïtø m'ndï m'elsï. Ta 'nten, în ndangïn kam Maktubt: Tïdana nat kï ngétøidøtag ye, kari na a tølïn taa romt. Kïtø nyag'n Luwah ndah dømt ndïn ta tøl kondt. 38Ngéndoog loa elïna anan: Bïraþe oo kiyaðøø joo la eld an: Asï.
Jeju elta kï Luwah lot kï tøa i Jesemani
(Oo Mat 26:36 teen 46; Mrk 14:32 teen 42; Jã 18:1 teen 2)
39Jeju tee aw dø mbalbo kag birgt kïgo nyabelþet lon, ngéndoog loa ndulon goa. 40Lon tee lot'n non ye, eld an: Elïn ta kï Luwah, i køn ne kïtakad i son al lon násïn.
41Jeju tø ron rodt ðoba wo asï la mbal, øsï gojïn ber, elta kï Luwah, 42an: Bøwm, îla i ndig a ne, un kop 'nten romt kø, na m'ndig kï m'ða kïgo ndigt lom al, na kïgo ndigt loi tã.
43Kamla malaika mad tee høi kï roat ko dõ dørãt, ða ada ngang. 44Kïtø dai yon kam keltat kï Luwah kï rotîn ad tutoa tel tit køwïr mosï kï tuso dodø døningt be.
45Lon þai lo keltat kï Luwah ye, ðe ro ngéndoogt lon, ngahd to þin kïta kamkil. 46Eld an: Kïtøði i to i þin ne a? I þain dõ elïn ta kï Luwah kïtakad i son al lon násïn.
Judas la Jeju ji madngétagt ad høna
(Oo Mat 26:47 teen 56; Mrk 14:43 teen 50; Jã 18:3 teen 12)
47Ða elta þaitø la, deg koosïg ðen. De mad kïða ku ngéndoog kïkïlah gidaijoo'n a kunïna Judas ørrd ta ðob. Ðe nderrbe kï ro Jejut, ðaa lapia njuta. 48Na Jeju ela an: Judas, kï lapia njuta la i ndï lan Ngon de ji madngétagt yo?
49Lon ngéndoog'n ðan gugïn dø Jeju oon nya'n ndï ða nya ye, anan: Bïraþe kaa kï ga kï kiyaðøø? 50Kïða ku ngéndoogt ga mbi þer lo bïra ngejamosï kadkari kïbo ko kõat ga gang. 51Na Jeju el an: Asï ta. Ød mbia yootan.
52Kamla el ngéjamosïkadkari kïbog, kï bïradø ngéðøøg, îgïn în ngéngom kuj ndub Luwah, kï kïbog lo juipg îgïn ðen kï døat ye an: I teen kï kiyaðøø kï gølg tit deg kï ngéhø de kï ngekumðob be e? 53Kï ndøg tube mî sesï nat kam kuj ndub Luwaht, na i sahn ðob høm al. Na kaglo 'nten i kaglo losï kï tøg til.
Pierr maj ta ger Jeju
(Oo Mat 26:57 teen 75; Mrk 14:52 teen 72; Jã 18:12 teen 27)
54Deg'n non høn Jeju, awïn sia þe lo bïra ngejamosï kadkari, na Pierr a ndulo goa ko sãi. 55Lon ðan horr natþet ye, Pierr aw ndï dan degt nõ. 56Þer mad kïdë ooa ndï tuw horr, tørr kumïn kï døat, an: De'n ndïn i sia nat. 57Na Pierr maj ta an: Dekïdë m'ger de'n non al.
58Got gog jenbe, de mad ooa an: Î kudt ho. Na Pierr an: Dekïdïngã, m'gotot.
59Lon kaglo tøi asï døkàd kïða ye, de mad tø hø tan ngang an: Rota de'n ndïn i nat sia kïta i de kï Galilet. 60Na Pierr el an: Dekïdïngã m'ger ta'n i ða el al. Tentenbe lon ndï elta þaitø kïnja kø. 61Bïraþe mbel, la kumïn dø Pierrt. Pierr tø ga kamïn dø tat'n Bïraþe ela, an: Þone kïnja a ko kete al, na a i maj ta gerïm nja mïta. 62Tee aw nõ kï n'oi.
63Deg'n høn Jeju ye, ða ølïna, ða tïndana. 64Ndomïn kuma, na ða ndïjena anan: I ndø ndil, nõ ndai a? 65Elïna ta kï mal madg ngãibe tø.
Jeju ða nõ ngékoogotagt
(Oo Mat 26:59 teen 66; Mrk 14:55 teen 64; Jã 18:19 teen 24)
66Lon loti woi ye, þut kïbog lo deg sed ngéjamosïkadkari kïbog, kï ngéndoo Maktubg kawïn na kïnat, ad ðen kï Jeju nõ ngekoogotagt lod. 67Elïna anan: Îla î Krist a ne, elj. Na Jeju eld an: Ke m'elsï kaa ne, a i admïn kamsï al. 68Na îla m'ndïjesï ta mad a ne, a i turmïn al.
69Nëbekïnõt a oon Ngon de ndï ko jikõ tøg Luwaht. 70În tube anan: Ad î Ngon Luwah a? Eld an: Î elïn anan i mî.
71Kamla anan: Kï gee naj kï ma mad kïðang gog tø al. Jî kïdøj j'oo ta kï taat.
Currently Selected:
Luk 22: MB80
Highlight
Share
Copy
Want to have your highlights saved across all your devices? Sign up or sign in
BIBLE MBAÏ © 1980 Alliance Biblique du Tchad.
