Ndū najə̄ yā Ngán Lebi gə̄ 18
18
Sāā naā kə́ Nə́ɓā ɔgə̄
1Kɔ́ɔ̄ɓē mēr̄ Moijə 2kəda ngán *Israel gə̄ ndū najə̄ gə̄ ń toō:
Mā i Kɔ́ɔ̄ɓē yāsí. 3Ī-ndájí yá̰a̰ rāā de gə̄ kə́ dɔ nang tə́ Ejiptə tə́ ń ī-ndiī tū tə́ ní aĺ ō, yá̰a̰ rāā de gə̄ kə́ dɔ nang kə́ Kanaan ń m-ā m-āw̄ sesí kə́ tū tə́ ní aĺ ō. Úniī gō ndū najə̄ yādə́ alé. 4Ī-rāāī yá̰a̰ kāgə̄ ɓē gə̄ ń m-ā m-ɔ́jə́sí ní ō, ī-ngɔ̄mī ndū najə̄ yāḿ gə̄ ō. Mā i Kɔ́ɔ̄ɓē Nə́ɓā yāsí.
5Ī-ngɔ̄mī ndū najə̄ yāḿ gə̄ ō, yá̰a̰ kāgə̄ ɓē ń m-āa m-ɔ́jə́sí ní ō, tām̄ i deē ń əhɔdə́ kemən tə́ rāāń yá̰á̰ ní n a ndi kə kumuú ní. Mā i Kɔ́ɔ̄ɓē.
6De kógə̄ḿ dansí tə́ a ɓīī kə ngōn̄ kə́ dəyá̰ kə́ dan gír deē yān gə̄ tə́ alé. Mā i Kɔ́ɔ̄ɓē.
7Ā ī-ɓīī kə kó̰ó̰í yā kəlań rɔ̄sɔl̄ dɔ bɔbí tə́ alé. Ré ī-ɓīī seneé anī, ə́la rɔ̄sɔl̄ i dɔn tə́ ō, tɔdɔ̄ ni i kó̰ó̰í.
8Ā ī-ɓīī kə nə̄yá̰ bɔbí alé, tɔdɔ̄ ré ī-ɓīī seneé anī, ə́la rɔ̄sɔl̄ i dɔ bɔbí tə́.
9Ā ī-ɓīī kə ngōkó̰ó̰í kə́ dəyá̰ alé, kem bəra madí aĺ ō, kem kó̰o̰ madí aĺ ō. Ká ojənən̄ i ta kújə tə́ ɓē aké i ndágá gə̄gē anī, ā ī-ɓīī seneé alé.
10Ā ī-ɓīī kə ngōn̄ kaaí kə ngōnīí kə́ dəngam ojən aĺ ō, kə́ ngōnīí kə́ dəyá̰ ojən aĺ ō. Tɔdɔ̄ nge ń noō i kəla rɔ̄sɔl̄ dɔ rɔ̄í īkɔ́ tə́.
11Ā ī-ɓīī kə ngōkó̰ó̰í kə́ dəyá̰ ń i ngōn̄ nə̄yá̰ bɔbí ní alé. I bɔbí n ojən adə̄ i kem bəra madí.
12Ā ī-ɓīī kə ngōkó̰o̰ bɔbí kə́ dəyá̰ alé, tɔdɔ̄ i ngeen kə́ ngɔr ngá̰ý.
13Ā ī-ɓīī kə ngōkó̰ó̰ kó̰ó̰í kə́ dəyá̰ alé, tām̄ i ngeen kə́ ngɔr ngá̰ý.
14Ā ī-ɓīī kə nə̄yá̰ ngōkó̰o̰ bɔbí yā kəlań rɔ̄sɔl̄ dɔn tə́ alé, tɔdɔ̄ nə̄yá̰n rāā rɔ̄n i kó̰ó̰í tə́.
15Ā ī-ɓīī kə nə̄yá̰ ngōnīí alé, tɔdɔ̄ i umií.
16Ā ī-ɓīī kə nə̄yá̰ ngōkó̰ó̰í alé na sōgə́ ə́la rɔ̄sɔl̄ dɔ ngōkó̰ó̰í tə́.
17Ré ī-ɓīī kə dəyá̰ anī, ī-lōō ɓīī kə ngōnən ō, ngán kaan gə̄ ō. Nin̄ i ngéé naā kə́ ngɔr ngá̰ý gə̄, adə̄ ré ī-ɓīī sedə́ anī i gōtə́ alé.
18Ré nə̄yá̰í ndi kə kumneé ɓáý anī, ā ī-taā ngōkó̰o̰n alé na sōgə́ əndān̄ naā ni.
19Ā ī-sāā dəyá̰ kə́ mósə rāān alé, tām̄ ni i de kə́ yḛr.
20Ā ī-sāā nə̄yá̰ ngōn̄ Israel madí alé, na sōgə́ ī-tél de kə́ yḛr.
21Ā ī-tun̄ ngōnīí yā kadə̄ ɓesə̄ Molok#16.21 Ɓesə̄ Molok: Á̰a̰ī Leb 20.2-5, Ndū 12.31, 2 Mban̄g 17.17, Jer 7.31, Pā 106.37-38. Loo kadə̄ ɓesə̄ Molok ngōn̄, i róō ngōn̄ horoó. I ɓesə̄ yā de gə̄ kə́ ndin̄ kə gō gidə ɓē kə́ Israel. alé, tɔdɔ̄ ré ī-rāā beé anī, ā ī-nujə i rī Nə́ɓā yāí. Mā i Kɔ́ɔ̄ɓē Nə́ɓā yāsí.
22Ā ī-ɓīī kə dəngam tītə̄ ń ɓīīnəń kə dəyá̰ ní alé, tɔdɔ̄ nge ń noō i yá̰á̰ kə́ gōtə́ aĺ ngá̰ý.
23Ā ī-ɓīī kə dā̰á̰ alé, na sōgə́ ī-tél de kə́ yḛr. Dəyá̰ a ɓīī kə dā̰á̰ alé, tɔdɔ̄ nge ń noō i lur rɔ̄.
24Ādī ī-téliī de kə́ yḛr gə̄ sɔɔ̄ń yá̰a̰ rāā kə́ tītə̄ ń noō gə̄ alé. Tɔdɔ̄ nápar de gə̄ ń m-ā m̄-tə̄ɓādə́ nosí tə́ kɔ̄ɔ́ ní rāān̄ adə̄ télən̄ de kə́ yḛr gə̄ sɔɔ̄ń yá̰a̰ rāā kə́ tītə̄ ń noō gə̄. 25Majaĺ tákə̄ ɓē yādə́ ō, m-ə́dan najə̄n tə́ ō, adə̄ ni mbātə́ de gə̄ kə́ kemən tə́ kɔ̄ɔ́.
26Ba sḭḭ̄, ngán *Israel gə̄ ō, tə̄rā gə̄ ń ndin̄ dɔ dáńsí tə́ ō ní, ī-ngɔmī ndū najə̄ yāḿ gə̄ ō, yá̰a̰ kāgə̄ ɓē gə̄ ń m-ɔ́jə́sí ní ō, ba ī-rāāī yá̰á̰ kə́ gōtə́ aĺ gə̄ ń noō alé. 27Tɔdɔ̄ de gə̄ ń ndin̄ kem ɓēé kété nosí tə́ ní rāān̄ i yá̰a̰ malang kə́ gōtə́ aĺ gə̄ ń noō n ɓē téləń ɓē kə́ kə́ yḛr ní. 28Ī-lōōī rāā kadə̄ ɓē tél ɓē kə́ kə́ yḛr gogə́ ɓáý to̰, na sōgə́ ɓē mbātə́sí tītə̄ ń mbātə́nń de gə̄ ń ndin̄ kemən tə́ kété nosí tə́ ní. 29Tɔdɔ̄ de gə̄ malang ń rāān̄ yá̰á̰ kə́ gōtə́ aĺ gə̄ ń noō ní a ɔrə̄n̄də́ kɔ̄ɔ́ dan ngán *Israel gə̄ tə́.
30Ā ī-rāāī yá̰a̰ gə̄ ń m̄-mēr̄sí rāā ní. Ba yá̰á̰ kə́ gōtə́ aĺ gə̄ ń de gə̄ rāān̄ kété nosí tə́ ní, ā ī-rāāī alé, na sōgə́ ī-téliī de kə́ yḛr gə̄. Mā i Kɔ́ɔ̄ɓē Nə́ɓā yāsí.
Currently Selected:
Ndū najə̄ yā Ngán Lebi gə̄ 18: BS
Highlight
Copy
Compare
Share
Want to have your highlights saved across all your devices? Sign up or sign in
© 2006, 2010 Alliance Biblique du Tchad
Ndū najə̄ yā Ngán Lebi gə̄ 18
18
Sāā naā kə́ Nə́ɓā ɔgə̄
1Kɔ́ɔ̄ɓē mēr̄ Moijə 2kəda ngán *Israel gə̄ ndū najə̄ gə̄ ń toō:
Mā i Kɔ́ɔ̄ɓē yāsí. 3Ī-ndájí yá̰a̰ rāā de gə̄ kə́ dɔ nang tə́ Ejiptə tə́ ń ī-ndiī tū tə́ ní aĺ ō, yá̰a̰ rāā de gə̄ kə́ dɔ nang kə́ Kanaan ń m-ā m-āw̄ sesí kə́ tū tə́ ní aĺ ō. Úniī gō ndū najə̄ yādə́ alé. 4Ī-rāāī yá̰a̰ kāgə̄ ɓē gə̄ ń m-ā m-ɔ́jə́sí ní ō, ī-ngɔ̄mī ndū najə̄ yāḿ gə̄ ō. Mā i Kɔ́ɔ̄ɓē Nə́ɓā yāsí.
5Ī-ngɔ̄mī ndū najə̄ yāḿ gə̄ ō, yá̰a̰ kāgə̄ ɓē ń m-āa m-ɔ́jə́sí ní ō, tām̄ i deē ń əhɔdə́ kemən tə́ rāāń yá̰á̰ ní n a ndi kə kumuú ní. Mā i Kɔ́ɔ̄ɓē.
6De kógə̄ḿ dansí tə́ a ɓīī kə ngōn̄ kə́ dəyá̰ kə́ dan gír deē yān gə̄ tə́ alé. Mā i Kɔ́ɔ̄ɓē.
7Ā ī-ɓīī kə kó̰ó̰í yā kəlań rɔ̄sɔl̄ dɔ bɔbí tə́ alé. Ré ī-ɓīī seneé anī, ə́la rɔ̄sɔl̄ i dɔn tə́ ō, tɔdɔ̄ ni i kó̰ó̰í.
8Ā ī-ɓīī kə nə̄yá̰ bɔbí alé, tɔdɔ̄ ré ī-ɓīī seneé anī, ə́la rɔ̄sɔl̄ i dɔ bɔbí tə́.
9Ā ī-ɓīī kə ngōkó̰ó̰í kə́ dəyá̰ alé, kem bəra madí aĺ ō, kem kó̰o̰ madí aĺ ō. Ká ojənən̄ i ta kújə tə́ ɓē aké i ndágá gə̄gē anī, ā ī-ɓīī seneé alé.
10Ā ī-ɓīī kə ngōn̄ kaaí kə ngōnīí kə́ dəngam ojən aĺ ō, kə́ ngōnīí kə́ dəyá̰ ojən aĺ ō. Tɔdɔ̄ nge ń noō i kəla rɔ̄sɔl̄ dɔ rɔ̄í īkɔ́ tə́.
11Ā ī-ɓīī kə ngōkó̰ó̰í kə́ dəyá̰ ń i ngōn̄ nə̄yá̰ bɔbí ní alé. I bɔbí n ojən adə̄ i kem bəra madí.
12Ā ī-ɓīī kə ngōkó̰o̰ bɔbí kə́ dəyá̰ alé, tɔdɔ̄ i ngeen kə́ ngɔr ngá̰ý.
13Ā ī-ɓīī kə ngōkó̰ó̰ kó̰ó̰í kə́ dəyá̰ alé, tām̄ i ngeen kə́ ngɔr ngá̰ý.
14Ā ī-ɓīī kə nə̄yá̰ ngōkó̰o̰ bɔbí yā kəlań rɔ̄sɔl̄ dɔn tə́ alé, tɔdɔ̄ nə̄yá̰n rāā rɔ̄n i kó̰ó̰í tə́.
15Ā ī-ɓīī kə nə̄yá̰ ngōnīí alé, tɔdɔ̄ i umií.
16Ā ī-ɓīī kə nə̄yá̰ ngōkó̰ó̰í alé na sōgə́ ə́la rɔ̄sɔl̄ dɔ ngōkó̰ó̰í tə́.
17Ré ī-ɓīī kə dəyá̰ anī, ī-lōō ɓīī kə ngōnən ō, ngán kaan gə̄ ō. Nin̄ i ngéé naā kə́ ngɔr ngá̰ý gə̄, adə̄ ré ī-ɓīī sedə́ anī i gōtə́ alé.
18Ré nə̄yá̰í ndi kə kumneé ɓáý anī, ā ī-taā ngōkó̰o̰n alé na sōgə́ əndān̄ naā ni.
19Ā ī-sāā dəyá̰ kə́ mósə rāān alé, tām̄ ni i de kə́ yḛr.
20Ā ī-sāā nə̄yá̰ ngōn̄ Israel madí alé, na sōgə́ ī-tél de kə́ yḛr.
21Ā ī-tun̄ ngōnīí yā kadə̄ ɓesə̄ Molok#16.21 Ɓesə̄ Molok: Á̰a̰ī Leb 20.2-5, Ndū 12.31, 2 Mban̄g 17.17, Jer 7.31, Pā 106.37-38. Loo kadə̄ ɓesə̄ Molok ngōn̄, i róō ngōn̄ horoó. I ɓesə̄ yā de gə̄ kə́ ndin̄ kə gō gidə ɓē kə́ Israel. alé, tɔdɔ̄ ré ī-rāā beé anī, ā ī-nujə i rī Nə́ɓā yāí. Mā i Kɔ́ɔ̄ɓē Nə́ɓā yāsí.
22Ā ī-ɓīī kə dəngam tītə̄ ń ɓīīnəń kə dəyá̰ ní alé, tɔdɔ̄ nge ń noō i yá̰á̰ kə́ gōtə́ aĺ ngá̰ý.
23Ā ī-ɓīī kə dā̰á̰ alé, na sōgə́ ī-tél de kə́ yḛr. Dəyá̰ a ɓīī kə dā̰á̰ alé, tɔdɔ̄ nge ń noō i lur rɔ̄.
24Ādī ī-téliī de kə́ yḛr gə̄ sɔɔ̄ń yá̰a̰ rāā kə́ tītə̄ ń noō gə̄ alé. Tɔdɔ̄ nápar de gə̄ ń m-ā m̄-tə̄ɓādə́ nosí tə́ kɔ̄ɔ́ ní rāān̄ adə̄ télən̄ de kə́ yḛr gə̄ sɔɔ̄ń yá̰a̰ rāā kə́ tītə̄ ń noō gə̄. 25Majaĺ tákə̄ ɓē yādə́ ō, m-ə́dan najə̄n tə́ ō, adə̄ ni mbātə́ de gə̄ kə́ kemən tə́ kɔ̄ɔ́.
26Ba sḭḭ̄, ngán *Israel gə̄ ō, tə̄rā gə̄ ń ndin̄ dɔ dáńsí tə́ ō ní, ī-ngɔmī ndū najə̄ yāḿ gə̄ ō, yá̰a̰ kāgə̄ ɓē gə̄ ń m-ɔ́jə́sí ní ō, ba ī-rāāī yá̰á̰ kə́ gōtə́ aĺ gə̄ ń noō alé. 27Tɔdɔ̄ de gə̄ ń ndin̄ kem ɓēé kété nosí tə́ ní rāān̄ i yá̰a̰ malang kə́ gōtə́ aĺ gə̄ ń noō n ɓē téləń ɓē kə́ kə́ yḛr ní. 28Ī-lōōī rāā kadə̄ ɓē tél ɓē kə́ kə́ yḛr gogə́ ɓáý to̰, na sōgə́ ɓē mbātə́sí tītə̄ ń mbātə́nń de gə̄ ń ndin̄ kemən tə́ kété nosí tə́ ní. 29Tɔdɔ̄ de gə̄ malang ń rāān̄ yá̰á̰ kə́ gōtə́ aĺ gə̄ ń noō ní a ɔrə̄n̄də́ kɔ̄ɔ́ dan ngán *Israel gə̄ tə́.
30Ā ī-rāāī yá̰a̰ gə̄ ń m̄-mēr̄sí rāā ní. Ba yá̰á̰ kə́ gōtə́ aĺ gə̄ ń de gə̄ rāān̄ kété nosí tə́ ní, ā ī-rāāī alé, na sōgə́ ī-téliī de kə́ yḛr gə̄. Mā i Kɔ́ɔ̄ɓē Nə́ɓā yāsí.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2006, 2010 Alliance Biblique du Tchad