LUK LUKA- BUU 14
14
Yeso ri Ko Farisa
1Chachu son vɨri ri, Yeso a hi ko riwa ari ri ri ri ko nji Farisa, ka mɨlan ya. 2Kusi wan nji ri a he ri lilo hu kpa. 3Yeso ka mɨyen Farisa nga wa tsro doka Musa, <<A bi riwa wa den nji chachu son vɨri?
4Ama nji-a waka ki gbangbi. ka ndzu nji-a zi nde, ka den ran no hi ngawan. 5Imba Yeso ka mɨyen wa nji-a, <<Ngan rimi mbi ka ivren wan ko nghɨma wan ri joku rimi juju chachu son vɨri a ran gra ran ban wu jo ran?>> 6Wa ran he kya riwa wa tre ran. 7Riwa Yeso a to ri wa tsɨren-a wa ban bubu son ri nkpen ri kpanchi-a, ka la wa tre kɨbu kɨbu: 8<<Ka njo a yowu hi ri bubu ro gran, ran gbuchi son ri bubu ri nkpen ran, ka mbari nji ri nkpen ari ya ye. 9Ka a he kamba, nji riwa a yo yi ye ri ye ran tre ri yi, <No nji nyin bubu son mbi.> Ngha rimi shan wu kɨma hi ri bubu son wen. 10Ama Ka wa yowu nye, ban bubu tsitsa wan, ka nji riwa a yo wu ye, ari tre riwu, <Ikpan, wulunde hi ri bubu dindi wan.> Imba wu he ri nkpen ri kusi wa ngbron nji ri bubu wan. 11Nji riwa a no ngawan nkpen wa gbre wu, nga nji riwa a gbre ngawan wa no nkpen.>>
12Imba Yeso ka tre ri nji riwa a yo wu ye ri ro, <<Ka wu no wa ri ri ji ko iri ri yawulu, ran yo kpanwen, vayi wen ko wa gɨzhi wen, ko wa kukpan wen; ka wa ti, wawa ngawen wa yo wu hi wuri ti zhula riwa wa ti riwu. 13Ka wu yo ro, wuka yo wawa wa ran he ri kyari ran. wa lilo ndzu kpɨre, wa nkpuzhu, wa nfyen, 14nga wu fe dindi. Ko riwa wa ran he ri kya riwa wa han wu ran, waka han wu ri vi riwa wa ti dindi ti wa tashɨme.>>
Ikɨbu Tre Riwa nchon Ro
15Riwa nji ri rimi wawa wa ki riwu ri bubu son ka wo kamba, ka tre ri Yeso, <<Ife he ri nji riwa ari ri ri ri bubu ro ri kpanchison Izhi.>>
16Yeso ka la ri, <<Nji ri a ran mɨlan bubu ro ran ti nga ran yo wa nji bran. 17Ri vi ri ro-a ka ti vrenko wan ri wawa wa yo wa ye ro-a,<Ye, wa mɨlan ko ngye ti.> 18Wawu nji riwa wa yowa wa kpuchi ran tre ri wa ran fe nkon ran, Ri gbuchi a tre, me rebubu, dole me hi miri to. 19<<Ri han wan ka tre, <Me relando ri ron ti wuru, kuma me he ri nkon ri hi bubu tsra wa ri to. Bubwo nowen nkon.> 20<<Iri nga ka tre, me gran wa sisa me ran ya ye ran.> 21<<Ivren ri ndu ka bru ye ran la ri njiriko wan. Nji ri ko-a ka tifu ran la ivren ndu wan, <Hi ra gbagbla ri wɨri bubu nga ri gbu wuri yo nji wa ya, yo wa nkpuzhu, yo wa nfɨyen. yo wa tambere.> 22Imba ka tre,<<<Nji rinkon,>Ivren ndu tre, <<Ikya riwa wu mɨyen mi ti wu, ama hari zizan ngbɨron wa he.> 23<<Imba njiriko ka la ivren ndu wan ri, <Hi ri nkon nga gbu wu ri nowa ye rimi, bibi riwa iko won no shu. 24Yeso ka tre, me la yi kpunji, ko nji riri riwa me yo wa ye ri bi to ri ro won-a!> >>
Ikya wu ti ri he Virenko
25Igbu nji bran wana hi zɨren ri Yeso, ka kɨma ya wa ran tre: 26<<Inde nji riwa ari ye rɨme nga ran ran kawan ri iti wan nga iyi wan ran, iwan wan nga miri, vayi wan roron nga vayi wan vɨruwa-een, kau ri ngawan-ana ya he vren kowon ran. 27Ngha wawu riwa a ran ban Nkpon konkron wan ran huwen ran a ran he vrenko won ran. 28<<Nowa tre iri rimi mbi riwa ran nme ko. Aran ri gbuchi kuson ran bla to kya riwa ari wuu ran to ko a he ri nkren riwa ari nme kre? 29Ka a zi nchi tra ran ran ya mme kre ran, ko ngha riwa a to ari nza-u, 30wa tre, <Nji nyi a gbuchi ran mme ama a ran ya mme kre ran.> 31<<Ko ichu ri ari hi ku ri ichu ri. Aran kuson ran bla to ko a he ri wa klukpa ngo wuru riwa waya tiku ri wawa wa he ngo iseari? 32Ka a ran ya ran, ari tru wari nowa hi ngbɨron mba wa ki kpata wari ran bre riwa wa ki sisron. 33Bibi wan nme, ko ngha rimi mbi riwa a ran de kongye riwa a he riwu ran a ran riya he vrenko won ran. 34<<Ima bi, ama ka a zhu rowan, ari ti rise ran bru ngɨzhi rowan ye nganga? 35Ima-a ran bi riwa ari he meme ko taki meme ran; wa kawu rega. <<Nji riwa a he ton ri wo no wo.>>
Currently Selected:
LUK LUKA- BUU 14: BUU
Highlight
Share
Compare
Copy
Want to have your highlights saved across all your devices? Sign up or sign in
The word for the World International and The word for the World Nigeria
