Ta Kəla gír yá̰a̰ gə̄ 50
50
Loo dubə̄ Jakob
1Jəjep əsō kə̄ dɔ bɔbə̄n tə́, nōō kə man̄ kumneé ō, əhɔn kə̄ rɔ̄n tə́ ɓirə̄n dagə ō. 2Gō tə́ anī ni-adə̄ doktór gə̄ ń a rāān̄ kəla yān ní ndūn kadə̄ ndumən̄ bɔbə̄n kəga kə́ a ɔgə̄ kadə̄ rɔ̄ deē ndum, adə̄ doktór gə̄ ndumən̄ *Israel kəga ní. 3Nin̄ ndumənən̄ kəga ní ndɔ̄ i kutə sɔ́. De kə́ Ejiptə tə́ gə̄ nōōn̄ Jakob ndɔ̄ kutə sīrí.
4Dan ń gír ndɔ̄ gə̄ kə́ yā nōoń Jakob gān̄g anī, Jəjep əda de gə̄ yā *Parao̰ gə̄ na ré nel̄də́ seneé anī, n-rāādə́ ɓɔ́ ba kə ədan̄ *Parao̰ najə̄ ń toō kə adə̄nən̄, kə ədanən̄ na 5pá tá kadə̄ bɔbə̄n na oy ní, na mērə̄n túbə kadə̄n yā kadə̄ ré n-oy anī kə dubə̄n dɔ nang kə́ Kanaan tə́ kem bəlo ɓádə́ ń na n-ndēr̄ tām̄ yān nəkɔ́ tə́ ní. Ní, kə adə̄nən̄ ta róbə kadə̄ n-aw̄ kə n-dubə̄n tá kə n-tél. 6*Parao̰ tél əda Jəjep na kə aw̄ kə dubə̄ bɔbə̄n tītə̄ ń na mēr̄nəń túbə kadə̄n ní.
7Jəjep aw̄ dubə̄ bɔbə̄n tə́. Ngé rāā kəla yā *Parao̰ gə̄ malang aw̄n̄ seneé. Kum kɔɔ̄ kə́ ndogó looneé gə̄ ō, *kum kɔɔ̄ kə́ Ejiptə tə́ gə̄ ō, 8de gə̄ yā Jəjep gə̄ ō, ngákó̰o̰n gə̄ ō, de gə̄ yā bɔbə̄n gə̄ ō, aw̄n̄ seneé malang. I ngán gə̄ ō, yá̰a̰ kul̄ gə̄ ō, ngóy n əya̰n̄də́ dɔ nang kə́ Gosen tə́ ní. 9Ngé púsə́ sə́nda gə̄ aw̄n̄ seneé ō, adə̄ de kə́ ngé dān̄ nīń ta kaw̄ kə̄ ɓádá gə̄ i ngá̰ý.
10Dan ń aw̄ ugə̄n̄ loo kənda kōō yā Atad tə́ ń i gidə bā Jurdḛ tə́ ní anī, nōōn̄ yo nōō kə́ to ɓōĺ ngá̰ý loo ń noō tə́. Jəjep rāā yo bɔbə̄n ndɔ̄ sīrí rɔȳnəń. 11De kə́ dɔ nang kə́ Kanaan tə́ gə̄ ń a̰a̰n̄də́ loo kənda kōō yā Atad tə́ loo nōō yo tə́ ní ədan̄ na i yo kə́ to ɓōĺ ngá̰ý dɔ de kə́ Ejiptə tə́ gə̄ n toó. I tām̄ najə̄ ń noō tə́ n əndānəń rī loo kənda kōō yā Atad ń i gidə Jurdḛ tə́ ní na i Abel Misəraim ní, kumən na i yo kə́ tōr̄ rɔ̄ de kə́ Ejiptə tə́ gə̄ ngá̰ý.
12Ngán Jakob gə̄ rāān̄ yá̰á̰ ń bɔbə̄də́ mēr̄də́ rāā ní i beé. 13Unən̄ nīnə́n aw̄nəń dɔ nang kə́ Kanaan tə́, aw̄ dubə̄n̄ Makəpela kadə loo kə́ Mamre tə́. Abəraham mang ndɔr̄ kə́ Makəpela ní jī Epəron ń ni i Het ní tə́ i yā kadə̄ bəlo ɓádə́ kə́ tū tə́ téləń bəlo ɓádə yān yā dubə̄ń nīń gə̄.
14Dan ń Jəjep dubə̄ bɔbə̄n oy anī téĺ aw̄ gogə́ dɔ nang kə́ Ejiptə tə́ kə ngákó̰o̰n gēé ō, kə de gə̄ ń aw̄n̄ seneé dubə̄ bɔbə̄n tə́ ní ō malang.
Yá̰á̰ kə́ gotə Jakob tə́
15Dan ń ngákó̰o̰ Jəjep gə̄ a̰a̰n̄ kadə̄ bɔbə̄də́ oy kɔ̄ɔ́ anī, ədan̄ na ń bɔbə̄də́ na oy kɔ̄ɔ́ toō majanī Jəjep na a tél yā rāādə́ yá̰á̰ kə́ majaĺ kum gotə yá̰á̰ kə́ majaĺ ń na n-rāān̄ seneé ní. 16Adə̄ əlan̄ ədan̄ Jəjep na pá tá kadə̄ bɔbə̄n na oy ní na əda na 17kə ədan̄ Jəjep najə̄ ń toō kə adə̄nən̄, kə ədanən̄ na n-rāān ɓɔ́ ba kə mā̰ȳ rɔ̄n dɔ majaĺ yā ngákó̰o̰n gə̄ tə́, tɔdɔ̄ nin̄ na rāānən̄ yá̰á̰ kə́ majaĺ. Ní, na n-rāānən̄ ɓɔ́ ba kə mā̰ȳ rɔ̄n dɔ majaĺ yādə́ tə́ tām̄ nin̄ na i ngé ndɔ̄ȳ Nə́ɓā yā bɔbə̄n gə̄ ō. Dan ń reē ədan̄ Jəjep najə̄ ní anī Jəjep nōō.
18Nin̄ kɔ́ gə̄ reē ɔsən̄ nodə́ nang tə́ non tə́, ədan̄ na nin̄ na i ɓəlo yān gə̄. 19Banī Jəjep tél ədadə́ na kə lōōn̄ ɓōĺ, ké ni ké i Nə́ɓā wa. 20Nin̄ na númə̄n̄ rāān yá̰á̰ kə́ majaĺ ɓá tā ba Nə́ɓā na tūr̄ gír̄ yá̰á̰ kə́ majaĺ ní adə̄ na téĺ yá̰á̰ kə́ majə, adə̄ ɓōólaā na ajə gír de kə́ ngá̰ý gə̄ tītə̄ ń nin̄ kɔ́ gə̄ na a̰a̰nə̄ń noō. 21Ní, kə lōōn̄ ɓōĺ na n-a n-a̰a̰ gōdə́ ō, n-ā n-a̰a̰ gō ngáńdə́ gə̄ ō. Ni-sɔl̄ kemdə́ i kə najə̄ gə̄ ń noō.
22Adə̄ Jəjep ō, de gə̄ yā bɔbə̄n gə̄ ō, ndin̄ dɔ nang kə́ Ejiptə tə́. Jəjep rāā ɓāl̄ ɓú kə kutə kógə̄ḿ. 23Ni-a̰a̰ ngán *Epəraim gə̄ ō, ngán kaa Epəraim gə̄ ō, taā ngán Makir kə́ ngōn̄ Manase rāādə́ kə́ yān tə́ ō.
24Jəjep əda ngákó̰o̰n gə̄ na n-a n-oy ba Nə́ɓā na a dḭḭ̄də́, na a teē sedə́ kɔ̄ɔ́ kem ɓē ń toō tə́ yā kaw̄ sedə́ dɔ nang ń na ənī ndūn yā kadə̄ Abəraham ō, Isaak ō, Jakob ō ní tə́. 25Jəjep mēr̄ ngán *Israel gə̄ kadə̄ ənīn̄ ndūdə́, əda na loo ń Nə́ɓā a dḭḭ̄də́ yā teē sedə́ anī, kə ɔyn̄ kə̄ngān gə̄ kə aw̄nəń.
26Jəjep rāā ɓāl̄ ɓú kə kutə kógə̄ḿ anī oy. Ndumnən̄ kəga kə́ yā kɔgə̄ń nīń ndum, ba ənīnən̄ kem késé, dɔ nang kə́ Ejiptə tə́.
Currently Selected:
Ta Kəla gír yá̰a̰ gə̄ 50: BS
Highlight
Share
Copy
Want to have your highlights saved across all your devices? Sign up or sign in
© 2006, 2010 Alliance Biblique du Tchad
Ta Kəla gír yá̰a̰ gə̄ 50
50
Loo dubə̄ Jakob
1Jəjep əsō kə̄ dɔ bɔbə̄n tə́, nōō kə man̄ kumneé ō, əhɔn kə̄ rɔ̄n tə́ ɓirə̄n dagə ō. 2Gō tə́ anī ni-adə̄ doktór gə̄ ń a rāān̄ kəla yān ní ndūn kadə̄ ndumən̄ bɔbə̄n kəga kə́ a ɔgə̄ kadə̄ rɔ̄ deē ndum, adə̄ doktór gə̄ ndumən̄ *Israel kəga ní. 3Nin̄ ndumənən̄ kəga ní ndɔ̄ i kutə sɔ́. De kə́ Ejiptə tə́ gə̄ nōōn̄ Jakob ndɔ̄ kutə sīrí.
4Dan ń gír ndɔ̄ gə̄ kə́ yā nōoń Jakob gān̄g anī, Jəjep əda de gə̄ yā *Parao̰ gə̄ na ré nel̄də́ seneé anī, n-rāādə́ ɓɔ́ ba kə ədan̄ *Parao̰ najə̄ ń toō kə adə̄nən̄, kə ədanən̄ na 5pá tá kadə̄ bɔbə̄n na oy ní, na mērə̄n túbə kadə̄n yā kadə̄ ré n-oy anī kə dubə̄n dɔ nang kə́ Kanaan tə́ kem bəlo ɓádə́ ń na n-ndēr̄ tām̄ yān nəkɔ́ tə́ ní. Ní, kə adə̄nən̄ ta róbə kadə̄ n-aw̄ kə n-dubə̄n tá kə n-tél. 6*Parao̰ tél əda Jəjep na kə aw̄ kə dubə̄ bɔbə̄n tītə̄ ń na mēr̄nəń túbə kadə̄n ní.
7Jəjep aw̄ dubə̄ bɔbə̄n tə́. Ngé rāā kəla yā *Parao̰ gə̄ malang aw̄n̄ seneé. Kum kɔɔ̄ kə́ ndogó looneé gə̄ ō, *kum kɔɔ̄ kə́ Ejiptə tə́ gə̄ ō, 8de gə̄ yā Jəjep gə̄ ō, ngákó̰o̰n gə̄ ō, de gə̄ yā bɔbə̄n gə̄ ō, aw̄n̄ seneé malang. I ngán gə̄ ō, yá̰a̰ kul̄ gə̄ ō, ngóy n əya̰n̄də́ dɔ nang kə́ Gosen tə́ ní. 9Ngé púsə́ sə́nda gə̄ aw̄n̄ seneé ō, adə̄ de kə́ ngé dān̄ nīń ta kaw̄ kə̄ ɓádá gə̄ i ngá̰ý.
10Dan ń aw̄ ugə̄n̄ loo kənda kōō yā Atad tə́ ń i gidə bā Jurdḛ tə́ ní anī, nōōn̄ yo nōō kə́ to ɓōĺ ngá̰ý loo ń noō tə́. Jəjep rāā yo bɔbə̄n ndɔ̄ sīrí rɔȳnəń. 11De kə́ dɔ nang kə́ Kanaan tə́ gə̄ ń a̰a̰n̄də́ loo kənda kōō yā Atad tə́ loo nōō yo tə́ ní ədan̄ na i yo kə́ to ɓōĺ ngá̰ý dɔ de kə́ Ejiptə tə́ gə̄ n toó. I tām̄ najə̄ ń noō tə́ n əndānəń rī loo kənda kōō yā Atad ń i gidə Jurdḛ tə́ ní na i Abel Misəraim ní, kumən na i yo kə́ tōr̄ rɔ̄ de kə́ Ejiptə tə́ gə̄ ngá̰ý.
12Ngán Jakob gə̄ rāān̄ yá̰á̰ ń bɔbə̄də́ mēr̄də́ rāā ní i beé. 13Unən̄ nīnə́n aw̄nəń dɔ nang kə́ Kanaan tə́, aw̄ dubə̄n̄ Makəpela kadə loo kə́ Mamre tə́. Abəraham mang ndɔr̄ kə́ Makəpela ní jī Epəron ń ni i Het ní tə́ i yā kadə̄ bəlo ɓádə́ kə́ tū tə́ téləń bəlo ɓádə yān yā dubə̄ń nīń gə̄.
14Dan ń Jəjep dubə̄ bɔbə̄n oy anī téĺ aw̄ gogə́ dɔ nang kə́ Ejiptə tə́ kə ngákó̰o̰n gēé ō, kə de gə̄ ń aw̄n̄ seneé dubə̄ bɔbə̄n tə́ ní ō malang.
Yá̰á̰ kə́ gotə Jakob tə́
15Dan ń ngákó̰o̰ Jəjep gə̄ a̰a̰n̄ kadə̄ bɔbə̄də́ oy kɔ̄ɔ́ anī, ədan̄ na ń bɔbə̄də́ na oy kɔ̄ɔ́ toō majanī Jəjep na a tél yā rāādə́ yá̰á̰ kə́ majaĺ kum gotə yá̰á̰ kə́ majaĺ ń na n-rāān̄ seneé ní. 16Adə̄ əlan̄ ədan̄ Jəjep na pá tá kadə̄ bɔbə̄n na oy ní na əda na 17kə ədan̄ Jəjep najə̄ ń toō kə adə̄nən̄, kə ədanən̄ na n-rāān ɓɔ́ ba kə mā̰ȳ rɔ̄n dɔ majaĺ yā ngákó̰o̰n gə̄ tə́, tɔdɔ̄ nin̄ na rāānən̄ yá̰á̰ kə́ majaĺ. Ní, na n-rāānən̄ ɓɔ́ ba kə mā̰ȳ rɔ̄n dɔ majaĺ yādə́ tə́ tām̄ nin̄ na i ngé ndɔ̄ȳ Nə́ɓā yā bɔbə̄n gə̄ ō. Dan ń reē ədan̄ Jəjep najə̄ ní anī Jəjep nōō.
18Nin̄ kɔ́ gə̄ reē ɔsən̄ nodə́ nang tə́ non tə́, ədan̄ na nin̄ na i ɓəlo yān gə̄. 19Banī Jəjep tél ədadə́ na kə lōōn̄ ɓōĺ, ké ni ké i Nə́ɓā wa. 20Nin̄ na númə̄n̄ rāān yá̰á̰ kə́ majaĺ ɓá tā ba Nə́ɓā na tūr̄ gír̄ yá̰á̰ kə́ majaĺ ní adə̄ na téĺ yá̰á̰ kə́ majə, adə̄ ɓōólaā na ajə gír de kə́ ngá̰ý gə̄ tītə̄ ń nin̄ kɔ́ gə̄ na a̰a̰nə̄ń noō. 21Ní, kə lōōn̄ ɓōĺ na n-a n-a̰a̰ gōdə́ ō, n-ā n-a̰a̰ gō ngáńdə́ gə̄ ō. Ni-sɔl̄ kemdə́ i kə najə̄ gə̄ ń noō.
22Adə̄ Jəjep ō, de gə̄ yā bɔbə̄n gə̄ ō, ndin̄ dɔ nang kə́ Ejiptə tə́. Jəjep rāā ɓāl̄ ɓú kə kutə kógə̄ḿ. 23Ni-a̰a̰ ngán *Epəraim gə̄ ō, ngán kaa Epəraim gə̄ ō, taā ngán Makir kə́ ngōn̄ Manase rāādə́ kə́ yān tə́ ō.
24Jəjep əda ngákó̰o̰n gə̄ na n-a n-oy ba Nə́ɓā na a dḭḭ̄də́, na a teē sedə́ kɔ̄ɔ́ kem ɓē ń toō tə́ yā kaw̄ sedə́ dɔ nang ń na ənī ndūn yā kadə̄ Abəraham ō, Isaak ō, Jakob ō ní tə́. 25Jəjep mēr̄ ngán *Israel gə̄ kadə̄ ənīn̄ ndūdə́, əda na loo ń Nə́ɓā a dḭḭ̄də́ yā teē sedə́ anī, kə ɔyn̄ kə̄ngān gə̄ kə aw̄nəń.
26Jəjep rāā ɓāl̄ ɓú kə kutə kógə̄ḿ anī oy. Ndumnən̄ kəga kə́ yā kɔgə̄ń nīń ndum, ba ənīnən̄ kem késé, dɔ nang kə́ Ejiptə tə́.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2006, 2010 Alliance Biblique du Tchad