Ndū najə̄ yā Ngán Lebi gə̄ 20
20
Yá̰a̰ gə̄ kə́ Nə́ɓā ɔgə̄ ndɔ̄ydə́ gə̄
1Kɔ́ɔ̄ɓē mēr̄ Moijə 2kəda ngán *Israel gə̄ na:
Ré deē kógə̄ḿ kə́ ndi Israel aláa tə̄rā un ngōnən adə̄ ɓesə̄ Molok#20.2 Loo kadə̄ ɓesə̄ Molok ngōn̄, i róō ngōn̄ horoó. Á̰a̰ī Leb 18.21 anī, a tɔ̄l̄nən̄ kɔ̄ɔ́. De kə́ kem ɓē gə̄ a tə́nīnən̄ kə mbalá yā tɔ̄lən. 3Tɔdɔ̄ mə̄kɔ́ m-ā m̄-tūr̄ rɔ̄ḿ rɔ̄ deē ní.
M-ā m-ɔ̄rən kɔ̄ɔ́ dan ngán Israel gə̄ tə́, tām̄ ni un ngōnən adə̄ Molok ō, rāā adə̄ *loo kə́ táĺ tél loo kə́ yḛr ō, nujə kə rīḿ kə́ táĺ ō. 4Ré de kə́ kem ɓēé gə̄ kótə̄n̄ kumdə́ kɔ̄ɔ́ dɔ kəla deē ń un ngōnən adə̄ Molok tə́ ní na sōgə́ n tɔ̄lnən̄ anī, 5m-ā m̄-tūr̄ rɔ̄ḿ yā rɔ̄ deē ní ō, m-ā m̄-rɔ̄ɔ̄ de gə̄ kə́ gír kojə yān tə́ ō, m-ā m-ɔ̄rən kɔ̄ɔ́ dan gír deē yān gə̄ tə́ ō, naā tə́ kə de gə̄ malang ń unən̄ gōdə́ a rāānəń kəla adə̄n̄ ɓesə̄ Molok ní.
6M-ā m̄-tūr̄ rɔ̄ḿ yā rɔ̄ɔ̄ deē ń a oō ta kɔdə̄ sāā gə̄ ní. M-ā m-ɔ̄rən kɔ̄ɔ́ dan gír deē yān gə̄ tə́.
7Ɔ̄rī rɔ̄sí kɔ̄ɔ́ kum yá̰á̰ kə́ majaĺ gə̄ tə́, kadə̄ sḭḭ̄ i kə́ táĺ gə̄, tɔdɔ̄ mā i Kɔ́ɔ̄ɓē Nə́ɓā yāsí.
Ndéý kə́ tām̄ yā sāā naā tə́
8Ī-ngɔ̄mī ndū najə̄ yāḿ gə̄ ō, úniī gōdə́ ō. Mā i Kɔ́ɔ̄ɓē nge gə̄rāsí kadə̄ sḭḭ̄ i gír de kə́ táĺ gə̄.
9Adə̄ ré dəngam tájə̄ bɔbə̄n aláa kó̰o̰n anī, a tɔ̄l̄nən̄ kɔ̄ɔ́. Ni-tájə̄ bɔbə̄n ō, kó̰o̰n ō ní, mósən a na̰y i dɔn nəkɔ́ tə́.
10Ré dəngam sāā nə̄yá̰ madə̄n anī, a tɔ̄l̄ə̄n̄də́ mbak nin̄ kə dəyá̰ sāān̄ naā ní.
11Ré dəngam ɓīī kə nə̄yá̰ bɔbə̄n anī, əla i rɔ̄sɔl̄ dɔ bɔbə̄n tə́. A tɔ̄lə̄n̄ dəngam ní ō, dəyá̰ ní ō. Mósə́də́ a na̰y i dɔdə́ nin̄ kɔ́ gə̄ tə́.
12Ré dəngam ɓīī kə umneé anī, a tɔ̄lə̄n̄də́ kɔ̄ɔ́ jōó mbak. Nin̄ lurən̄ i rɔ̄də́ adə̄ mósə́də́ a na̰y i dɔdə́ nin̄ kɔ́ gə̄ tə́.
13Ré dəngam ɓīī kə dəngam madə̄n tītə̄ loo ɓīī kə dəyá̰ anī, nin̄ jōó mbak rāān̄ i yá̰á̰ kə́ gōtə́ aĺ ngá̰ý, adə̄ a tɔ̄lə̄n̄də́ kɔ̄ɔ́. Mósə́də́ a na̰y i dɔdə́ nin̄ kɔ́ gə̄ tə́.
14Ré dəngam taā dəyá̰ ō, kó̰o̰ dəyá̰ ní ō, gidə naā tə́ mbak anī, nin̄ ń noō i kɔw. A róōn̄ dəngam ní ō, dəyá̰ kə́ jōó gə̄ ní ō horoó kɔ̄ɔ́, tá kadə̄ háĺ kə́ dəngam gətóoń dɔ dáńsí tə́.
15Ré dəngam ɓīī kə dā̰á̰ anī, a tɔ̄lə̄n̄ dəngam ní ō, dā̰ ní ō.
16Ré dəyá̰ ɓīī kə dā̰á̰ anī, a tɔ̄lə̄n̄ dəyá̰ ní ō, dā̰ ní ō. Mósə́də́ a na̰y i dɔdə́ nin̄ kɔ́ gə̄ tə́.
17Ré dəngam taā ngōkó̰ó̰ kə́ kem bəra madə̄n, aláa kə́ kem kó̰o̰ madə̄n adə̄ gerə̄n̄ naā kə́ dəyá̰ nin̄ kə dəngam tə́ ɓá anī, nin̄ rāān̄ i yá̰á̰ kə́ to rɔ̄sɔl̄. A ɔrə̄n̄də́ kɔ̄ɔ́ ta kum gír deē yādə́ gə̄ tə́. Ni-sāā ngōkó̰o̰n kə́ dəyá̰ ɓá ní najə̄ i dɔn nəkɔ́ tə́.
18Ré dəngam ɓīī kə dəyá̰ kə́ mósə rāān anī, a ɔrə̄n̄də́ kɔ̄ɔ́ jōó mbak dan gír deē yādə́ gə̄ tə́, tɔdɔ̄ nin̄ jōó mbak oōn̄ naā ba ɔrə̄n̄ gó̰ý mósə kɔ̄ɔ́.
19Ā ī-sāā ngōkó̰ó̰ kó̰ó̰í aĺ ō, ngōkó̰o̰ bɔbí aĺ ō. Deē ń ɓīī kə ngeen kə́ ngɔr ngá̰ý tītə̄ ń noō ní, najə̄ i dɔdə́ tə́ kə ngeen ní mbak.
20Ré dəngam ɓīī kə nə̄yá̰ ngōkó̰o̰ bɔbə̄n anī, ni-əla rɔ̄sɔl̄ i dɔ ngōkó̰o̰ bɔbə̄n tə́. Najə̄ i dɔ ngé rāȳ gə̄ ní tə́ jōó mbak. A oyn̄ kanjə̄ kojə ngōn̄.
21Ré dəngam taā dəyá̰ jī ngōkó̰o̰n tə́ anī, rāā i yá̰á̰ kə́ majaĺ, əla rɔ̄sɔl̄ dɔ ngōkó̰o̰n tə́, adə̄ nin̄ kə dəyá̰ ní a ojən̄ ngōn̄ alé.
22Ī-ngɔ̄mī ndū najə̄ yāḿ gə̄ malang ō, yá̰a̰ kāgə̄ ɓē gə̄ malang ń m-ɔ́jə́sí ní ō, yā kadə̄ ɓē ń m-ā m-āw̄ sesí yā kəndāsí tū tə́ ní mbātə́sí alé.
23Ī-ndájī yá̰a̰ rāā nápar de gə̄ ń m-ā m̄-tə̄ɓādə́ kɔ̄ɔ́ nosí tə́ ní alé. Tɔdɔ̄ i yá̰a̰ gə̄ ń noō malang n rāān̄ á nelə̄məń sedə́ aĺ ní. 24I tām̄ najə̄ ń noō tə́ n m-ə́dásí na i sḭḭ̄ n ā taāī dɔ nang yādə́ ní. M-ā m-ādə̄sí i kə yāsí tə́. I dɔ nang kə́ mba ō, yibə̄ tejə ō, i ngá̰ý tū tə́.
Mā i Kɔ́ɔ̄ɓē Nə́ɓā yāsí, nge gə̄rāsí dan gír de gə̄ tə́ kəndāsí dáńg. 25I tām najə̄ ń toō tə́ n ā ɔ̄rī kam̄ dā̰ kə́ yḛr gə̄ ō, kə́ *unjə̄ njáý njáý gə̄ ō, yel̄ kə́ yḛr gə̄ ō, kə́ *unjə̄ njáý njáý gə̄ ō ní. Dā̰ kə́ yḛr gə̄ ō, yel̄ kə́ yḛr gə̄ ō, ngán kur̄ kə́ kagə nang tə́ gə̄ ń m-ə́dásí kadə̄ ī-rāāīdə́ yá̰á̰ kə́ yḛr gə̄ tə́ ní, ī-lōōī kɔdə rɔ̄də́ na sōgə́ ī-téliī de kə́ yḛr gə̄. M-ɔ̄r̄ nin̄də́ i yā kadə̄ ī-gerīneé ngé gə̄ ń i kə́ yḛr gə̄ ní.
26Ādə̄ sḭḭ̄ i de kə́ táĺ gə̄, ɔ̄rī kam̄sí kɔ̄ɔ́ tām̄ yāḿ tə́, tām̄ mā Kɔ́ɔ̄ɓē i de kə́ táĺ. m̄-gə̄rāsí dan gír de gə̄ tə́ m-ə̄ndāsí dáńg kadə̄ sḭḭ̄ i deē yāḿ gə̄.
27Ré dəngam aké dəyá̰, nin̄ i kɔdə̄ sāā gə̄ aláa *nge koō ta gə̄ anī, a tɔ̄lə̄n̄də́ kɔ̄ɔ́. A tə́nīn̄də́ kə mbalá yā tɔ̄l̄də́. Mósə́də́ a na̰y i dɔdə́ nin̄ kɔ́ gə̄ tə́.
Currently Selected:
Ndū najə̄ yā Ngán Lebi gə̄ 20: BS
Highlight
Copy
Compare
Share
Want to have your highlights saved across all your devices? Sign up or sign in
© 2006, 2010 Alliance Biblique du Tchad
Ndū najə̄ yā Ngán Lebi gə̄ 20
20
Yá̰a̰ gə̄ kə́ Nə́ɓā ɔgə̄ ndɔ̄ydə́ gə̄
1Kɔ́ɔ̄ɓē mēr̄ Moijə 2kəda ngán *Israel gə̄ na:
Ré deē kógə̄ḿ kə́ ndi Israel aláa tə̄rā un ngōnən adə̄ ɓesə̄ Molok#20.2 Loo kadə̄ ɓesə̄ Molok ngōn̄, i róō ngōn̄ horoó. Á̰a̰ī Leb 18.21 anī, a tɔ̄l̄nən̄ kɔ̄ɔ́. De kə́ kem ɓē gə̄ a tə́nīnən̄ kə mbalá yā tɔ̄lən. 3Tɔdɔ̄ mə̄kɔ́ m-ā m̄-tūr̄ rɔ̄ḿ rɔ̄ deē ní.
M-ā m-ɔ̄rən kɔ̄ɔ́ dan ngán Israel gə̄ tə́, tām̄ ni un ngōnən adə̄ Molok ō, rāā adə̄ *loo kə́ táĺ tél loo kə́ yḛr ō, nujə kə rīḿ kə́ táĺ ō. 4Ré de kə́ kem ɓēé gə̄ kótə̄n̄ kumdə́ kɔ̄ɔ́ dɔ kəla deē ń un ngōnən adə̄ Molok tə́ ní na sōgə́ n tɔ̄lnən̄ anī, 5m-ā m̄-tūr̄ rɔ̄ḿ yā rɔ̄ deē ní ō, m-ā m̄-rɔ̄ɔ̄ de gə̄ kə́ gír kojə yān tə́ ō, m-ā m-ɔ̄rən kɔ̄ɔ́ dan gír deē yān gə̄ tə́ ō, naā tə́ kə de gə̄ malang ń unən̄ gōdə́ a rāānəń kəla adə̄n̄ ɓesə̄ Molok ní.
6M-ā m̄-tūr̄ rɔ̄ḿ yā rɔ̄ɔ̄ deē ń a oō ta kɔdə̄ sāā gə̄ ní. M-ā m-ɔ̄rən kɔ̄ɔ́ dan gír deē yān gə̄ tə́.
7Ɔ̄rī rɔ̄sí kɔ̄ɔ́ kum yá̰á̰ kə́ majaĺ gə̄ tə́, kadə̄ sḭḭ̄ i kə́ táĺ gə̄, tɔdɔ̄ mā i Kɔ́ɔ̄ɓē Nə́ɓā yāsí.
Ndéý kə́ tām̄ yā sāā naā tə́
8Ī-ngɔ̄mī ndū najə̄ yāḿ gə̄ ō, úniī gōdə́ ō. Mā i Kɔ́ɔ̄ɓē nge gə̄rāsí kadə̄ sḭḭ̄ i gír de kə́ táĺ gə̄.
9Adə̄ ré dəngam tájə̄ bɔbə̄n aláa kó̰o̰n anī, a tɔ̄l̄nən̄ kɔ̄ɔ́. Ni-tájə̄ bɔbə̄n ō, kó̰o̰n ō ní, mósən a na̰y i dɔn nəkɔ́ tə́.
10Ré dəngam sāā nə̄yá̰ madə̄n anī, a tɔ̄l̄ə̄n̄də́ mbak nin̄ kə dəyá̰ sāān̄ naā ní.
11Ré dəngam ɓīī kə nə̄yá̰ bɔbə̄n anī, əla i rɔ̄sɔl̄ dɔ bɔbə̄n tə́. A tɔ̄lə̄n̄ dəngam ní ō, dəyá̰ ní ō. Mósə́də́ a na̰y i dɔdə́ nin̄ kɔ́ gə̄ tə́.
12Ré dəngam ɓīī kə umneé anī, a tɔ̄lə̄n̄də́ kɔ̄ɔ́ jōó mbak. Nin̄ lurən̄ i rɔ̄də́ adə̄ mósə́də́ a na̰y i dɔdə́ nin̄ kɔ́ gə̄ tə́.
13Ré dəngam ɓīī kə dəngam madə̄n tītə̄ loo ɓīī kə dəyá̰ anī, nin̄ jōó mbak rāān̄ i yá̰á̰ kə́ gōtə́ aĺ ngá̰ý, adə̄ a tɔ̄lə̄n̄də́ kɔ̄ɔ́. Mósə́də́ a na̰y i dɔdə́ nin̄ kɔ́ gə̄ tə́.
14Ré dəngam taā dəyá̰ ō, kó̰o̰ dəyá̰ ní ō, gidə naā tə́ mbak anī, nin̄ ń noō i kɔw. A róōn̄ dəngam ní ō, dəyá̰ kə́ jōó gə̄ ní ō horoó kɔ̄ɔ́, tá kadə̄ háĺ kə́ dəngam gətóoń dɔ dáńsí tə́.
15Ré dəngam ɓīī kə dā̰á̰ anī, a tɔ̄lə̄n̄ dəngam ní ō, dā̰ ní ō.
16Ré dəyá̰ ɓīī kə dā̰á̰ anī, a tɔ̄lə̄n̄ dəyá̰ ní ō, dā̰ ní ō. Mósə́də́ a na̰y i dɔdə́ nin̄ kɔ́ gə̄ tə́.
17Ré dəngam taā ngōkó̰ó̰ kə́ kem bəra madə̄n, aláa kə́ kem kó̰o̰ madə̄n adə̄ gerə̄n̄ naā kə́ dəyá̰ nin̄ kə dəngam tə́ ɓá anī, nin̄ rāān̄ i yá̰á̰ kə́ to rɔ̄sɔl̄. A ɔrə̄n̄də́ kɔ̄ɔ́ ta kum gír deē yādə́ gə̄ tə́. Ni-sāā ngōkó̰o̰n kə́ dəyá̰ ɓá ní najə̄ i dɔn nəkɔ́ tə́.
18Ré dəngam ɓīī kə dəyá̰ kə́ mósə rāān anī, a ɔrə̄n̄də́ kɔ̄ɔ́ jōó mbak dan gír deē yādə́ gə̄ tə́, tɔdɔ̄ nin̄ jōó mbak oōn̄ naā ba ɔrə̄n̄ gó̰ý mósə kɔ̄ɔ́.
19Ā ī-sāā ngōkó̰ó̰ kó̰ó̰í aĺ ō, ngōkó̰o̰ bɔbí aĺ ō. Deē ń ɓīī kə ngeen kə́ ngɔr ngá̰ý tītə̄ ń noō ní, najə̄ i dɔdə́ tə́ kə ngeen ní mbak.
20Ré dəngam ɓīī kə nə̄yá̰ ngōkó̰o̰ bɔbə̄n anī, ni-əla rɔ̄sɔl̄ i dɔ ngōkó̰o̰ bɔbə̄n tə́. Najə̄ i dɔ ngé rāȳ gə̄ ní tə́ jōó mbak. A oyn̄ kanjə̄ kojə ngōn̄.
21Ré dəngam taā dəyá̰ jī ngōkó̰o̰n tə́ anī, rāā i yá̰á̰ kə́ majaĺ, əla rɔ̄sɔl̄ dɔ ngōkó̰o̰n tə́, adə̄ nin̄ kə dəyá̰ ní a ojən̄ ngōn̄ alé.
22Ī-ngɔ̄mī ndū najə̄ yāḿ gə̄ malang ō, yá̰a̰ kāgə̄ ɓē gə̄ malang ń m-ɔ́jə́sí ní ō, yā kadə̄ ɓē ń m-ā m-āw̄ sesí yā kəndāsí tū tə́ ní mbātə́sí alé.
23Ī-ndájī yá̰a̰ rāā nápar de gə̄ ń m-ā m̄-tə̄ɓādə́ kɔ̄ɔ́ nosí tə́ ní alé. Tɔdɔ̄ i yá̰a̰ gə̄ ń noō malang n rāān̄ á nelə̄məń sedə́ aĺ ní. 24I tām̄ najə̄ ń noō tə́ n m-ə́dásí na i sḭḭ̄ n ā taāī dɔ nang yādə́ ní. M-ā m-ādə̄sí i kə yāsí tə́. I dɔ nang kə́ mba ō, yibə̄ tejə ō, i ngá̰ý tū tə́.
Mā i Kɔ́ɔ̄ɓē Nə́ɓā yāsí, nge gə̄rāsí dan gír de gə̄ tə́ kəndāsí dáńg. 25I tām najə̄ ń toō tə́ n ā ɔ̄rī kam̄ dā̰ kə́ yḛr gə̄ ō, kə́ *unjə̄ njáý njáý gə̄ ō, yel̄ kə́ yḛr gə̄ ō, kə́ *unjə̄ njáý njáý gə̄ ō ní. Dā̰ kə́ yḛr gə̄ ō, yel̄ kə́ yḛr gə̄ ō, ngán kur̄ kə́ kagə nang tə́ gə̄ ń m-ə́dásí kadə̄ ī-rāāīdə́ yá̰á̰ kə́ yḛr gə̄ tə́ ní, ī-lōōī kɔdə rɔ̄də́ na sōgə́ ī-téliī de kə́ yḛr gə̄. M-ɔ̄r̄ nin̄də́ i yā kadə̄ ī-gerīneé ngé gə̄ ń i kə́ yḛr gə̄ ní.
26Ādə̄ sḭḭ̄ i de kə́ táĺ gə̄, ɔ̄rī kam̄sí kɔ̄ɔ́ tām̄ yāḿ tə́, tām̄ mā Kɔ́ɔ̄ɓē i de kə́ táĺ. m̄-gə̄rāsí dan gír de gə̄ tə́ m-ə̄ndāsí dáńg kadə̄ sḭḭ̄ i deē yāḿ gə̄.
27Ré dəngam aké dəyá̰, nin̄ i kɔdə̄ sāā gə̄ aláa *nge koō ta gə̄ anī, a tɔ̄lə̄n̄də́ kɔ̄ɔ́. A tə́nīn̄də́ kə mbalá yā tɔ̄l̄də́. Mósə́də́ a na̰y i dɔdə́ nin̄ kɔ́ gə̄ tə́.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2006, 2010 Alliance Biblique du Tchad