Ta Kəla gír yá̰a̰ gə̄ 48
48
Jakob tɔ́r̄ tan dɔ ngán Jəjep gə̄ tə́
1Gō yá̰a̰ gə̄ ń noō tə́ anī, reē ədan̄ Jəjep najə̄ yā bɔbə̄n kə́ i mo̰y. Anī ni ɔy ngánən kə́ jōó gə̄ seneé, Manase ō, *Epəraim ō. 2Dan ń ədan̄ Jakob kōō ngōnə̄n Jəjep kə́ a reē kə̄ go̰ō̰n tə́ anī, əhɔ rɔ̄n tɔ́gə ba ḭḭ ndi dɔɔ́ dɔ tə̄rá yān tə́. 3Əda Jəjep na Nə́ɓā kə́ bo kə́ tɔ́gən i ngá̰ý na ndɔ̄bə̄n Lujə, dɔ nang kə́ Kanaan tə́, na əda najə̄ kə́ majə dɔn tə́. 4Ədan na n-a n-adə̄n ngán gə̄ ngá̰ý kadə̄ na a téĺ gír de kə́ ngá̰ý gə̄ ō, dɔ nang ń noō na n-adə̄ ngán kaan gə̄ gotən tə́ kadə̄ na i yādə́ tə́ ngándáńg ō. 5Ń toō tā a, ngáń kə́ jōó gə̄ ń na ojədə́ dɔ nang kə́ Ejiptə tə́ kété tá kadə̄ na n-reē rɔ̄n tə́ ní na i ngán yān gə̄. *Epəraim ō, Manase ō, na i yān gə̄ tītə̄ Ruben nin̄ kə Simeo̰ó̰. 6Banī ngán gə̄ ń na ojədə́ gōdə́ tə́ ní tá na i yān ni Jəjep gə̄, na a ɓārə́n̄də́ loo kēgə̄ naā yá̰a̰ ndəbā tə́ na i kə rī ngákó̰ó̰də́ gēé. 7Dan ń na n-ḭḭ Mesopotami#48.7 Mesopotami: Á̰a̰ī Tkg 24.10 na n-reē ní, Rasel na oy jīn tə́ róbó, dɔ nang kə́ Kanaan tə́, ngɔr kə̄ Epərataá. Na n-dubə̄n na i loo ń noō tə́, dɔ róbə́ kə́ kaw̄ kə̄ kem ɓē kə́ Epərata tə́, Epərata ń rīn kə́rēý na i Betlehem ní.
8*Israel a̰a̰ ngán Jəjep gə̄ anī əda na ké i náā gə̄ n noó wa. 9Anī Jəjep tél əda bɔbə̄n na i ngán gə̄ ń Nə́ɓā na adə̄n dɔ nang kə́ Ejiptə tə́ ní. Israel əda na kə reē sedə́ kə̄ rɔ̄n tə́ kadə̄ kə n-tɔ́r̄ tan dɔdə́ tə́.
10Jakob tɔgə ɓə́gá ngá̰ý adə̄ kumən a̰a̰ loo ngá̰ý to̰ alé. Jəjep reē sedə́ rɔ̄n tə́, adə̄ əhɔdə́ kə̄ rɔ̄n tə́ ɓir̄də́ dagə. 11Gō tə́ anī *Israel əda Jəjep na n-əda na n-a n-a̰a̰ kumən to̰ alé, ba Nə́ɓā rāā adə̄ na n-a̰a̰ ngán kemən gə̄gē. 12Jəjep ɔr̄ ngánən gə̄ no mbā bɔbə̄n tə́ ba ɔsə non nang tə́ non tə́.
13Gō tə́ anī Jəjep ɔy ngánən gə̄ jōó mbak reē sedə́ rɔ̄ bɔbə̄n tə́. *Epəraim ń i dɔ jī ko̰n tə́ ní i dɔ jī gel Israel tə́ ō, Manase ń i dɔ jī gelən tə́ ní i dɔ jī ko̰ *Israel tə́ ō. 14Banī Israel tə́la jīn mánəń gír naā, adə̄ jīn kə́ ko̰ i dɔ Epəraim ń i nge kə́ dūú tə́ ní ō, jīn kə́ gel i dɔ Manase tə́ ō. Manase i ngōn̄ hágə ɓá tā ba i jīn kə́ gel n əndā dɔn tə́ ní. 15*Israel tɔ́r̄ tan dɔ Jəjep tə́, əda na:
Kadə̄ Nə́ɓā ń kaan Abəraham nin̄ kə bɔbə̄n Isaaká njə̄rān̄ kə̄ non tə́ ní,
kadə̄ Nə́ɓā ń ngɔ̄mən bátə́ ɓōólaā ní,
16kadə̄ *de kə́ dɔ rā̰ tə́ ń un yá̰á̰ kə́ majaĺ gə̄ kɔ̄ɔ́ dɔn tə́ ní,
kə rāā majə kə ngán gə̄ ń toō.
Kadə̄ ɓārə́n̄də́ kə rīneé ō, kə rī kaan Abərahamaá ō, kə rī bɔbə̄n Isaaká ō.
Kadə̄ ojən̄ naā ngá̰ý kem ɓēé ō.
17Dan ń Jəjep a̰a̰ kadə̄ bɔbə̄n əndā i jī ko̰n dɔ *Epəraim tə́ ní, nelə̄n alé, adə̄ əhɔ jī bɔbə̄n yā tūr̄ dɔ Epəraim tə́ kaw̄ń dɔ Manase tə́, 18əda bɔbə̄n na i beé alé, nge ń noō na i nga tɔ́gə, kə əndā jī ko̰n dɔn tə́. 19Ba bɔbə̄n mbātə́ ədan na n-ger̄. N-ger̄ kadə̄ na a tél gír de kə́ ngá̰ý gə̄ ō, na a reē de kə́ bo ō, banī ngōkó̰o̰n kə́ dūú tá na a reē de kə́ bo tɔȳn ō, ngán kemən gə̄ na a télən̄ nápar de kə́ ngá̰ý gə̄ ō.
20*Israel tɔ́r̄ tan dɔdə́ tə́ ndɔ̄ ń noō tə́, əda na ngán Israel gə̄ na a unən̄ na i rīdə́ n na a tɔ́r̄nəń tadə́ dɔ naā tə́ ní, a ədan̄ na kə Nə́ɓā kə rāā kem majə seí tītə̄ ń na rāań kə *Epəraim nin̄ kə Manaseé ní.
Jakob əndā Epəraim kété no Manase tə́. 21Gō tə́ anī əda Jəjep na n-a n-oy tā, ba Nə́ɓā na a ndi sedə́, na a tél yā kaw̄ sedə́ dɔ nang yā kaadə́ gə̄ tə́. 22Na n-adə̄n dɔ nang kə́ Sisem ń na n-taā jī *Amor gə̄ tə́ kə kaskar yānneé ō, kə ga̰ gərā yānneé ō ní, kadə̄ yān na a tɔȳ yā ngákó̰o̰n gə̄.
Currently Selected:
Ta Kəla gír yá̰a̰ gə̄ 48: BS
Highlight
Share
Copy
Want to have your highlights saved across all your devices? Sign up or sign in
© 2006, 2010 Alliance Biblique du Tchad
Ta Kəla gír yá̰a̰ gə̄ 48
48
Jakob tɔ́r̄ tan dɔ ngán Jəjep gə̄ tə́
1Gō yá̰a̰ gə̄ ń noō tə́ anī, reē ədan̄ Jəjep najə̄ yā bɔbə̄n kə́ i mo̰y. Anī ni ɔy ngánən kə́ jōó gə̄ seneé, Manase ō, *Epəraim ō. 2Dan ń ədan̄ Jakob kōō ngōnə̄n Jəjep kə́ a reē kə̄ go̰ō̰n tə́ anī, əhɔ rɔ̄n tɔ́gə ba ḭḭ ndi dɔɔ́ dɔ tə̄rá yān tə́. 3Əda Jəjep na Nə́ɓā kə́ bo kə́ tɔ́gən i ngá̰ý na ndɔ̄bə̄n Lujə, dɔ nang kə́ Kanaan tə́, na əda najə̄ kə́ majə dɔn tə́. 4Ədan na n-a n-adə̄n ngán gə̄ ngá̰ý kadə̄ na a téĺ gír de kə́ ngá̰ý gə̄ ō, dɔ nang ń noō na n-adə̄ ngán kaan gə̄ gotən tə́ kadə̄ na i yādə́ tə́ ngándáńg ō. 5Ń toō tā a, ngáń kə́ jōó gə̄ ń na ojədə́ dɔ nang kə́ Ejiptə tə́ kété tá kadə̄ na n-reē rɔ̄n tə́ ní na i ngán yān gə̄. *Epəraim ō, Manase ō, na i yān gə̄ tītə̄ Ruben nin̄ kə Simeo̰ó̰. 6Banī ngán gə̄ ń na ojədə́ gōdə́ tə́ ní tá na i yān ni Jəjep gə̄, na a ɓārə́n̄də́ loo kēgə̄ naā yá̰a̰ ndəbā tə́ na i kə rī ngákó̰ó̰də́ gēé. 7Dan ń na n-ḭḭ Mesopotami#48.7 Mesopotami: Á̰a̰ī Tkg 24.10 na n-reē ní, Rasel na oy jīn tə́ róbó, dɔ nang kə́ Kanaan tə́, ngɔr kə̄ Epərataá. Na n-dubə̄n na i loo ń noō tə́, dɔ róbə́ kə́ kaw̄ kə̄ kem ɓē kə́ Epərata tə́, Epərata ń rīn kə́rēý na i Betlehem ní.
8*Israel a̰a̰ ngán Jəjep gə̄ anī əda na ké i náā gə̄ n noó wa. 9Anī Jəjep tél əda bɔbə̄n na i ngán gə̄ ń Nə́ɓā na adə̄n dɔ nang kə́ Ejiptə tə́ ní. Israel əda na kə reē sedə́ kə̄ rɔ̄n tə́ kadə̄ kə n-tɔ́r̄ tan dɔdə́ tə́.
10Jakob tɔgə ɓə́gá ngá̰ý adə̄ kumən a̰a̰ loo ngá̰ý to̰ alé. Jəjep reē sedə́ rɔ̄n tə́, adə̄ əhɔdə́ kə̄ rɔ̄n tə́ ɓir̄də́ dagə. 11Gō tə́ anī *Israel əda Jəjep na n-əda na n-a n-a̰a̰ kumən to̰ alé, ba Nə́ɓā rāā adə̄ na n-a̰a̰ ngán kemən gə̄gē. 12Jəjep ɔr̄ ngánən gə̄ no mbā bɔbə̄n tə́ ba ɔsə non nang tə́ non tə́.
13Gō tə́ anī Jəjep ɔy ngánən gə̄ jōó mbak reē sedə́ rɔ̄ bɔbə̄n tə́. *Epəraim ń i dɔ jī ko̰n tə́ ní i dɔ jī gel Israel tə́ ō, Manase ń i dɔ jī gelən tə́ ní i dɔ jī ko̰ *Israel tə́ ō. 14Banī Israel tə́la jīn mánəń gír naā, adə̄ jīn kə́ ko̰ i dɔ Epəraim ń i nge kə́ dūú tə́ ní ō, jīn kə́ gel i dɔ Manase tə́ ō. Manase i ngōn̄ hágə ɓá tā ba i jīn kə́ gel n əndā dɔn tə́ ní. 15*Israel tɔ́r̄ tan dɔ Jəjep tə́, əda na:
Kadə̄ Nə́ɓā ń kaan Abəraham nin̄ kə bɔbə̄n Isaaká njə̄rān̄ kə̄ non tə́ ní,
kadə̄ Nə́ɓā ń ngɔ̄mən bátə́ ɓōólaā ní,
16kadə̄ *de kə́ dɔ rā̰ tə́ ń un yá̰á̰ kə́ majaĺ gə̄ kɔ̄ɔ́ dɔn tə́ ní,
kə rāā majə kə ngán gə̄ ń toō.
Kadə̄ ɓārə́n̄də́ kə rīneé ō, kə rī kaan Abərahamaá ō, kə rī bɔbə̄n Isaaká ō.
Kadə̄ ojən̄ naā ngá̰ý kem ɓēé ō.
17Dan ń Jəjep a̰a̰ kadə̄ bɔbə̄n əndā i jī ko̰n dɔ *Epəraim tə́ ní, nelə̄n alé, adə̄ əhɔ jī bɔbə̄n yā tūr̄ dɔ Epəraim tə́ kaw̄ń dɔ Manase tə́, 18əda bɔbə̄n na i beé alé, nge ń noō na i nga tɔ́gə, kə əndā jī ko̰n dɔn tə́. 19Ba bɔbə̄n mbātə́ ədan na n-ger̄. N-ger̄ kadə̄ na a tél gír de kə́ ngá̰ý gə̄ ō, na a reē de kə́ bo ō, banī ngōkó̰o̰n kə́ dūú tá na a reē de kə́ bo tɔȳn ō, ngán kemən gə̄ na a télən̄ nápar de kə́ ngá̰ý gə̄ ō.
20*Israel tɔ́r̄ tan dɔdə́ tə́ ndɔ̄ ń noō tə́, əda na ngán Israel gə̄ na a unən̄ na i rīdə́ n na a tɔ́r̄nəń tadə́ dɔ naā tə́ ní, a ədan̄ na kə Nə́ɓā kə rāā kem majə seí tītə̄ ń na rāań kə *Epəraim nin̄ kə Manaseé ní.
Jakob əndā Epəraim kété no Manase tə́. 21Gō tə́ anī əda Jəjep na n-a n-oy tā, ba Nə́ɓā na a ndi sedə́, na a tél yā kaw̄ sedə́ dɔ nang yā kaadə́ gə̄ tə́. 22Na n-adə̄n dɔ nang kə́ Sisem ń na n-taā jī *Amor gə̄ tə́ kə kaskar yānneé ō, kə ga̰ gərā yānneé ō ní, kadə̄ yān na a tɔȳ yā ngákó̰o̰n gə̄.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2006, 2010 Alliance Biblique du Tchad