Ta Kəla gír yá̰a̰ gə̄ 37
37
Najə̄ yā Jəjep
(37-50)
Nī rāā Jəjep
1Jakob ndi i dɔ nang kə́ Kanaan tə́, loo ń bɔbə̄n i mbā tū tə́ kété tə́ ní. 2Gotə najə̄ yā ngán Jakob gə̄ n toó: Jəjep rāā ɓāl̄ kutə gidə i sīrí anī aw̄ kə yá̰a̰ kul̄ gēé dɔ mu tə́. Nin̄ i naā tə́ kə ngán Bila gə̄ ō, ngán Silpa gə̄ ō. Bila ō, Silpa ō, i nə̄yá̰ bɔbə̄n gə̄. Jəjep reē kə najə̄ kɔr̄ ngákó̰o̰n kə́ majaĺ gēé əda bɔbə̄də́. 3*Israel tár Jəjep tɔȳ gotə ngánən gə̄ malang tɔdɔ̄ ni ojən i dɔ ɓə́gan tə́. Adə̄n kūbə̄ kə́ majə ngá̰ý kə́ ɓálən i ngá̰ý adə̄ əla rɔ̄n tə́. 4Ngákó̰o̰ Jəjep gə̄ a̰a̰n̄ kadə̄ bɔbə̄də́ tárən tɔȳdə́ nin̄ malang adə̄ nin̄ imə̄nən̄, asən̄ kɔr̄ najə̄ seneé kə kemdə́ kə́ sɔl̄ lɔmɔɔ́ alé.
5Ndɔ̄ kógə̄ḿ tə́ nī rāā Jəjep. Ni ɔjə ngákó̰o̰n gə̄ gotə anī nel̄də́ seneé aĺ tɔȳ kə́ kété ɓáý. 6Ədadə́ na:
Ōōī nī ń rāām̄ ní: 7Jə-nda j-a jə-tó̰ō̰ī dɔ kōō kem ndɔrɔ́, anī dɔ do̰ō̰ kōō yāḿ ḭḭ ra dɔɔ́, ba dɔ do̰ō̰ kōō yāsí gə̄ reē gīrə̄n̄ gidən ō, ɔsən̄ nodə́ nang tə́ non tə́ ō.
8Ngákó̰o̰n gə̄ dəjenən̄ na ké a sāā ndi mban̄g yā ko̰o̰ń ɓē dɔdə́ tə́ wa. Adə̄ imə̄nən̄ tɔȳ kə́ kété ɓáý tām̄ nī ń rāān tə́ ní ō, tām̄ najə̄ kɔrə̄n tə́ ō.
9Nī kə́ rang rāān ɓáý, anī ɔjə ngákó̰o̰n gə̄ gotə, əda na:
Nī kə́rēý rāām̄ ɓáý. Mbang ō, nāā ō, tə́yō̰ gə̄ kutə gidə i kógə̄ḿ ō, ɔsən̄ nodə́ nang tə́ noḿ tə́.
10Ni ɔjə bɔbə̄n gotə nī ní ō anī, bɔbə̄n gákə̄n əda na:
Kum nī ń rāāī ní na i rí? I kadə̄ mā ō, kó̰ó̰í ō, ngákó̰ó̰í gə̄ ō, kə jə-reē kə j-ɔsə nojí nang tə́ noí tə́ a?
11Ngákó̰o̰n gə̄ əndānən̄ ni ba bɔbə̄n tá ngɔ̄m̄ najə̄ ní kemən tə́.
Ngákó̰o̰ Jəjep gə̄ igən̄ seneé
12Ngákó̰o̰ Jəjep gə̄ aw̄n̄ Sisem kə yá̰a̰ kul̄ gēé dɔ mu tə́. 13Anī *Israel əda Jəjep na n-sāā kəlan gō ngákó̰o̰n gə̄ ń aw̄n̄ Sisem kə yá̰a̰ kul̄ gēé dɔ mu tə́ ní. Anī Jəjep ndigə əda na:
Mā n toó, ə́lam̄.
14Israel ədan na kə aw̄ kə a̰a̰ ngákó̰o̰n gə̄ ké ton̄ karī ō, ké yá̰a̰ kul̄ gə̄ ton̄ karī ō wa, ba kə tél kə reē kə ədan kōōdə́.
Israel ndi i wól loo kə́ Hebron tə́ n əlań Jəjep ní, adə̄ Jəjep ḭḭ aw̄ Sisem. 15Deē kógə̄ḿ əngen loo dáȳ tə́ kem bembeé anī dəjen na ké a sāā i rí wa. 16Jəjep tél ədan na n-sāā na i ngákó̰o̰n gə̄, n-rāān ɓɔ́ ba kə ɔjən loo ń aw̄n̄ tū tə́ kə dā̰ yādə́ gēé ní. 17Deē ní ədan na ndɔ́tə̄n̄ kɔ̄ɔ́, na n-oō najə̄ kɔr̄də́ ní ədan̄ na kə n-aw̄n̄ dām̄ kə́ Dotan tə́.
Jəjep aw̄ gō ngákó̰o̰n gə̄ tə́, aw̄ əngedə́ Dotan. 18Ngákó̰o̰n gə̄ a̰a̰nən̄ sa̰y ɓáý anī, oōn̄ naā yā tɔ̄lən pá tá kadə̄ ugə̄ rɔ̄də́ tə́. 19Ədan̄ na nge nī ngeé na a reē noó, 20kadə̄ kə n-tɔ̄l̄nən̄ kə n-ənīnən̄ bəlo taā man̄ ndī kógə̄ḿ tə́, ba kə n-ədan̄ na dā̰ kə́ do̰ kə́rēý na əsan kɔ̄ɔ́, na n-a n-a̰a̰n̄ ké nī yān gə̄ ní ké a rāān̄ yá̰a̰ rɔ̄kum wa. 21Ruben oō najə̄ kɔr̄də́ ní adə̄ sāā kajə Jəjep. Ni ədadə́ na kə n-tɔ̄l̄nən̄ alé, 22kə ɓōkə́n̄ mósə deē nang tə́ alé, kə ənīnən̄ bəlo taā man̄ ndī ń ra kem dəla loo tə́ noō, ba kə lōōn̄ tɔ̄lə̄n. Ni núm̄ i taān jīdə́ tə́ yā kəya̰n kadə̄ tél aw̄ gogə́ rɔ̄ bɔbə̄n tə́.
23Dan ń Jəjep reē ugə̄ rɔ̄ ngákó̰o̰n gə̄ tə́ anī, ngákó̰o̰n gə̄ ngḭ̄n̄ kūbə̄ yān kə́ majə ngá̰ý ní rɔ̄n tə́ ɔrə̄n̄, 24ba ənīnən̄ bəlo taā man̄ ndī kə́ man̄ gətóo kemeé tə́, 25ba tél ndin̄ nang tə́ a əsan̄ yá̰a̰. Nin̄ unən̄ kumdə́ kə̄ dɔɔ́ anī, a̰a̰n̄ ɓūtə̄ ngán Ismael gə̄ kə́ ngé njə̄rā mbā gə̄. Ḭḭn̄ Galaad a reēn̄. Jámbal yādə́ gə̄ ətōn̄ nō kāgə̄ kə́ kotə majə gə̄ kə́ rīdə́ na i adəragantə ō, bomə ō, ladanum ō, yā kaw̄ń kə̄ Ejiptə tə́. 26Anī *Juda əda ngákó̰o̰n gə̄ na ré n-tɔ̄lə̄n̄ ngōkó̰ó̰də́ n-ɓɔ̄ɔ̄n̄ nīnə́n anī, ké n-a n-əngen̄ i rí gírí wa. 27Kadə̄ kə n-igən̄ seneé jī ngán Ismael gə̄ ń noō tə́ ba kə n-lōōn̄ tɔ̄lə̄n, tɔdɔ̄ na i ngōkó̰ó̰də́. Ngákó̰o̰n gə̄ ndigən̄ gōn tə́.
28Ngé rāā gātə̄ kə́ Madian gə̄ a mānə̄n̄ anī, ɔrə̄n̄ Jəjep bəloó, igən̄ seneé taānəń sə́lē kə́ rāā kə gində̄ arjā̰a̰á̰ kutə jōó jī ngán Ismael gə̄ tə́. Ngán Ismael gə̄ aw̄n̄ kə Jəjepé Ejiptə tə́. 29Ruben tél reē ta bəlo taā man̄ ndī ní tə́, anī ənge Jəjep kemeé alé. Ni *rə̄yā̰ kūbə̄ kə́ rɔ̄n tə́ 30ba tél aw̄ rɔ̄ ngákó̰o̰n gə̄ tə́, ədadə́ na ngōn̄ na gətóo kem bəloó ní ké n-a n-rāā i ba̰ý wa.
31Tɔ̄lə̄n̄ bal bə̄yā̰ kógə̄ḿ loo ń noō tə́, əlan̄ kūbə̄ kə́ majə ngá̰ý yā Jəjep ní kum mósən tə́, 32əlanə̄ń adə̄n̄ bɔbə̄də́ ba ədanən̄ na yá̰á̰ ń n-əngen̄ ní n noó, kə əndā ma̰ȳ kə a̰a̰ ké i kūbə̄ yā ngōnə̄n aké i ni aĺ wa. 33Jakob a̰a̰ ger̄, adə̄ əda na:
I kūbə̄ yā ngōnə̄ḿ! Dā̰ kə́ do̰ kə́rēý əhɔ Jəjep rə́yā̰n naā tə́, əsan kɔ̄ɔ́.
34Jakob *rə̄yā̰ kūbə̄ kə́ rɔ̄n tə́ ō, do̰ō̰ *kūbə̄ sákə̄ gírən tə́ ō, ba nōō ngōnə̄n dan i ngá̰ý. 35Ngánən kə́ dəngam gē kə́ dəyá̰ gē reēn̄ rɔ̄n tə́ malang yā sɔl̄ kemən tā, ba ni ɔdə alé, əda na n-a n-nōō na i ngōnə̄n bátə́ yā kaw̄ń gōn tə́ ɓádá, adə̄ ndi a nōō ngōnə̄n.
36De kə́ Madian gə̄ aw̄n̄ kə Jəjepé Ejiptə tə́, aw̄ igən̄ seneé jī Potipar tə́. Potipar i de kə́ mban̄g *Parao̰ ənī kemən adə̄n ō, ni i ngol áskar yān gə̄ ō.
Currently Selected:
Ta Kəla gír yá̰a̰ gə̄ 37: BS
Highlight
Share
Copy
Want to have your highlights saved across all your devices? Sign up or sign in
© 2006, 2010 Alliance Biblique du Tchad
Ta Kəla gír yá̰a̰ gə̄ 37
37
Najə̄ yā Jəjep
(37-50)
Nī rāā Jəjep
1Jakob ndi i dɔ nang kə́ Kanaan tə́, loo ń bɔbə̄n i mbā tū tə́ kété tə́ ní. 2Gotə najə̄ yā ngán Jakob gə̄ n toó: Jəjep rāā ɓāl̄ kutə gidə i sīrí anī aw̄ kə yá̰a̰ kul̄ gēé dɔ mu tə́. Nin̄ i naā tə́ kə ngán Bila gə̄ ō, ngán Silpa gə̄ ō. Bila ō, Silpa ō, i nə̄yá̰ bɔbə̄n gə̄. Jəjep reē kə najə̄ kɔr̄ ngákó̰o̰n kə́ majaĺ gēé əda bɔbə̄də́. 3*Israel tár Jəjep tɔȳ gotə ngánən gə̄ malang tɔdɔ̄ ni ojən i dɔ ɓə́gan tə́. Adə̄n kūbə̄ kə́ majə ngá̰ý kə́ ɓálən i ngá̰ý adə̄ əla rɔ̄n tə́. 4Ngákó̰o̰ Jəjep gə̄ a̰a̰n̄ kadə̄ bɔbə̄də́ tárən tɔȳdə́ nin̄ malang adə̄ nin̄ imə̄nən̄, asən̄ kɔr̄ najə̄ seneé kə kemdə́ kə́ sɔl̄ lɔmɔɔ́ alé.
5Ndɔ̄ kógə̄ḿ tə́ nī rāā Jəjep. Ni ɔjə ngákó̰o̰n gə̄ gotə anī nel̄də́ seneé aĺ tɔȳ kə́ kété ɓáý. 6Ədadə́ na:
Ōōī nī ń rāām̄ ní: 7Jə-nda j-a jə-tó̰ō̰ī dɔ kōō kem ndɔrɔ́, anī dɔ do̰ō̰ kōō yāḿ ḭḭ ra dɔɔ́, ba dɔ do̰ō̰ kōō yāsí gə̄ reē gīrə̄n̄ gidən ō, ɔsən̄ nodə́ nang tə́ non tə́ ō.
8Ngákó̰o̰n gə̄ dəjenən̄ na ké a sāā ndi mban̄g yā ko̰o̰ń ɓē dɔdə́ tə́ wa. Adə̄ imə̄nən̄ tɔȳ kə́ kété ɓáý tām̄ nī ń rāān tə́ ní ō, tām̄ najə̄ kɔrə̄n tə́ ō.
9Nī kə́ rang rāān ɓáý, anī ɔjə ngákó̰o̰n gə̄ gotə, əda na:
Nī kə́rēý rāām̄ ɓáý. Mbang ō, nāā ō, tə́yō̰ gə̄ kutə gidə i kógə̄ḿ ō, ɔsən̄ nodə́ nang tə́ noḿ tə́.
10Ni ɔjə bɔbə̄n gotə nī ní ō anī, bɔbə̄n gákə̄n əda na:
Kum nī ń rāāī ní na i rí? I kadə̄ mā ō, kó̰ó̰í ō, ngákó̰ó̰í gə̄ ō, kə jə-reē kə j-ɔsə nojí nang tə́ noí tə́ a?
11Ngákó̰o̰n gə̄ əndānən̄ ni ba bɔbə̄n tá ngɔ̄m̄ najə̄ ní kemən tə́.
Ngákó̰o̰ Jəjep gə̄ igən̄ seneé
12Ngákó̰o̰ Jəjep gə̄ aw̄n̄ Sisem kə yá̰a̰ kul̄ gēé dɔ mu tə́. 13Anī *Israel əda Jəjep na n-sāā kəlan gō ngákó̰o̰n gə̄ ń aw̄n̄ Sisem kə yá̰a̰ kul̄ gēé dɔ mu tə́ ní. Anī Jəjep ndigə əda na:
Mā n toó, ə́lam̄.
14Israel ədan na kə aw̄ kə a̰a̰ ngákó̰o̰n gə̄ ké ton̄ karī ō, ké yá̰a̰ kul̄ gə̄ ton̄ karī ō wa, ba kə tél kə reē kə ədan kōōdə́.
Israel ndi i wól loo kə́ Hebron tə́ n əlań Jəjep ní, adə̄ Jəjep ḭḭ aw̄ Sisem. 15Deē kógə̄ḿ əngen loo dáȳ tə́ kem bembeé anī dəjen na ké a sāā i rí wa. 16Jəjep tél ədan na n-sāā na i ngákó̰o̰n gə̄, n-rāān ɓɔ́ ba kə ɔjən loo ń aw̄n̄ tū tə́ kə dā̰ yādə́ gēé ní. 17Deē ní ədan na ndɔ́tə̄n̄ kɔ̄ɔ́, na n-oō najə̄ kɔr̄də́ ní ədan̄ na kə n-aw̄n̄ dām̄ kə́ Dotan tə́.
Jəjep aw̄ gō ngákó̰o̰n gə̄ tə́, aw̄ əngedə́ Dotan. 18Ngákó̰o̰n gə̄ a̰a̰nən̄ sa̰y ɓáý anī, oōn̄ naā yā tɔ̄lən pá tá kadə̄ ugə̄ rɔ̄də́ tə́. 19Ədan̄ na nge nī ngeé na a reē noó, 20kadə̄ kə n-tɔ̄l̄nən̄ kə n-ənīnən̄ bəlo taā man̄ ndī kógə̄ḿ tə́, ba kə n-ədan̄ na dā̰ kə́ do̰ kə́rēý na əsan kɔ̄ɔ́, na n-a n-a̰a̰n̄ ké nī yān gə̄ ní ké a rāān̄ yá̰a̰ rɔ̄kum wa. 21Ruben oō najə̄ kɔr̄də́ ní adə̄ sāā kajə Jəjep. Ni ədadə́ na kə n-tɔ̄l̄nən̄ alé, 22kə ɓōkə́n̄ mósə deē nang tə́ alé, kə ənīnən̄ bəlo taā man̄ ndī ń ra kem dəla loo tə́ noō, ba kə lōōn̄ tɔ̄lə̄n. Ni núm̄ i taān jīdə́ tə́ yā kəya̰n kadə̄ tél aw̄ gogə́ rɔ̄ bɔbə̄n tə́.
23Dan ń Jəjep reē ugə̄ rɔ̄ ngákó̰o̰n gə̄ tə́ anī, ngákó̰o̰n gə̄ ngḭ̄n̄ kūbə̄ yān kə́ majə ngá̰ý ní rɔ̄n tə́ ɔrə̄n̄, 24ba ənīnən̄ bəlo taā man̄ ndī kə́ man̄ gətóo kemeé tə́, 25ba tél ndin̄ nang tə́ a əsan̄ yá̰a̰. Nin̄ unən̄ kumdə́ kə̄ dɔɔ́ anī, a̰a̰n̄ ɓūtə̄ ngán Ismael gə̄ kə́ ngé njə̄rā mbā gə̄. Ḭḭn̄ Galaad a reēn̄. Jámbal yādə́ gə̄ ətōn̄ nō kāgə̄ kə́ kotə majə gə̄ kə́ rīdə́ na i adəragantə ō, bomə ō, ladanum ō, yā kaw̄ń kə̄ Ejiptə tə́. 26Anī *Juda əda ngákó̰o̰n gə̄ na ré n-tɔ̄lə̄n̄ ngōkó̰ó̰də́ n-ɓɔ̄ɔ̄n̄ nīnə́n anī, ké n-a n-əngen̄ i rí gírí wa. 27Kadə̄ kə n-igən̄ seneé jī ngán Ismael gə̄ ń noō tə́ ba kə n-lōōn̄ tɔ̄lə̄n, tɔdɔ̄ na i ngōkó̰ó̰də́. Ngákó̰o̰n gə̄ ndigən̄ gōn tə́.
28Ngé rāā gātə̄ kə́ Madian gə̄ a mānə̄n̄ anī, ɔrə̄n̄ Jəjep bəloó, igən̄ seneé taānəń sə́lē kə́ rāā kə gində̄ arjā̰a̰á̰ kutə jōó jī ngán Ismael gə̄ tə́. Ngán Ismael gə̄ aw̄n̄ kə Jəjepé Ejiptə tə́. 29Ruben tél reē ta bəlo taā man̄ ndī ní tə́, anī ənge Jəjep kemeé alé. Ni *rə̄yā̰ kūbə̄ kə́ rɔ̄n tə́ 30ba tél aw̄ rɔ̄ ngákó̰o̰n gə̄ tə́, ədadə́ na ngōn̄ na gətóo kem bəloó ní ké n-a n-rāā i ba̰ý wa.
31Tɔ̄lə̄n̄ bal bə̄yā̰ kógə̄ḿ loo ń noō tə́, əlan̄ kūbə̄ kə́ majə ngá̰ý yā Jəjep ní kum mósən tə́, 32əlanə̄ń adə̄n̄ bɔbə̄də́ ba ədanən̄ na yá̰á̰ ń n-əngen̄ ní n noó, kə əndā ma̰ȳ kə a̰a̰ ké i kūbə̄ yā ngōnə̄n aké i ni aĺ wa. 33Jakob a̰a̰ ger̄, adə̄ əda na:
I kūbə̄ yā ngōnə̄ḿ! Dā̰ kə́ do̰ kə́rēý əhɔ Jəjep rə́yā̰n naā tə́, əsan kɔ̄ɔ́.
34Jakob *rə̄yā̰ kūbə̄ kə́ rɔ̄n tə́ ō, do̰ō̰ *kūbə̄ sákə̄ gírən tə́ ō, ba nōō ngōnə̄n dan i ngá̰ý. 35Ngánən kə́ dəngam gē kə́ dəyá̰ gē reēn̄ rɔ̄n tə́ malang yā sɔl̄ kemən tā, ba ni ɔdə alé, əda na n-a n-nōō na i ngōnə̄n bátə́ yā kaw̄ń gōn tə́ ɓádá, adə̄ ndi a nōō ngōnə̄n.
36De kə́ Madian gə̄ aw̄n̄ kə Jəjepé Ejiptə tə́, aw̄ igən̄ seneé jī Potipar tə́. Potipar i de kə́ mban̄g *Parao̰ ənī kemən adə̄n ō, ni i ngol áskar yān gə̄ ō.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2006, 2010 Alliance Biblique du Tchad