Ta Kəla gír yá̰a̰ gə̄ 39
39
Jəjep i ɓē Potipar
1Ngán Ismael gə̄ ń aw̄n̄ kə Jəjepé Ejiptə tə́ ní aw̄ igən̄ seneé jī Potipar de kə́ Ejiptə tə́. Ni i de kə́ mban̄g *Parao̰ ənī kemən adə̄n ō, ni i ngol áskar yān gə̄ ō. 2Kɔ́ɔ̄ɓē i naā tə́ kə Jəjepé adə̄ yá̰a̰ rāān gə̄ i kə́ majə malang. Ni-ndi i kem kújə yā kɔ́ɔ̄n tə́. 3Kɔ́ɔ̄n ger̄ kadə̄ Kɔ́ɔ̄ɓē i naā tə́ seneé. Ni a̰a̰ kadə̄ yá̰a̰ malang ń Jəjep rāā ní, Kɔ́ɔ̄ɓē rāā adə̄ majə. 4Nel̄ Potipar seneé ngá̰ý adə̄ əndān dɔ kəla kə́ kem ndogó looneé tə́ ō, əya̰ yá̰a̰ kənge yān gə̄ malang gír jīn tə́ ō. 5Dan ń Potipar əndā Jəjep dɔ kəla kə́ kem ndogó looneé tə́ ō, dɔ yá̰a̰ kənge yān gə̄ tə́ malang ō anī, Kɔ́ɔ̄ɓē rāā adə̄ kəla yā Potipar teēn yá̰á̰ tə́ majə. Yá̰a̰ kənge yān kə́ ɓēé gə̄gē kə́ bembeé gə̄gē teēnən̄ yá̰a̰ majə. Kɔ́ɔ̄ɓē rāā nge ń noō i tām̄ yā Jəjep tə́. 6Loo ń noō tə́ Potipar əya̰ yá̰a̰ yān malang jī Jəjep tə́. Yá̰á̰ ń ni a rāā ní i kun yá̰a̰ kəsa kaw̄ń tan tə́ ngóy.
Jəjep nin̄ kə nə̄yá̰ kɔ́ɔ̄n
Jəjep balsáá ngá̰ý ō, majə deē ngá̰ý ō. 7Gō yá̰a̰ gə̄ ń toō tə́ nə̄yá̰ Potipar əndā kumən rɔ̄ Jəjep tə́, adə̄ ədan na kə to seneé. 8Jəjep mbātə́, ədan na kɔ́ɔ̄n na ənī kemən adə̄n, na əndā kumən gíŕ yá̰á̰ kə́ kem kújú tə́ alé, na əya̰ yá̰a̰ yān malang na i gír jīn tə́. 9Ni na i de kə́ bo tɔȳn kem kújə́ ń toō tə́ aĺ ō, na ɔgə̄n rāā yá̰á̰ kógə̄ḿ aĺ ō, ngá̰ý a na i ni kə́ nə̄yá̰n nəkɔ́ n na adə̄n aĺ noō ngóý tá. Ní, kə n-rāā yá̰á̰ kə́ to yḛr beé yā rāań majaĺ ta kum Nə́ɓā yān tə́ ké i ba̰ý wa. 10Kə dɔ ndɔ̄ gə̄ ń noō dəyá̰ ní a dəje Jəjep kadə̄ kə ɓīī seneé tā, ba Jəjep ənda mbīn dɔ tə́, mbātə́ sāān kɔ̄ɔ́.
11Ndɔ̄ kógə̄ḿ tə́ Jəjep udə kújú yā rāā kəla yān, ba ngé rāā kəla kə́ kem kújú gə̄ tá gətóon̄. 12Anī dəyá̰ ngeé láā ta kūbə̄ yā Jəjep əhɔ, ba ədan na kə to seneé, na i mbée a Jəjep əya̰ kūbə̄ yān jīn tə́ ba teē kújú kə ngɔ̄dɔ̄ɔ́.
13Dan ń dəyá̰ ní a̰a̰ kadə̄ Jəjep əya̰ kūbə̄ yān jīn tə́ ba teē kə ngɔ̄dɔ̄ɔ́ anī, 14ur sɔ̄ḿ ɓāŕəń ngé kəla yān gə̄ ədadə́ na kə a̰a̰n̄, ngaan na reē kə Hebəro adə̄də́ na i yā mbóoń sedə́. Hebəro ní na reē yā sāān anī na n-əga kɔŕ. 15Dan ń na a̰a̰ kadə̄ n-ur sɔ̄ḿ dɔn tə́ anī, na əya̰ kūbə̄ yān jīn tə́ ba na teē kə ngɔ̄dɔ̄ɔ́.
16Dəyá̰ ní ənī kūbə̄ ní ngóoń ngaan. 17Dan ń ngaan reē ugə̄ anī ədan na ɓəlo hebəro ń na reē seneé ní na sāā kəla mbóo dɔn tə́, 18tā ba dan ń na n-ur sɔ̄ḿ dɔn tə́ anī, na əya̰ kūbə̄ yān jīn tə́ ba na teē kə ngɔ̄dɔ̄ɔ́. 19Dan ń kɔ́ɔ̄ Jəjep oō najə̄ kɔr̄ nə̄yá̰n ń əda na yá̰á̰ ń ɓəlo yān na rāā seneé ní n noó anī wōn̄g rāān ngá̰ý, 20adə̄ əhɔ Jəjep ənīn dəngáyá, loo ń dəngáy yā mban̄g gə̄ a ton̄ tū tə́ ní tə́.
Jəjep i kújə dəngáyá
Dan ń Jəjep to dəngáyá ní, 21Kɔ́ɔ̄ɓē i naā tə́ seneé. Ni əndā kumən gōn tə́ adə̄ ngol ngé ngɔ̄m̄ dəngáy gə̄ rāā majə seneé, 22əndān dɔ dəngáy gə̄ tə́ malang kadə̄ ngɔ̄m̄də́, adə̄ Jəjep i nge kɔjədə́ kəla kadə̄ rāān̄. 23Ngol ngé ngɔ̄m̄ dəngáy gə̄ ní əya̰ kəla yān jī Jəjep tə́ malang, əndā kumən gírí to̰ alé, tɔdɔ̄ Kɔ́ɔ̄ɓē i naā tə́ kə Jəjepé, adə̄ kəla rāān i kə́ majə malang.
Currently Selected:
Ta Kəla gír yá̰a̰ gə̄ 39: BS
Highlight
Share
Copy
Want to have your highlights saved across all your devices? Sign up or sign in
© 2006, 2010 Alliance Biblique du Tchad
Ta Kəla gír yá̰a̰ gə̄ 39
39
Jəjep i ɓē Potipar
1Ngán Ismael gə̄ ń aw̄n̄ kə Jəjepé Ejiptə tə́ ní aw̄ igən̄ seneé jī Potipar de kə́ Ejiptə tə́. Ni i de kə́ mban̄g *Parao̰ ənī kemən adə̄n ō, ni i ngol áskar yān gə̄ ō. 2Kɔ́ɔ̄ɓē i naā tə́ kə Jəjepé adə̄ yá̰a̰ rāān gə̄ i kə́ majə malang. Ni-ndi i kem kújə yā kɔ́ɔ̄n tə́. 3Kɔ́ɔ̄n ger̄ kadə̄ Kɔ́ɔ̄ɓē i naā tə́ seneé. Ni a̰a̰ kadə̄ yá̰a̰ malang ń Jəjep rāā ní, Kɔ́ɔ̄ɓē rāā adə̄ majə. 4Nel̄ Potipar seneé ngá̰ý adə̄ əndān dɔ kəla kə́ kem ndogó looneé tə́ ō, əya̰ yá̰a̰ kənge yān gə̄ malang gír jīn tə́ ō. 5Dan ń Potipar əndā Jəjep dɔ kəla kə́ kem ndogó looneé tə́ ō, dɔ yá̰a̰ kənge yān gə̄ tə́ malang ō anī, Kɔ́ɔ̄ɓē rāā adə̄ kəla yā Potipar teēn yá̰á̰ tə́ majə. Yá̰a̰ kənge yān kə́ ɓēé gə̄gē kə́ bembeé gə̄gē teēnən̄ yá̰a̰ majə. Kɔ́ɔ̄ɓē rāā nge ń noō i tām̄ yā Jəjep tə́. 6Loo ń noō tə́ Potipar əya̰ yá̰a̰ yān malang jī Jəjep tə́. Yá̰á̰ ń ni a rāā ní i kun yá̰a̰ kəsa kaw̄ń tan tə́ ngóy.
Jəjep nin̄ kə nə̄yá̰ kɔ́ɔ̄n
Jəjep balsáá ngá̰ý ō, majə deē ngá̰ý ō. 7Gō yá̰a̰ gə̄ ń toō tə́ nə̄yá̰ Potipar əndā kumən rɔ̄ Jəjep tə́, adə̄ ədan na kə to seneé. 8Jəjep mbātə́, ədan na kɔ́ɔ̄n na ənī kemən adə̄n, na əndā kumən gíŕ yá̰á̰ kə́ kem kújú tə́ alé, na əya̰ yá̰a̰ yān malang na i gír jīn tə́. 9Ni na i de kə́ bo tɔȳn kem kújə́ ń toō tə́ aĺ ō, na ɔgə̄n rāā yá̰á̰ kógə̄ḿ aĺ ō, ngá̰ý a na i ni kə́ nə̄yá̰n nəkɔ́ n na adə̄n aĺ noō ngóý tá. Ní, kə n-rāā yá̰á̰ kə́ to yḛr beé yā rāań majaĺ ta kum Nə́ɓā yān tə́ ké i ba̰ý wa. 10Kə dɔ ndɔ̄ gə̄ ń noō dəyá̰ ní a dəje Jəjep kadə̄ kə ɓīī seneé tā, ba Jəjep ənda mbīn dɔ tə́, mbātə́ sāān kɔ̄ɔ́.
11Ndɔ̄ kógə̄ḿ tə́ Jəjep udə kújú yā rāā kəla yān, ba ngé rāā kəla kə́ kem kújú gə̄ tá gətóon̄. 12Anī dəyá̰ ngeé láā ta kūbə̄ yā Jəjep əhɔ, ba ədan na kə to seneé, na i mbée a Jəjep əya̰ kūbə̄ yān jīn tə́ ba teē kújú kə ngɔ̄dɔ̄ɔ́.
13Dan ń dəyá̰ ní a̰a̰ kadə̄ Jəjep əya̰ kūbə̄ yān jīn tə́ ba teē kə ngɔ̄dɔ̄ɔ́ anī, 14ur sɔ̄ḿ ɓāŕəń ngé kəla yān gə̄ ədadə́ na kə a̰a̰n̄, ngaan na reē kə Hebəro adə̄də́ na i yā mbóoń sedə́. Hebəro ní na reē yā sāān anī na n-əga kɔŕ. 15Dan ń na a̰a̰ kadə̄ n-ur sɔ̄ḿ dɔn tə́ anī, na əya̰ kūbə̄ yān jīn tə́ ba na teē kə ngɔ̄dɔ̄ɔ́.
16Dəyá̰ ní ənī kūbə̄ ní ngóoń ngaan. 17Dan ń ngaan reē ugə̄ anī ədan na ɓəlo hebəro ń na reē seneé ní na sāā kəla mbóo dɔn tə́, 18tā ba dan ń na n-ur sɔ̄ḿ dɔn tə́ anī, na əya̰ kūbə̄ yān jīn tə́ ba na teē kə ngɔ̄dɔ̄ɔ́. 19Dan ń kɔ́ɔ̄ Jəjep oō najə̄ kɔr̄ nə̄yá̰n ń əda na yá̰á̰ ń ɓəlo yān na rāā seneé ní n noó anī wōn̄g rāān ngá̰ý, 20adə̄ əhɔ Jəjep ənīn dəngáyá, loo ń dəngáy yā mban̄g gə̄ a ton̄ tū tə́ ní tə́.
Jəjep i kújə dəngáyá
Dan ń Jəjep to dəngáyá ní, 21Kɔ́ɔ̄ɓē i naā tə́ seneé. Ni əndā kumən gōn tə́ adə̄ ngol ngé ngɔ̄m̄ dəngáy gə̄ rāā majə seneé, 22əndān dɔ dəngáy gə̄ tə́ malang kadə̄ ngɔ̄m̄də́, adə̄ Jəjep i nge kɔjədə́ kəla kadə̄ rāān̄. 23Ngol ngé ngɔ̄m̄ dəngáy gə̄ ní əya̰ kəla yān jī Jəjep tə́ malang, əndā kumən gírí to̰ alé, tɔdɔ̄ Kɔ́ɔ̄ɓē i naā tə́ kə Jəjepé, adə̄ kəla rāān i kə́ majə malang.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2006, 2010 Alliance Biblique du Tchad