Ta Kəla gír yá̰a̰ gə̄ 46
46
Jakob aw̄ Ejiptə tə́
1Jakob ɔy yá̰a̰ yān malang ba əsō róbó, aw̄ ugə̄ Beer Seba anī *tun̄ yá̰a̰ adə̄ Nə́ɓā yā bɔbə̄n Isaak. 2Nə́ɓā ndɔ̄bə̄n ndɔ̄ɔ́, ɔr̄ najə̄ seneé, ɓārə́n na Jakob, Jakob!
Anī Jakob ndigən na:
Mā n toó.
3Anī Nə́ɓā əda na ni na i Nə́ɓā yā bɔbə̄n, kə lōō ɓōĺ kaw̄ Ejiptə tə́, tɔdɔ̄ n-a n-rāā kadə̄ a tél nápar de kə́ ngá̰ý gə̄ kem ɓē ń noō tə́. 4Nəkɔ́ na n-aw̄ seneé Ejiptə tə́ ō, n-a n-teē seneé kɔ̄ɔ́ kem ɓē kə́ Ejiptə tə́ ō, Jəjep na a əhɔ kumən kə̄ naā tə́ ō.
5Jakob ḭḭ Beer Seba aw̄. Ngán *Israel gə̄ əndān̄ bɔbə̄də́ Jakob ō, ngáńdə́ gə̄ ō, nə̄yá̰də́ gə̄ ō, kem púsə man̄g gə̄ ń *Parao̰ əlań gōdə́ tə́ ní. 6Ɔyn̄ yá̰a̰ kul̄ yādə́ gə̄ ō, yá̰a̰ gə̄ ń əngen̄ dɔ nang kə́ Kanaan tə́ ní ō, ba aw̄n̄. Jakob aw̄ Ejiptə tə́ kə de gə̄ yān gēé malang. 7Aw̄ kə ngánən kə́ dəngam gēé ō, kə́ dəyá̰ gēé ō, kə ngán kaan kə́ dəngam gēé ō, kə́ dəyá̰ gēé ō.
Gír kaa yā Jakob
8*Israel gə̄, adə̄ i Jakob nin̄ kə gír kaa yānneé ń reē ugə̄n̄ dɔ nang kə́ Ejiptə tə́ ní, rīdə́ n toó:
Hágə Jakob i Ruben. 9Ngán Ruben gə̄ i Hanok ō, Palu ō, Hesəron ō, Karmi ō.
10Ngán Simeo̰ gə̄ i Yemuel ō, Yamin ō, Ohad ō, Yakin ō, Sohar ō, Saul ngōn̄ dəyá̰ kə́ Kanaan tə́ ō.
11*Ngán Lebi gə̄ i Gerson ō, Kehat ō, Merari ō.
12Ngán *Juda gə̄ i Er ō, Onan ō, Sela ō, Peres nin̄ kə Jeraá ō, ba Er nin̄ kə Onan tá oyn̄ dɔ nang kə́ Kanaan tə́. Ngán Peres gə̄ i Hesəron ō, Hamul ō.
13Ngán Isakar gə̄ i Tola ō, Puba ō, Yob ō, Simron ō.
14Ngán Jabulo̰ gə̄ i Sered ō, Elon ō, Yalel ō.
15Ngán gə̄ ń Lea ojə kə Jakobó dɔ nang kə́ Mesopotami#46.15 Mesopotami: Á̰a̰ī Tkg 24.10 tə́ ní n noó, nin̄ kə ngáńdə́ gēé. Ngōn̄də́ kə́ dəyá̰ ń rīn na i Dina ní i sedə́ ō. Ngán Lea gə̄ naā tə́ kə ngáńdə́ gēé malang ní nin̄ i deē kutə mətá gidə i mətá.
16Ngán Gad gə̄ i Sipion ō, Hagi ō, Suni ō, Esəbon ō, Eri ō, Arodi ō, Areli ō.
17Ngán Aser gə̄ i Iməna ō, Isəba ō, Isəbi ō, Beria ō, Sera ń ngōkó̰ó̰də́ kə́ dəyá̰ ní ō. Ngán Beria gə̄ i Heber ō, Malkiel ō.
18Silpa ń Laban adə̄n kə ngōnə̄n Lea ní, ngánən gə̄ n noó nin̄ kə ngáńdə́ gēé. Silpa ojədə́ kə Jakobó. Nin̄ kə ngáńdə́ gēé malang i deē kutə gidə i mehḛ́.
19Ngán Rasel kə́ nə̄yá̰ Jakob gə̄ i Jəjep ō, Benjamḛ ō. 20Asənat ngōn̄ Potipera nge tun̄ yá̰á̰ kə́ On ojə Manase ō, *Epəraim ō, kə Jəjepé dɔ nang kə́ Ejiptə tə́.
21Ngán Benjamḛ gə̄ i Bela ō, Beker ō, Asəbel ō, Gera ō, Naaman ō, Ehi ō, Ros ō, Mupim ō, Hupim ō, Ard ō.
22Ngán Rasel gə̄ ń ojə kə Jakobó ní n noó kə ngáńdə́ gēé. Nin̄ malang i deē kutə gidə i sɔ́.
23Ngōn̄ Dan i Husim.
24Ngán Nepətali gə̄ i Yasiel ō, Guni ō, Yeser ō, Silem ō.
25Bila ń Laban adə̄n kə ngōnə̄n Raselé ní, ngánən gə̄ kə ngán kaan gə̄ n noó. Bila ojədə́ kə Jakobó. Nin̄ malang i deē sīrí.
26Deē yā Jakob gə̄ ń reēn̄ seneé dɔ nang kə́ Ejiptə tə́ ní, nin̄ malang i deē kutə mehḛ́ gidə i mehḛ́, kanjə̄ tə́da nə̄yá̰ ngánən gə̄. 27Ngán Jəjep kə́ ojədə́ dɔ nang kə́ Ejiptə tə́ gə̄ i jōó. Kutə de gə̄ malang kə́ kem kojə yā Jakob tə́ ń reē ugə̄n̄ dɔ nang kə́ Ejiptə tə́ ní i deē kutə sīrí.
Jakob ndi Ejiptə tə́
28Jakob əla *Juda kété non tə́ rɔ̄ Jəjep tə́ kadə̄ ədan kōō kaw̄n kə̄ Gosen. 29Jəjep adə̄ sə́nda yān gə̄ unən̄ púsə, al̄ kemeé ba aw̄ kə̄ Gosen tə́nī ta bɔbə̄n *Israel tə́. Dan ń aw̄ əngen̄ naā anī, əsō kə̄ kɔ́ɔ bɔbə̄n tə́ ba nōō dan i ngá̰ý. 30Israel əda Jəjep na n-a̰a̰n adə̄ na ndi kə kumneé ɓáý ní ká i yo gə̄gē a kə n-oy tā.
31Jəjep əda ngákó̰o̰n gə̄ ō, gotə de gə̄ yā bɔbə̄n gə̄ ō, na n-aw̄ yā tāā *Parao̰ kədan na ngákó̰o̰n gə̄ ō, deē yā bɔbə̄n gə̄ ō ń ndin̄ dɔ nang kə́ Kanaan tə́ ní na reē ugə̄n̄ rɔ̄n tə́ kɔ̄ɔ́. 32Nin̄ na i ngé kul̄ yá̰a̰ gə̄, adə̄ na reēn̄ kə batə̄ yādə́ gēé ō, kə bə̄yā̰ yādə́ gēé ō, kə man̄g yādə́ gēé ō, kə yá̰a̰ yādə́ gēé malang ō. 33Adə̄ ré *Parao̰ ɓāŕdə́ ba dəjedə́ na ké kəla rāādə́ ké i rí wa anī, 34kə ədanən̄ na nin̄ na i ngé kul̄ dā̰ gə̄, n-əlan̄ gír na i kə dūúdə́ n na n-aw̄nəń jīdə́ tə́ toō tītə̄ yā kaadə́ gə̄. Ɓáa na a ndin̄ dɔ nang kə́ Gosen tə́, tɔdɔ̄ ngé kul̄ yá̰a̰ gə̄ na i de kə́ yḛr gə̄ malang ta kum de kə́ Ejiptə tə́ gə̄ tə́.
Currently Selected:
Ta Kəla gír yá̰a̰ gə̄ 46: BS
Highlight
Share
Copy
Want to have your highlights saved across all your devices? Sign up or sign in
© 2006, 2010 Alliance Biblique du Tchad
Ta Kəla gír yá̰a̰ gə̄ 46
46
Jakob aw̄ Ejiptə tə́
1Jakob ɔy yá̰a̰ yān malang ba əsō róbó, aw̄ ugə̄ Beer Seba anī *tun̄ yá̰a̰ adə̄ Nə́ɓā yā bɔbə̄n Isaak. 2Nə́ɓā ndɔ̄bə̄n ndɔ̄ɔ́, ɔr̄ najə̄ seneé, ɓārə́n na Jakob, Jakob!
Anī Jakob ndigən na:
Mā n toó.
3Anī Nə́ɓā əda na ni na i Nə́ɓā yā bɔbə̄n, kə lōō ɓōĺ kaw̄ Ejiptə tə́, tɔdɔ̄ n-a n-rāā kadə̄ a tél nápar de kə́ ngá̰ý gə̄ kem ɓē ń noō tə́. 4Nəkɔ́ na n-aw̄ seneé Ejiptə tə́ ō, n-a n-teē seneé kɔ̄ɔ́ kem ɓē kə́ Ejiptə tə́ ō, Jəjep na a əhɔ kumən kə̄ naā tə́ ō.
5Jakob ḭḭ Beer Seba aw̄. Ngán *Israel gə̄ əndān̄ bɔbə̄də́ Jakob ō, ngáńdə́ gə̄ ō, nə̄yá̰də́ gə̄ ō, kem púsə man̄g gə̄ ń *Parao̰ əlań gōdə́ tə́ ní. 6Ɔyn̄ yá̰a̰ kul̄ yādə́ gə̄ ō, yá̰a̰ gə̄ ń əngen̄ dɔ nang kə́ Kanaan tə́ ní ō, ba aw̄n̄. Jakob aw̄ Ejiptə tə́ kə de gə̄ yān gēé malang. 7Aw̄ kə ngánən kə́ dəngam gēé ō, kə́ dəyá̰ gēé ō, kə ngán kaan kə́ dəngam gēé ō, kə́ dəyá̰ gēé ō.
Gír kaa yā Jakob
8*Israel gə̄, adə̄ i Jakob nin̄ kə gír kaa yānneé ń reē ugə̄n̄ dɔ nang kə́ Ejiptə tə́ ní, rīdə́ n toó:
Hágə Jakob i Ruben. 9Ngán Ruben gə̄ i Hanok ō, Palu ō, Hesəron ō, Karmi ō.
10Ngán Simeo̰ gə̄ i Yemuel ō, Yamin ō, Ohad ō, Yakin ō, Sohar ō, Saul ngōn̄ dəyá̰ kə́ Kanaan tə́ ō.
11*Ngán Lebi gə̄ i Gerson ō, Kehat ō, Merari ō.
12Ngán *Juda gə̄ i Er ō, Onan ō, Sela ō, Peres nin̄ kə Jeraá ō, ba Er nin̄ kə Onan tá oyn̄ dɔ nang kə́ Kanaan tə́. Ngán Peres gə̄ i Hesəron ō, Hamul ō.
13Ngán Isakar gə̄ i Tola ō, Puba ō, Yob ō, Simron ō.
14Ngán Jabulo̰ gə̄ i Sered ō, Elon ō, Yalel ō.
15Ngán gə̄ ń Lea ojə kə Jakobó dɔ nang kə́ Mesopotami#46.15 Mesopotami: Á̰a̰ī Tkg 24.10 tə́ ní n noó, nin̄ kə ngáńdə́ gēé. Ngōn̄də́ kə́ dəyá̰ ń rīn na i Dina ní i sedə́ ō. Ngán Lea gə̄ naā tə́ kə ngáńdə́ gēé malang ní nin̄ i deē kutə mətá gidə i mətá.
16Ngán Gad gə̄ i Sipion ō, Hagi ō, Suni ō, Esəbon ō, Eri ō, Arodi ō, Areli ō.
17Ngán Aser gə̄ i Iməna ō, Isəba ō, Isəbi ō, Beria ō, Sera ń ngōkó̰ó̰də́ kə́ dəyá̰ ní ō. Ngán Beria gə̄ i Heber ō, Malkiel ō.
18Silpa ń Laban adə̄n kə ngōnə̄n Lea ní, ngánən gə̄ n noó nin̄ kə ngáńdə́ gēé. Silpa ojədə́ kə Jakobó. Nin̄ kə ngáńdə́ gēé malang i deē kutə gidə i mehḛ́.
19Ngán Rasel kə́ nə̄yá̰ Jakob gə̄ i Jəjep ō, Benjamḛ ō. 20Asənat ngōn̄ Potipera nge tun̄ yá̰á̰ kə́ On ojə Manase ō, *Epəraim ō, kə Jəjepé dɔ nang kə́ Ejiptə tə́.
21Ngán Benjamḛ gə̄ i Bela ō, Beker ō, Asəbel ō, Gera ō, Naaman ō, Ehi ō, Ros ō, Mupim ō, Hupim ō, Ard ō.
22Ngán Rasel gə̄ ń ojə kə Jakobó ní n noó kə ngáńdə́ gēé. Nin̄ malang i deē kutə gidə i sɔ́.
23Ngōn̄ Dan i Husim.
24Ngán Nepətali gə̄ i Yasiel ō, Guni ō, Yeser ō, Silem ō.
25Bila ń Laban adə̄n kə ngōnə̄n Raselé ní, ngánən gə̄ kə ngán kaan gə̄ n noó. Bila ojədə́ kə Jakobó. Nin̄ malang i deē sīrí.
26Deē yā Jakob gə̄ ń reēn̄ seneé dɔ nang kə́ Ejiptə tə́ ní, nin̄ malang i deē kutə mehḛ́ gidə i mehḛ́, kanjə̄ tə́da nə̄yá̰ ngánən gə̄. 27Ngán Jəjep kə́ ojədə́ dɔ nang kə́ Ejiptə tə́ gə̄ i jōó. Kutə de gə̄ malang kə́ kem kojə yā Jakob tə́ ń reē ugə̄n̄ dɔ nang kə́ Ejiptə tə́ ní i deē kutə sīrí.
Jakob ndi Ejiptə tə́
28Jakob əla *Juda kété non tə́ rɔ̄ Jəjep tə́ kadə̄ ədan kōō kaw̄n kə̄ Gosen. 29Jəjep adə̄ sə́nda yān gə̄ unən̄ púsə, al̄ kemeé ba aw̄ kə̄ Gosen tə́nī ta bɔbə̄n *Israel tə́. Dan ń aw̄ əngen̄ naā anī, əsō kə̄ kɔ́ɔ bɔbə̄n tə́ ba nōō dan i ngá̰ý. 30Israel əda Jəjep na n-a̰a̰n adə̄ na ndi kə kumneé ɓáý ní ká i yo gə̄gē a kə n-oy tā.
31Jəjep əda ngákó̰o̰n gə̄ ō, gotə de gə̄ yā bɔbə̄n gə̄ ō, na n-aw̄ yā tāā *Parao̰ kədan na ngákó̰o̰n gə̄ ō, deē yā bɔbə̄n gə̄ ō ń ndin̄ dɔ nang kə́ Kanaan tə́ ní na reē ugə̄n̄ rɔ̄n tə́ kɔ̄ɔ́. 32Nin̄ na i ngé kul̄ yá̰a̰ gə̄, adə̄ na reēn̄ kə batə̄ yādə́ gēé ō, kə bə̄yā̰ yādə́ gēé ō, kə man̄g yādə́ gēé ō, kə yá̰a̰ yādə́ gēé malang ō. 33Adə̄ ré *Parao̰ ɓāŕdə́ ba dəjedə́ na ké kəla rāādə́ ké i rí wa anī, 34kə ədanən̄ na nin̄ na i ngé kul̄ dā̰ gə̄, n-əlan̄ gír na i kə dūúdə́ n na n-aw̄nəń jīdə́ tə́ toō tītə̄ yā kaadə́ gə̄. Ɓáa na a ndin̄ dɔ nang kə́ Gosen tə́, tɔdɔ̄ ngé kul̄ yá̰a̰ gə̄ na i de kə́ yḛr gə̄ malang ta kum de kə́ Ejiptə tə́ gə̄ tə́.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2006, 2010 Alliance Biblique du Tchad