Ta Kəla gír yá̰a̰ gə̄ 45
45
Jəjep rāā adə̄ ngákó̰o̰n gə̄ ger̄nən̄
1Jəjep asə tə́gā tan ta kum de gə̄ ń gīrə̄n̄ gidən malang tə́ ní to̰ alé, adə̄ əga kɔŕ əda na kə de gə̄ kə teēn̄ ndágá malang. Adə̄ dan ń Jəjep rāā adə̄ ngákó̰o̰n gə̄ ger̄nən̄ ní, de kə́ rang gətóo sedə́. 2Ni nōō kə kɔrɔ́ adə̄ de kə́ Ejiptə tə́ gə̄ oōn̄, adə̄ aw̄ ədan̄ *Parao̰.
3Jəjep əda ngákó̰o̰n gə̄ na i ni Jəjep n n-ra toó, ké bɔbə̄n ké ndi noó kə kumneé ɓáý wa. Banī ngákó̰o̰n gə̄ gerə̄n̄ loo ndigən alé, tɔdɔ̄ kemdə́ ndi kə gōó ta kumən tə́ to̰ alé. 4Ni ədadə́ na kə ndɔ́tə̄n̄ kə̄ rɔ̄n tə́ ngɔr, anī nin̄ ndɔ́tə̄n̄ kə̄ rɔ̄n tə́. Jəjep ədadə́ na ni na i ngōkó̰ó̰də́ Jəjep ń igən̄ seneé adə̄ aw̄n̄ seneé Ejiptə tə́ ní, 5kə lōōn̄ kadə̄ kemdə́ kə rāādə́ ō, kə lōōn̄ sōl̄ najə̄ kigə ń igən̄ seneé adə̄ reēn̄ seneé laā ní tə́ ō, tɔdɔ̄ Nə́ɓā na əlan kété nodə́ tə́ na i tām̄ kadə̄ na nin̄-ndin̄ń kə kumdə́. 6Na ɓō to kem ɓēé rāā ɓāl̄ na i jōó kɔ̄ɔ́ ɓá, ba na̰y ɓāl̄ na i mí kadə̄ deē a ndɔr̄ aĺ ō, deē a əja kōō aĺ ō, 7adə̄ Nə́ɓā na əlan kem ɓē ń toō tə́ kété nodə́ tə́ na i yā kadə̄ n-kán̄ kōō kə̄ dɔ naā tə́ n-əndā dɔ jīn yā kajəńdə́ ō, yā kadə̄ de gə̄ ngá̰ý dandə́ tə́ teēnəń kum tə́ ō, 8adə̄ na i nin̄ n əlanən̄ laā ní alé, ba na i Nə́ɓā. Na i ni n na əndān adə̄ ni na i bɔbə̄ *Parao̰ ō, kɔ́ɔ̄ yá̰á̰ kə́ kem kújə yān tə́ malang ō, nge ko̰o̰ ɓē kə́ Ejiptə tə́ malang ō ní.
9Ní, kə tél kə aw̄n̄ láẃ rɔ̄ bɔbə̄n tə́, kə ədanən̄ na ngōnə̄n Jəjep na ɔr̄ najə̄ seneé əda na Nə́ɓā na əndāń kɔ́ɔ̄ dɔ nang kə́ Ejiptə tə́ malang ní, kə reē rɔ̄n tə́ laā kanjə̄ kɔr bā̰ā̰. 10Kə reē kə ngánən gēé ō, kə ngán kaan gēé ō, kə batə̄ yān gēé ō, kə bə̄yā̰ yān gēé ō, kə man̄g yān gēé ō, kə yá̰a̰ yān gēé malang, kə reē kə ndi dɔ nang kə́ Gosen tə́, tɔdɔ̄ na i rɔ̄n tə́ ngɔr, 11na i loo ń noō tə́ n na n-a̰a̰ gōn, nəkɔ́ ō, kojə yān ō, de gə̄ yān gə̄ ō, kə yá̰a̰ kəsaá kadə̄ nalə̄n̄ yá̰á̰ kógə̄ḿ alé ní. Tɔdɔ̄ na na̰y ɓāl̄ ɓō na i mí kə̄ nodə́ tə́ ɓáý.
12Nin̄ kɔ́ gə̄ ō, kem kó̰o̰ madə̄n Benjamḛ ō, na a̰a̰n̄ kə kumdə́ kadə̄ i nəkɔ́ n n-ɔr̄ najə̄ sedə́ toō. 13Kə ədan̄ bɔbə̄n najə̄ loo kə́ bo ń na n-ndi tū tə́ dɔ nang kə́ Ejiptə tə́ toō ō, kə ɔjənən̄ gotə yá̰a̰ gə̄ ń na a̰a̰n̄ malang ní ō, ba kə reēn̄ seneé láẃ.
14Jəjep əsō kə̄ kɔ́ɔ Benjamḛ tə́, əhɔn̄ naā ba nōōn̄. 15Ni tél əhɔ ngákó̰o̰n gə̄ malang kə̄ rɔ̄n tə́ ɓir̄də́ dagə kə nōó kumən tə́ ō. Gō tə́ anī ngákó̰o̰n gə̄ tél ndi wálə̄n̄ najə̄ seneé.
Parao̰ ɓāŕ Jakob kadə̄ aw̄ Ejiptə tə́
16Najə̄ kugə̄ ngákó̰o̰ Jəjep gə̄ ní ɓār̄ teē ndogó mbangāá. Adə̄ dan ń *Parao̰ oō ní nelə̄n ō, nel̄ ngé kəla yān gə̄ ō. 17*Parao̰ əda Jəjep na kə əda ngákó̰o̰n gə̄ kadə̄ kə ɔyn̄ yá̰a̰ gidə dā̰ yādə́ gə̄ tə́, kə tél aw̄n̄ gogə́ Kanaan, 18kə aw̄ reēn̄ kə bɔbə̄də́ ō, kə kojə yādə́ gēé ō, na n-a n-adə̄də́ loo kə́ majə ngá̰ý dɔ nang kə́ Ejiptə tə́ kadə̄ ndin̄ tū tə́ əngenə̄ń yá̰a̰. 19Kə ədadə́ kadə̄ ɔyn̄ púsə man̄g kə́ kem ɓē kə́ Ejiptə tə́ gə̄, kə reēnəń kə ngáńdə́ gēé ō, kə nə̄yá̰də́ gēé ō, kə bɔbə̄də́ ō, 20kadə̄ kə lōōn̄ ndə̄ngā rɔ̄də́ tām̄ yá̰á̰ ń a əya̰n̄ nú tə́ ní, tɔdɔ̄ na a reēn̄ yā ndi loo kə́ majə ngá̰ý tə́ dɔ nang kə́ Ejiptə tə́.
21Ngán Jakob gə̄ rāān̄ yá̰á̰ ń ədan̄də́ kadə̄ rāān̄ ní. Jəjep adə̄də́ púsə man̄g gə̄ tītə̄ ń *Parao̰ ədanəń ní ō, adə̄də́ sádə̄ tām̄ yā róbə mbā tə́ ō. 22Adə̄də́ kūbə̄ kə́ yā mbéləń gír madə̄ gə̄ ō, ba Benjamḛ tá adə̄n sə́lē kə́ rāā kə gində̄ arjā̰a̰á̰ ɓú mətá ō, kūbə̄ mí ō. 23Əla kə yá̰á̰ kə́ majə ngá̰ý gə̄ kə́ dɔ nang kə́ Ejiptə tə́ kərō kutə adə̄ bɔbə̄n ō, adə̄ kó̰o̰ kərō kutə ətōn̄ kōō ō, mápa ō, yá̰a̰ kəsa gə̄ ō, yā kaw̄ń kadə̄ bɔbə̄n tām̄ róbə mbā tə́. 24Gō tə́ anī əya̰ ngákó̰o̰n gə̄ adə̄ aw̄n̄ ba tāādə́ na kə lōōn̄ tṵ́ṵ̄ naā róbó.
25Nin̄ ḭḭn̄ Ejiptə tə́ aw̄ ugə̄n̄ dɔ nang kə́ Kanaan tə́ rɔ̄ bɔbə̄də́ Jakob tə́, 26ədanən̄ na Jəjep na ndi kə kumneé noō, na i ni n o̰o̰ ɓē kə́ Ejiptə tə́ malang ní gə̄gē ɓáý. Banī Jakob ugə̄ rɔ̄n ɗem aĺ bátə́, tɔdɔ̄ ni taā kem najə̄ kɔr̄də́ alé. 27Ədanən̄ najə̄ ń Jəjep ɔr̄ sedə́ ní malang ō, a̰a̰ púsə man̄g gə̄ ń Jəjep əlań kadə̄ ətōnənə̄ń ní ō, pá tá kadə̄ a ndól kə gō gogə́ ɓáý. 28Loo ń noō tə́ *Israel əda na kadə̄ asə, ngōnə̄n Jəjep na ndi noó kə kumneé ɓáý, na n-aw̄ yā ka̰a̰n pá tá kadə̄ n-oy.
Currently Selected:
Ta Kəla gír yá̰a̰ gə̄ 45: BS
Highlight
Share
Copy
Want to have your highlights saved across all your devices? Sign up or sign in
© 2006, 2010 Alliance Biblique du Tchad
Ta Kəla gír yá̰a̰ gə̄ 45
45
Jəjep rāā adə̄ ngákó̰o̰n gə̄ ger̄nən̄
1Jəjep asə tə́gā tan ta kum de gə̄ ń gīrə̄n̄ gidən malang tə́ ní to̰ alé, adə̄ əga kɔŕ əda na kə de gə̄ kə teēn̄ ndágá malang. Adə̄ dan ń Jəjep rāā adə̄ ngákó̰o̰n gə̄ ger̄nən̄ ní, de kə́ rang gətóo sedə́. 2Ni nōō kə kɔrɔ́ adə̄ de kə́ Ejiptə tə́ gə̄ oōn̄, adə̄ aw̄ ədan̄ *Parao̰.
3Jəjep əda ngákó̰o̰n gə̄ na i ni Jəjep n n-ra toó, ké bɔbə̄n ké ndi noó kə kumneé ɓáý wa. Banī ngákó̰o̰n gə̄ gerə̄n̄ loo ndigən alé, tɔdɔ̄ kemdə́ ndi kə gōó ta kumən tə́ to̰ alé. 4Ni ədadə́ na kə ndɔ́tə̄n̄ kə̄ rɔ̄n tə́ ngɔr, anī nin̄ ndɔ́tə̄n̄ kə̄ rɔ̄n tə́. Jəjep ədadə́ na ni na i ngōkó̰ó̰də́ Jəjep ń igən̄ seneé adə̄ aw̄n̄ seneé Ejiptə tə́ ní, 5kə lōōn̄ kadə̄ kemdə́ kə rāādə́ ō, kə lōōn̄ sōl̄ najə̄ kigə ń igən̄ seneé adə̄ reēn̄ seneé laā ní tə́ ō, tɔdɔ̄ Nə́ɓā na əlan kété nodə́ tə́ na i tām̄ kadə̄ na nin̄-ndin̄ń kə kumdə́. 6Na ɓō to kem ɓēé rāā ɓāl̄ na i jōó kɔ̄ɔ́ ɓá, ba na̰y ɓāl̄ na i mí kadə̄ deē a ndɔr̄ aĺ ō, deē a əja kōō aĺ ō, 7adə̄ Nə́ɓā na əlan kem ɓē ń toō tə́ kété nodə́ tə́ na i yā kadə̄ n-kán̄ kōō kə̄ dɔ naā tə́ n-əndā dɔ jīn yā kajəńdə́ ō, yā kadə̄ de gə̄ ngá̰ý dandə́ tə́ teēnəń kum tə́ ō, 8adə̄ na i nin̄ n əlanən̄ laā ní alé, ba na i Nə́ɓā. Na i ni n na əndān adə̄ ni na i bɔbə̄ *Parao̰ ō, kɔ́ɔ̄ yá̰á̰ kə́ kem kújə yān tə́ malang ō, nge ko̰o̰ ɓē kə́ Ejiptə tə́ malang ō ní.
9Ní, kə tél kə aw̄n̄ láẃ rɔ̄ bɔbə̄n tə́, kə ədanən̄ na ngōnə̄n Jəjep na ɔr̄ najə̄ seneé əda na Nə́ɓā na əndāń kɔ́ɔ̄ dɔ nang kə́ Ejiptə tə́ malang ní, kə reē rɔ̄n tə́ laā kanjə̄ kɔr bā̰ā̰. 10Kə reē kə ngánən gēé ō, kə ngán kaan gēé ō, kə batə̄ yān gēé ō, kə bə̄yā̰ yān gēé ō, kə man̄g yān gēé ō, kə yá̰a̰ yān gēé malang, kə reē kə ndi dɔ nang kə́ Gosen tə́, tɔdɔ̄ na i rɔ̄n tə́ ngɔr, 11na i loo ń noō tə́ n na n-a̰a̰ gōn, nəkɔ́ ō, kojə yān ō, de gə̄ yān gə̄ ō, kə yá̰a̰ kəsaá kadə̄ nalə̄n̄ yá̰á̰ kógə̄ḿ alé ní. Tɔdɔ̄ na na̰y ɓāl̄ ɓō na i mí kə̄ nodə́ tə́ ɓáý.
12Nin̄ kɔ́ gə̄ ō, kem kó̰o̰ madə̄n Benjamḛ ō, na a̰a̰n̄ kə kumdə́ kadə̄ i nəkɔ́ n n-ɔr̄ najə̄ sedə́ toō. 13Kə ədan̄ bɔbə̄n najə̄ loo kə́ bo ń na n-ndi tū tə́ dɔ nang kə́ Ejiptə tə́ toō ō, kə ɔjənən̄ gotə yá̰a̰ gə̄ ń na a̰a̰n̄ malang ní ō, ba kə reēn̄ seneé láẃ.
14Jəjep əsō kə̄ kɔ́ɔ Benjamḛ tə́, əhɔn̄ naā ba nōōn̄. 15Ni tél əhɔ ngákó̰o̰n gə̄ malang kə̄ rɔ̄n tə́ ɓir̄də́ dagə kə nōó kumən tə́ ō. Gō tə́ anī ngákó̰o̰n gə̄ tél ndi wálə̄n̄ najə̄ seneé.
Parao̰ ɓāŕ Jakob kadə̄ aw̄ Ejiptə tə́
16Najə̄ kugə̄ ngákó̰o̰ Jəjep gə̄ ní ɓār̄ teē ndogó mbangāá. Adə̄ dan ń *Parao̰ oō ní nelə̄n ō, nel̄ ngé kəla yān gə̄ ō. 17*Parao̰ əda Jəjep na kə əda ngákó̰o̰n gə̄ kadə̄ kə ɔyn̄ yá̰a̰ gidə dā̰ yādə́ gə̄ tə́, kə tél aw̄n̄ gogə́ Kanaan, 18kə aw̄ reēn̄ kə bɔbə̄də́ ō, kə kojə yādə́ gēé ō, na n-a n-adə̄də́ loo kə́ majə ngá̰ý dɔ nang kə́ Ejiptə tə́ kadə̄ ndin̄ tū tə́ əngenə̄ń yá̰a̰. 19Kə ədadə́ kadə̄ ɔyn̄ púsə man̄g kə́ kem ɓē kə́ Ejiptə tə́ gə̄, kə reēnəń kə ngáńdə́ gēé ō, kə nə̄yá̰də́ gēé ō, kə bɔbə̄də́ ō, 20kadə̄ kə lōōn̄ ndə̄ngā rɔ̄də́ tām̄ yá̰á̰ ń a əya̰n̄ nú tə́ ní, tɔdɔ̄ na a reēn̄ yā ndi loo kə́ majə ngá̰ý tə́ dɔ nang kə́ Ejiptə tə́.
21Ngán Jakob gə̄ rāān̄ yá̰á̰ ń ədan̄də́ kadə̄ rāān̄ ní. Jəjep adə̄də́ púsə man̄g gə̄ tītə̄ ń *Parao̰ ədanəń ní ō, adə̄də́ sádə̄ tām̄ yā róbə mbā tə́ ō. 22Adə̄də́ kūbə̄ kə́ yā mbéləń gír madə̄ gə̄ ō, ba Benjamḛ tá adə̄n sə́lē kə́ rāā kə gində̄ arjā̰a̰á̰ ɓú mətá ō, kūbə̄ mí ō. 23Əla kə yá̰á̰ kə́ majə ngá̰ý gə̄ kə́ dɔ nang kə́ Ejiptə tə́ kərō kutə adə̄ bɔbə̄n ō, adə̄ kó̰o̰ kərō kutə ətōn̄ kōō ō, mápa ō, yá̰a̰ kəsa gə̄ ō, yā kaw̄ń kadə̄ bɔbə̄n tām̄ róbə mbā tə́. 24Gō tə́ anī əya̰ ngákó̰o̰n gə̄ adə̄ aw̄n̄ ba tāādə́ na kə lōōn̄ tṵ́ṵ̄ naā róbó.
25Nin̄ ḭḭn̄ Ejiptə tə́ aw̄ ugə̄n̄ dɔ nang kə́ Kanaan tə́ rɔ̄ bɔbə̄də́ Jakob tə́, 26ədanən̄ na Jəjep na ndi kə kumneé noō, na i ni n o̰o̰ ɓē kə́ Ejiptə tə́ malang ní gə̄gē ɓáý. Banī Jakob ugə̄ rɔ̄n ɗem aĺ bátə́, tɔdɔ̄ ni taā kem najə̄ kɔr̄də́ alé. 27Ədanən̄ najə̄ ń Jəjep ɔr̄ sedə́ ní malang ō, a̰a̰ púsə man̄g gə̄ ń Jəjep əlań kadə̄ ətōnənə̄ń ní ō, pá tá kadə̄ a ndól kə gō gogə́ ɓáý. 28Loo ń noō tə́ *Israel əda na kadə̄ asə, ngōnə̄n Jəjep na ndi noó kə kumneé ɓáý, na n-aw̄ yā ka̰a̰n pá tá kadə̄ n-oy.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2006, 2010 Alliance Biblique du Tchad