2 oKorotiyawa 7
7
1Ayene hin moshi, Kpiri ko okoyi mani Owuso she daha la. Mani oni, an yiyika na sho oza kpiri ni ya yi ikpiye kpo omaku kaha yishi ni. Kweyi an wase sere kpiri-kpiri bwebe ko geyagye do Owuso.
Otunehe ko Obulus
2Ala yaha tipu kotu kala. Aha ya ashishe ozalabi lo; aha ya ashishe yishi lo; ake gyashishe egya lo. 3Nka mani koya ala ishi lalo; koni, byoni nkwobonu ka, Ala bipu kotu ka ishi kpiri, ko owoni abiyi kwe agekwu. 4Nyya totu sala; nyya gwabotu kpala! Ipu ko owe moma ka kpiri ala tumotugbagba; nyya shotunehe nwashika.
5Koni ishini awo Omasedoniya ni, aha ke minyo lo. Owe moma yebebenya, ase ashini ba gbapwo, oshi yaha kwu. 6Owuso ni ke ya tawo byotu otugbagba ni, otahotugbagba bwebe ko owowa ko Otitus. 7Owowa nu fufunu pini tahabo lalo, oshu ni obiwa mala totugbagba ni ki tahotugbagba mamani. Oka daha mala ba yimu ko mun, omala ba byotu kotata ikweyi hin, kweyi ba zokwunu hin; mani oni otu hin nwonwu kpo otunehe anani.
8Owoni okpa ni ntoleho ni yotu kala bya, nzobigye ko ta lo. Nbi ya zobigye koni nmo byalotu kishi gbayayi ni. 9Anani ke nshotunehe, ikweyi koni nyyotu kala bya ni lalo, koni otu byobya kala yala shagbotu ni la. Owuso yoko kpo otubyobya mani, mani oni ayala ofo kojije lo. 10Koni Otubyobya ni wa ko Owuso ya yase ya shagbotu ni ya dase olayi ni, otubyobya mani gbo obigye lo. Otubyobya kese mani ke ya byikwu wa. 11Mo oza ni Owuso ya kpotu byobya kala mani: oyala zo kpigiga lo, oyala ba yimu ko sayi mala gbepwo lo! Oyala yanya ki ba yoshi, oyala dotose, oyala ziyikala danu, oyala ba yimu ko yoza gyogye, Ipu koza mani kpiri ala shami mala yojoji gyogye ipu kela mani.
12Mani oni, ntokpa oni dala ikweyi kaseni ni yo ozalabi kwe aseni ayo ozalabi ni lalo. Nke ta shini ala gye mala ziyikala daha kotata ebe ko Owuso. 13Ozani tahotugbagba ni oma.
Atahotugbagba kin lalo; Otitus yaha shotunehe ikweyi ko otunehe nu ni kpiri kala tabo ko kanotu agye ni! 14Ngwabotu ikweyi kala danu, kweyi ala ke tumiweyi lo. Byoni ojoji ni aka dala wokwokwoshi ni, mamani ojoji ni agwabotu do Otitus ikweyi kala ni wokwokwoshi. 15Kweyi imu ni ogbo dala ni ki shakikyikyo, ishini ora mo kpiri kala ba geyagye dela nu ni, ni ala yomaba kpo oshi kpi ikpiye sode ni. 16Nshotunehe ni nyya gege ko yotu sala kpiri-kpiri!
Currently Selected:
2 oKorotiyawa 7: ALA
Highlight
Copy
Compare
Share
Want to have your highlights saved across all your devices? Sign up or sign in
THE WORD FOR THE WORLD INTERNATIONAL, THE WORD FOR THE WORLD NIGERIA