Ta Kəla gír yá̰a̰ gə̄ 38
38
Juda nin̄ kə Tamar
1Dan ngeé ń noō tə́ ní, *Juda əya̰ ngákó̰o̰n gə̄ ba aw̄ Adulam rɔ̄ deē kógə̄ḿ kə́ rīn na i Hira tə́. 2Ni a̰a̰ ngōn̄ kə́ dəyá̰ yā Kanaan kógə̄ḿ kə́ rīn na i Sua noó. Ni taā ngōn̄ kə́ dəyá̰ ní. 3Dəyá̰ ní ndān̄ ngōn̄ ojə ngōn̄ kə́ dəngam, anī Juda əndā rīn na i Er. 4Tél ndān̄ ngōn̄ kə́ rang ɓáý to̰, ojə dəngam, anī əndā rīn na i Onan. 5ɔjə ngōn̄ kə́ dəngam kə́ rang ɓáý to̰, anī əndā rīn na i Sela. Dan ń ojən ní, *Juda i kem ɓē kə́ Kejib tə́.
6Juda taā dəyá̰ kógə̄ḿ kə́ rīn na i Tamar adə̄ Er ngōn̄ hágən. 7Nel̄ Kɔ́ɔ̄ɓē kə Er alé, tɔdɔ̄ ni i de kə́ nge kem ndul, adə̄ Kɔ́ɔ̄ɓē rāā adə̄ oy. 8Anī Juda əda Onan na kə aw̄ rɔ̄ nə̄yá̰ ngōkó̰o̰n tə́ kə taān kə ojəń ngōn̄ kə adə̄ ngōkó̰o̰n. 9Onan ger̄ kadə̄ ngōn̄ ń a ojə ní i ngōn̄ yān alé, adə̄ loo ń a sāā nə̄yá̰ ngōkó̰o̰n anī a ɓōkə́ manə̄n i nang tə́ kɔ̄ɔ́ yā kojəń ngōn̄ kadə̄ ngōkó̰o̰n alé. 10Yá̰á̰ ń ni rāā ní nel̄ Kɔ́ɔ̄ɓē alé, adə̄ Kɔ́ɔ̄ɓē rāā adə̄ oy ō. 11Anī *Juda əda umən Tamar na kə ndi ɓē bɔbə̄neé kə kəlā ndoó, kadə̄ ngōnə̄n Sela tɔgə tá. Ni ɔr̄ najə̄ tītə̄ ń noō i tām̄ ɓōĺ ń ni ɓōĺ kadə̄ Sela oy tītə̄ yā ngákó̰o̰n gə̄ ní. Adə̄ Tamar aw̄ ndi ɓē bɔbə̄neé.
12Ndɔ̄ gə̄ mānə̄n̄ anī ngōn̄ Sua kə́ nə̄yá̰ Juda oy. Dan ń Juda rāā ndoō nə̄yá̰n oy anī, aw̄ Timna nin̄ kə madə̄n kə́ Adulam ń rīn na i Hira ní ka̰a̰ ngé kəja bḭḭ̄ batə̄ yān gə̄ tə́. 13Deē kógə̄ḿ əda Tamar na:
Á̰a̰ umií kə́ dəngam a aw̄ kə̄ Timna kəja bḭḭ̄ batə̄ yān gə̄ tə́.
14Anī Tamar ɔr̄ kūbə̄ píŕ kə́ rɔ̄n tə́ kɔ̄ɔ́, seĺ kūbə̄ dɔn tə́, ba aw̄ ndi ta róbə́ kə́ yā kudəń kə̄ Enaim tə́, dɔ róbə́ kə́ kaw̄ kə̄ Timna tə́. Tɔdɔ̄ ni a̰a̰ kadə̄ Sela tɔgə kɔ̄ɔ́ ba adə̄nən̄ seneé alé. 15Juda a̰a̰ Tamar ɔjəń dəyá̰ ájə́ba, tām̄ ni utə̄ ta kumən kɔ̄ɔ́ kə kūbūú. 16Ni ger̄ kadə̄ i umən kə́ dəyá̰ aĺ tā ní, aw̄ rɔ̄n tə́ kadə róbə́ tə́ ba ədan na kadə̄ kə n-sāān. Anī dəyá̰ ní dəjen na ké a adə̄n i rí yā sāānəń wa. 17*Juda tél ədan na n-a n-əhɔ ngōn̄ bə̄yā̰ kógə̄ḿ kə́ dan yá̰a̰ kul̄ yān gə̄ tə́ yā kəlań kadə̄n. Dəyá̰ ní tél dəjen na ké i rí n a adə̄n yā kɔjəń kadə̄ na a əla kə ngōn̄ bə̄yā̰ ní rɔ̄kum wa. 18Juda dəjen na ké kə n-adə̄n i rí wa. Dəyá̰ ní əda na kə adə̄n *tambō̰o̰ yān kə kəlā kə́ gírí ō, kāgə̄ jī yān ō. Juda adə̄n yá̰a̰ gə̄ ń dəjen ní ba sāān, adə̄ ndān̄ ngōn̄ seneé. 19Dəyá̰ ní tél aw̄ ɓēé, aw̄ ɔr̄ kūbə̄ kə́ ta kumən tə́ kɔ̄ɔ́ ba tə́la kūbə̄ pír yān gogə́ rɔ̄n tə́.
20Juda əla madə̄n kə́ Adulam ní kə ngōn̄ bə̄yā̰á̰ kadə̄ dəyá̰ ní tə́, yā taāń yá̰a̰ gə̄ ń ni-əhɔ kə̄rā tə́ ní. Ba madə̄n ənge dəyá̰ ní alé. 21Madə̄n ní dəje de kə́ Enaim gə̄ na ké dəyá̰ ájə́ba ń ndi kadə róbə́ tə́ laā ní ké ni i rá wa. Nin̄ tél ədanən̄ na dəyá̰ ájə́ba na gətóo laā. 22Ni tél aw̄ gogə́ rɔ̄ *Juda tə́ ədan na n-əngen alé ō, tá na de kə́ loo ní tə́ gə̄ ədan̄ na dəyá̰ ájə́ba na gətóo loodə́ ō, ɓáý to̰. 23Juda tél ədan na:
Ādə̄ yá̰a̰ gə̄ ní ton̄ kə̄ jīn tə́ noō, na sōgə́ de gə̄ lurən̄jí. Mā m-ə́la kə ngōn̄ bə̄yā̰á̰ ba i kənge n ə́nge dəyá̰ ní alé.
24Asə nāā mətá gō tə́ anī, deē kógə̄ḿ reē əda Juda na umən Tamar na rāā rāȳ adə̄ na ndān̄ ngōn̄ loo rāȳ tə́. Anī Juda əda na kə teēn̄ seneé ndágá kə róōnən̄ kɔ̄ɔ́.
25Dan ń a teēn̄ seneé kə̄ ndágá anī, Tamar əla əda umən kə́ dəngam na i kɔ́ɔ̄ yá̰a̰ gə̄ ń toō n na n-ndān̄ ngōn̄ seneé ní, na n-rāān ɓɔ́ ba kə a̰a̰ *tambō̰o̰ ń toō ō, kəlā kə́ gírí ń toō ō, kāgə̄ jī ń toō ō, ké i yā náā wa. 26Juda a̰a̰ yá̰a̰ gə̄ ní ger̄, adə̄ əda na:
Yá̰a̰ rāān i gōtə́ ngá̰ý tɔȳ yāḿ mā, tɔdɔ̄ m-ādə̄n kə ngōnə̄ḿ Sela alé.
Juda sāā Tamar gogə́ to̰ alé.
27Dan ń Tamar a rāā yā kojə anī, de gə̄ gerə̄n̄ kadə̄ a ojə i ndəngā gə̄. 28Ndɔ̄ kojə tə́ anī nge kə́ kógə̄ḿ əla jīn ndágá, adə̄ dəyá̰ kə́ nge taā ngōn̄ əhɔ jīn do̰ō̰ kəlā kə́ kərē tū tə́ ba əda na i nge ń toō n teē kété ní. 29Ba ngōn̄ ní tél kə jīneé adə̄ ngōkó̰o̰n teē. Anī dəyá̰ kə́ nge taā ngōn̄ ní əda na ké i ta bəlo kə́ ba̰ý áké rāā beé wa. Adə̄ əndā rīn na i Peres#38.29 Peres kə ta Hebəro kumən na i ta bəlo.. 30Gō tə́ anī ngōkó̰o̰n ń kəlā kə́ kərē i jīn tə́ ní teē, anī əndān̄ rīn na i Jera.
Currently Selected:
Ta Kəla gír yá̰a̰ gə̄ 38: BS
Highlight
Share
Copy
Want to have your highlights saved across all your devices? Sign up or sign in
© 2006, 2010 Alliance Biblique du Tchad
Ta Kəla gír yá̰a̰ gə̄ 38
38
Juda nin̄ kə Tamar
1Dan ngeé ń noō tə́ ní, *Juda əya̰ ngákó̰o̰n gə̄ ba aw̄ Adulam rɔ̄ deē kógə̄ḿ kə́ rīn na i Hira tə́. 2Ni a̰a̰ ngōn̄ kə́ dəyá̰ yā Kanaan kógə̄ḿ kə́ rīn na i Sua noó. Ni taā ngōn̄ kə́ dəyá̰ ní. 3Dəyá̰ ní ndān̄ ngōn̄ ojə ngōn̄ kə́ dəngam, anī Juda əndā rīn na i Er. 4Tél ndān̄ ngōn̄ kə́ rang ɓáý to̰, ojə dəngam, anī əndā rīn na i Onan. 5ɔjə ngōn̄ kə́ dəngam kə́ rang ɓáý to̰, anī əndā rīn na i Sela. Dan ń ojən ní, *Juda i kem ɓē kə́ Kejib tə́.
6Juda taā dəyá̰ kógə̄ḿ kə́ rīn na i Tamar adə̄ Er ngōn̄ hágən. 7Nel̄ Kɔ́ɔ̄ɓē kə Er alé, tɔdɔ̄ ni i de kə́ nge kem ndul, adə̄ Kɔ́ɔ̄ɓē rāā adə̄ oy. 8Anī Juda əda Onan na kə aw̄ rɔ̄ nə̄yá̰ ngōkó̰o̰n tə́ kə taān kə ojəń ngōn̄ kə adə̄ ngōkó̰o̰n. 9Onan ger̄ kadə̄ ngōn̄ ń a ojə ní i ngōn̄ yān alé, adə̄ loo ń a sāā nə̄yá̰ ngōkó̰o̰n anī a ɓōkə́ manə̄n i nang tə́ kɔ̄ɔ́ yā kojəń ngōn̄ kadə̄ ngōkó̰o̰n alé. 10Yá̰á̰ ń ni rāā ní nel̄ Kɔ́ɔ̄ɓē alé, adə̄ Kɔ́ɔ̄ɓē rāā adə̄ oy ō. 11Anī *Juda əda umən Tamar na kə ndi ɓē bɔbə̄neé kə kəlā ndoó, kadə̄ ngōnə̄n Sela tɔgə tá. Ni ɔr̄ najə̄ tītə̄ ń noō i tām̄ ɓōĺ ń ni ɓōĺ kadə̄ Sela oy tītə̄ yā ngákó̰o̰n gə̄ ní. Adə̄ Tamar aw̄ ndi ɓē bɔbə̄neé.
12Ndɔ̄ gə̄ mānə̄n̄ anī ngōn̄ Sua kə́ nə̄yá̰ Juda oy. Dan ń Juda rāā ndoō nə̄yá̰n oy anī, aw̄ Timna nin̄ kə madə̄n kə́ Adulam ń rīn na i Hira ní ka̰a̰ ngé kəja bḭḭ̄ batə̄ yān gə̄ tə́. 13Deē kógə̄ḿ əda Tamar na:
Á̰a̰ umií kə́ dəngam a aw̄ kə̄ Timna kəja bḭḭ̄ batə̄ yān gə̄ tə́.
14Anī Tamar ɔr̄ kūbə̄ píŕ kə́ rɔ̄n tə́ kɔ̄ɔ́, seĺ kūbə̄ dɔn tə́, ba aw̄ ndi ta róbə́ kə́ yā kudəń kə̄ Enaim tə́, dɔ róbə́ kə́ kaw̄ kə̄ Timna tə́. Tɔdɔ̄ ni a̰a̰ kadə̄ Sela tɔgə kɔ̄ɔ́ ba adə̄nən̄ seneé alé. 15Juda a̰a̰ Tamar ɔjəń dəyá̰ ájə́ba, tām̄ ni utə̄ ta kumən kɔ̄ɔ́ kə kūbūú. 16Ni ger̄ kadə̄ i umən kə́ dəyá̰ aĺ tā ní, aw̄ rɔ̄n tə́ kadə róbə́ tə́ ba ədan na kadə̄ kə n-sāān. Anī dəyá̰ ní dəjen na ké a adə̄n i rí yā sāānəń wa. 17*Juda tél ədan na n-a n-əhɔ ngōn̄ bə̄yā̰ kógə̄ḿ kə́ dan yá̰a̰ kul̄ yān gə̄ tə́ yā kəlań kadə̄n. Dəyá̰ ní tél dəjen na ké i rí n a adə̄n yā kɔjəń kadə̄ na a əla kə ngōn̄ bə̄yā̰ ní rɔ̄kum wa. 18Juda dəjen na ké kə n-adə̄n i rí wa. Dəyá̰ ní əda na kə adə̄n *tambō̰o̰ yān kə kəlā kə́ gírí ō, kāgə̄ jī yān ō. Juda adə̄n yá̰a̰ gə̄ ń dəjen ní ba sāān, adə̄ ndān̄ ngōn̄ seneé. 19Dəyá̰ ní tél aw̄ ɓēé, aw̄ ɔr̄ kūbə̄ kə́ ta kumən tə́ kɔ̄ɔ́ ba tə́la kūbə̄ pír yān gogə́ rɔ̄n tə́.
20Juda əla madə̄n kə́ Adulam ní kə ngōn̄ bə̄yā̰á̰ kadə̄ dəyá̰ ní tə́, yā taāń yá̰a̰ gə̄ ń ni-əhɔ kə̄rā tə́ ní. Ba madə̄n ənge dəyá̰ ní alé. 21Madə̄n ní dəje de kə́ Enaim gə̄ na ké dəyá̰ ájə́ba ń ndi kadə róbə́ tə́ laā ní ké ni i rá wa. Nin̄ tél ədanən̄ na dəyá̰ ájə́ba na gətóo laā. 22Ni tél aw̄ gogə́ rɔ̄ *Juda tə́ ədan na n-əngen alé ō, tá na de kə́ loo ní tə́ gə̄ ədan̄ na dəyá̰ ájə́ba na gətóo loodə́ ō, ɓáý to̰. 23Juda tél ədan na:
Ādə̄ yá̰a̰ gə̄ ní ton̄ kə̄ jīn tə́ noō, na sōgə́ de gə̄ lurən̄jí. Mā m-ə́la kə ngōn̄ bə̄yā̰á̰ ba i kənge n ə́nge dəyá̰ ní alé.
24Asə nāā mətá gō tə́ anī, deē kógə̄ḿ reē əda Juda na umən Tamar na rāā rāȳ adə̄ na ndān̄ ngōn̄ loo rāȳ tə́. Anī Juda əda na kə teēn̄ seneé ndágá kə róōnən̄ kɔ̄ɔ́.
25Dan ń a teēn̄ seneé kə̄ ndágá anī, Tamar əla əda umən kə́ dəngam na i kɔ́ɔ̄ yá̰a̰ gə̄ ń toō n na n-ndān̄ ngōn̄ seneé ní, na n-rāān ɓɔ́ ba kə a̰a̰ *tambō̰o̰ ń toō ō, kəlā kə́ gírí ń toō ō, kāgə̄ jī ń toō ō, ké i yā náā wa. 26Juda a̰a̰ yá̰a̰ gə̄ ní ger̄, adə̄ əda na:
Yá̰a̰ rāān i gōtə́ ngá̰ý tɔȳ yāḿ mā, tɔdɔ̄ m-ādə̄n kə ngōnə̄ḿ Sela alé.
Juda sāā Tamar gogə́ to̰ alé.
27Dan ń Tamar a rāā yā kojə anī, de gə̄ gerə̄n̄ kadə̄ a ojə i ndəngā gə̄. 28Ndɔ̄ kojə tə́ anī nge kə́ kógə̄ḿ əla jīn ndágá, adə̄ dəyá̰ kə́ nge taā ngōn̄ əhɔ jīn do̰ō̰ kəlā kə́ kərē tū tə́ ba əda na i nge ń toō n teē kété ní. 29Ba ngōn̄ ní tél kə jīneé adə̄ ngōkó̰o̰n teē. Anī dəyá̰ kə́ nge taā ngōn̄ ní əda na ké i ta bəlo kə́ ba̰ý áké rāā beé wa. Adə̄ əndā rīn na i Peres#38.29 Peres kə ta Hebəro kumən na i ta bəlo.. 30Gō tə́ anī ngōkó̰o̰n ń kəlā kə́ kərē i jīn tə́ ní teē, anī əndān̄ rīn na i Jera.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2006, 2010 Alliance Biblique du Tchad