JHN - BUU 18
18
Wa vu Yeso
1Kugon riwa Yeso a kre bre Izhi, wawu nga miri ndu wan waka rugran wɨloba ri Kidron hi kugran ri wan, izhu ri a he ri kugran ba nga Yeso nga miri ndu wan waka hi ri mi bubu wan. 2Yahuda ivren ndu riwa a ka Yeso rea to bubu wan ritu Yeso nga miri ndu wan wa kabru ri bubu wan. 3Imba Yahuda ka hi ri zhu-a wawu nga gbu wa klukpa riwa Roma nga wa gben ri tra bubu bre Izhi wawa wa rinkon wa sro yii nga Farisa wa ti wa ndu wa ngɨzhi wa kpi ku nga wa wulu pitila nga tochi. 4Yeso a to kongye riwa ari fe wu, imba ka hwi hi kusi ran miyen wa ri,<<Ingaa nye bi wa?<<
5Waka tre ri,<<Yeso nji Nazaret<<Yahuda riwa a ka Yeso re-a ka kri ri wa ri bubu wan. 6Riwa Yeso a tre ri wa ri,<<A he a me nye.>>Waka chiwi ban gon wari ku ri meme. 7Yeso ka bru miyen wa nganga ri,<<Ingaa nye bi wa?>>Waka tre ri,<<Yeso nji Nazaret nye.>>
8Yeso ka la wa ri,<<Me gbuchi la yi-e ri a he ame nye ka ame nye bi wa bi ka no ngbron nji no wai ngamba.>> 9A tre ngamba ritu kya riwa a tre-a no he kpunji,<<A ti ko ri rimi wawa wu ka wa no wen ran kado ran.>>
10Sima Bitrus riwa a he ri njimgban ka chu wu ran ka sren mvumvuton gran rinkon wa sro yii-a ri kuwo ri taga inde gran a he Malkus.
11Yeso ka la Bitrus ri,<<ka njimgba wen ka son rimi raan wan, wu yonga me ran so rimi vaŋo ri yaa riwa A ti ka no wen-a ran?>>
Wa ngɨzhi Yeso hi kusi Hannana rinkon wa sro yii
12Imba wa klukpa wa Roma iwawa wa rinkon mba nga wa gben wa nji Yahuda waka vu Yeso wa lo-u ri zhizhi, 13nga wa ngɨzhi-u hi ri Hannana. A he ti waa Kayafa nye riwa a he rinkon wa sro yii ri se wan. 14A he wawu Kayafa nye a ŋoron wa rinkon wa nji Yahuda-a ri a bi no nji riri no kuu ritu nji wawu.
Bitrus a tron to Yeso
15Sima Bitrus nga vrenndu ri waka hu Yeso. Rinkon wa sro yii-a a to vren ndu ri wan-a branbran, imba ka hu Yeso hi ri kana ko nji rinkon wa sro yii-a, 16ama Bitrus a kri ri raa ri nyu nkon ko-a. Imba ivren ndu ri wan a ka bru ye raa ran ye tre ri vra-a ri nyun nkon ko-a ran ngɨzhi Bitrus hi rimi ko-a. 17Ivra riwa a he ri nyun nkon ko-a ka miyen Bitrus ri,<<A wu ngawen wu ran he rimi miri ndu nji mu-a ran;>>Bitrus ka tre ri,<<Onhon me ran he rimi mba ran.>>
18Isi a ran ti, imba wa ndu nga wa gben waka mme kɨreri meme wari sro kla wulu rimi wan wari ki kagon wan ran so gbaji wulu. imba Bitrus ka hi ri wa ran kri ran so gbaji wulu riwa ngawen.
Rinkon wa sro yi a ran miyen Yeso
19Rinkon wa sro yii a miyen Yeso ritu miri ndu wan nga tsro wan. 20Yeso ka nyɨme riwu ri,<<Me sondu ran tre ri rira ri ko ngaa itsro won wawu wa he ri tra bubu kabru tu nji Yahuda nga ri tra bubu bre Izhi ri bubu riwa nji wawu wa ye kabru tu ri bubu wan me ran la yi kya ri yayɨbi zari ran. 21Ritu ngye bi miyen wen? miyen nji wawa wa wo wen, wawa wa to kya riwa me tre.>>
22Riwa Yeso a tre rinyi, iri rimi wa gben ka wuruu, ran tre ri rinkon wa sro yii ngamba!>>
23Yeso ka nyɨme wa ri,<<Ka me tre kya riwa a ran tsra ran bi ka la ko ngaa ri nyi ikya riwa a he. Ama ka tre riwa me tre a tsra ko ritu ngye ko wu wuru wen?>>
24Imba Hannana ka bru no wa ngɨzhi-u ri lilo hi ri Kayafa rinkon wa sro yi.
Bitrus a Bru Tron to Yeso ri Mkpa ri Han
25Bitrus a kawan kri ri bubu wan ran nzawo wulu. Imba wari waka tre ri wu ri,<< A wu wu ran he ri rimi miri wandu nji nyi ran?>>Bitrus ka tron ri, <<Onhon, wawu ran he ri wa ran.>>
26Ye zizan Bitrus ka kawan kri ri kusan wulu ran so gbaji wulu imba ngbron mba waka la-u ri,<<Wu ran he ri rimi miri ndu nji mu ran.?>> 27Bitrus ka tron nganga ri,<< Onhon>>Ngha kuko ka tɨbu.
Wa ngɨzhi Yeso hi kusi Bilatu
28Ri babuu mbɨre wa ban Yeso ri ko Kayafa hi ri trankon bla tre riwa rikon gbu, wa rinkon wa nji Yahuda wa ran gra rimi tra nkon bla tre-a ran ritu wa ran wa wari tsri ngamba ri kusi Izhi bibi riwa waka to ri ri ri dza gran. 29Bilatu ka hi ri wa ri raa ran miyen wa ri,<<Bi vu nji nyi ri meme ti bibi tan nye?>>
30Waka nyɨme ri wu ri,<<Wari tre ri a ran ti meme ti kyari ran ki ri ran ngɨzhi-u ye ri wu ran.<< 31Bilatu ka tre wa ri,<<Biyi kyumbi ban wu hi bi ri tsra-u bibi riwa doka mbi tre.>>Nji Yahuda waka nyɨme wu ri,<<Ki ran he ri gbengbren riwa ki wu njo ran.>> 32Rinyi a ti ritu no tre Yeso no tsra riwa a tre ritu bibi kuu riwa wawu ri kuu. 33Bilatu ka bru hi rimi trankon wan ran miyen Yeso ri<<A wu nye wu he chu nji Yahuda?>> 34Yeso ka nyɨme wu ri,<<Imiyen nyi zhu ri wu nye ka injo ri nkan la-u ritu won?>> 35Bilatu ka nyɨme ri,<<Wu yonga me he nji Yahuda? A he wa nji wa nyi nga rinkon wa sro yii nye wa ka-u ka no wen, ingye nye wu ti?>> 36Yeso ka tre ri,<<Kpanchison won ran he wa mgbumgblume nyɨn ran wari tre ri kpanchison won he wa mgbumgblume nyi wawa wa hu wen wari ran no wa kawen no wa rinkon wa nji Yahuda ran, onhon, kpanchison won ran he wa mgbumgblume ran!>> 37Imba Bilatu ka miyen-u ri,<<A wu wu he chu nye?>>Yeso ka nyɨme ri wu ri,<<A wu kyuwen nye wu tre ri me he chu, wa ngɨzhi wen ye ri mgbumgblume ritu kya riri nye ritu me ri tre ritu kpunji, nji riwa a he wa kpunji-a ri wo wen.>> 38Bilatu ka miyen ri,<<Ngha ingye nye he kpunji-a?>>Imba Bilatu ka bru hi ri raa ri wa nji-a ran tre wa ri,<<Me ran fe nji nyi ri meme ti kyari riwa me wuu-u ran.>>
Wa Kazdi riwa wa Wuu Yeso
39Wa nyɨme riwa wa wuu Yeso 40Waka nyɨme ri wu ri kpagro ri,<<Onhon a ran wawu ran! ki wa no wa chu Barabas nye wo!>>Barabas a he nji ri yɨbi nye.
Currently Selected:
JHN - BUU 18: BUU
Highlight
Share
Compare
Copy
Want to have your highlights saved across all your devices? Sign up or sign in
The word for the World International and The word for the World Nigeria
