ACT - BUU 22
22
1<<Imiri vayi won nga wati won, wo tre wonn riwa me la yi.>>
2Riwa wa wo a tre ri wa ri rɨme Aramaic, waka ran yon kiŋgbi.
Mba Bulus ka tre: 3<< Ame mi he nji Yahuda nyen, wa ngji wen ri Tarsus, meme Kilikiya, ama rimi gbu nyi nyen mi gbron, waka tsro wen ri Gamaliya, ritu bla riwa wati mbu nga me ran su me ri gbresan Izhi bibi riwa biyi bi he luwa. 4Me ran tre wawa wa ran hu nkon-a hi ri kuu mba, mi ran vu mba wawa ronron ran ta sro ri tra riwa wa tre nji, 5Rinkon Firist nga wa kusan wan waya la ritu wan. Me kpa mbe riwa a ngji hi ri mirivayi mba ri Damasiku, mi ri vu wa ka wawa wa tre wa ye me ri no wa ya. 6<< Riwa me hi hyure ri Damasiku, ikpan wulu ka zhu ri shu ye kpan tsro kusan won. 7Mika joku ri meme iran ka zhu ri shu ye ran tre mo ri, <Shawulu, Shawulu, ritu ngye ko wu no wen ya?> 8<<< Me ka nyime wu ri, a wu Izhi nyen?> Me ka mɨyen. Yeso ka tre ri <Ame me he Yeso nji Nazare riwa wu no wen ya.> 9Wawa wa hu wen wa to kpan wulu-a ama wa ran to ko iran nga nyen ri tre ri me ran. 10< Ngye nyen me ti Izhi?>Me mɨyen. Izhi ka tre wu ri<Wulunde wu ri hi rimi Damasiku. Ri bubu wan nyen wa lawu wawu kya riwa wa yo-wu no ti.> 11Wawa wa hu wen waka gbu wen ri wo ngji hi ri Damasiku, ritu ikpan wulu-a ka kpa si won ti nfyen. 12Nji ri wa ran yo wu ri Hananiya ka ye ri bubu to wen. A ran hu Izhi ri bubu bla riwa wawuu nji Yahuda wawa wa son ri bubu wan wa ran hu. 13Ka kɨri kusan won ran tre ri,<Vayi Shawulu, kpa totsu wen!> Ri bubu wan nba Me ka to-u.
14Imba ka tre: <Izhi riwa wati mbu a chu wu wuri to iti wan nga wu ri to riwa a he ri dindi ti wu ri wo tre ri nyu wan. 15A wu wu kpa nyu wan kusi nji ritu kya riwa wu to wuri wo. 16Ko zizan ngye nyen wu gben? wulude, wa ri kawu son ri ima wari ngɨla meme ti wen rega, ri yo nde Izhi.> 17Riwa me kɨma hi ri Urushelima, me ran bre ri tra Izhi, ira ka ye ri mo 18me ka wo ran Izhi a tre mo ri.<Gbagbla!> Ka tre ri mo.<ka Urushelima don, ritu wa ran kpa tre won ri nyu wen ran,>
19<<<Bachi,>Me tre, wawa ma wa to bibi riwa me ran hu ri tra Izhi me ran vu nji ran tre nga me ri ran tsi wawa wa kpa nyɨme ri wu. 20Riwa wa ka yi Istifanas rega, riwa a ran kpa nyu wen, ame nga wen me he ri bubu wan me ri ran sho wa ŋchi ritu kya riwa wa ti, nga me ran gben tsro wawa wa ran wuu wu.>
21Imba Bachi ka tre mo ri,<Hi,> Me tiwu ndu hi ri bubu kpata ri wawa wa ran to Izhi ran.>>>
Bulus Nji Roma
22Igbuŋji wa ki ran gben riwa a ke ri wɨlo tre. Imba waka ran kpagro ran tre ri, <<No wa wuu! Bibi nji mba ran he riwa wa chu wa wo ran!>>
23Riwa wa ran kpagro wari ran ta tsro mba ran ban shu wari ran chu wuru ran ban shu, 24rinkon wa klukpa ka tre ri no wa ngji wu hi rimi mpwan mba wari tsi ri gbagba wari ran mɨyen kya riwa a ti riwa kpaŋji wa kpagɨro ri wu. 25Riwa wa vu nɨme yo riwa wa tsi, Bulus ka miyen nji ri klukpa riwa a kɨri ri bubu wan,<<A tsra nowa tsi nji ri Roma riwa a ran ti meme ti kya ran?>> 26Riwa nji ri kɨlu kpa-a ka wo ngamba, ka hi ri rinkon wa klukpa ran ka la wu.<<ko wu ti se mba ron?>>Ka myen.<<Nji nyin a he nji Roma nyen.>> 27Rinkon wa klukpa-a ka hi ri Bulus ran mɨyen, <<La wen, a wu wu he nji Roma nyen?>>Ka nyɨme riwu ri wawu he nji Roma nyen.>> 28Imba rinkon wa klukpa ka tre ri,<<Me han nkɨren bran ko me fe son ri gbu.>>Ama Bulus ka tre ri, <<Ame wa ngji wen ri gbu,>> 29Wawa wa ran wa wa ri mɨyen tre waka zhu ri gon. Wawu rinkon wa klukpa ritu wan ka ti sisɨri ritu riwa a to ri wawu a vu Bulus nji Roma lo.
Wa ngɨzhi Bulus hi Kusi Wa Bla Tre
30Ri mbɨre ri hari wan, riwa rinkon wa klukpa a ran wa ran wo kya riwa a ti ko nji Yahuda waka ngɨzhi wu hi ri chu gbu, ka chu wu chuwo ran yo wa rinkon wan wawu nowa ye, mba ka ngɨzhi Bulus ye ran kɨri kusi mba.
Currently Selected:
ACT - BUU 22: BUU
Highlight
Copy
Compare
Share
Want to have your highlights saved across all your devices? Sign up or sign in
The word for the World International and The word for the World Nigeria
