JHN - BUU 21
21
Yeso a zhu ri Miri Ndu wan Tamgban
1Kugon rimba, Yeso a bru zhu ri miri ndu wan nganga ri nyu nne Tibariya ri Galili. Ingye ngaa bibi riwa a zhu ri wa-a-en. 2Sima Bitrus, Toma (riwa wa yo-u ri ngare), Nataniyel riwa a zhu ri meme Kana ri Galili, ivren Zabadi, nga miri ndu Yeso hari wawa wa he iwawa. 3Sima Bitrus ka la mgbron mba ri, <<Me hi ri bubu vu lambe.>> Waka la-u ri,<<Kita ngawen ki hu-u.>>Imba waka zhu wari ka gra ri mvu ma-a wari hi, ama ri chu chachu mba wa ran vu kyari ran. 4Riwa inzan a ran zhu, Yeso ka kukri ri nyun nne, ama imiri ndu wan wana to ri a he Yeso nye ran. 5Imba ka miyen wa ri, <<Imiri nze, bi ran vu kyari ran?>> Waka nyɨme ri, << Ko kyari ran.>> 6Yeso ka la wa ri, <<Ta tsro ri vu lambe yo ku nghima wo ri mvu ima mbi nga bi vu lambe wari.>>Imba waka ta tsro ri vu lambe-a yo wa ran to gbi wu zhu raa ngaran, ritu a vu lambe kigbu. 7Imba ivren ndu Yeso riwa a nyɨme-u ka la Bitrus ri, >>A he Bachi nye.<<Riwa Bitrus a wo ri a he Bachi nye, ka ban tsro ri ka kpa wan ka nye ngawan ran, ran dza ku rimi ima. 8Imgbron miri ndu Yeso waka ye ri nyun nne-a rimi mvu ima-a, wari ran gbi tsro ri vu lambe riwa a sho ri lambe. Wa ran he kpata ri nyu nne-a ran, a he dza gbigba ri nye hi ri bubu riwa wa ran he. 9Riwa wa zhu ri nyu nne-a, waka to klawulu ri lambe ri tu wan nga vi jujuyɨmo. 10Imba Yeso ka la wa ri,<<Ngɨji lambe wari rimi riwa bi vu-a ye.>>
11Sima Bitrus ka dza hon ri tu mvu ma-a ran gbi tsro ri vu lambe-a riwa a sho ri lambe wa wuloga rimi wan, lambe-a wa he gbigba ri ri seton don tra, ama kau ri kigbu lambe-a itsro ri vu lambe-a a ran gbon ran. 12Yeso ka tre wa ri, <<Ye ri ri yi.>>Njo rimi wa miri ndu wan ka ran to miyen-u ri,<< Wu he ngaa ran?>> Ritu wa to ri a he Bachi nye. 13Imba Yeso ka ye ran ban jujuyɨmo, nga ran ka no wa, nga ran ban lambe ngawen ran ka no wa. 14Rinyi nye a he mkpa ri tra riwa Yeso a zhu ri miri ndu wan kugon riwa a tashime ri bubu kuu.
Yeso Ngha Bitrus
15Kugon riwa wa ri ri kre, Yeso ka la Sima Bitrus ri, <<Sima ivren Yohana, wu nyɨme wen han bibi riwa ngbron nji wa nyɨme wen?>> Ka nyɨme ri, <<Een Bachi, wu to bibi riwa me nyɨme.>> Yeso ka tre wu ri, <<No wa ntɨma won ri.>> 16Imba Yeso ka bru tre wu ri mkpa ri hari, <<Sima ivren Yohana, wu nyɨme wen? >>Sima Ka nyɨme ri, <<Een Bachi, wu to ri me nyɨme-u.>> Yeso ka tre wu ri, <<Ho ntɨma won ri mo.>> 17Yeso ka bru tre wu ri mkpa ri tra ri, <<Sima ivren Yohana, wu nyɨme wen han bibi riwa imgbron nji wa nyɨme wen?>>Bitrus ka ti fu ritu Yeso miyen wawu ri mkpa ri tra ri,<< Wu nyɨme wen?>>Imba Ka tre wu ri, << Bachi, wu to ko ngye; wu to ri me nyɨme-u!>> Yeso ka tre wu ri, <<Ho ntɨma won ri mo. 18Me la-u kpunji tre: riwa wu ran he ri nze wen, wu to wulunde hi ri ko kutan riwa wu wa wuri hi; ama riwa wu kunchon, wu nime wo nga wu ri su tsro wen, injo ri nkan ran suu kpi ri wu ran ngɨzhi-u hi ri bubu riwa wu ran wa wuri hi ran.>> 19Yeso a tre nganyi ritu no tsro bibi kuu riwa Bitrus ri kuu riwa ari ngɨzhi mkpen ye ri Izhi. Imba Yeso ka tre ri wu ri, <<Hu wen!>>
Yeso Ngha Vren Ndu wan ri
20Bitrus ka kɨma ya kugon ran to vren ndu riwa Yeso nyɨme-u-a ri hu wawa, wawu nye a he hyure ri Yeso riwa wa ran ri ri ri ro ri dza gran ran miyen Yeso ri, <<Bachi, ingaa nye ri ka-u re?>> 21Riwa Bitrus a to vren ndu wan riwa a nyɨme-u-a , ka miyen Yeso ri,<<Bachi, ko nji nyi fa?>> 22Yeso ka nyɨme ri wu ri,<< Ka me tre no son hi ri vi riwa me bru ye, rimba ri he ngye ri wu? Hu wen!>> 23Imba itre ka shan kagon rimi wawa wa hu Yeso ri ivren ndu Yeso ran kuu ran. Ama Yeso a ran tre ri a ran kuu ran; a tre ri,<<Ka me wa no son hi ri vi riwa me bru ye, rimba he ngye ri wu?>> 24A he vren ndu riwa a tre ritu kya wanyi, nga ran ngan wa dzi; nga ki to ri ikya riwa a ngan he kpunji.
Ikre Wan
25Zizan, imgbron kyawa kigbu wa he wawa Yeso a ti wa. Wari tre wa ngan wa dzi yiyiri, me ran to ko mgbumgblume wawu ri to ngɨzhi mbe riwa wa ngan ran.
Currently Selected:
JHN - BUU 21: BUU
Highlight
Share
Compare
Copy
Want to have your highlights saved across all your devices? Sign up or sign in
The word for the World International and The word for the World Nigeria
