1CO - BUU 7
7
Imiyen ritu Gran
1Zizan ritu miyen riwa bi ngan rimo ritu tre gran, a ran bi riwa no nji no gran ran. 2Ama ritu izren vaa bran, a bi no ko ronron ngan no he ri wa wan, nga ko waa ritan no he ri ron wan. 3No roron no ran kawan ri kabru kpa ri waa wan ran nga no waa ngawen no ran ka ngawan ŋyon ron wan ran , kon ngan rimi-mba no no vayi wan riwa ari wa no milan-u. 4Ikpa wa ran he wa ma nkshewan ran, a he wa ron wan ngawen, nga kpa ronron ran he wa ranron nkashewan ran a he wa waa wan ngawen. 5Ran ka ngambi nyon ngambi ran tsede bi kpa nyɨme ngambi ritu bi ri bre Izhi ko bi ri bru kabru bi ri wa ngambi. No meme nji no ran gyuru yi ritu hon vu sron ran. 6Me la rinyi ritu me ran noyi doka ran ama ritu me ŋoron yi nye. 7Ran bi biyi ronron bi ri he bibi riwa me he, ama ko ngan he ri bibi riwa Izhi no, a no ko ngan ri bibi wa ma.
8Zizan, biyi wa mba wawa bi ran gran ran nga mba wa kɨbo, me tre ri ari bi riwa bi sondu ran ki bibi riwa me son. 9Ama inde wu ran vu sron ran, wu ka gran. A bi no gran riwa mbye ri gon wu sron.
10Zizan ri wawa wa gran me he ri doka riwa Bachi: No wa no ran ka ron wan don ran. 11Ama inde a ka ron wan don, no son ko ka bru gran ron wan, nga no ronron no ran dzu waa wan ran.
12Ri wari ame me tre kyuwon, a ran he Bachi ran: Inde nji ri hu Izhi a gran waa ri wa a ran kpa Izhi ran nga a nyɨme riwa wa ki mba-u ka ran dzu ran. 13Nga inde iwa ri hu Izhi a gran ronron riwa a ran to Izhi ran a kpa nyɨme riwa wa ki mba-u, ka ran dzu ran 14Nji ri wa a ran kpa Izhi ran wa kpa ka ti Tsitsri ritu waa wan riwa ari kpa Izhi, nga wa ri wa a ran kpa Izhi ran, Izhi ri kpa ti Tsitri ritu ron wan inde rinyi ran he nganyi ran, imirin mba wa he ka imirin nji wawa wana he wa hu Izhi ran, ama bibi riwa a he Izhi ri kpa wa.
15Ri ngamba inde nji riwa a ran he nji ri hu Izhi ran riwa ran ka nji ri hu Izhi don, no he ngamba. Ri bibi mba, nji ri hu Izhi, ko a he waa ka ronron, ari to ti; Izhi yo yi no yi ki ri sikpa 16Wu tise wuri to waa ri hu Izhi, riwa wuran to kpa ron wen chuwo ran? ka a wu nji ri hu Izhi wuto wu ran to kpa waa wen chuwo ran?
17Ko no ngan no son bibi riwa Bachi ka-u dzi bibi riwa bi he riwa Izhi a yo yi. Bibi wan nye me tsro nji wa hu Izhi wawu. 18A wu riwa wu kpa Izhi-e, ran ka nkon Izhi chuwo ran, inde nji riwa a kpa wa ran bru tre tre Izhi ri wu ngaran Inji riwa a ran kpa Izhi ran no ran ban ngawan ri wawu kpa Izhi. 19Ri fon nzhu, ri hon fon nzhu ran he kyari ran, Ikya riwa ari wa nye he ri ki hu doka wan. 20No ko ngan mbi no he bibi riwa a he ri vi riwa Izhi a yo-u. 21Bi ran he gran riwa Izhi a yo yi? No sron mbi no ran time ran inde a he njanji bi ka ran kpa sron mbi time ran ama inde nji ri ko mbi kayi chuwo inoyi hi ngambi, bi ka hi. 22Inji riwa Bachi a yo-u ti gran ri nkon Izhi a ran he gran ngaran a he riwa Izhi. Ri ngamba, nji riwa Kristo yo-u a he gran Yeso. 23Izhi reyi ri yii Yeso; biyi ran he gran riwa nji ran. 24Imiri vayi won wa hu Izhi ko ngan mbi no kabru tu ri Izhi bibi riwa bi ran he riwa Izhi a yo yi.
25Zizan bibi riwa bi ngan no wen ritu wawa wa ran gran ran: Me ran he ri doka riwa a zhu ri Izhi ran, ama me de tre won ka iri riwa ari lo sron Bachi. 26Ritu bibi yaa riwa a he zizan, a bi riwa bi ki bibi riwa bi he. 27Inde wu he ri waa wuka ran wuu gran wan ran, inde wuran he ri waa ran, ran gran ran. 28Ama inde wu gran, a ran he meme ti ran, nga inde ivra gran, a ran ti meme ti ran. Ama me kpayi chuwo ri bibi yaa riwa a he ri ko gran. 29Imiri vayi won wa hu Izhi, ingye kya riwa me tre-en, ivi ran don ngaran, zizan hi kusi, wawa wa ran he ri mba ran no wa ki ka wa ran gran ran. 30Ko ri kinklan sron, ko ri shnji sron, no wawa wa reno he ka wa ran rekya ran. 31Ran kpo ngambi ritu kyawa wa mgbumgburume nyi ran, kyawa wawa wa he rimi wan gon ri kre.
32Me wa no yi ran kpa sron mbi time ran nji riwa a ran gran ran ri yo sron wan rimi ndu Bachi ritu ari wa ran sii Bachi sron. 33Ama nji riwa a gran ari yo sron ritu kyawa wa mgbumgburu me, ritu ari wa ran no waa wan sii sron, 34isron wan ga ti hari, ri ngamba riwa a ran gran nga ran ko ka a ran gran zari rina ari de sron wan ri Bachi rimi kpa nga rimi Yuu, ama iwa riwa a gran ari ri yo sron ritu kyawa wa mgbumgburume nga bibi riwa ari sii ron wan sron. 35Me tre tre nyi ritu me wa me dzon yi nye, me ran ri wa meri yo yi ri gbengbren ran tsede me wa no yi ti kya riwa a tsra ran bi, nga no yi ka ngambi de ri ndu Bachi, bi ri ran don kyari dzi ran.
36Ama inde nji to a bi riwa ari gran kpan wan vruwa ritu riwa yaa riwa ari vu nga vi riwa a vu ri yiwa, a tsra a ran he meme ti ran, no wa gran ngamba. 37Inde a ka dzi ri sron wan iwawu ran gran ran nga ari vu sron, ika gran wan bi. 38Inji riwa a gran a ti tsra ama nji riwa a ran gran ran, a ti tsra han. 39Iwaa riwa a gran a ran ri sontu wan ran tse ron wan kuu ko ari hi ran gran njo riwa a he nji ri hu Izhi. 40Ama rimi wamon ari bi no ran gran ngaran, me ya me no yi tre rimi Yuu Izhi nye riwa me tre nganyi.
Currently Selected:
1CO - BUU 7: BUU
Highlight
Copy
Compare
Share
Want to have your highlights saved across all your devices? Sign up or sign in
The word for the World International and The word for the World Nigeria