Luk 8

Dekïdëg'n ðan kï Jeju kï nyag lod

1Gog got, Jeju a lago þebog kï nganþeg a la mber hoita kïmaj lo kõþe lo Luwah, ngéndoog loa kïkïlah gidaijoo în nat sia, 2kï dekïdë madg în Jeju ajd ji ndilgt kï majal, na yootd dø rotogt kïdangdang, ad i Mari'n hã a kunïna Madelen, în ndil kïmajalg tanãimïta teen kamat kø, 3kï Jan kï në Sujas în i ngombangkïla lo Herod kï Sujan kï kïmadg ngãibe îgïn ðan kï Jeju kï ngéndoog loa.

Terrta dø ngeduw nyat

(Oo Mat 13:1 teen 23; Mrk 4:1 teen 25)

4Deg þain kï þeg kïdangdang ðen nõ Jejut, na lon deg koosïg kawïna kï roat ye, Jeju eld terrta 'nten. 5Ngedubnya tee kad kï'n duw nyako. Lon ða duw nya ye, kumnya madg tuson dø ðobt, ad deg þan død, na yelg kï dõ ðe õn. 6Kïmadg tuson dø mbangt, lon þan ye, ndulon kïta, ning kï søl goto. 7Kïmadg tuson dan kon'gt, kon'g tøgïn sede nat, utïn død. 8Kumnyag'n tuson døningt kïmaj, þa tøgïn, andïn kand'd kïðang þu. Got'n hã elta 'nten ye, un ndïn kï dõ kon an: De'n ndï kï mbin kïta koo dø a ne, kï oo dø.

Jeju ørr girr terrta

(Oo Mat 13:18 teen 23; Mrk 4:13 teen 20)

9Ngéndoog loa ndïjena anan: Girr terrta 'nten i ði a? 10Eld an: În taa, adsïn kï i gerïn tag kïmund lo kõþe lo Luwah, na ndeg deg a gerïn kï terrta tã; kïtakad oon ta koo, na kï oon al, kï oon dø ta koo, na kï gerïn girra al. 11Girr terrta kaa nõ la ten: Kumnya i ta lo Luwah. 12Kumnya kï dø ðobt la i îgïn ndï oon dø ta kamla, sitan ðe gaw ta kï kamdt kø, na þeta adïn kamd ajïn ne, 13kï dø mbangt la i îgïn hã lon oon dø ta, na taan kï ronel; deg'n non ngïrad goto adïn kamd kaglo tëbe, na lon nánd ye, telïn kïgog. 14Kumnyag'n tuson dan kon'gt ye, øj dø deg'n ndï oon dø, taan ta, na soolg, kï nyamajg kï koomajrog kï kaglo ndït kï dø dõ 'nten utïn død, ad andïn kïjaraw al. 15Kumnya kï tuso døningt kïmaj ye, øj dø deg'n oon dø ta kï kam kïro kïmaj, ndï ngomïn mbã teen kï kand'd.

De a nda lamba girr ngot al

(Oo Mrk 4:21 teen 26)

16De kï a ndah horr lambat kamla ut døa kïjoo, ke ndaa girr tïrat goto. A ða titbe al, na a ndaa dø kag nda lambat kïtakad deg'n ndï andïn kuju oon kunja. 17Kïtø nya mad kï lo yarot goto, nyag tube a ton kï tïga doo ta kum degt, nya mad kï lo mundt kaa goto, na a i kï teekïdø. 18Kïtø 'nten oon maj tit'n i ndï oon ne dø kïta dekïðen kï ndï kï nya a ne, a adïna døt; na de'n ndï kï nya al, mbã nya'n oo an i lon kaa ne, a taan jiat kø.

Ta lo Jeju kï ngankõa

(Oo Mat 12:46 teen 50; Mrk 3:31 teen 35)

19Kõ Jeju kï ngankõa kïdïngã ðen roat, na asïn tee roat al, kïta koosïdeg. 20Elïna anan: Kõi kï ngankõi kïdïngã ðan tïga nõ ndigïn kooi. 21Jeju turd an: Deg'n ndï oon dø ta lo Luwah, na ndï ðan got tø la în kom kï ngankomg ye.

Jeju ndáng nélbarwãi ad lo to lom

(Oo Mat 8:23 teen 27; Mrk 4:35 teen 41)

22Ndø mad kam ndøgt'n non Jeju and kam toot mad nat kï ngéndoog lon: Eld an: Ad kï gangïn bahbo gid ko nu. Øsïn too, na awïn. 23Na lon ndï awïn þaitø ye, þi ða Jeju. Nel barwãi kïbobe þai dø bahbot, ad man ndï ðoosï too, ndïn ta koit. 24Ngéndoog ðen ro Jejut ndoolïna anan: Ngendooj, Ngendooj tamj ndï tî, Jeju ndool, ndáng nel kï hul man ad dïban, lo to loi. 25Kamla el ngéndoog lon an: kadkam losï i ða? Taa yad biw ad þool ðad, elïn na anan: De'n ndïn ye, i nõ? Elta a ne, nel kï man telïn rod gotat loa.

Jeju tuþa ndil kïyerr kø kam det kï døning Gerasa

(Oo Mat 8:28 teen 34; Mrk 5:1 teen 20)

26Awïn kam toot mbã teen døningt lo deg kï Gerasa, i gid bahbot sumban na kï Galile sew. 27Lon Jeju ud kï ber ye, de mad kï þet'n non ndøda, ndilg kïmajal'n kamat. De'n non la kub ront al asï ndøg ngãibe, gee ndï þe al, na ndaþe kam døþadgt kï kam bulo mbalgt tã. 28Lon oo Jeju ye, ko bang so nõat, elta kï ndin kïbo an: Jeju Ngon Luwah, Ngetøitøi, ði gom nat sei a? M'køi kï i ða sem nya kï to al. 29El titbe kïta Jeju el ndil kïyerr kad tee kamat kø. Ndil kïyerr'n non hø de'n non kï nja natnatbe. Deg døna kï jinjir ninga njaat, ndan deg døat titbe kaa ne, tuþa jinjirg gang, na ndil kïmajal tuþaa kï tïga kam logt kï kam mut. 30Jeju ndïjea an: Tøi i ði a? El an: Tøm i lejion ad i koosïg, el titbe kïta ndilg kïmajal andïn kamat ngãibe. 31Køøn Jeju kï rotîd kad ndad mber ad n'andïn kam hoolþet kï døboia goto al. 32Þut boor koosïg kï ngãi ðan lot'n non, ða san nya dø doorlot, ndil kïmajalg køn Jeju kï rotîd kad nyad ad n'andïn kam boorgt'n non. Jeju nya ta ðob ad'd. 33Ndilg kïmajal teen kam det'n non kø, andïn kam boorgt. Þut boorg tube hurïn ngød doorlot kï hoollot, tuson kam bahbot, ad oin kam mant. 34Lon ngékuldg oon nya'n hã ða nya ye, ãin na a ørrïn hoia kam þebot, kï nganþeg. 35Deg teen kï n'oon nya'n ða nya nõ. Ðen ro Jejut ngahn de'n ndilg kïmajal teen kamat kø, ndï ber nja Jejut kï kubg ront, kuma ja roi, ad þool ðad. 36Deg'n oon nya'n ða nya ye, ørrïnd hoi kaj'n de'n ndilg kïmajal'n kamat maði aj. 37Deg kï døningt lo Gerasag tube køn Jeju kad þai døningt lod kø kïta þool tøld søkïrr. Jeju and kam toot tel kïgog. 38Na de'n ndilg kïmajal teen kamat kø ye, køa kï rotîn kad nyan adïn ndï sia. 39Na Jeju tel ela an: Aw þe loi, ørrd hoi nya'n Luwah ða sei. De'n non aw la mber ta nya'n Jeju ða sia kam þet lon tube.

Ta lo ngon Jairus kï lo dekïdë'n ød kub lo Jeju yootïn

(Oo Mat 9:18 teen 26; Mrk 5:21 teen 43)

40Lon Jeju tel gang bahbo ko nu ye, koosïg høna kï rodt kï ronel kïta în tube ndï ngoona. 41Kamla de mad, tøa i Jairus ðe, i kïbo kï kuj kawnat lo Juipg. De'n non so kï nõ Jejut køa kï rotîn kad aw þe lon. 42Kïtø ngona kïdë kïkïðabe'n þala asï kïlah gidaijoo to ta koit. Lon Jeju ndï aw ye, koosïdeg a rumbona. 43Dekïdë mad'n mosï üa þal kïlah gidaijoo, tïndah nyag kï jint tube tî kø ro ngekîgt, titbe kaa ne, ngah lapia ro det mad al. 44Dekïdë'n non ðe ko gid Jejut, ød ta kub loa, tajigt mosï'n üa ye, gangtan. 45Jeju el an: Nõþai ødïm a? Lon deg tube majïn ye, Pierr el an: Ngendooj, deg koosïg'n gugïn døi, la ða rumboin ye. 46Na Jeju el an: De mad ødïm kïta m'oo tøg tee romt. 47Lon dekïdë oo dum kad ya døn ye, þool ðaa ad roa ndad yat't, so kï ber nõat, elta nõ deg tube dø nyat'n ða nya, ad øda'n nõ, kï yoot'n yoot tajigt nõ.

48Na Jeju ela an: Ngonïm kïdë, kadkam loi aji, aw kï lapia. 49Lon ða elta þaitø ye, de mad ðe ko þe lo kïbo dø kuj kawnat lo Juipg an: Ngoni kïdë oi woi, ot kad ngendoo deg ør kïndang.

50Na Jeju oo døta 'nten, el kïbo dø kuj kawnat lo Juipg an: Ot þool, na adkami kïðabe koon, na a aj kari.

51Lon tee þe ye, nya de kïða, ad and sia al, na Pierr, Jã kï Jak kï bøw ngon kïdë kï kõa koon. 52Deg tube ndï non, ndï gan gud kï tøa, na Jeju el an: Ot nõ, na oi al, na þi la to þi ye.

53Na gona raka, kïta gerïn koia þet. 54Kamla Jeju hø jia kun nya kï ndin kïbo an: Ngonïm i þai. 55Ndila tel ðe roat gog ad þai tajigt. Jeju eld kï adïna nyasa. 56Ta ya ngékoojag biw. Jeju ndad mber kad elïn de mad nya'n ða nya nõ al.

Currently Selected:

Luk 8: MB80

Highlight

Copy