Ta Kəla gír yá̰a̰ gə̄ 49
49
Jakob tɔ́r̄ tan dɔ ngánən kə́ kutə gidə i jōó gə̄ tə́
1Jakob ɓāŕ ngánən gə̄ ədadə́ na kə ɔsən̄ dɔdə́ naā tə́ kadə̄ n-ədadə́ yá̰a̰ gə̄ ń, ndɔ̄ń tə́ anī, a reēn̄ dɔdə́ tə́ ní.
2Ngán Jakob gə̄, ɔ́siī dɔsí naā tə́,
ba ōōī najə̄ kɔr̄ bɔbə̄sí *Israel.
3Ḭ̄ Ruben, ngōn̄ hágə́ḿ,
dan balsááḿ tə́ ɓáý ní i ḭ̄-n m-ójiī kété ní.
De gə̄ ɓōlə́n̄ ndílí tɔȳ yā ngákó̰ó̰í gə̄ ō,
ḭ̄ i dɔ madí gə̄ tə́ malang ō.
4Ī-to tītə̄ man̄ kə́ nūgə́ kə ngangá ngá̰ý,
ɓá tā ba ā ə́nge loo kə́ kété to̰ alé,
tām̄ ī-sāā nə̄yá̰ḿ kem tə̄rá yāḿ tə́, ə́lań rɔ̄sɔl̄ dɔḿ tə́.
5Simeo̰ nin̄ kə ngōkó̰o̰n Lebií oōn̄ naā yā rāā yá̰a̰ kə dɔ́nɔ́,
6banī mā m-ā m-āw̄ kum tə́ sedə́ alé ō,
m-ā m-āw̄ loo kán̄ naā yādə́ tə́ alé ō.
Tɔdɔ̄ tɔ̄lə̄n̄ de gə̄ dɔ wōn̄g tə́ ō,
gángə̄n̄ ngəra nja man̄g kə́ bəra gə̄ ndāńg ndāńg ō.
7m̄-ndɔ̄ĺdə́ najə̄ kem tə́ngā yādə́ tə́ ō,
najə̄ wōn̄g yādə́ kə́ rāādə́ adə̄ kumdə́ o̰o̰də́ aĺ tə́ ō.
M-ā m-ādə̄ gír kaa yādə́ gə̄ aw̄n̄ kógə̄ḿ kógə̄ḿ kə̄ loo gə̄ tə́ malang ō,
m-ā m̄-tə̄ndā m̄-tḭ̄ḭ̄də́ kɔ̄ɔ́ dan ngán *Israel gə̄ tə́ ō.
8*Juda, ngákó̰ó̰í gə̄ a ɔsən̄ gɔnií.
Ā ī-ndi dɔ madə̄ ba̰ā̰í gə̄ tə́.
Ngákó̰ó̰í gə̄ a ɔsən̄ nodə́ nang tə́ yā rɔyīiń.
9Ngōnə̄ḿ Juda, ḭ̄ i ɓɔl kə́ əhɔ dā̰ əsan,
ba tél a aw̄ kə̄ gogə́ loo ton tə́.
Ɓɔl tétə̄ kejən ba to nang tə́ anī, i náā-n asə rāān kadə̄ ḭḭ dɔɔ́?
10Kāgə̄ mban̄g a teē jī Juda tə́ aĺ ō,
kāgə̄ ngār a ɔr̄ gír njan tə́ aĺ ō,
bátə́ kadə̄ deē ń i kɔ́ɔ̄n,
kə́ gír de kə́ dɔ nang tə́ gə̄ malang a oōn tan ní reē ugə̄ń.
11*Kāgə̄ nduú gə̄ i ngá̰ý kə̄ loo gə̄ tə́,
adə̄ ni a do̰ō̰ kərō yān i tū tə́.
Ni a tə́go kūbə̄ yān i kum kasə *nduú tə́ ō,
kūbə̄ jī yān i kum man̄ nduú tə́ ō.
12Kasə *nduú kərē kumən, ba mba ndaa ngāngə̄n.
13Jabulo̰ a ndi i dɔ gɔ́sə bā bo tə́, ta kā̰ yā too bo gə̄ tə́.
Dɔ nin̄ loo yān a aw̄ bátə́ teē ɓē kə́ Sidon tə́.
14Isakar i kərō kə́ ngan̄g kə́ to kem gɔngɔɔ́.
15Loo ń to tū tə́ ní nelə̄n ngá̰ý ō,
ni a̰a̰ kadə̄ ɓē majə ngá̰ý ō,
adə̄ ni əla dɔn gíŕ yá̰a̰ kətōó ō, ni-rāā kəla ɓəlo ō.
16Dan a o̰o̰ ɓē dɔ gír deē yān gə̄ tə́,
tītə̄ ń gotə de kə́ gír ɓē kə́ *Israel tə́ gə̄ a rāānəń ní.
17Dan i tītə̄ lī kə́ to kum róbó,
tītə̄ lī kakə́ḿ kə́ to kadə róbə́ tə́.
Lī tə́gā gándə́ sə́nda, anī nge kal̄ sə́nda əsō gagəranda.
18Kɔ́ɔ̄ɓē, m-ə̄ndā kemḿ dɔí tə́ kadə̄ ī-dḭḭ̄m̄.
19Ngéé kɔy yá̰a̰ yā de gə̄ kə gúú a ənīn̄ Gad rɔ̄ɔ̄,
banī ni a rɔ̄ɔ̄də́ ō, a ngɔ̄də̄də́ ō.
20Aser, ɓē yān a teē kōō ngá̰ý ō,
dɔ nang yān a teē yá̰a̰ kəsa kə́ nel̄ mban̄g gə̄ ō.
21Nepətali i dul kə́ kəya̰ dɔɔ́.
Ni i nge kojə ngáń kə́ majə gə̄.
22Jəjep i kāgə̄ kə́ a an̄ kə́ əɓa kadə man̄ tə́.
Ta jīn gə̄ mānə̄n̄ dɔ ndogə̄ mbal̄ kə̄ dɔɔ́.
23Ngé kur gərā gə̄ sāān̄ tan,
túr̄nən̄ kə gərā yādə́ gēé ō, sókə̄nən̄ ō,
24ba ga̰ gərā yān ngan̄g.
Nə́ɓā kə́ nge tɔ́gə yā Jakob rāā adə̄ jī Jəjep ənge tɔ́gə.
I tītə̄ ń noō n ni téləń nge ngɔ̄m̄ yá̰a̰ kul̄ gə̄ ō,
mbal̄ ń *Israel ndə̄nā rɔ̄n tū tə́ ní ō.
25I Nə́ɓā yā bɔbí n i nge rāā seí ní.
Nə́ɓā kə́ bo kə́ tɔ́gən i ngá̰ý a rāā majə seí.
Ni a adī man̄ kə́ kḭḭ dɔ rā̰ tə́ ō,
man̄ kə́ teē gíŕ nángāá ō.
Ni a adī ngán gə̄ ō,
a rāā kadə̄ yá̰a̰ kul̄ yāí gə̄ a ojən̄ naā ō.
26Tɔ́r̄ ta ń bɔbí tɔ́r̄ tan dɔí tə́ ní
tɔȳ yá̰á̰ kə́ majə gə̄ kə́ dɔ mbal̄ gə̄ kə́ ran̄ ngándáńg tə́ ō,
tɔȳ yá̰a̰ kənge kə́ dɔ ngán mbal̄ kə́ jóo gə̄ tə́ ń deē gḛy kənge ní ō.
Ādə̄ tɔ́r̄ ta kə́ dɔ bɔbə̄ Jəjep tə́ tél kə̄ dɔ Jəjep tə́,
ādə̄ tél kə̄ dɔ nge ń ni i ngār yā ngákó̰o̰n gə̄ ní tə́.
27Benjamḛ i soó kə́ nge rə́yā̰ dā̰ naā tə́.
Kə ndɔ̄í ni əsa dā̰ kəhɔn,
ba loo sɔlí anī kēgə̄n̄ naā yá̰a̰ kə́ kənge loo rɔ̄ɔ̄ tə́ kə madə̄n gēé.
28I de gə̄ ń noō malang n ré ɓoon̄ naā anī, nin̄ i gír ɓē kə́ kutə gidə i jōó yā *Israel ní. Bɔbə̄də́ tɔ́r̄ tan dɔdə́ tə́ i tītə̄ ń noō. Kum najə̄ gə̄ ń bɔbə̄də́ tɔ́rəń tan dɔdə́ tə́ kógə̄ḿ kógə̄ḿ ní tītə̄ ń naā alé.
Jakob oy
29Gō tə́ anī Jakob ənī ndūn adə̄də́, əda na ré n-oy anī, kə dubə̄nən̄ kem bəlo yā kaan gə̄ tə́, kem bəlo mbal̄ ń ra kem ndɔr̄ yā Epəron kə́ Het tə́ Makəpela noó. 30Makəpela na i ndɔr̄ ń na ra sɔɔ̄n ta naā kə loo kə́ Mamre, dɔ nang kə́ Kanaan tə́ ní. Abəraham na mang ndɔr̄ ní jī Epəron tə́ na i yā kadə̄ bəlo ɓádə́ kə́ tū tə́ kə tél loo ɓádə yān yā dubə̄ń nīń gə̄. 31Dubə̄n̄ Abəraham nin̄ kə nə̄yá̰n Saraá na i loo ń noō tə́ ō, dubə̄n̄ Isaak nin̄ kə nə̄yá̰n Rebekaá na i loo ń noō tə́ ō, na n-dubə̄ Lea na i loo ń noō tə́ ō. 32Ndɔr̄ ō, bəlo mbal̄ kə́ tū tə́ ō ní, na i kə́ mang jī Het gə̄ tə́. 33Dan ń Jakob ənī ndūn adə̄ ngánən gə̄ oy anī, ɔr njan kə̄ rɔ̄n tə́ kem tə̄ráá, gō tə́ anī koōn teē. Ni oy aw̄ gō kaan gə̄ tə́ ɓádá.
Currently Selected:
Ta Kəla gír yá̰a̰ gə̄ 49: BS
Highlight
Share
Copy
Want to have your highlights saved across all your devices? Sign up or sign in
© 2006, 2010 Alliance Biblique du Tchad
Ta Kəla gír yá̰a̰ gə̄ 49
49
Jakob tɔ́r̄ tan dɔ ngánən kə́ kutə gidə i jōó gə̄ tə́
1Jakob ɓāŕ ngánən gə̄ ədadə́ na kə ɔsən̄ dɔdə́ naā tə́ kadə̄ n-ədadə́ yá̰a̰ gə̄ ń, ndɔ̄ń tə́ anī, a reēn̄ dɔdə́ tə́ ní.
2Ngán Jakob gə̄, ɔ́siī dɔsí naā tə́,
ba ōōī najə̄ kɔr̄ bɔbə̄sí *Israel.
3Ḭ̄ Ruben, ngōn̄ hágə́ḿ,
dan balsááḿ tə́ ɓáý ní i ḭ̄-n m-ójiī kété ní.
De gə̄ ɓōlə́n̄ ndílí tɔȳ yā ngákó̰ó̰í gə̄ ō,
ḭ̄ i dɔ madí gə̄ tə́ malang ō.
4Ī-to tītə̄ man̄ kə́ nūgə́ kə ngangá ngá̰ý,
ɓá tā ba ā ə́nge loo kə́ kété to̰ alé,
tām̄ ī-sāā nə̄yá̰ḿ kem tə̄rá yāḿ tə́, ə́lań rɔ̄sɔl̄ dɔḿ tə́.
5Simeo̰ nin̄ kə ngōkó̰o̰n Lebií oōn̄ naā yā rāā yá̰a̰ kə dɔ́nɔ́,
6banī mā m-ā m-āw̄ kum tə́ sedə́ alé ō,
m-ā m-āw̄ loo kán̄ naā yādə́ tə́ alé ō.
Tɔdɔ̄ tɔ̄lə̄n̄ de gə̄ dɔ wōn̄g tə́ ō,
gángə̄n̄ ngəra nja man̄g kə́ bəra gə̄ ndāńg ndāńg ō.
7m̄-ndɔ̄ĺdə́ najə̄ kem tə́ngā yādə́ tə́ ō,
najə̄ wōn̄g yādə́ kə́ rāādə́ adə̄ kumdə́ o̰o̰də́ aĺ tə́ ō.
M-ā m-ādə̄ gír kaa yādə́ gə̄ aw̄n̄ kógə̄ḿ kógə̄ḿ kə̄ loo gə̄ tə́ malang ō,
m-ā m̄-tə̄ndā m̄-tḭ̄ḭ̄də́ kɔ̄ɔ́ dan ngán *Israel gə̄ tə́ ō.
8*Juda, ngákó̰ó̰í gə̄ a ɔsən̄ gɔnií.
Ā ī-ndi dɔ madə̄ ba̰ā̰í gə̄ tə́.
Ngákó̰ó̰í gə̄ a ɔsən̄ nodə́ nang tə́ yā rɔyīiń.
9Ngōnə̄ḿ Juda, ḭ̄ i ɓɔl kə́ əhɔ dā̰ əsan,
ba tél a aw̄ kə̄ gogə́ loo ton tə́.
Ɓɔl tétə̄ kejən ba to nang tə́ anī, i náā-n asə rāān kadə̄ ḭḭ dɔɔ́?
10Kāgə̄ mban̄g a teē jī Juda tə́ aĺ ō,
kāgə̄ ngār a ɔr̄ gír njan tə́ aĺ ō,
bátə́ kadə̄ deē ń i kɔ́ɔ̄n,
kə́ gír de kə́ dɔ nang tə́ gə̄ malang a oōn tan ní reē ugə̄ń.
11*Kāgə̄ nduú gə̄ i ngá̰ý kə̄ loo gə̄ tə́,
adə̄ ni a do̰ō̰ kərō yān i tū tə́.
Ni a tə́go kūbə̄ yān i kum kasə *nduú tə́ ō,
kūbə̄ jī yān i kum man̄ nduú tə́ ō.
12Kasə *nduú kərē kumən, ba mba ndaa ngāngə̄n.
13Jabulo̰ a ndi i dɔ gɔ́sə bā bo tə́, ta kā̰ yā too bo gə̄ tə́.
Dɔ nin̄ loo yān a aw̄ bátə́ teē ɓē kə́ Sidon tə́.
14Isakar i kərō kə́ ngan̄g kə́ to kem gɔngɔɔ́.
15Loo ń to tū tə́ ní nelə̄n ngá̰ý ō,
ni a̰a̰ kadə̄ ɓē majə ngá̰ý ō,
adə̄ ni əla dɔn gíŕ yá̰a̰ kətōó ō, ni-rāā kəla ɓəlo ō.
16Dan a o̰o̰ ɓē dɔ gír deē yān gə̄ tə́,
tītə̄ ń gotə de kə́ gír ɓē kə́ *Israel tə́ gə̄ a rāānəń ní.
17Dan i tītə̄ lī kə́ to kum róbó,
tītə̄ lī kakə́ḿ kə́ to kadə róbə́ tə́.
Lī tə́gā gándə́ sə́nda, anī nge kal̄ sə́nda əsō gagəranda.
18Kɔ́ɔ̄ɓē, m-ə̄ndā kemḿ dɔí tə́ kadə̄ ī-dḭḭ̄m̄.
19Ngéé kɔy yá̰a̰ yā de gə̄ kə gúú a ənīn̄ Gad rɔ̄ɔ̄,
banī ni a rɔ̄ɔ̄də́ ō, a ngɔ̄də̄də́ ō.
20Aser, ɓē yān a teē kōō ngá̰ý ō,
dɔ nang yān a teē yá̰a̰ kəsa kə́ nel̄ mban̄g gə̄ ō.
21Nepətali i dul kə́ kəya̰ dɔɔ́.
Ni i nge kojə ngáń kə́ majə gə̄.
22Jəjep i kāgə̄ kə́ a an̄ kə́ əɓa kadə man̄ tə́.
Ta jīn gə̄ mānə̄n̄ dɔ ndogə̄ mbal̄ kə̄ dɔɔ́.
23Ngé kur gərā gə̄ sāān̄ tan,
túr̄nən̄ kə gərā yādə́ gēé ō, sókə̄nən̄ ō,
24ba ga̰ gərā yān ngan̄g.
Nə́ɓā kə́ nge tɔ́gə yā Jakob rāā adə̄ jī Jəjep ənge tɔ́gə.
I tītə̄ ń noō n ni téləń nge ngɔ̄m̄ yá̰a̰ kul̄ gə̄ ō,
mbal̄ ń *Israel ndə̄nā rɔ̄n tū tə́ ní ō.
25I Nə́ɓā yā bɔbí n i nge rāā seí ní.
Nə́ɓā kə́ bo kə́ tɔ́gən i ngá̰ý a rāā majə seí.
Ni a adī man̄ kə́ kḭḭ dɔ rā̰ tə́ ō,
man̄ kə́ teē gíŕ nángāá ō.
Ni a adī ngán gə̄ ō,
a rāā kadə̄ yá̰a̰ kul̄ yāí gə̄ a ojən̄ naā ō.
26Tɔ́r̄ ta ń bɔbí tɔ́r̄ tan dɔí tə́ ní
tɔȳ yá̰á̰ kə́ majə gə̄ kə́ dɔ mbal̄ gə̄ kə́ ran̄ ngándáńg tə́ ō,
tɔȳ yá̰a̰ kənge kə́ dɔ ngán mbal̄ kə́ jóo gə̄ tə́ ń deē gḛy kənge ní ō.
Ādə̄ tɔ́r̄ ta kə́ dɔ bɔbə̄ Jəjep tə́ tél kə̄ dɔ Jəjep tə́,
ādə̄ tél kə̄ dɔ nge ń ni i ngār yā ngákó̰o̰n gə̄ ní tə́.
27Benjamḛ i soó kə́ nge rə́yā̰ dā̰ naā tə́.
Kə ndɔ̄í ni əsa dā̰ kəhɔn,
ba loo sɔlí anī kēgə̄n̄ naā yá̰a̰ kə́ kənge loo rɔ̄ɔ̄ tə́ kə madə̄n gēé.
28I de gə̄ ń noō malang n ré ɓoon̄ naā anī, nin̄ i gír ɓē kə́ kutə gidə i jōó yā *Israel ní. Bɔbə̄də́ tɔ́r̄ tan dɔdə́ tə́ i tītə̄ ń noō. Kum najə̄ gə̄ ń bɔbə̄də́ tɔ́rəń tan dɔdə́ tə́ kógə̄ḿ kógə̄ḿ ní tītə̄ ń naā alé.
Jakob oy
29Gō tə́ anī Jakob ənī ndūn adə̄də́, əda na ré n-oy anī, kə dubə̄nən̄ kem bəlo yā kaan gə̄ tə́, kem bəlo mbal̄ ń ra kem ndɔr̄ yā Epəron kə́ Het tə́ Makəpela noó. 30Makəpela na i ndɔr̄ ń na ra sɔɔ̄n ta naā kə loo kə́ Mamre, dɔ nang kə́ Kanaan tə́ ní. Abəraham na mang ndɔr̄ ní jī Epəron tə́ na i yā kadə̄ bəlo ɓádə́ kə́ tū tə́ kə tél loo ɓádə yān yā dubə̄ń nīń gə̄. 31Dubə̄n̄ Abəraham nin̄ kə nə̄yá̰n Saraá na i loo ń noō tə́ ō, dubə̄n̄ Isaak nin̄ kə nə̄yá̰n Rebekaá na i loo ń noō tə́ ō, na n-dubə̄ Lea na i loo ń noō tə́ ō. 32Ndɔr̄ ō, bəlo mbal̄ kə́ tū tə́ ō ní, na i kə́ mang jī Het gə̄ tə́. 33Dan ń Jakob ənī ndūn adə̄ ngánən gə̄ oy anī, ɔr njan kə̄ rɔ̄n tə́ kem tə̄ráá, gō tə́ anī koōn teē. Ni oy aw̄ gō kaan gə̄ tə́ ɓádá.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2006, 2010 Alliance Biblique du Tchad