1CO - BUU 5
5
Inoya ritu Krumba Nji
1Inji wari wa lawen ri, nji wari rimi mbi wa he ri meme ti ri kru ri mba nji, ikya riwa wa ti-a, ko nji wawa wana ri hu Izhi ran wana ti-u ran, nji ri rimi mbi ari kru ri waa ti wan. 2Bi tanji ri kpongambi ri wu, Ingye ti ko bi ran yi ritu meme ti nji ran? Ingye ti ko bi ran chu zho rimi mbi ran? 3Ko riwa me ran he ri yi ran, ama me he ri yi rimi Yuu, nga me gbuchi kadzi bibi yaa riwa me no nji riwa a ti meme ti, ame me tre ka nji riwa a he ri yi ri mba. 4Inde bi kabru rimi nde Bachi mbu Yeso me he ri yi rimi Yuu won, nga gbengbren Bachi mbu Yeso a he ri yi. 5Me wa no yi ka nji mba no meme nji ritu no wa kpandu meme ti wan ri kpaa time ri wa iyu wan ri fe kpa chuwo rimi vi riwa Bachi ri ye.
6Ran kpongambi ran, ritu meme nji he rimi mbi ri nji ri meme ti riri rimi mbi ri no mgbron nji no wa ti meme ti ran? 7zhu meme ti mbi zho ritu bi ri he wa Tsitsri bibi riwa bi he Tsitsri riwa Izhi. Ritu Kristo ka ngawan de ri tu mbu bibi ntɨma ri ro ri dza gran. 8Ritu nganyi, de ki ran roro mbu ri dza gran a ran ri mumu ri kpa kpi fu ran, ki ka ti meme ti ki chuwo ki ri ti kyawa riwa a he Tsitsri, ki sondu ran ti kya ri kpunji kiri ran la kpunji tre.
9Me ngan no yi ri, no yi ran kabru tu ri wa wa mba ran. 10Men ran tre ritu wawa wana hu Izhi ran, wana ti meme ti ri wa mba ran, ka wawa wa sutu mba, ko wawa wa hu zhi riwa wana to-u ran, inde ki wa ki ri ka meme ti wanyi chuwo tse de bi ka ka mgbumgblume nyi don. 11Ingye ikya riwa me tre-a een, ran wu vi ri nji riwa a tre ri wawu he kpan hu Izhi wen ama a kawan ri wa mba, ran ri hu Izhi ran, nga ran ri tre tre meme ritu nji, ko nji riwa ari hua hi ran ri sen nji. Ran ri kyari ri bibi nji nyi ran.
12Aran he ndu won riwa me bla tre ri wawa wa ran hu Izhi ran, ama biyi bla tre ri wawa wa rimi tre Izhi mbi wawa wa ti meme ti. 13Izhi kyuwan nye ri bla tre ri wawa wa ran ri huu ran, ritu ngamba,<<Ran no nji wa meme ti no wa kabru tu riwu ran.>>
Currently Selected:
1CO - BUU 5: BUU
Highlight
Copy
Compare
Share
Want to have your highlights saved across all your devices? Sign up or sign in
The word for the World International and The word for the World Nigeria