Ta Kəla gír yá̰a̰ gə̄ 40
40
1Gō yá̰a̰ gə̄ ń noō tə́ anī, ngol ngé kadə̄ mban̄g yá̰a̰ ka̰ȳ gə̄ ō, ngol ngé kɔr̄ mápa gə̄ ō, rāān̄ majaĺ kə kɔ́ɔ̄də́ mban̄g kə́ Ejiptə tə́. 2Wōn̄g rāā mban̄g *Parao̰ sedə́, 3adə̄ ni ɓōkə́də́ kújə dəngáy yā ngol áskar yān gə̄ tə́ gō Jəjep tə́. 4Ngol áskar gə̄ adə̄də́ kə Jəjepé kadə̄ ngɔ̄m̄də́. Adə̄ nin̄ rāān̄ ndɔ̄ asə tām̄ dəngáyá.
Jəjep ɔjə dəngáý kə́ jōó gə̄ kum nī ń rāādə́ ní
5Ndɔ̄ɔ́ ndɔ̄ kógə̄ḿ tə́ anī, nī rāā nge kadə̄ mban̄g kə́ Ejiptə tə́ yá̰a̰ ka̰ȳ ō, nge kɔr̄ mápa yān ō ń ton̄ dəngáyá ní. Kum nī yādə́ i kə dɔdə́ gēé. 6Jəjep reē go̰ō̰də́ tə́ dəloí anī a̰a̰ kadə̄ rɔ̄də́ nel̄də́ alé. 7Anī dəjedə́ na ké i tām̄ rí tə́ áké dɔ kumdə́ nel̄də́ alé ɓōólaā beé wa. 8Nin̄ tél ədanən̄ na nī na rāādə́ tā ba de kə́ yā kɔjədə́ kum na gətóo. Anī Jəjep ədadə́ na ké i Nə́ɓā n i nge kəda kum yá̰a̰ gə̄ ní aĺ wa. Kə ənīnən̄ gotə nī ń rāādə́ ní.
9Ngol ngé kadə̄ mban̄g yá̰a̰ ka̰ȳ gə̄ ɔjə Jəjep gotə nī ń rāān ní, əda na nī na rāān adə̄ *kāgə̄ nduú na ra non tə́, 10ta jīn gə̄ na i mətá. Kāgə̄ nduú ní na tɔgə ō, hútə̄ ō, dɔ bəran gə̄ kərēn̄ ō. 11Kopə ka̰ȳ yá̰a̰ yā *Parao̰ na i jīn tə́, na n-mbə́rē nduú kemeé, na n-əla n-adə̄n. 12Jəjep ɔjən kum nī ní, ədan na ta jī nduú kə́ mətá gə̄ ní na i ndɔ̄ mətá. 13Kem ndɔ̄ mətá anī *Parao̰ na a un dɔn dɔɔ́, na a tél yā kəndān loo kəla yān tə́ gogə́ kadə̄ a əla kópə jīn tə́ tītə̄ ń na a rāań kété ní. 14Jəjep tél ədan na dan ń a ndi majə tā anī kə əga kemən dɔn tə́, kə rāā majə seneé, kə ɔr̄ najə̄ kə́ majə tām̄ yān tə́ kə Parao̰ó̰ kadə̄ kə ɔrə̄n dəngáyá kɔ̄ɔ́. 15Tɔdɔ̄ na əhɔnən̄ na i kə gúú dɔ nang yā Hebəro gə̄ tə́ n na reēn̄ seneé ní, tá laā gə̄gē ní na n-rāā yá̰á̰ kə́ kadə̄ deē ənīnəń dəngáyá aĺ ō.
16Dan ń ngol ngé kɔr̄ mápa gə̄ a̰a̰ kadə̄ kum nī ń Jəjep ɔjə ní i kə́ majanī ənī gotə yān, əda na nī na rāān adə̄ na n-ətō keē mápa gə̄ dɔn tə́ na i mətá ta naā tə́. 17Yá̰a̰ kəsa kə́ leḿ leḿ yā *Parao̰ kə́ kɔr̄ púŕ tə́ gə̄ na i kem keē ń na ndi ta madə̄ gə̄ tə́ dɔn tə́ ní tā, ba yel̄ gə̄ na əsan̄ dɔn tə́ kɔ̄ɔ́. 18Jəjep ɔjən kum nī ní ədan na keē kə́ mətá gə̄ ní na i ndɔ̄ mətá, 19na na̰y ndɔ̄ na i mətá kadə̄ *Parao̰ na a un dɔn dɔɔ́, ba na i kun kə́ a nelə̄n alé, na a do̰ō̰ kəlā kɔ́ɔn tə́ yā naān ta jī kāgə̄ tə́ kadə̄ yel̄ gə̄ na a əsan̄ dā̰n.
20Ndɔ̄ mətá gō tə́ anī *Parao̰ rāā nāā kojən. Ni rāā yá̰a̰ kəsa kə́ ngá̰ý adə̄ ngé rāā kəla yān gə̄ malang. Ni əndā ngol ngé kadə̄ mban̄g yá̰a̰ ka̰ȳ gə̄ ō, ngol ngé kɔr̄ mápa gə̄ ō, loo kə́ bo tə́ ta kum ngé kəla yān gə̄ tə́ malang. 21Əndā ngol ngé kadə̄ mban̄g yá̰a̰ ka̰ȳ gə̄ gotən tə́ loo kəla yān tə́ kadə̄ əla kópə yá̰a̰ ka̰ȳ jīn tə́, 22ba do̰ō̰ kəlā kɔ́ɔ ngol ngé kɔr̄ mápa gə̄ tə́ naānəń ta jī kāgə̄ tə́ tītə̄ ń Jəjep ɔjənəń ní. 23Ngol ngé kadə̄ mban̄g yá̰a̰ ka̰ȳ gə̄ gír̄ dɔ Jəjep tə́ to̰ alé, dɔn ndígə̄nalən kɔ̄ɔ́.
Currently Selected:
Ta Kəla gír yá̰a̰ gə̄ 40: BS
Highlight
Share
Copy
Want to have your highlights saved across all your devices? Sign up or sign in
© 2006, 2010 Alliance Biblique du Tchad
Ta Kəla gír yá̰a̰ gə̄ 40
40
1Gō yá̰a̰ gə̄ ń noō tə́ anī, ngol ngé kadə̄ mban̄g yá̰a̰ ka̰ȳ gə̄ ō, ngol ngé kɔr̄ mápa gə̄ ō, rāān̄ majaĺ kə kɔ́ɔ̄də́ mban̄g kə́ Ejiptə tə́. 2Wōn̄g rāā mban̄g *Parao̰ sedə́, 3adə̄ ni ɓōkə́də́ kújə dəngáy yā ngol áskar yān gə̄ tə́ gō Jəjep tə́. 4Ngol áskar gə̄ adə̄də́ kə Jəjepé kadə̄ ngɔ̄m̄də́. Adə̄ nin̄ rāān̄ ndɔ̄ asə tām̄ dəngáyá.
Jəjep ɔjə dəngáý kə́ jōó gə̄ kum nī ń rāādə́ ní
5Ndɔ̄ɔ́ ndɔ̄ kógə̄ḿ tə́ anī, nī rāā nge kadə̄ mban̄g kə́ Ejiptə tə́ yá̰a̰ ka̰ȳ ō, nge kɔr̄ mápa yān ō ń ton̄ dəngáyá ní. Kum nī yādə́ i kə dɔdə́ gēé. 6Jəjep reē go̰ō̰də́ tə́ dəloí anī a̰a̰ kadə̄ rɔ̄də́ nel̄də́ alé. 7Anī dəjedə́ na ké i tām̄ rí tə́ áké dɔ kumdə́ nel̄də́ alé ɓōólaā beé wa. 8Nin̄ tél ədanən̄ na nī na rāādə́ tā ba de kə́ yā kɔjədə́ kum na gətóo. Anī Jəjep ədadə́ na ké i Nə́ɓā n i nge kəda kum yá̰a̰ gə̄ ní aĺ wa. Kə ənīnən̄ gotə nī ń rāādə́ ní.
9Ngol ngé kadə̄ mban̄g yá̰a̰ ka̰ȳ gə̄ ɔjə Jəjep gotə nī ń rāān ní, əda na nī na rāān adə̄ *kāgə̄ nduú na ra non tə́, 10ta jīn gə̄ na i mətá. Kāgə̄ nduú ní na tɔgə ō, hútə̄ ō, dɔ bəran gə̄ kərēn̄ ō. 11Kopə ka̰ȳ yá̰a̰ yā *Parao̰ na i jīn tə́, na n-mbə́rē nduú kemeé, na n-əla n-adə̄n. 12Jəjep ɔjən kum nī ní, ədan na ta jī nduú kə́ mətá gə̄ ní na i ndɔ̄ mətá. 13Kem ndɔ̄ mətá anī *Parao̰ na a un dɔn dɔɔ́, na a tél yā kəndān loo kəla yān tə́ gogə́ kadə̄ a əla kópə jīn tə́ tītə̄ ń na a rāań kété ní. 14Jəjep tél ədan na dan ń a ndi majə tā anī kə əga kemən dɔn tə́, kə rāā majə seneé, kə ɔr̄ najə̄ kə́ majə tām̄ yān tə́ kə Parao̰ó̰ kadə̄ kə ɔrə̄n dəngáyá kɔ̄ɔ́. 15Tɔdɔ̄ na əhɔnən̄ na i kə gúú dɔ nang yā Hebəro gə̄ tə́ n na reēn̄ seneé ní, tá laā gə̄gē ní na n-rāā yá̰á̰ kə́ kadə̄ deē ənīnəń dəngáyá aĺ ō.
16Dan ń ngol ngé kɔr̄ mápa gə̄ a̰a̰ kadə̄ kum nī ń Jəjep ɔjə ní i kə́ majanī ənī gotə yān, əda na nī na rāān adə̄ na n-ətō keē mápa gə̄ dɔn tə́ na i mətá ta naā tə́. 17Yá̰a̰ kəsa kə́ leḿ leḿ yā *Parao̰ kə́ kɔr̄ púŕ tə́ gə̄ na i kem keē ń na ndi ta madə̄ gə̄ tə́ dɔn tə́ ní tā, ba yel̄ gə̄ na əsan̄ dɔn tə́ kɔ̄ɔ́. 18Jəjep ɔjən kum nī ní ədan na keē kə́ mətá gə̄ ní na i ndɔ̄ mətá, 19na na̰y ndɔ̄ na i mətá kadə̄ *Parao̰ na a un dɔn dɔɔ́, ba na i kun kə́ a nelə̄n alé, na a do̰ō̰ kəlā kɔ́ɔn tə́ yā naān ta jī kāgə̄ tə́ kadə̄ yel̄ gə̄ na a əsan̄ dā̰n.
20Ndɔ̄ mətá gō tə́ anī *Parao̰ rāā nāā kojən. Ni rāā yá̰a̰ kəsa kə́ ngá̰ý adə̄ ngé rāā kəla yān gə̄ malang. Ni əndā ngol ngé kadə̄ mban̄g yá̰a̰ ka̰ȳ gə̄ ō, ngol ngé kɔr̄ mápa gə̄ ō, loo kə́ bo tə́ ta kum ngé kəla yān gə̄ tə́ malang. 21Əndā ngol ngé kadə̄ mban̄g yá̰a̰ ka̰ȳ gə̄ gotən tə́ loo kəla yān tə́ kadə̄ əla kópə yá̰a̰ ka̰ȳ jīn tə́, 22ba do̰ō̰ kəlā kɔ́ɔ ngol ngé kɔr̄ mápa gə̄ tə́ naānəń ta jī kāgə̄ tə́ tītə̄ ń Jəjep ɔjənəń ní. 23Ngol ngé kadə̄ mban̄g yá̰a̰ ka̰ȳ gə̄ gír̄ dɔ Jəjep tə́ to̰ alé, dɔn ndígə̄nalən kɔ̄ɔ́.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2006, 2010 Alliance Biblique du Tchad