ACT - BUU 25
25
Itsra Bulus Kusi Festu
1Riwa Festu a ke ri bubu son wan, ka ti vi tre ran hi Urushelima. 2Wa rinkon wa tsro tre Jii nga wa rinkon ri nji Yahuda waka ngɨzhi Bulus hi kusi wan, waka ibreu, 3Ri no zon wawa, ran ti ndu ri no wa ngɨzhi Bulus ye ri Urushelima, ritu wa ka zi ri wa wuu ri nkon. 4Festu ka nyɨme ran tre,<<Bulus ri son ri tra tre, nga ame nga wen me wa me ri hi ri bubu wan ri vivi nyi. 5No wa ri kon mbi wari no wa hu ri men ki hi idan bi vu nji nyi ri meme ti.>>
6A ran han vi tandara ka vi wuru riwa Felis ka son ri kaisanya mibrerɨa wan ka vu yi ki ran tre no wa ngɨzhi Bulus ye kusi wan. 7Riwa ka ye ya wu nji Yahuda riwa wa zhu ri Urushelima waka kagon wan ki wa ran ngɨzhi tre wa ri bran ran ye ritu wan riwa wana nyɨme ri wa ran.
8Ame me ran ti meme ti kya ritu bi ta tre nji Yahuda, ko ri tre bre Izhi, ko ritu kaisar ran.>>
9Wawu Festu ritu riwa a ran wa no nji Yahuda no wa fu wawu, ka nyame ran tre ri Bulus ri,<<No nyɨme ran hi ri Urushalima no wa bla tre riwa ri bubu wan ritu kya riwa wa he kusi won?>>
10Ama Bulus ka tre ri,<<Me kri rinde a he no wa bla tre rimo me ran ti meme ti kya ri nji Yahuda ran, ama ritu tu wen wu to wen. 11Idan me he nji ri ti meme ti riwa me ti kya ri wa a tsra riwa wa wuu wen, me ran jɨbu ri wo mba ran ama idan kpunji tre ran he ri tirerewa bi ngɨzhi nji wen hi ran wa nji riwa a ri ya kawen rekusi mba don ran no wa sisron me wa no wa ngɨzhi tre won hi kusi kaisa!>>
12Kugon ri wa Festu ka ti shawara ri majalisa, ka nyɨme ran tre ri <<Wu wa no wa ngji tre wen hi ri Kaisar kusi kaisar njen wa ngɨzhi wu hi!>>
Festu a wa chu Agaribas hi
13Riwa a ti vi hari Agaribas nga Barniki waka ye ri kaisariya don wari kpa Festu ri nkon. 14Ritu wa ti vi bran ri bubu wan Festu ka la chu tre Bulus ran tre,<<Nji ri he riwa Felis ka kawu chuwo ri tra tre. 15Wawa riwa me he ri Urushelima wa rinkon wa la tre Jii nga wa rinkon wa Urushelima wa ngɨzhi tre wan ye ri me, wa ri ibrewen ri me no ya.
16Ame me ka nyɨme meri tre, a ran he bibi ti mbi Romawa no wa no njo ya ran don wa ri no njo sisiron ran, ka wawa wa ngɨzhi tre wan ye wa ran he nga nji riwa wa ngɨzhi tre wan hi nga wen a ran he ran ko a ri kpanyu ngawan. 17Ritu ngamba, riwa wa ye ri nyi riwa wa mi ran no tre-a wa ban ji ran me hon ritu bubu bla tre meri no wa ngɨzhi nji-a ye. 18Wawa wa ngji tre ye-a wa wulunde kri nde, wa ran ngji tre meme ritu wan bibi riwa me yo siron ritu wan ye ran. 19Tsede wa janyu ritu tre zhi mba , nga nde wan a he Yeso, riwa a kuu, ama Bulus ka kɨri ritu, ri a ran kuu ran. 20Ame riwa mɨran to bibi riwa me hunchi kyawa wamba ran, me ka mɨyen Bulus ka ari nyɨme ran hi Urushelima nowa bla tre wan-a rimu ritu bibi kyawa wamba. 21Ama Bulus ka wa ri nowa ka tre wan chuwo nga Ichu Kaisar ka ya wu, mika lawa ri nowa vu zi ri se miri ti ndu hi nowa ngɨzhi wu hi ri Kaisar.>>
22Agaribas ka la ri Festu ri<<Ame me wa meri wo nji mba kyuwon.>> Ka tre ri,<<Wu wo-wu mbre.>>
Wa ngji Bulus hi Kusi Agaribas
23Ri mibrerɨa wan Agaribas nga Banis waka ye ri wa zon, waka gra ri tra wa bla tre nga wa rinkon wa tiku nga wawa wa wo wa ri gbu wa ka ngɨzhi Bulus ye gra ri nyɨme Festu. 24Nga Festu ka tre,<<A wu ichu Agaribas, nga wawu nji riwa wa hi ri ta, bi to nji nyin nga wawu nji wa nji Yahuda wa nji tre wan ye ri me ri Urushelima, nga wari ran kpagɨro ri a ran he riwa wa chu wu wo no he ri si ran. 25Ama ame me ran to kya riwa a ti riwa a tsra riwa wa wuu wu ran. wawu kyuwan a bu nyu tre ri me nowa ngɨzhi tre wan hi ri kusi nji rinkon Kaisar, me yo sron ritu me ngɨzhi wu hi ri wu. 26Ama me ran he ri tre riwa me nga ri Bachi ritu wen ran. Ritu ngamba me ngɨzhi wu ye kusi mbi, masama ri kusi wen, a wu ichu Agaribas, ritu kugon riwa wa hu nchi tre ritu kya riwa me nga. 27Ritu ame, ri towon, ari he ndu kuklu nowa tre ri wa ngɨzhi nji riwa wa tre wu hi wa ran tsro kya riwa a ti ran.>>
Currently Selected:
ACT - BUU 25: BUU
Highlight
Copy
Compare
Share
Want to have your highlights saved across all your devices? Sign up or sign in
The word for the World International and The word for the World Nigeria
