ACT - BUU 15
15
Shutu kabru ri Urushelima
1Nji wa ri wa ka zhu ri Yahudiya ran ye ri Antakiya wa ran tsro miri vayi:<<Bi ran fon nju ka bibi riwa Musa a tsro ran wa kpa yi chuwo ran.>> 2Ritu tre nyi wa Bulus mba Banaba waka janyu ri ngamba. Waka chu wa Bulus mba Banaba nga wari wawa wa kpa Izhi, no wa hi Jerusalem ri fe wandu Izhi ri wa rinkon ritu tre nyi. 3Wa hu Izhi wa ka ngɨzhi wa ti kon, wa ka zu ri gbu Finikiya nga Samariya, wa ka ran la tre sran meme ti mba ri wawa wa ran kpa ran, tre nyi ka no miri vayi wa ka ngɨri ri tre-a. 4Riwa wa ye ri Urushelima, wa hu Jii nga mirindu Izhi, ri wawa wa la ko ngye ritu kya riwa Izhi ti zu riwa.
5Nga wa hu Izhi wawa wa he iwa Farisa wa wurunde wari tre,<<Wa wa ran kpa Izhi ran dole wa fon wa nju wari no wa hu doka Musa.>>
6Mba wa ndu Izhi nga wa rikon wa ka shu tu ki wa ri kpa tre-a. 7Kugon riwa wa tre tre-a Bitrus ka wurunde ran tre riwa:<<Miri vayi, bi to ri rivi mu Izhi a chu wen rimi mbi ari wawa wa ran to Izhi ran wa wo tre Izhi ri nyu won wari kpa. 8Izhi, riwa a to sron ko nga, a tsro ri wa wu nyɨme wa, bibi riwa a ti rita. 9A ran ga ta ti nkan-nkan riwa ran, a ngɨla sron mba ri tu kpa nyɨme. 10Zizan nganyi, ngye ti ko bi wa bi ri tsra Izhi riwa bi no wandu Izhi ya riwa ko kita ko wa ti watimbu ki vu sron wu? 11Onhon, ki kpa nyɨme ritu ndindi ti Bachi mbu Yeso nye wa kpata chuwo, bibi riwa wa.>>
12Ibgu nji wa ka son ŋgbi, wa ri ran wo Banaba nga Bulus, riwa Izhi a ti ri tsutsu wawa wa ran to Izhi zu riwo mba. 13Riwa wa kɨre, Yakubu ka tre:<<Miri vayi, wo wen. 14Bitrus a la ta bibi riwa ri chu wari rimi wawa wa ran kpa Izhi ran nowa he wama. 15Wa la tre Izhi wa kpa nyɨme ri nga nyi:
16<<<Kugon ri nyi ame Bachi me bru ye
me ri bru me ko riwa Doda riwa a dzi.
me bru me kankan
me ri no kɨri nde,
17Riwa ngbɨron nji wawu wa wa Bachi,
wawa wana kpa Izhi ran iwawu riwa me yowa nowa he wamon
Ame Bachi me tre nganyi>
18Riwa me tre zi mgbamgbanmu.
19<<A he bla tre won, nganyi, ki ran no noe riya ri wawa wa wa wari kɨma ye ri Izhi ran. 20Ritu nganyi ki nga riwa no wa kɨma gon ti meme la riwa Izhi mba, nga kru mba ntran, rimi nɨma riwa wa mawato wuu nga yii. 21Sisenmu, bla gbu wa wa wa bla tre ri mbe Musa, wa ran kɨra tre-a ri tre Izhi chachu son vɨri.>>
Wa rinkon tra Izhi riwa wati wa ndu ri wawa wa ran kpa Izhi ran
22Imba wa mirindu Izhi riwa rinkon, nga wa hu Izhi wawu, wa chu rimi wa nji mba wari ti wandu hi ri Antakiya ri Bulus mba Banaba. Waka chu Yauza riwa wa yo ri Basaba, nga Sila, wawa wa he wa rinkon rimi miri vayi. 23Riwa wa tiwa ndu ri mbe nyi: <<Wa ti ndu Izhi nga wa rinkon, imiri vayi mbi, miri vayi, Wawa wa hu Izhi ri Antakiya, Suriya, nga Kilikiya ran: Me chi yi. 24Riwa ki wo ri wari mbu wa ran zhu ri to mbu ran wari nga yi, kpa sron mbi ran time kya riwa wa tre. 25Ki nyɨme wawu mbu ki chu nji wari kiri ti wa ndu ri yi riwa kpa wa Banaba nga Bulus. 26nji ri wa wa katu mba reritu nde Bachi mbu Yeso Kristo. 27Ngye ki ti wa Yauza nga Sila ndu nowa layi kyawa wa nyi ri ritu mba: 28A bi riwa Iyu Tsitsri ri kita nota ki ran noyi ya nga kyawa riwa wa he janji, wato: 29Kɨma gon ti kya riwa wa han ri Izhi mba, ritu itan nɨma ri yiyii, ri tan kya riwa wa maato, ri tin tra.
Bi kpa tre wa nyi bi son ri sikpa.
30Wa ka no nji hi ngamba, waka hi Antakiya, bubu riwa wa fe nji wa hu Izhi wa ki wari ka mbe-a no wa. 31Nji wa ka kra mbe-a wa ri ngɨri ritu anowa senkpa. 32Yauza nga Sila, riwa wa he wa la tre Izhi, wa tre kigbu riwa a no miri vayi mba gbengbren. 33Kugon riwa wa wuvi ri bubu wan, imiri vayi mba wa ka nowa hi ngamba, ri tilu nga si sron nowa bru hi riwa wa wa wati wa ndu. 34Ama Sila a to a bi riwa a ri son ri bubu wan. 35Bulus nga Banaba wa ki Anatakiya, wawa nga nji wa tsro wa dɨbu tre Bachi.
Ijannyu ri tsutsu wa Bulus mba Banaba
36Chachu ri Bulus ka tre ri Banaba,<<Ki bru hi ki ri to mirivayi ri gbu wawu bubu wa ki bla tre Bachi ki ri to bibi riwa wa ti.>> 37Banaba a wa ran ban Yohana, ri wa wa yo wu ri Markus ngawen, riwa, 38Ama Bulus ka taka a ran bi riwa wa ban wu ran, ritu a ka wa chuwo ri Famfiliya, ran ka wan ri ti ndu riwa. 39Waka ka ngamba chuwo rimi fu. Banaba ka ban Markus wa ri ka gra ri nvun ima hi Kabrus. 40Ama Bulus ka ban Sila, kugon riwa wa mirivayi wa bre Izhi dindi ti Izhi no hu, no hi. 41Ka hi Suriya nga Kilikiya, ran no wa tre ri sen kpa.
Currently Selected:
ACT - BUU 15: BUU
Highlight
Copy
Compare
Share
Want to have your highlights saved across all your devices? Sign up or sign in
The word for the World International and The word for the World Nigeria
