Ta Kəla gír yá̰a̰ gə̄ 47
47
1Jəjep aw̄ əda *Parao̰ na bɔbə̄n ō, ngákó̰o̰n gə̄ ō, na ḭḭn̄ dɔ nang kə́ Kanaan tə́ reē ugə̄n̄ kə yá̰a̰ yādə́ gēé malang, batə̄ gə̄gē bə̄yā̰ gə̄gē man̄g gə̄gē, na reē na ndin̄ dɔ nang kə́ Gosen tə́ noō. 2Ni ɔy ngákó̰o̰n gə̄ mí aw̄ ɔjədə́ kə Parao̰ó̰. 3Anī *Parao̰ dəjedə́ na ké kəla rāādə́ ké i rí wa. Nin̄ tél ədanən̄ na nin̄ na i ngé kul̄ yá̰a̰ gə̄ tītə̄ yā kaadə́ gə̄. 4Ədan̄ *Parao̰ ɓáý to̰ na ɓō na i ngá̰ý dɔ nang kə́ Kanaan tə́ ō, mu kə́ kadə̄ yá̰a̰ kul̄ yādə́ gə̄ əsan̄ na gətóo ō, adə̄ n-ndɔ́tə̄ n-reēn̄ laā. Ní, kə adə̄də́ ta róbə kadə̄ kə n-ndinə̄ń dɔ nang kə́ Gosen tə́. 5*Parao̰ əda Jəjep na bɔbə̄n ō, ngákó̰o̰n gə̄ ō, na reēn̄ i rɔ̄n tə́, 6na dɔ nang kə́ Ejiptə tə́ na i tām̄ yān tə́ kə taá malang. Ní, kə sāā loo kə́ majə kə əndādə́ tū tə́. Kadə̄ ndin̄ dɔ nang kə́ Gosen tə́. Ba ré kə ənge de kə́ ger̄ kəla majə gə̄ dɔ dáńdə́ tə́ anī, kə əndādə́ dɔ yá̰a̰ kul̄ yān ni *Parao̰ gə̄ tə́.
7Jəjep aw̄ kə bɔbə̄n Jakobó rɔ̄ *Parao̰ tə́, aw̄ ɔjən seneé. Jakob rāā *Parao̰ lápə́ya kə rɔyɔ́. 8Anī mban̄g *Parao̰ dəjen na ké ɓālə̄n ké i kóndóńg wa. 9Jakob tél ədan na ɓāl̄ gə̄ ń na n-njə̄rań mbā ní na i ɓāl̄ ɓú kə kutə mətá. Ndɔ̄n gə̄ na təgān̄ láẃ ngá̰ý ō, ɓāl̄ gə̄ ń yá̰á̰ kə́ ngan̄g gə̄ na rāānənə̄ń ní na i ngá̰ý ō. Ɓālə̄n na asə gō yā bɔbə̄n ō, yā kaan gə̄ ō ń na njə̄rānəń mbā tə́ ní alé. 10Jakob rāā *Parao̰ lápə́ya kə rɔyɔ́ ɓáý to̰ tá teē.
11Jəjep əndā bɔbə̄n ō, ngákó̰o̰n gə̄ ō, dɔ nang kə́ majə kə́ Ejiptə tə́, tītə̄ ń *Parao̰ ədanəń ní. Əndādə́ kadə ɓē ń rīn na i Ramses tə́ ní, ba adə̄də́ dɔ nang. 12Adə̄ bɔbə̄n ō, ngákó̰o̰n gə̄ ō, de gə̄ yādə́ gə̄ malang ō, yá̰a̰ kəsa, kə gō kutə de gə̄ ń a əsan̄ yá̰á̰ ní.
Háĺ ń Jəjep rāā kə de kə́ Ejiptə tə́ gēé ɓāl̄ ɓō tə́ ní
13Ɓō i ngá̰ý adə̄ yá̰a̰ kəsa gətóo kem ɓēé malang. Tɔ́gə de kə́ Ejiptə tə́ gə̄ ō, kə́ Kanaan tə́ gə̄ ō, gətóo sɔɔ̄ń ɓō. 14Jəjep kán̄ nar ń de kə́ Ejiptə tə́ gə̄ ō, de kə́ Kanaan tə́ gə̄ ō, mangənə̄ń kōō ní malang aw̄ń kem kújə yā *Parao̰ tə́. 15Dan ń nar kə́ dɔ nang kə́ Ejiptə tə́ ō, kə́ dɔ nang kə́ Kanaan tə́ ō, təgā anī, de kə́ Ejiptə tə́ gə̄ malang reēn̄ rɔ̄ Jəjep tə́ ədanən̄ na kə adə̄də́ yá̰a̰ kəsa tə́, ké kadə̄ kə n-oyn̄ kə̄ ta kumən tə́ tām̄ nar kə́ gətóo jīdə́ tə́ ké i tām̄ rí tə́ wa. 16Jəjep əda na ré nar gətóo anī kə adə̄nən̄ yá̰a̰ kul̄ yādə́ gə̄ gíŕ yá̰a̰ kəsaá.
17Nin̄ reēn̄ kə yá̰a̰ kul̄ yādə́ gēé adə̄n̄ Jəjep. Ni adə̄də́ yá̰a̰ kəsa taāń sə́nda gə̄ ō, batə̄ gə̄ ō, bə̄yā̰ gə̄ ō, man̄g gə̄ ō, kərō gə̄ ō. Jəjep adə̄də́ yá̰a̰ kəsa ɓāl̄ ngeé ń noō tə́ taāń yá̰a̰ kul̄ yādə́ gə̄ malang. 18Ɓāl̄ ní mān̄. Kem ɓāl̄ kə́ kutə̄ gō tə́ anī, reē ədan̄ Jəjep na nar na təgā kɔ̄ɔ́ jīdə́ tə́, adə̄ na n-mundə̄nən̄ alé, tá yá̰a̰ kul̄ yādə́ gə̄ na i kə́ n-adə̄nən̄ kɔ̄ɔ́ ō. Yá̰á̰ ń na n-aw̄nəń ní na i dā̰ rɔ̄də́ ō, na i dɔ nang yādə́ gə̄ ō ngóy. 19Ké kadə̄ n-ndin̄ kə̄ ta kumən tə́ kə n-oynə̄ń ō, kadə̄ dɔ nang yādə́ gə̄ kə tonə̄ń kɔ̄ɔ́ karī ō, ké i tām̄ rí tə́ wa. Ní, kə mangdə́ kə dɔ nang yādə́ gēé kə yá̰a̰ kəsaá, kadə̄ kə n-télnə̄ń de gə̄ yān gə̄ ō, dɔ nang yādə́ kə téləń dɔ nang yān ō. Kə adə̄də́ kōō kə́ yā dubə̄ kadə̄ n-dubə̄n̄ n-ndinə̄ń kə kumdə́ ba kə n-oyn̄ aĺ ō, kadə̄ dɔ nang yādə́ gə̄ kə tonə̄ń kɔ̄ɔ́ karī aĺ ō.
20Jəjep mang dɔ nang kə́ Ejiptə tə́ malang adə̄ *Parao̰, tɔdɔ̄ de kə́ Ejiptə tə́ gə̄ igən̄ kə ndɔr̄ yādə́ gēé jīn tə́ tām̄ ɓō tə́, adə̄ ɓē kə́ Ejiptə tə́ tél i yá̰a̰ kənge yā *Parao̰. 21Ni ndɔ́tə̄ kə gír de kə́ kem ngán ɓē gēé aw̄ sedə́ kem ɓē kə́ bo gə̄ tə́ dɔ nang kə́ Ejiptə tə́ malang. 22Banī ni mang dɔ nang yā *ngé tun̄ yá̰a̰ gə̄ alé, tɔdɔ̄ yá̰a̰ gə̄ *Parao̰ ndang kadə̄ yā rāā ní kógə̄ḿ rāā majə sedə́. Nin̄ ndin̄ i kə ta kūl̄ yá̰a̰ kənge ń *Parao̰ a adə̄də́ ní. I tām̄ ń noō tə́ n igənə̄ń kə dɔ nang yādə́ gēé aĺ ní.
23Jəjep əda de kə́ Ejiptə tə́ gə̄ na ɓōólaā na n-mangdə́ kə dɔ nang yādə́ gēé na n-adə̄ *Parao̰. Kum kōō ń to noó na i tām̄ yādə́ tə́, kə taān̄ kə dubə̄n̄. 24Ba dan yā sāā kōō gə̄ tə́ ré jáng kōō i mí anī, kə adə̄n̄ *Parao̰ kógə̄ḿ, ba kə́ sɔ́ gə̄ kə i yādə́ kadə̄ dubə̄n̄ ō, kə əsan̄ kə ngáńdə́ gə̄ ō, kə de kə́ kem kújə yādə́ gə̄ tə́ ō. 25Kósə de gə̄ ədanən̄ na i ni n na ajədə́, na rāā kem majə sedə́ ní, adə̄ na n-ndigən̄ tél ɓəlo yā *Parao̰ gə̄. 26Jəjep rāā adə̄ tīr̄ dɔ kōō ní tél i yá̰á̰ kə́ ndang kadə̄ yā rāā. Adə̄ ɓōólaā gə̄gē ní ré yá̰a̰ kənge kə́ dɔ nang kə́ Ejiptə tə́ i mí anī, kógə̄ḿ i yā *Parao̰. I dɔ nang yā *ngé tun̄ yá̰a̰ gə̄ ngóy n i yā *Parao̰ alé ní.
Jakob tāā Jəjep kadə̄ dubə̄n dɔ ɓádə kaan gə̄ tə́
27*Israel gə̄ ndin̄ kem ɓē kə́ Ejiptə tə́, dɔ nang kə́ Gosen tə́. Əngen̄ loo ō, ojən̄ ngán gə̄ ō, adə̄ bəlan̄ ngá̰ý. 28Jakob rāā ɓāl̄ kutə gidə i sīrí dɔ nang kə́ Ejiptə tə́, adə̄ ɓālə̄n malang i ɓú kə kutə sɔ́ kə kalən kə́ sīrí.
29Dan ń Israel a rāā yā koy ngɔr anī, ɓāŕ ngōnə̄n Jəjep ədan na ré nelə̄n seneé anī, kə ɔjən tár yān ō, ra dɔ ndūn tə́ ō, kə lōō dubə̄n Ejiptə tə́. Ré gḛy rāā yá̰á̰ ń na n-dəjen toó anī, kə əla jīn gír bingə̄n tə́, kə túbəń kə adə̄n. 30Ré n-oy anī kə un nīnə́n kə teēń kɔ̄ɔ́ Ejiptə tə́, kə aw̄ kə dubə̄ kem bāá ɓádə yā kaan gə̄ tə́. Jəjep tél ədan na n-a n-rāā kə gō taneé. 31Jakob tél ədan na kə túbə kə adə̄n. Anī Jəjep túbə adə̄n. Loo ń noō tə́ *Israel əsō kə̄ nang tə́ dɔ tə̄rá yān tə́.
Currently Selected:
Ta Kəla gír yá̰a̰ gə̄ 47: BS
Highlight
Share
Copy
Want to have your highlights saved across all your devices? Sign up or sign in
© 2006, 2010 Alliance Biblique du Tchad
Ta Kəla gír yá̰a̰ gə̄ 47
47
1Jəjep aw̄ əda *Parao̰ na bɔbə̄n ō, ngákó̰o̰n gə̄ ō, na ḭḭn̄ dɔ nang kə́ Kanaan tə́ reē ugə̄n̄ kə yá̰a̰ yādə́ gēé malang, batə̄ gə̄gē bə̄yā̰ gə̄gē man̄g gə̄gē, na reē na ndin̄ dɔ nang kə́ Gosen tə́ noō. 2Ni ɔy ngákó̰o̰n gə̄ mí aw̄ ɔjədə́ kə Parao̰ó̰. 3Anī *Parao̰ dəjedə́ na ké kəla rāādə́ ké i rí wa. Nin̄ tél ədanən̄ na nin̄ na i ngé kul̄ yá̰a̰ gə̄ tītə̄ yā kaadə́ gə̄. 4Ədan̄ *Parao̰ ɓáý to̰ na ɓō na i ngá̰ý dɔ nang kə́ Kanaan tə́ ō, mu kə́ kadə̄ yá̰a̰ kul̄ yādə́ gə̄ əsan̄ na gətóo ō, adə̄ n-ndɔ́tə̄ n-reēn̄ laā. Ní, kə adə̄də́ ta róbə kadə̄ kə n-ndinə̄ń dɔ nang kə́ Gosen tə́. 5*Parao̰ əda Jəjep na bɔbə̄n ō, ngákó̰o̰n gə̄ ō, na reēn̄ i rɔ̄n tə́, 6na dɔ nang kə́ Ejiptə tə́ na i tām̄ yān tə́ kə taá malang. Ní, kə sāā loo kə́ majə kə əndādə́ tū tə́. Kadə̄ ndin̄ dɔ nang kə́ Gosen tə́. Ba ré kə ənge de kə́ ger̄ kəla majə gə̄ dɔ dáńdə́ tə́ anī, kə əndādə́ dɔ yá̰a̰ kul̄ yān ni *Parao̰ gə̄ tə́.
7Jəjep aw̄ kə bɔbə̄n Jakobó rɔ̄ *Parao̰ tə́, aw̄ ɔjən seneé. Jakob rāā *Parao̰ lápə́ya kə rɔyɔ́. 8Anī mban̄g *Parao̰ dəjen na ké ɓālə̄n ké i kóndóńg wa. 9Jakob tél ədan na ɓāl̄ gə̄ ń na n-njə̄rań mbā ní na i ɓāl̄ ɓú kə kutə mətá. Ndɔ̄n gə̄ na təgān̄ láẃ ngá̰ý ō, ɓāl̄ gə̄ ń yá̰á̰ kə́ ngan̄g gə̄ na rāānənə̄ń ní na i ngá̰ý ō. Ɓālə̄n na asə gō yā bɔbə̄n ō, yā kaan gə̄ ō ń na njə̄rānəń mbā tə́ ní alé. 10Jakob rāā *Parao̰ lápə́ya kə rɔyɔ́ ɓáý to̰ tá teē.
11Jəjep əndā bɔbə̄n ō, ngákó̰o̰n gə̄ ō, dɔ nang kə́ majə kə́ Ejiptə tə́, tītə̄ ń *Parao̰ ədanəń ní. Əndādə́ kadə ɓē ń rīn na i Ramses tə́ ní, ba adə̄də́ dɔ nang. 12Adə̄ bɔbə̄n ō, ngákó̰o̰n gə̄ ō, de gə̄ yādə́ gə̄ malang ō, yá̰a̰ kəsa, kə gō kutə de gə̄ ń a əsan̄ yá̰á̰ ní.
Háĺ ń Jəjep rāā kə de kə́ Ejiptə tə́ gēé ɓāl̄ ɓō tə́ ní
13Ɓō i ngá̰ý adə̄ yá̰a̰ kəsa gətóo kem ɓēé malang. Tɔ́gə de kə́ Ejiptə tə́ gə̄ ō, kə́ Kanaan tə́ gə̄ ō, gətóo sɔɔ̄ń ɓō. 14Jəjep kán̄ nar ń de kə́ Ejiptə tə́ gə̄ ō, de kə́ Kanaan tə́ gə̄ ō, mangənə̄ń kōō ní malang aw̄ń kem kújə yā *Parao̰ tə́. 15Dan ń nar kə́ dɔ nang kə́ Ejiptə tə́ ō, kə́ dɔ nang kə́ Kanaan tə́ ō, təgā anī, de kə́ Ejiptə tə́ gə̄ malang reēn̄ rɔ̄ Jəjep tə́ ədanən̄ na kə adə̄də́ yá̰a̰ kəsa tə́, ké kadə̄ kə n-oyn̄ kə̄ ta kumən tə́ tām̄ nar kə́ gətóo jīdə́ tə́ ké i tām̄ rí tə́ wa. 16Jəjep əda na ré nar gətóo anī kə adə̄nən̄ yá̰a̰ kul̄ yādə́ gə̄ gíŕ yá̰a̰ kəsaá.
17Nin̄ reēn̄ kə yá̰a̰ kul̄ yādə́ gēé adə̄n̄ Jəjep. Ni adə̄də́ yá̰a̰ kəsa taāń sə́nda gə̄ ō, batə̄ gə̄ ō, bə̄yā̰ gə̄ ō, man̄g gə̄ ō, kərō gə̄ ō. Jəjep adə̄də́ yá̰a̰ kəsa ɓāl̄ ngeé ń noō tə́ taāń yá̰a̰ kul̄ yādə́ gə̄ malang. 18Ɓāl̄ ní mān̄. Kem ɓāl̄ kə́ kutə̄ gō tə́ anī, reē ədan̄ Jəjep na nar na təgā kɔ̄ɔ́ jīdə́ tə́, adə̄ na n-mundə̄nən̄ alé, tá yá̰a̰ kul̄ yādə́ gə̄ na i kə́ n-adə̄nən̄ kɔ̄ɔ́ ō. Yá̰á̰ ń na n-aw̄nəń ní na i dā̰ rɔ̄də́ ō, na i dɔ nang yādə́ gə̄ ō ngóy. 19Ké kadə̄ n-ndin̄ kə̄ ta kumən tə́ kə n-oynə̄ń ō, kadə̄ dɔ nang yādə́ gə̄ kə tonə̄ń kɔ̄ɔ́ karī ō, ké i tām̄ rí tə́ wa. Ní, kə mangdə́ kə dɔ nang yādə́ gēé kə yá̰a̰ kəsaá, kadə̄ kə n-télnə̄ń de gə̄ yān gə̄ ō, dɔ nang yādə́ kə téləń dɔ nang yān ō. Kə adə̄də́ kōō kə́ yā dubə̄ kadə̄ n-dubə̄n̄ n-ndinə̄ń kə kumdə́ ba kə n-oyn̄ aĺ ō, kadə̄ dɔ nang yādə́ gə̄ kə tonə̄ń kɔ̄ɔ́ karī aĺ ō.
20Jəjep mang dɔ nang kə́ Ejiptə tə́ malang adə̄ *Parao̰, tɔdɔ̄ de kə́ Ejiptə tə́ gə̄ igən̄ kə ndɔr̄ yādə́ gēé jīn tə́ tām̄ ɓō tə́, adə̄ ɓē kə́ Ejiptə tə́ tél i yá̰a̰ kənge yā *Parao̰. 21Ni ndɔ́tə̄ kə gír de kə́ kem ngán ɓē gēé aw̄ sedə́ kem ɓē kə́ bo gə̄ tə́ dɔ nang kə́ Ejiptə tə́ malang. 22Banī ni mang dɔ nang yā *ngé tun̄ yá̰a̰ gə̄ alé, tɔdɔ̄ yá̰a̰ gə̄ *Parao̰ ndang kadə̄ yā rāā ní kógə̄ḿ rāā majə sedə́. Nin̄ ndin̄ i kə ta kūl̄ yá̰a̰ kənge ń *Parao̰ a adə̄də́ ní. I tām̄ ń noō tə́ n igənə̄ń kə dɔ nang yādə́ gēé aĺ ní.
23Jəjep əda de kə́ Ejiptə tə́ gə̄ na ɓōólaā na n-mangdə́ kə dɔ nang yādə́ gēé na n-adə̄ *Parao̰. Kum kōō ń to noó na i tām̄ yādə́ tə́, kə taān̄ kə dubə̄n̄. 24Ba dan yā sāā kōō gə̄ tə́ ré jáng kōō i mí anī, kə adə̄n̄ *Parao̰ kógə̄ḿ, ba kə́ sɔ́ gə̄ kə i yādə́ kadə̄ dubə̄n̄ ō, kə əsan̄ kə ngáńdə́ gə̄ ō, kə de kə́ kem kújə yādə́ gə̄ tə́ ō. 25Kósə de gə̄ ədanən̄ na i ni n na ajədə́, na rāā kem majə sedə́ ní, adə̄ na n-ndigən̄ tél ɓəlo yā *Parao̰ gə̄. 26Jəjep rāā adə̄ tīr̄ dɔ kōō ní tél i yá̰á̰ kə́ ndang kadə̄ yā rāā. Adə̄ ɓōólaā gə̄gē ní ré yá̰a̰ kənge kə́ dɔ nang kə́ Ejiptə tə́ i mí anī, kógə̄ḿ i yā *Parao̰. I dɔ nang yā *ngé tun̄ yá̰a̰ gə̄ ngóy n i yā *Parao̰ alé ní.
Jakob tāā Jəjep kadə̄ dubə̄n dɔ ɓádə kaan gə̄ tə́
27*Israel gə̄ ndin̄ kem ɓē kə́ Ejiptə tə́, dɔ nang kə́ Gosen tə́. Əngen̄ loo ō, ojən̄ ngán gə̄ ō, adə̄ bəlan̄ ngá̰ý. 28Jakob rāā ɓāl̄ kutə gidə i sīrí dɔ nang kə́ Ejiptə tə́, adə̄ ɓālə̄n malang i ɓú kə kutə sɔ́ kə kalən kə́ sīrí.
29Dan ń Israel a rāā yā koy ngɔr anī, ɓāŕ ngōnə̄n Jəjep ədan na ré nelə̄n seneé anī, kə ɔjən tár yān ō, ra dɔ ndūn tə́ ō, kə lōō dubə̄n Ejiptə tə́. Ré gḛy rāā yá̰á̰ ń na n-dəjen toó anī, kə əla jīn gír bingə̄n tə́, kə túbəń kə adə̄n. 30Ré n-oy anī kə un nīnə́n kə teēń kɔ̄ɔ́ Ejiptə tə́, kə aw̄ kə dubə̄ kem bāá ɓádə yā kaan gə̄ tə́. Jəjep tél ədan na n-a n-rāā kə gō taneé. 31Jakob tél ədan na kə túbə kə adə̄n. Anī Jəjep túbə adə̄n. Loo ń noō tə́ *Israel əsō kə̄ nang tə́ dɔ tə̄rá yān tə́.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2006, 2010 Alliance Biblique du Tchad