ACT - BUU 17
17
Bulus mba Sila ri Tasalonika
1Riwa wa zu hi Amfilolis nga Aboloniya, wa ye ri Tasalonika bubu riwa itra Izhi nji Yahuda a he. 2Bibi riwa Bulus ri si ti chachu , ka gra ri tra Izhi, a ti vi tra rimi sati tra ran ran jannyu riwa ri mi tre wa mbe. 3Bitrus ka ran la wa janji tre, iri kristo ri so ya ran wurunde ran bru tre riwa,<<Yeso ri wa me layi tre wan wawu nye he Bachi.>> 4Wa ri mba wa ka nyime, wa ri ka hu Bulus mba Sila, ngamba ikpa nji Helenawa riwa wa ti sisiri Izhi nga mba kigbu.
5Ama nji Yahuda wa ka tingu ritu wa wa nji Yahuda riwa wa ka sro mba no wa Bulus mba Sila; wa ka vu nji wa tingungu wari ran wanyu rimi gbu. Waka wurutsu gra riko Yason, wari ran wa Sila mba Bulus riwa wa zhu riwa kusi nji wa wanyu. 6Ama riwa wa ran fe wa ran, wa ka gbi Yason nga miri vayi wa ri kusi wa rinkon, ran kpa gro:>> Nji wa nyi riwa wa kpa mgbumgbulu me time wa ye ri nyi, 7nga Yason a kpa wa ye ko wan. Wawu mba wa kpa doka nchon chu riwa wa yo-u ri Kaisar time, wa ri ri tre ri ichu ri he, ri wa yo Yeso.>> 8Riwa wa wo gbu iwa wa bla tre wa wo rinyi isro mba ka wurunde. 9Imba wa ka no Yason nga ngbɨron nji no wa han ko wari kpa wo mba no wa hi ngamba.
Bulus mba Sila ri Biriya
10Riwa ichu a ti, miri vayi waka tru wa Bulus mba Sila hi ri Biriya. Riwa waka zhu ri bubu wan, wa ka hi tra Izhi ri Yahudiya. 11Wa nji Yahuda wanyi, wa han wanji Tasalonika ri sron riwa warinkon, ritu wa kpa tre-a wo hari, wa sondu kra wamba bla vi, ritu nowa to ka a he nganyi nye. 12Riru nganba nji kigbu rimi nji Yahuda waka kpa nyɨme, ri Helenawa wana he tsawen ran imba wa wa wa wan si nga ronron mba.
13Ama riwa nji Yahuda wa Tasalonika wa wo iri Bulus ri la tre Izhi ri Biriya ngawen, waka hi wari ka gyuru kpanji ri mu, wari ran kpa sron mba ran time. 14Imba nye imiri vayi waka tru Bulus hi ri nyu ima Ba, ama wa Sila mba Timoti waka ki ri bubu wan. 15Wawa wa ngɨzhi Bulus ye tin nkon, ste nde wa ngɨzhi wu ka zhu ri Atina kugon riwa Bulus a nowa doka nowa la Sila mba Timoti, iri nowa ye ri wawu gbagbla, waka hi.
Bulus ri gbu Atina
16Riwa Bulus a ran gben wa ri Atina, a ti fu riwa a wa rinkon wawa wa ran hu Izhi ran wa shu gbu. 17Waka ki si tanjo tre rimi nga nji Helenwa wawa wa hu Izhi, nga nji wawa a kabru ri wa ri nyu richu. 18Vren ye ruwa Abikuriya wa ri si to kya wari wawa wa kpan tu waka ye kabru,<<Nji riwa ari tre nyi ri tre se?>>Wari wa ka tre ri,<<Ki ya a he nji riwa ari tre tre shnji zhi.>>Ritu riwa a tre ri wawu ri tre tre Yeso nga ta shɨme rimi kuu. 19Imba waka ngji-u hi ri kusi warinkon gbu Arasa wari miye-u ri,<<Ka wu lata bibi tsro tre ritan nye riwa wu tsro? 20Ritu wu ngɨzhi kya riwa wa sisa ri ye rita, kita kiwa kiri to bibi wan.>> 21Ritu wa nji Atina wawu ri wa tsitsri mba wa wa kya riwa ran wo wa ri ran tu, wu vi mba rimi wo tre ri sisa ko ka kya riwa a ye hyureriwu.
22Imba Bitrus ka wurunde kri kusi wa rinkon gbu Arasa, ran tre ri,<<biyi wanji Atina, me ya bi wa hu zhi wa ti bran bran bla nkon. 23Ritu riwa mesi kagbamu, me ya bibi ti ri hu Izhi hari meri fe bubu kri ri bla tre riwa wa tsiri-u ri ngaan nyi ritu wan ri,<To, wawu riwa bi hu ama bi ran to-u ran, wawu nye me la yi. 24Izhi riwa a ti me ri kyawa riwa wa rimi wan a he Bachi ri shu nga ri me tra ibrerwa nji me ran. 25Nga a ran ri wa zon ri wo njo ran, Ari wan gye riwo ngaan, riwa ide wawu nye ri de vɨri nga kyawa wawu. 26Wawu nye a ngiji kpa nji rimi nji riri ritu nowa ki ri mgbumgburu me, ra nowa ki ri dren ri dren meme mba, 27Ritu tre wan he iri nowa don ka wa wa wu ka wa ka fe wawu ama a ran he kpata ri iri mbu ran. 28Ritu riwa,<<A he ritu wan nye ko ki viri, ki chu kiri he,>Bibi riwa wa chuse mbi wa tre,<Kpunji tre, kita ngawen ki he gɨzhi wan nye.>
29<< Ritu riwa ki he miri Izhi, a ran bi riwa ki yonga ba ri Izhi zhu kyawa wawa wa bi ri meme nyi ran, ka kyawa wa kpa rirri ka tila ran kariwa nji ti ri wiwiri wan ran. 30Sisenmu, a ran ya ta ri kpɨra ka nji wana kpa rina ama zizan ari de nyu iri noji wawu ko kutan nowa ka meme ti mba chuwo. 31A ka vi zi riwa ari bla tre ri kpanji wan ri mgbumgburu me nyi zu riwo nji riwa a chu Yeso tsro ta rinyi ritu riwa a ta shɨme ri juju!>>
32Riwa wa wo Bulus a tre ritu ta shɨme ri juju, wari mba waka nza-u ama wari waka tre,<<Ki wa kiri bru wo-u nobru tre bibi tre nyi nganga. 33Nga Bitrus ka ka bubu kabru tu-a don. 34Wari waka kpa nyɨme wari hu, rimi mba ri wa wana yo ri Diyonisiyas, a he rimi warinkon ritu mgburu Asara, iwa ri ngawen a he riwa wana yo-u ri Damaris ri gbron nji wari.
Currently Selected:
ACT - BUU 17: BUU
Highlight
Copy
Compare
Share
Want to have your highlights saved across all your devices? Sign up or sign in
The word for the World International and The word for the World Nigeria
